5 - ايدىڭ 8 - كۇنى ءۇرىمجى قالالىق ورتا دارەجەلى حالىق سوتى مەكەمەسىنىڭ تيانشان رايونى يان - ان جولى ءمالىسى چىنگۋاڭ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى الەۋمەتتىك اۋماقپەن بىرگە ”ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىن وتكىزدى، كوپشىلىك ءدامدى تاعامداردان بىرگە اۋىز ءتيىپ، ارقا - جارقا كەڭەس قۇرىپ، ۇلتتار ىنتىماعى سۇيىسپەنشىلىگىن تىلگە تيەك ەتتى. سۋرەتتى سۇن جىنسۇڭ تۇسىرگەن
5 - ايدىڭ 5 - كۇنى كۇشار قالاسى وچا قالاشىعىنىڭ كادرى شى شۋيا (سولدا) وچا 3 - قىستاعىندا جۇپ قۇراعان تۋىسى ساۋ سۇيشيامەن بىرگە قىزاناق جيناپ، مول ءونىمنىڭ شاتتىعىن سەزىندى. سۋرەتتى ۋ يۋە تۇسىرگەن
5 - ايدىڭ 8 - كۇنى لوپنۇر اۋداندىق حالىق ىستەرى مەكەمەسىنىڭ كادرلارى مەن جۇپ قۇراعان تۋىستارى لوپنۇر مۇراجايىندا ”ۇلتتار ىنتىماعىنىڭ بەرەكەلى شاڭىراعى، تۋىسىممەن بىرگە تۋعان جەردى ارالايمىن“ بىرلەسكەن دوستىق قيمىلىن ورىستەتىپ، تۋعان جەردىڭ كوز قۋانتار جاڭالىقتارىن سەزىندى. سۋرەتتى ۋاڭ جىپىڭ تۇسىرگەن
5 - ايدىڭ 8 - كۇنى ساۋان قالالىق حالىق ۇكىمەتى كەڭسەسىنىڭ شاڭحۋدي اۋىلى شياۋكىڭ قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي جۋ چيۋچين (وڭدا) جۇپ قۇراعان تۋىسى مۇحامەت يلاحۇنمەن بىرگە شابدالى گۇلىن تاماشالادى. سۋرەتتى لان ليڭ تۇسىرگەن
5 - ايدىڭ 4 - كۇنى چەرچەن اۋداندىق 2 - ورتا مەكتەپتىڭ الاڭىندا حىبەيلىق وقۋ - اعارتۋعا كومەكتەسۋشى مۇعالىم حوۋ چاۋرۋ (ورتادا) كەزىندە وزىنەن وقىعان ەكى وقۋشىسى ناديرا ياسىن (سولدا) جانە ۋي شياۋيامەن (وڭدا) وقىتۋ تاجىريبەسى تۋرالى اۋىس - كۇيىس جاساۋدا. 23 جىلدان بەرى حىبەيلىق وقۋ - اعارتۋعا كومەكتەسۋشى مۇعالىم ءوزىنىڭ قاجىرلى ەڭبەگى ارقىلى توپ - توپ ۇزدىك وقۋشىلاردى تاربيەلەپ شىقتى. سۋرەتتى سۋ شين تۇسىرگەن
5 - ايدىڭ 7 - كۇنى اتۇش قالاسى گۋاڭميڭ جولى ءمالىسى جيانشى جولى الەۋمەتتىك اۋماعى كىجيان شينسۇن شاعىن رايونىندا ءار ۇلت تۇرعىندارى ءان شىرقاپ، بيگە باسىپ، دۋمانمەن باس قوستى. سۋرەتتى تيانشان تورى - شينجياڭ گازەتىنىڭ ءتىلشىسى وتكىر نيجات تۇسىرگەن
تيانشان تورى - شينجياڭ گازەتىنىڭ ءتىلشىسى شى جيشىن
كەڭ كوسىلگەن شينجياڭ، كوركەمدىكتىڭ تۇنعان جەرى، تاۋى دا، وزەنى دە كوركەم، ادامدارىنىڭ جانى ونان دا كوركەم.
تيانشان الابىنا كوز سالعاندا جەر - جەردەن جايقالا اشىلعان ۇلتتار ىنتىماعىنىڭ گۇلى كوزگە شالىنادى. اتىز باسىندا، زاۆود سەحىندا ... ادامدار اعا - باۋىرداي ەتەنە بولىپ، ءبىر - بىرىنە قارايلاسىپ، كورىكتى مەكەندى بىرگە قۇرىپ، كوركەم بولاشاقتى بىرگە جاراتادى.
شينجياڭنىڭ كەڭ - بايتاق دالاسىن ارالاپ شىعار بولساڭىز، ۇلتتاردىڭ كەڭ كولەمدە ارالاسقان، جان - جاقتى ىشتەسكەن، تەرەڭدەي توعىسقان حيكايالارىن مولىنان كەزدەستىرەسىز، ساناپ تاۋىسا المايسىز. جۇڭحۋا ۇلتى ورتاق تۇلعا تانىمى ادامداردىڭ كوڭىل تۇكپىرىنە تەرەڭ تامىر تارتىپ، گۇلدەپ، جەمىس بەرىپ وتىر. ادامداردىڭ بىرگە ۇيرەنگەنى، باقىتتى تۇرمىس كەشىرگەنى، تاتۋ - ءتاتتى بولۋى شينجياڭ دالاسىنداعى ەڭ كورىكتى كورىنىس سانالادى.
قول ۇستاسا دامۋ جولىن بىرگە اشتى، ىنتىماق گۇلى جايقالىپ، باقىتتىڭ لەبى ەستى. شينجياڭداعى ءار ۇلت حالقى ۇلتتار ىنتىماعىن كوز قاراشىعىن قورعاعانداي قورعاپ، ۇلتتار ىنتىماعىن ءوز ءومىرىن قاستەرلەگەندەي قاستەرلەپ، اناردىڭ دانىندەي تىعىز ۇيىستى.