ما شيڭرۇي ءسوز سويلەدى

ەركىن تۇنياز باسقاردى، حى جۇڭيوۋ قاتىناستى

　　6 - ايدىڭ 3 - كۇنى ”ءبىر بەلدەۋ، ءبىر جول، سالاماتتى شينجياڭ“ حۋاشيا اكادەميك، ماماندارى شينجياڭ ساپارى بۇكپەسىز اڭگىمە ءماجىلىسى ۇرىمجىدە وتكىزىلدى.

□سۋرەتتى انار بۇلت \شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 6 - ايدىڭ 3 - كۇنى ۇرىمجىدەن حابارلايدى. ”ءبىر بەلدەۋ، ءبىر جول، سالاماتتى شينجياڭ“ حۋاشيا اكادەميك، ماماندارى شينجياڭ ساپارى بۇكپەسىز اڭگىمە ءماجىلىسى 6 - ايدىڭ 3 - كۇنى ۇرىمجىدە وتكىزىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى، باس شۋجي شي جينپيڭنىڭ سالاماتتى جۇڭگو قۇرىلىسى جونىندەگى ماڭىزدى بايىمداۋلارىن ىشكەرىلەي دايەكتىلەندىرۋدى ارقاۋ ەتىپ، شينجياڭنىڭ دامۋداعى ستراتەگيالىق ورنىن كوزدەپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋ، شينجياڭنىڭ ەمدەۋ - سالاماتتىق ىستەرىنىڭ جوعارى ساپالى دامۋىن ىلگەرىلەتۋ جونىندە 2 اكادەميانىڭ ءبىر ءبولىم اكادەميكتەرىمەن جانە شينجياڭنىڭ ءىشى - سىرتىنداعى ەمدەۋ - سالاماتتىق سالاسىنداعى مامان، وقىمىستىلارمەن سەلبەستىكتى بىرگە اقىلداسىپ، دامۋدى بىرگە جوسپارلادى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز باسقاردى. اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ، جۇڭگو ينجەنەريا اكادەمياسىنىڭ اكادەميكتەرى حان دىمين، چىن شياڭمەي، ياڭ باۋفىڭ، سۇڭ بين، لين دۇڭشين، جياڭ باۋگو، جياڭ جيانشين، وشۇر ءسىلام، جۇڭگو عىلىم اكادەمياسىنىڭ اكادەميكتەرى گى جۇنبو، شاۋكەت ساليحوۆ، شياۋ ۋىنجياۋ قاتىناستى.

　　بۇكپەسىز اڭگىمە ءماجىلىسى دۋماندى ءوتتى، اكادەميكتەر، ماماندار شينجياڭداعى تەكسەرۋ، زەرتتەۋ جەتىستىكتەرىنە بىرلەستىرىپ، نازاردى شينجياڭنىڭ ەمدەۋ - دەنساۋلىق ساقتاۋ، دامۋ قاجەتى سياقتىلارعا شوعىرلاندىرىپ، پىكىر اۋىستىرىپ، ءسوز سويلەدى، اقىل - كەڭەس بەردى.

　　حان دىمين شينجياڭنىڭ ەمدەۋ - دەنساۋلىق ساقتاۋ قىزمەت وتەۋىنە، بيولوگيالىق ءدارى - دارمەك جانە ەمدەۋ جابدىقتارى جاعىندا جاڭالىق اشۋعا، ۇلتتىق شيپاگەرلىكتىڭ، دارىگەرلىكتىڭ قازىرگى دامۋ جاعدايىنا جانە ورىن تەۋىپ وتىرعان ولقىلىقتارعا تالداۋ جاساپ، بيولوگيالىق ءدارى - دارمەك جانە ەمدەۋ جابدىقتارىنىڭ مەملەكەتتىك ءتۇيىندى تاجىريبەحاناسىن، ورتا ازيا، باتىس ازيا حالىقارالىق مەديتسينا ورتالىعىن، سالاماتتىقتى عىلمي زەرتتەۋ ورنىن قۇرۋ سياقتىلار توڭىرەگىندە ۇسىنىسىن ورتاعا قويدى ءارى ءتۇيىندى نىسان اتقارۋ، بيولوگيالىق ءدارى - دارمەك جانە ەمدەۋ جابدىقتارى جاعىندا جاڭالىق اشۋ قابىلەتىن جوعارىلاتۋ جونىندە پىكىر بەردى.

