تيانشان تورى - شينجياڭ گازەتىنىڭ ٴتىلشىسى گان شيڭحۋا
ءبىر ستاكان شاي ىشە وتىرىپ گازەت كورۋ، شاعىن رايونداعى ماسەلەلەردى تالقى ەتۋ، وتباسى تۇرمىسىنداعى ىستەردى اڭگىمەلەۋ ... ابلەز مامەت 71 جاستا، نيۋ پىڭفي 44 جاستا، 5 جىلدان بەرى ولار ٴبىر - بىرىمەن بىرتە - بىرتە ارالاسىپ ىشتەسىپ كەتتى، جاس شاماسىن ۇمىتقان وسى ەكى ادام بۇرىنعى بەيتانىس ادامنان ٴبىر وتباسىنىڭ ەڭ جاقىن ادامدارىنا اينالدى.
نيۋ پىڭفي ٴۇرىمجى قالاسى قالانى الەۋمەتتىك جارىقتاندىرۋ باقىلاۋ ـ ولشەۋ ورتالىعىنىڭ جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) بەيجيڭ جولى ٴمالىسى جۇڭيڭگۇڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ٴبىرىنشى شۋجيى، اترەت باستىعى، 2018 ـ جىلى جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) گۇيجوۋ جولى سولتۇستىك 1 ـ كوشەسى شينجينيۋان شاعىن اۋماعىنىڭ تۇرعىنى ابىلەزبەن جۇپ قۇراپ تۋىس بولعالى ول ۇنەمى قارتتىڭ ۇيىنە بارىپ، ءتۇرلى ماسەلەلەرىن شەشۋگە كومەكتەسىپ كەلدى.
50 جىلدىق پارتيا ستاجى بار ابىلەز زەينەتكە شىققاننان كەيىن، كىتاپ كورىپ، گازەت وقۋدان سىرت، شاعىن رايوننىڭ الەۋمەتتىك ىستەرىنە دە ۇنەمى كوڭىل بولىپ كەلدى. ”شاعىن رايوننىڭ اۋلاسىنداعى تاس ورىندىق بۇزىلعاندا ەشكىم جوندەمەدى، جول بەتى ويلى - شۇڭقىر بولىپ تۇرعىندار اياعىن جارالادى ... ”ابىلەز بەن نيۋ پىڭفي ۇنەمى شاعىن رايونداعى تۇرعىندار جولىققان ماسەلەلەر جونىندە اڭگىمەلەسەدى، نيۋ پىڭفي دا امالىن تاۋىپ سايكەستىرىپ شەشۋگە كومەكتەستى. ۋاقىت ۇزارا كەلە ابىلەز جۇمىستى تىندىرىمدى ىستەيتىن وسى تۋىسىمەن بارعان سايىن جاقىنداسىپ كەتتى.
”كەشە سىرتقا شىعىپ سەيىلدەپ جۇرگەنىمدە، كورشىلەردىڭ ٴبارى مەنىڭ جاقسى تۋىسىم بار ەكەنىن، ونىڭ بۇزىلعان جولدى جوندەپ بەرگەنىن ايتىپ ماقتاسىپ جاتتى“،- دەدى 5 - ايدىڭ 21 - كۇنى تۇستەن كەيىن ابىلەز نيۋ پىڭفيدى كورگەن جەردەن قۋانا.
ابىلەزدىڭ ەكى ۇلى بار. كىشى ۇلى عانيجان ابىلەز قازىر اسحانا اشىپ، ساۋداسىن دەڭگەلەك اينالدىرىپ وتىر. ٴار كۇنى تاڭەرتەڭ ساعات 5تە عانيجان اسحاناعا كەرەكتى ماتەريال - زاتتاردى ساتىپ الادى، قاربالاستىقتان قولى بوساماي ءتۇننىڭ ءبىر ۋاعىندا ۇيىنە ارەڭ قايتادى، اكە - شەشەسىمەن ٴبىر شاعىن رايوندا تۇرعانىمەن، اكە - شەشەسىنە امانداسا بارعانعا دا مۇرساسى تيمەي جاتادى.
