شي جينپيڭ ىشكى موڭعۇلدا قىزمەت تەكسەرگەندە بىلاي دەپ باسا دارىپتەدى
ستراتەگيالىق ورىندى يگەرىپ، جاسىل دامۋعا تاباندى بولىپ، جۇڭگو ۇلگىسىندەگى وسىزامانداندىرۋدىڭ ىشكى موڭعۇل جاڭا تاراۋىن قۇلشىنا جازۋ كەرەك
ساي چي قىزمەت تەكسەرۋدە بىرگە بولدى
6 - ايدىڭ 7 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدا قىزمەت تەكسەردى. سۋرەتتە: 6 - ايدىڭ 8 - كۇنى تۇستەن بۇرىن شي جينپيڭ كوكحوتتا ىشكى موڭعۇل اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭدادى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
6 - ايدىڭ 7 - كۇنىنەن 8 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدا قىزمەت تەكسەردى. سۋرەتتە: 6 - ايدىڭ 7 - كۇنى تۇستەن كەيىن شي جينپيڭ كوكحوت جۇڭحۋان كاسىپ سالاسى باقشاسىندا قىزمەت تەكسەرۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 6 - ايدىڭ 8 - كۇنى كوكحوتتان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا ىشكى موڭعۇلدا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ ىشكى موڭعۇل جونىندەگى ستراتەگيالىق ورىن تۇراقتاندىرۋىن مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جوعارى ساپالى دامۋدى ىلگەرىلەتۋ سىندى ماڭداي الدى مىندەتتى تىعىز ارقاۋ ەتە وتىرىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، دامۋ مەن حاۋىپسىزدىككە بىردەي ءمان بەرۋگە تاباندى بولىپ، ەكولوگيانى الدىمەن ويلاسۋدى، جاسىل دامۋدى باعدار ەتۋگە تاباندى بولىپ، جاڭا دامۋ ارناسىن قالىپتاستىرۋعا بەلسەنە توعىسىپ جانە قىزمەت وتەپ، ”ەكى قالتقى“، ”ەكى بازا“، ”ءبىر الدىڭعى شەپ“ قۇرۋ جاعىندا جاڭا ىسكەرلىك ايگىلەپ، جۇڭگو ۇلگىسىندەگى وسىزامانداندىرۋدىڭ ىشكى موڭعۇل جاڭا تاراۋىن قۇلشىنا جازۋ كەرەك.
6 - ايدىڭ 7 - كۇنىنەن 8 - كۇنىنە دەيىن شي جينپيڭ باياننور قالاسىندا قىزمەت تەكسەردى ءارى شولەيتتەنۋدەن جالپىلىق ساقتانۋ - تىزگىندەۋدى كۇشەيتۋ جانە ”ءۇش تەرىستىك“ سياقتى ءتۇيىندى ەكولوگيالىق ينجەنەريا قۇرىلىستارىن ىلگەرىلەتۋ اڭگىمە ءماجىلىسىن باسقارىپ اشقاننان كەيىن، ىشكى موڭعۇل اۆتونوميالى رايوندىق پارتكومنىڭ شۋجيى سۇن شاۋچىڭنىڭ، اۆتونوميالى رايوندىق حالىق ۇكىمەتىنىڭ ءتوراعاسى ۋاڭ ليشيانىڭ سەرىك بولۋىندا كوكحوت قالاسىنا كەلىپ تەكسەرۋ - زەرتتەۋ جۇرگىزدى.