　　چىن شياڭمەي مىنانى ءبىلدىردى: ءوندىرىس، ۇيرەنۋ، زەرتتەۋ سەلبەستىگىن تەرەڭدەتىپ، ۇلتتىق شيپاگەرلىك، دارىگەرلىك جونىندەگى بايىرعى كىتاپتاردى، جازبالاردى جيناۋدى، رەتتەۋدى، بايلىقتى اشۋدى، حالىقارالىق سەلبەستىكتى جانە دارىندىلاردى باۋلۋدى كۇشەيتىپ، ۇلكەن ساندى مالىمەتتەن جانە جاساندى زەردەدەن پايدالانىپ ۇلتتىق شيپاگەرلىكتى، دارىگەرلىكتى ولشەمدەندىرىپ دامىتۋدى جانە دارىلەردى زەرتتەپ اشۋدى جەبەپ، كوپ ءتۇرلى ءپاندى توعىستىرا وتىرىپ شينجياڭنىڭ ۇلتتىق شيپاگەرلىگىنىڭ، دارىگەرلىگىنىڭ جوعارى ساپالى دامۋىن ىلگەرىلەتۋ كەرەك.

　　سۇڭ بين بىلاي دەپ قارادى: شينجياڭ كوپ ساتىلى، كوپ قۇرىلىمدى، كوپ ۇلتتى ەمدەۋ - دەنساۋلىق ساقتاۋ قىزمەت وتەۋى دارىندىلار جۇيەسىن تۇلعالاپ، كەڭ كولەمدە قامتىعان نەگىزگى ساتى ەمدەۋ قىزمەت وتەۋ قوسىنىن قۇرىپ، كەمەلدەندىرىپ، جاڭالىق اشۋ جانە زەرتتەۋ - اشۋ قابىلەتىنە يە جوعارى دەڭگەيدەگى ەمدەۋ دارىندىلارىن باۋلۋى كەرەك. ول مەديتسينا جوعارى وقۋ - اعارتۋى بويىنشا باعىتتامالى باۋلۋدى كۇشەيتۋ، تۇرگە ءبولىپ، شارا قولدانىپ، جوعارى دارەجەلى دارىندىلار جۇيەسىن قۇرۋ سياقتى جاقتاردا ۇسىنىس بەردى.

　　جياڭ جيانشين قاشقاردا تەكسەرۋ - زەرتتەۋ جۇرگىزگەندەگى احۋالدى تانىستىرىپ، قولدانىلمالى مەديتسينا دارىندىلارىن باۋلۋ مەحانيزمىن قۇرۋ، مەديتسينا كاسىپتىك دارىندىلارىنىڭ نەگىزگى ساتىعا اناعۇرلىم كوپ قىزمەت وتەۋىن ىلگەرىلەتۋ، اۋدان، اۋىل ەكى دارەجەلى ەمدەۋ قوسىنىن كاسىپتىك باۋلۋدى، يگىلىك جاعىنان قامتاماسىز ەتۋدى كۇشەيتۋ، عىلمي زەرتتەۋ تۇعىرى قۇرىلىسىن نىعايتۋ سياقتىلار جونىندە كوزقاراسىن ءبولىستى.

　　جۇڭگو عىلىم اكادەمياسىنىڭ وزبەكستاندىق اكادەميگى شاۋكەت ساليحوۆ بىلاي دەپ قارادى: جۇڭگو مەن وزبەكستاننىڭ ەمدەۋ - دەنساۋلىق ساقتاۋ سالاسىنىڭ سەلبەستىگىن تەرەڭدەتىپ، جۇڭگو مەن وزبەكستاننىڭ ءدارى ماتەريالدارىن دايىنداۋ تۇعىرىن جانە ەمدەۋ قۇرىلىمىن سەلبەسىپ قۇرۋىن قولداۋدى كۇشەيتىپ، ءتىپتى دە كوپ جوعارى دەڭگەيلى دارىندىلاردى سەلبەسىپ باۋلۋ كەرەك.

　　وشۇر ءسىلام جىبەك جولى سيفرلى سالاماتتىق قىزمەت وتەۋ ورتالىعىن قۇرىپ، شينجياڭدا ۇلگى كورسەتىپ قولدانۋمەن بىرگە، جىبەك جولى ەكونوميكالىق بەلدەۋىنىڭ بويىنداعى ەلدەرگە قىزمەت وتەۋ ۇسىنىسىن قويدى، سونداي - اق عىلمي زەرتتەۋگە قىزمەت وتەۋ تۇعىرى قۇرىلىسى، قاشىقتان جانە شەكارا اتتاپ ەمدەۋگە قىزمەت وتەۋ، ءوزارا اۋدارۋ تۇعىرى قۇرىلىسى سياقتىلار جونىندە شارالاردى ورتاعا قويدى.