”اكە - شەشەمە سەرىك بولۋعا كەيدە مۇرسامىز تيمەي قالادى، ٴبىر ٴتاۋىرى، نيۋ اعام ۇنەمى اكە - شەشەممەن اڭگىمەلەسىپ، ولاردى تاماققا ەرتىپ كەتەدى، شەشەم كينونى ۇناتىپ كورەتىن، نيۋ اعام ول كىسىنى كينو كورۋگە ەرتىپ باردى. مۇنىڭ ٴبارى مەنىڭ ىستەۋگە ٴتيىستى ىستەرىم ەدى، نيۋ اعام ماعان كومەكتەسىپ كەلەدى “، ـ دەدى عانيجان كۇلىپ. ول ءوزىنىڭ ”تۋىس اعاسى“ بار ەكەنىن ماقتانا اۋىزىنا الدى.
ٴۇرىمجى قالاسى قالانى الەۋمەتتىك جارىقتاندىرۋ، باقىلاۋ - ولشەۋ ورتالىعىنىڭ جوعارى، جاڭا تەحنيكالىق كاسىپ سالالارىن اشۋ رايونى (جاڭا قالا رايونى) بەيجيڭ جولى ٴمالىسى جۇڭيڭگۇڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ ٴبىرىنشى شۋجيى، اترەت باستىعى نيۋ پىڭفي مەن ابىلەز مامەت ۇنەمى اڭگىمەلەسىپ، كىتاپ وقيدى. سۋرەتتى گو زىڭميڭ تۇسىرگەن
نيۋ پىڭفي حىبەيلىق، اسكەرگە قابىلدانىپ شينجياڭعا كەلگەن، قىزمەت سەبەبىنەن اكە - شەشەسىمەن كوبىندە بىرگە تۇرا المادى. ابىلەزدىڭ جۇبايى رىسالات نياز نيۋ پىڭفيدىڭ پىسىرىلعان قوي ەتى مەن پالاۋدى ءسۇيىپ جەيتىنىن بىلگەننەن كەيىن، ۇنەمى ءدامدەپ جاساپ، ونى ۇيىنە كەلىپ تاماقتانۋعا ۇسىنىس ەتەدى، كەتەرىندە ۇنەمى ٴدامدى - قۇجىر دايىنداپ، نيۋ پىڭفيدىڭ بالاسىنا بەرۋىنە تابىستايدى. نيۋ پىڭفيدىڭ شەشەسىنىڭ بەلى جاقسى ەمەس ەكەنىن بىلگەن رىسالات باسقالارعا قاتىستى ەم - دوم دايىنداتىپ، نيۋ پىڭفيعا شەشەسىنە جىبەرىپ بەرۋدى تاپسىرادى. نيۋ پىڭفي: بۇل جەردە ۇلكەندەردىڭ بىزگە كوڭىل بولگەندەگى باقىتتى سەزىنۋگە بولادى،- دەدى.
ۋاقىت كوز ىلەستىرمەي سىرعىدى، 5 جىلدا نيۋ پىڭفي دەرلىكتەي كۇن سايىن ابىلەزبەن حابارلاسىپ تۇردى، ول كىسىنىڭ جانە جۇبايىنىڭ دەنساۋلىق جاعدايىن ۇعىسىپ، دەمالىس كۇندەرى دە قارتتارمەن بىرگە بولدى.
”قاريانىڭ مەنىمەن اۋىز جاپپاي اڭگىمەلەسكەنىن ەستىپ، ولاردىڭ جاس كەزىندەگى قىزىقتى ىستەرىن ەسكە العاندا، اتا ـ اناممەن بىرگە بولعانداي سەزىنەمىن، ۇزاق ۋاقىت ارالاسا كەلە ٴبىر ٴۇيلى جانعا اينالىپ كەتتىك“، ـ دەيدى نيۋ پىڭفي.