6 - ايدىڭ 7 - كۇنى تۇستەن كەيىن شي جينپيڭ جۇڭحۋان كاسىپ سالاسى باقشاسىنا بارىپ قىزمەت تەكسەردى. باقشا رايونى كورمە زالىندا شي جينپيڭ جەرگىلىكتى ورىننىڭ جاڭا ەنەرگيا، جاڭا ماتەريال كاسىپ سالاسىن دامىتۋى، كاسىپ سالاسى قۇرىلىمىن ساپالىلاندىرۋدى، رەتتەۋدى جەبەۋى، جاسىل، تومەن كومىر قىشقىل گازدى دامۋدى ىلگەرىلەتۋى سياقتى جاعدايلار جونىندەگى تانىستىرۋدى تىڭدادى. وسىدان سوڭ شي جينپيڭ ءوندىرىس سەحىنا بارىپ، ونىمدەردىڭ ءوندىرىلۋ بارىسىن سول جەردىڭ وزىندە تەكسەرىپ كورىپ، باقشا رايونىنداعى كاسىپورىنداردىڭ جارتىلاي وتكىزگىش جانە فوتوۆولتتىق ماتەريال سياقتى ونىمدەردى زەرتتەۋ - اشۋ، ءوندىرۋ جاعدايىن تاپتەشتەي ۇعىستى. ول بىلاي دەپ باسا دارىپتەدى: جاسىل دامۋعا تاباندى بولۋ − ءسوزسىز باسىپ وتەتىن جول. ءداستۇرلى ەنەرگيا كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى ىلگەرىلەتىپ، جاسىل ەنەرگيانى زور كۇشپەن دامىتىپ، مەملەكەتتىڭ ماڭىزدى ەنەرگيا بازاسىن زورايتۋ، كۇشەيتۋ ىشكى موڭعۇلدىڭ دامۋىندا بارىنەن ماڭىزدى ورىندا تۇرادى. بۇل جاعىندا ىشكى موڭعۇلدىڭ بەتالىسى ايقىن، جولى دۇرىس، بولاشاعى جارقىن، زور ناتيجە جاراتۋعا بولادى، كەلەشەگى نۇرلى. باقشا رايونىنان اتتاناردا، شي جينپيڭ اتتاندىرىپ سالۋعا كەلگەن كاسىپورىن قىزمەتكەرلەرىنە ىقىلاسپەن بىلاي دەدى: سىزدەر كاسىپورىن مەن باقشا رايونىنىڭ جۇمىستارىن جاقسى جۇرگىزىپ جاتىپسىزدار، كورىپ كوڭىلىم مارقايىپ قالدى. قازىر ءبىز جوعارى دەڭگەيلى عىلىم - تەحنيكادا ءوز كۇشىمىزگە سۇيەنىپ، ءوزىمىزدى الۋەتتەندىرۋىمىز، جاڭا دامۋ ارناسىن قالىپتاستىرۋ ارقىلى عىلىم - تەحنيكانىڭ قيىن وتكەلىنەن قامال الۋىمىز كەرەك. ەل ءىشى ۇلكەن اينالىمىن قالىپتاستىرۋ توتەنشە قيىن جاعدايدا حالىق شارۋاشىلىعىنىڭ قالىپتى اينالىمىنا كەپىلدىك ەتۋ ءۇشىن بولىپ تابىلادى، بۇل حالىقارالىق ەكونوميكالىق اينالىمعا ات سالىسۋمەن قايشى ەمەس. ءبىز جوعارى دەڭگەيدە سىرتقا ەسىك اشۋدى بۇلجىماي اتقارىپ، قاقپانى ايقارا اشىپ قۇرىلىس جۇرگىزىپ، بىرگە سەلبەسىپ تەڭ يگىلىككە كەنەلۋىمىز كەرەك. شي جينپيڭ كاسىپورىن مەن قىزمەتكەرلەردىڭ ۇزدىكسىز قۇلشىنىپ، اناعۇرلىم بيىككە ۇمتىلىپ، تاعى دا تىڭ تابىسقا جەتۋىن تىلەدى.