　　ياڭ باۋفىڭ، گى جۇنبو، جياڭ باۋگو، لين دۇڭشين قاتارلى اكادەميكتەر، رايونىمىزدىڭ ءىشى - سىرتىنداعى ءبىر ءبولىم مامان - وقىمىستىلار پىكىر اۋىستىرىپ، شينجياڭنىڭ ەمدەۋ - دەنساۋلىق ساقتاۋ تۇعىرى قۇرىلىسى، ءدارى - دارمەك زەرتتەۋ - اشۋ، ەمدەۋ قۇرىلىمدارىنىڭ قابىلەتىن جوعارىلاتۋ، دارىندى جەتىلدىرۋ - ەنگىزۋ، ەل ىشىمەن، حالىقارامەن اۋىس - كۇيىس جاساۋ، سەلبەستىك ورىستەتۋ سياقتى ءتۇيىندى ماسەلەلەر توڭىرەگىندە باعىتتامالى تۇردە پىكىر - ۇسىنىستار قويدى.

　　كوپشىلىكتىڭ لەبىزىن مۇقيات تىڭداعاننان كەيىن ما شيڭرۇي بىلاي دەدى: اكادەميكتەر، ماماندار شينجياڭنىڭ نەگىزگى ساتى الدىڭعى شەبىنە ىشكەرىلەي بارىپ تەكسەرۋ - زەرتتەۋ جۇرگىزىپ، نازاردى شينجياڭنىڭ ەمدەۋ - دەنساۋلىق ساقتاۋ ىستەرىن دامىتۋداعى كورنەكتى ولقىلىقتار مەن كوكەي تەستى قاجەتىنە شوعىرلاندىرىپ، قىمباتتى پىكىر - ۇسىنىستار بەرىپ، بىزگە ءتيىمدى جەتەكشىلىك ەتىپ، كومەك كورسەتتى، مەن اۆتونوميالى رايوندىق پارتكوم، ۇكىمەت جانە بيڭتۋان اتىنان جۇڭگو ينجەنەريا اكادەمياسىنىڭ، جۇڭگو عىلىم اكادەمياسىنىڭ، جۇڭگو عىلىم - تەحنيكا قوعامىنىڭ، جۇڭگو ەمدەۋ - دەنساۋلىق ساقتاۋ حالىقارالىق اۋىس - كۇيىسىن جەبەۋ قوعامىنىڭ جانە ءارقايسى اكادەميكتەردىڭ، مامانداردىڭ ۇزاقتان بەرى شينجياڭعا كوڭىل ءبولىپ، قولداۋ كورسەتكەندىگىنە شىن جۇرەكتەن العىس ايتامىن. قاتىستى تاراۋلار كوپشىلىكتىڭ ورتاعا قويعان پىكىر - ۇسىنىستارىن مۇقيات زەرتتەپ، قابىلداپ، ناقتى ءىس - شاراعا اينالدىرۋى كەرەك.

　　ما شيڭرۇي بىلاي دەپ اتاپ كورسەتتى: جاڭا جورىقتا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدە باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، سالاماتتى شينجياڭ قۇرىلىسىن ستراتەگيالىق جانە جالپى جاعداي بيىگىنەن جۇيەلى زەرتتەپ، جوبالاپ، ءار جاقتاعى بايلىقتى، كۇشتى ءبىر تۇتاس جوسپارلاپ، نازاردى وزەكتى ماسەلەلەرگە شوعىرلاندىرىپ، ۇزدىكسىز كۇش سالىپ، شينجياڭنىڭ ەمدەۋ بويىنشا قىزمەت وتەۋ جالپىلىق دەڭگەيىن جەدەل جوعارىلاتۋ كەرەك. وڭىرلىك ءتۇيىندى ەمدەۋ - دەنساۋلىق ساقتاۋ تۇعىرىن قۇرۋعا اناعۇرلىم كۇش سالىپ، ەمدەۋ دارىندىلارىن ەنگىزۋ، جەتىلدىرۋ قىزمەتىن كوپ ءتۇرلى شارالارمەن ويداعىداي ىستەپ، ەمدەۋ - دەنساۋلىق ساقتاۋ قوسىنى كۇشىن بەكەمدەپ، كوپ ساتىلى اۋىس - كۇيىس، سەلبەستىك جانە كومەكتەسۋ - سۇيەمەلدەۋ تەبىنىن ارتتىرىپ، نەگىزگى ساتىنىڭ ەمدەۋ بويىنشا قىزمەت وتەۋ قابىلەتىن بارىنشا كۇش سالا جوعارىلاتىپ، وڭىرلەردىڭ، قالا مەن اۋىلدىڭ ەمدەۋ - دەنساۋلىق ساقتاۋ جاعىنداعى پارقىن ۇزدىكسىز ازايتىپ، شينجياڭنىڭ ەمدەۋ - سالاماتتىق ىستەرىنىڭ تىڭ بەلەسكە قادام تاستاۋىن تىڭعىلىقتى ىلگەرىلەتۋ كەرەك. اكادەميكتەردىڭ، مامانداردىڭ تۇعىر، تەحنيكا، دارىندى سياقتى باسىمدىقتاردى ساۋلەلەندىرىپ، شينجياڭنىڭ ەمدەۋ - دەنساۋلىق ساقتاۋ ىستەرىن دامىتۋ ستراتەگياسىنا، تۇتاس تۇلعالىق جوسپارلاۋىنا، ءتۇيىندى قىزمەتتەردى ىلگەرىلەتۋىنە شەشىم قابىلداۋ جاعىندا كەڭەس بەرۋىن جانە تەحنيكالىق جەتەكشىلىك ەتۋىن، عىلمي زەرتتەۋ جانە تەحنيكالىق قامال الۋ، تۇعىر قۇرىلىسى، دارىندى جەتىلدىرۋ سياقتى جاقتارداعى اۋىس - كۇيىستى، سەلبەستىكتى كۇشەيتىپ، شينجياڭنىڭ جىبەك جولى ەكونوميكالىق بەلدەۋى وزەكتى رايونىنىڭ حالىقارالىق ەمدەۋ بويىنشا قىزمەت وتەۋ ورتالىعىن تۇلعالاۋىنا دەم بەرۋىن ءۇمىت ەتەمىن. شينجياڭ ساياساتتىق قولداۋدى كۇشەيتىپ، جاڭالىق اشۋ ورتاسىن ساپالىلاندىرىپ، قىزمەت وتەۋ ساپاسىن جوعارىلاتىپ، اقىل - پاراسات بايلىعى مەن زەرتتەۋ جەتىستىكتەرىن شىن مانىندە ويداعىداي ءتۇيىلىستىرىپ، ويداعىداي تياناقتاندىرىپ، ەمدەۋ - سالاماتتىق ىستەرىن جوعارى ساپالى دامىتۋداعى تىڭ جەتىستىكتەرمەن ءار ۇلت بۇقاراسىن باقىتقا كەنەلتەدى.

　　ماجىلىستە اۆتونوميالى رايوندىق حالىق ۇكىمەتى مەن جۇڭگو ەمدەۋ - دەنساۋلىق ساقتاۋ حالىقارالىق اۋىس - كۇيىسىن جەبەۋ قوعامى ”ءبىر بەلدەۋ، ءبىر جول، سالاماتتى شينجياڭ“ ستراتەگيالىق سەلبەستىك كەلىسىمىنە قول قويىستى.

　　2023 - جىلعى ”مەملەكەتتىك عىلىم - تەحنيكا قىزمەتكەرلەرى كۇنىنىڭ“ شينجياڭ نەگىزگى الاڭ قيمىلى جانە ”ءبىر بەلدەۋ، ءبىر جول، سالاماتتى شينجياڭ“ حۋاشيا اكادەميكتەرىنىڭ تالقى مىنبەرى جۋىقتا ۇرىمجىدە باستالدى، قاتىستى اكادەميكتەر مەن ماماندار التايدىڭ، قاشقاردىڭ، حوتاننىڭ نەگىزگى ساتى الدىڭعى شەپتەرىن ىشكەرىلەي ارالاپ، شينجياڭنىڭ ەمدەۋ - دەنساۋلىق ساقتاۋ قىزمەتى توڭىرەگىندە تەكسەرۋ - زەرتتەۋ جۇرگىزدى.

　　قادەن كابەن، مۇقيات جارمۇقامەت، ليۋ سۋشى، شۇي شيان - ي، حا زىڭيوۋ قاتارلىلار، قاتىستى مامان - وقىمىستىلار جانە كاسىپورىنشىلار، اۆتونوميالى رايوننىڭ قاتىستى تاراۋلارىنداعى، ورىندارىنداعى جاۋاپتى جولداستار جانە ەمدەۋ - دەنساۋلىق ساقتاۋ سالاسىنىڭ ۋاكىلدەرى قاتارلىلار ماجىلىسكە قاتىناستى.

جالعانىم