6 - ايدىڭ 8 - كۇنى تۇستەن بۇرىن شي جينپيڭ ىشكى موڭعۇل اۆتونوميالى رايوندىق پارتكوم مەن ۇكىمەتتىڭ قىزمەت مالىمەتىن تىڭداپ، ىشكى موڭعۇلدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ باسا دارىپتەدى: كاسىپ سالاسى قۇرىلىمىن جەدەل ساپالىلاندىرىپ، باسىمدىققا، ەرەكشەلىككە يە كاسىپ سالالارىن بەلسەنە دامىتۋ كەرەك. ىشكى موڭعۇل − مەملەكەتتىڭ ماڭىزدى ەنەرگيا جانە ستراتەگيالىق بايلىق بازاسى، ەگىن، مال شارۋاشىلىق ونىمدەرىن ءوندىرۋ بازاسى جانە ەلىمىزدىڭ سولتۇستىككە ەسىك اشۋداعى ماڭىزدى الدىڭعى شەبى، كاسىپ سالاسى قۇرىلىمىن ساپالىلاندىرۋدا، ءسوز جوق، وسى ارتىقشىلىقتاردى، ەرەكشەلىكتەردى جانە ستراتەگيالىق ورىندى تياناق ەتىپ، باسىمدىققا، ەرەكشەلىككە يە كاسىپ سالالارىن زور كۇشپەن دامىتىپ، بايلىق تيبىندەگى ءوڭىردىڭ تيپ جاڭالاپ دامۋىنىڭ جاڭا جولىن بەلسەنە قاراستىرىپ، ىشكى موڭعۇلدىڭ ەرەكشەلىگىن، باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرۋ كەرەك. ەنەرگيا كاسىپ سالاسى باسىمدىعىن ويداعىداي ساۋلەلەندىرىپ، وسى زامانعى ەنەرگيا ەكونوميكاسى سىندى وسى جۇمىستى ويداعىداي ىستەۋ كەرەك. ستراتەگيالىق بايلىق باسىمدىعىن ويداعىداي ساۋلەلەندىرىپ، ستراتەگيالىق بايلىقتاردى قورعاۋ سيپاتتى اشۋدى، جوعارى ساپالى پايدالانۋدى، ولشەمدەندىرىپ باسقارۋدى كۇشەيتىپ، ەنەرگيا بايلىعىن سول جەردىڭ وزىندە جىنتىكتەي وڭدەۋدى كۇشەيتىپ، ستراتەگيالىق بايلىق كاسىپ سالاسىن ويداعىداي دامىتۋ كەرەك. ەگىن، مال شارۋاشىلىعى باسىمدىعىن ويداعىداي ساۋلەلەندىرىپ، جەر، عىلىم - تەحنيكا، تۇقىم قاينارى، سۋ، ءشوپ سياقتى جاقتاردان كىرىسىپ، ەگىن، مال شارۋاشىلىعىنىڭ وڭىرلىك ورنالاسۋىن جانە ءوندىرىس قۇرىلىمىن ورنىقتى قاداممەن ساپالىلاندىرىپ، ەگىن، مال شارۋاشىلىعىنىڭ تيىپ جاڭالاپ دامۋىن ىلگەرىلەتىپ، ەكولوگيالىق ەگىن، مال شارۋاشىلىعىن زور كۇشپەن دامىتىپ، ەگىن، مال شارۋاشىلىعى ونىمدەرىن جىنتىكتەي وڭدەۋدى جانە جاسىل، ورگانيكالى ماركا سومداۋدى ويداعىداي يگەرىپ، 1 -، 2 -، 3 - كاسىپتەردىڭ توعىسا دامۋىن جەبەپ، ەگىن، مال شارۋاشىلىعىنىڭ جوعارى ساپالى دامۋىن ىلگەرىلەتۋ كەرەك. ”ءبىر بەلدەۋ، ءبىر جولدى“ بىرگە قۇرۋعا جانە جۇڭگو − موڭعۇليا − رەسەي ەكونوميكالىق ءدالىزى قۇرىلىسىنا بەلسەنە ات سالىسىپ، سىرتقا ەسىك اشۋ دەڭگەيىن جوعارىلاتىپ، ەلىمىزدىڭ سولتۇستىككە ەسىك اشۋداعى ماڭىزدى الدىڭعى شەبىن قۇرىپ، ەل ءىشى، حالىقارا سىندى قوس اينالىمدى ۇلاستىرۋ - تۇتاستىرۋ بارىسىندا اناعۇرلىم زور رول اتقارۋ كەرەك. بەيجيڭ − تيانجين − حىبەيمەن، چاڭجياڭ اتىراۋىمەن، گۋاڭدۇڭ − شياڭگاڭ − اۋمىن ۇلكەن شىعاناق رايونىمەن جانە شىعىستاعى 3 ولكەمەن ۇلاستىرۋ - تۇتاستىرۋدى كۇشەيتىپ، ەل ءىشى، حالىقارا سىندى قوس اينالىمعا اناعۇرلىم ويداعىداي توعىسۋ كەرەك.
شي جينپيڭ بىلاي دەپ اتاپ كورسەتتى: ەلىمىزدىڭ سولتۇستىك ماڭىزدى ەكولوگيالىق حاۋىپسىزدىك قالتقىسىن بەرىك ورناتۋ − ىشكى موڭعۇل، ءسوز جوق، ەستە بەرىك ساقتايتىن ”مەملەكەتتىڭ ءىرى ءىسى“. تاۋ، سۋ، ورمان، اتىز، كول، جايلىم، قۇمدى ءشولدى جالپىلىق جونگە سالۋدى ءبىر تۇتاس جوسپارلاپ، بەيجيڭ − تيانجيننىڭ قۇمدى بوران قاينارىن تىزگىندەۋ، ”ءۇش تەرىستىك“ ىقتاسىن ورمان جۇيەسى قۇرىلىسى سياقتى ءتۇيىندى ينجەنەريالاردى دەن قويا ۇيىمداستىرىپ اتقارىپ، ەكولوگيانى قورعاۋ قىزىل سىزىق باسقارۋىن كۇشەيتىپ، ەگىستىك جەردى قايتارىپ، ورماندى قالپىنا كەلتىرۋدى، مال باعۋدى شەكتەپ، جايلىمدى قالپىنا كەلتىرۋدى، جايلىم مەن مال تەپە - تەڭدىگىن ساقتاۋدى، مال باعۋعا تيىم سالىپ، جايلىمدى تىنىقتىرۋدى تياناقتاندىرىپ، تابيعي ورماندى قورعاۋدى جانە سۋ مەن توپىراقتى ساقتاۋدى كۇشەيتىپ، جايلىم، ورمان، وزەن، كول، سازدىقتاردى تىنىقتىرۋ - تىڭايتۋدى تاباندىلىقپەن اتقارىپ، كۇلۇن كولى، ۇلانسۇحا، داعىننور كولى سياقتىلاردىڭ سۋ ەكولوگياسىن جالپىلىق وڭاۋدى جەدەلدەتىپ، شولەيتتەنۋدى تىزگىندەۋ مەن سازدىقتى قورعاۋدى كۇشەيتىپ، اتموسفەرانىڭ، سۋدىڭ، توپىراقتىڭ لاستانۋىنان ساقتانۋدى جانە ونى وڭاۋدى كۇشەيتىپ، وتانىمىزدىڭ سولتۇستىك شەكاراسىندا 10 مىڭ شاقىرىمدىق جاسىل قورعان تۇرعىزۋىمىز كەرەك. ”جاسىل جامىلعى كوبەيىپ، قۇم شەگىنۋدەي“ تاماشا جاعدايدى ونان ارى بەكەمدەپ جانە دامىتىپ، تۇرگە ايىرىپ شارا اتقارىپ، كۇشتى شوعىرلاندىرا وتىرىپ ءتۇيىندى وڭىرلەردە قۇمايتتانۋدان ساقتانۋدى، قۇمدى تىزگىندەۋدى كەڭ كولەمدى ورىستەتىپ، قۇمدى تىزگىندەۋ ۇلگىسىندە ۇزدىكسىز جاڭالىق اشىپ، قۇمدى تىزگىندەۋدىڭ جالپىلىق ونىمدىلىگىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: بۇكىل ەل جونىنەن العاندا، جالپى حالىقتىڭ بىرگە بايۋىن ىلگەرىلەتۋدىڭ ەڭ جاپالى مىندەتى شەكاراداعى ءىشىنارا ۇلتتىق وڭىرلەردە. بىرگە بايۋعا بەت الۋ جولىندا شەكاراداعى وسى ۇلتتىق وڭىرلەردىڭ قاتاردان قالۋىنا بولمايدى. حالىقتى وزەك ەتۋگە تاباندى بولىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا اناعۇرلىم باسا ءمان بەرىپ، حالىق تۇرمىسىنداعى ولقىلىقتاردى تولىقتاپ، حالىق تۇرمىسىنىڭ ىرىس - قۇتىن ارتتىرىپ، ءار ۇلت حالقىنا ورتاق بايۋدى ىلگەرىلەتۋدىڭ ءجۇرىلىپ جاتقاندىعىن، قاسىندا ەكەندىگىن شىنايى سەزىندىرۋ كەرەك. جۇمىستاندىرۋدى الدىمەن ويلاستىرۋ ساياساتىن جاپپاي تياناقتاندىرىپ، اناعۇرلىم جان - جاقتىلى، اناعۇرلىم جوعارى ساپالى جۇمىستاندىرۋدى ىلگەرىلەتۋدى، جۇزەگە اسىرۋدى كورنەكتى ورىنعا قويىپ، ساياسات جۇيەسىن كەمەلدەندىرىپ، باۋلۋ قىزمەت وتەۋىن كۇشەيتىپ، اۋىرتپالىقتى ازايتاتىن، قىزمەت ورنىن ورنىقتىراتىن، جۇمىستاندىرۋدى كەڭەيتەتىن ساياسات - شارالاردى دالمە - ءدال، ءونىمدى اتقارىپ، كوپ ارنالى يكەمدى جۇمىستانۋدى قولداپ، جوعارى مەكتەپ بىتىرگەن وقۋشىلار، قوسىننان شەگىنگەن اسكەريلەر، شارۋا جۇمىسكەرلەر سياقتى قاۋىمدى جۇمىستاندىرۋدى ءتۇيىندى تۇردە ويداعىداي يگەرۋ كەرەك. جۇمىستاندىرۋ ارناسىن اشىپ، كەدەيلىكتەن ارىلعان وتباسىلار، ەڭ تومەنگى تۇرمىسى قامتاماسىز ەتىلەتىن وتباسىلار، بىردە - ءبىر ادامى جۇمىستانباعان وتباسىلار، مۇگەدەكتەر سياقتى قيىنشىلىعى بارلاردى جۇمىستاندىرۋ بويىنشا ەڭ تومەنگى شەكتەن تۇسىرمەي كومەكتەسۋ - سۇيەمەلدەۋدى كۇشەيتۋ كەرەك. كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرىپ، قامسىزداندىرۋعا قاتىناسۋ كولەمىن كەڭەيتۋدى ىلگەرىلەتىپ، قوعامدىق قۇتقارۋ - كومەكتەسۋ، ەمدەۋ جاعىنان قۇتقارۋ - كومەكتەسۋ، ەڭ تومەنگى تۇرمىسى قامتاماسىز ەتىلەتىن جانە قيىنشىلىعى بار وتباسىلارىن قامتاماسىز ەتۋ، سۇيەمەلدەۋ شارالارىن كوبەيتىپ، زەينەتكەرلىك ىستەرى مەن زەينەتكەرلىك كاسىپ سالاسىن دامىتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كەدەيلىكتەن ارىلعان اۋدانداردىڭ جەدەل دامۋىن جەبەۋدى نەگىزگى قامال الۋ بەتالىسى ەتىپ، كەدەيلىكتەن ارىلعان وڭىرلەردىڭ جانە كەدەيلىكتەن ارىلعان بۇقارانىڭ ىشكى دامۋ قوزعاۋشى كۇشىن نىعايتىپ، كولەمدى قايتا كەدەيلەسۋ تۋىلماۋ تومەنگى شەگىن باتىل ساقتاۋ كەرەك. ”ءاردايىم قام جەپ تۇراتىن“ جاۋاپكەرشىلىك سەزىممەن ءوندىرىس حاۋىپسىزدىگىن ويداعىداي يگەرىپ، ءتۇزىمدى كەمەلدەندىرىپ، جاۋاپكەرشىلىكتى تياناقتاندىرىپ، ەلەۋلى حاۋىپسىزدىك شىرعالاڭدارىنىڭ تۋىلۋىنان ەڭ زور قۇلشىنىسپەن ساقتانىپ، حالىق بۇقاراسىنىڭ ءومىرىنىڭ، مال - مۇلكىنىڭ حاۋىپسىزدىگىن ويداعىداي قورعاۋ كەرەك.
شي جينپيڭ بىلاي دەپ اتاپ كورسەتتى: جۇڭحۋا ۇلتى ورتاق تۇلعا تانىمىن بەرىك ورناتۋ − جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ءارى ۇلتتىق وڭىرلەردىڭ ءتۇرلى قىزمەتىنىڭ نەگىزگى جەلىسى. ۇلتتىق وڭىرلەردىڭ ەكونوميكالىق قۇرىلىسى، ساياسي قۇرىلىسى، مادەنيەت قۇرىلىسى، قوعامدىق قۇرىلىسى، ەكولوگيالىق وركەنيەت قۇرىلىسى جانە پارتيا قۇرىلىسى سياقتىلاردىڭ بارلىعى وسى نەگىزگى جەلىنى تىعىز ارقاۋ ەتۋى، ودان تيتتەي دە اۋىقتىماۋى كەرەك. مەيلى زاڭ، زاڭ - ەرەجە، الدە ساياسات - شارا شىعارۋدا بولسىن، بارلىعىندا جۇڭحۋا ۇلتىنىڭ ورتاقتىق سيپاتىن كۇشەيتۋدى، جۇڭحۋا ۇلتى ورتاق تۇلعا تانىمىن كۇشەيتۋدى كوزدە ۇستاۋ كەرەك. مەملەكەت ءبىر تۇتاس قۇراستىرعان وقۋلىقتاردى بۇلجىماي جاپپاي جالپىلاستىرىپ، پايدالانىپ، ءار ۇلت جاستارى مەن ورەندەرىنىڭ مەملەكەتتە ءبىر تۇتاس قولدانىلاتىن ءتىل - جازۋدى ويداعىداي يگەرۋىنە جانە قولدانۋىنا شىنايى كەپىلدىك ەتۋ كەرەك. قالا، اۋىل قۇرىلىسىن ورنالاستىرۋ جوباسىن جانە الەۋمەتتىك قىزمەت وتەۋ بايلىعىن ۇلەستىرۋدى ءبىر تۇتاس جوسپارلاپ، ءار ۇلت بۇقاراسى بىرگە تۇرىپ، بىرگە ۇيرەنەتىن، بىرگە قۇرىپ، بىرگە يگىلىكتەنەتىن، بىرگە ىستەپ، بىرگە شاتتاناتىن اناعۇرلىم كەمەلدى قوعامدىق شارت - جاعداي ازىرلەۋ كەرەك.
شي جينپيڭ بىلاي دەپ باسا دارىپتەدى: شوعىرلى تاربيە ارقىلى بۇكىل پارتيانىڭ وزىنە - ءوزى توڭكەرىس جاساۋ رۋحىمەن پارتيا ستيلى جاعىنداعى كورنەكتى ماسەلەلەردى شەشۋدى ىلگەرىلەتۋ − ماڭىزدى تاريحي تاجىريبە. حالىق بۇقاراسى نەگىزگى تاقىرىپتىق تاربيەنىڭ ءونىمدى بولعان - بولماعاندىعىن پارتيا ستيلى جاعىندا ورىن تەپكەن ماسەلەلەردىڭ شەشىلگەن - شەشىلمەگەندىگىنە، پارتيا مۇشەلەرى مەن كادرلار ستيلىندە كورنەكتى ىلگەرىلەۋشىلىك بولعان - بولماعاندىعىنا قاراۋ ارقىلى ەڭ تىكە سەزىنەدى. ۇيرەنۋ ارقىلى ستيلدى دۇرىستاۋدى شىنايى يگەرىپ، نىسانانى باعدار ەتۋ مەن ماسەلەنى باعدار ەتۋدى ۇشتاستىرۋعا، ۇيرەنۋدى، تەكسەرۋدى، تۇزەتۋدى ساباقتاستىرۋعا تاباندى بولىپ، پارتيا ستيلىنىڭ تالاپتارىنا ولشەم بويىنشا تۋرالانىپ پارىقتاردى تاۋىپ، پارتيالىلىق تالاپقا تالاپ بويىنشا تۋرالانىپ قاينارىن تەكسەرىپ، پارتيا ءتارتىبىنىڭ تالابىنا سالىستىرىپ شارانى ايقىنداپ، قاداعالاۋدىڭ، رەتتەۋ - تۇزەتۋدىڭ ناقتى ونىمدىلىگىن كۇشەيتۋ كەرەك. ناقتى ءىس ىستەۋ ستيلىن بارىنشا ساۋلەلەندىرىپ، تەكسەرۋ - زەرتتەۋدى ويداعىداي يگەرىپ، ناقتى جاعدايدى تەكسەرۋ، ناقتى امال كورسەتۋ، ناقتى ونىمدىلىككە تالپىنۋ جاعىندا كۇش سالىپ، قىزمەتتى تىڭعىلىقتى يگەرىپ، نەگىزدى مىقتى قالاپ، قادامدى نىق باسىپ، فورماشىلدىقتان، تورەشىلدىكتەن باتىل ساقتانۋ جاعىندا كورنەكتى ماندىك ىلگەرىلەۋشىلىككە قول جەتكىزىپ، وسى رەتكى نەگىزگى تاقىرىپتىق تاربيەنى وراي ەتىپ، تەكسەرۋ - زەرتتەۋدى كەڭىنەن ورىستەتۋ كەرەك. پاكتىك ستيلىن اسقاقتاتىپ، ءار دارەجەلى باسشى كادرلاردى دۇرىس ۇقىق كوزقاراسىن بەرىك ورناتۋعا تاربيەلەپ، پاكتىك حاۋىپ - قاتەرى تۇيىندەرىن جاپپاي تەكسەرىپ تاۋىپ، يدەيالىق قورعانىس شەبىن بەرىك ورناتىپ، زاڭ - ەرەجە قىزىل سىزىعىن باتىل ساقتاۋ كەرەك. شىرىكتەسۋگە باتىلدىق ەتكىزبەۋ، شىرىكتەسۋگە مۇمكىندىك بەرمەۋ، شىرىكتەسۋدى ويىنا الدىرماۋ تالابى بويىنشا قاتىستى تۇزىمدەردى اقاۋسىزداندىرىپ، ءتارتىپتى قاتاڭ اتقارىپ، قورعانىس شارباعىن ويداعىداي قۇرۋ كەرەك. قاراپايىمدىلىق ستيلىن قالىپتاستىرىپ، تۇرمىس ستيلى ماسەلەسىن قاداعالاۋدىڭ، رەتتەۋ - تۇزەتۋدىڭ ماڭىزدى مازمۇنى ەتىپ، قالىڭ پارتيا مۇشەلەرى مەن كادرلاردى وي - سانانى سەرگەك ۇستاۋعا قۋزاپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن دايەكتىلەندىرۋ، تياناقتاندىرۋ توسپاسىن بەكەمدەۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، ورتالىق نەگىزگى تاقىرىپتىق تاربيە 1 - جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.