انار بۇلت \ شينجياڭ گازەتىنىڭ تىلشىلەرى
رەفورما جاساۋ، ەسىك اشۋ − زامانىمىزداعى جۇڭگونىڭ تاعدىرىن بەلگىلەيتىن شەشۋشى شارا، سونداي - اق ”قوس 100 جىلدىق“ كۇرەس نىساناسىن جۇزەگە اسىرۋدى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدى بەلگىلەيتىن شەشۋشى شارا. اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ماجىلىسىندە مىنالار ايقىن اتاپ كورسەتىلدى: رەفورمانى جاپپاي تەرەڭدەتۋدى ىلگەرىلەتىپ، ماڭىزدى سالالار مەن شەشۋشى بۋىنداردا تىڭ سەرپىلىسكە قول جەتكىزىپ، بازارلانعان، زاڭمەن باسقارىلاتىن، حالىقارالانعان شارۋاشىلىق ساۋدا ورتاسىن كۇش سالا تۇلعالاپ، ءتۇرلى شارۋاشىلىق تۇلعالارىنىڭ باسەكەلەسە دامۋىن جەبەۋ كەرەك.
جاڭا داۋىردەگى جاڭا جورىقتا شينجياڭ ”شەشۋشى شارادان“ قايتكەندە تولىق، ويداعىداي پايدالانىپ، رەفورمانى جاپپاي تەرەڭدەتۋدى كەلەلى جاعدايدى ورنىقتىرۋداعى، وزگەرىسكە توتەپ بەرۋدەگى، جاڭا جاعداي اشۋداعى ماڭىزدى تۇتقاعا اينالدىرا الادى؟ ءتىلشى وسى جونىندە تىلشىلىك ىستەدى.
بەتالىستى دۇرىس يگەرىپ، رەفورما جاساۋدا تاعى دا كۇش سالدى
شارۋاشىلىق ءتۇرىن وزگەرتۋدە، 15 مينۋتتا - اق تيجارات كۋالىگىن الۋعا بولاتىن بولدى؛ ازاماتتىق كۋالىكپەن عانا ءۇي - مۇلىك كۋالىگىن دەربەس بىتىرۋگە بولاتىن بولدى؛ ءۇيدى وتكەرمەلەگەندە جارىم ساعاتتا - اق بىتىرۋگە بولاتىن بولدى... قارامايلى قالاسىندا ”جۇمىستىڭ تەز ءبىتىرىلۋى“ جەرگىلىكتى ادامداردىڭ ورتاق تانىمىنا اينالدى.
وسى ”تەزدىكتەردى“ قارامايلى قالاسىنىڭ سيفرلى ۇكىمەت رەفورماسى قۇرىلىسىن زور كۇشپەن ىلگەرىلەتۋىنەن بولە قاراۋعا بولمايدى.
اماليات سيفرلى ۇكىمەت رەفورما قۇرىلىسىنىڭ ۇكىمەتتىڭ قىزمەت وتەۋ ونىمدىلىگىن جوعارىلاتىپ، بۇقاراعا قولايلىلىق جاساۋمەن بىرگە، جەرگىلىكتى ورىننىڭ سيفرلى ەكونوميكاسىنىڭ قارىشتاي دامۋىن دا جەبەگەندىگىن دالەلدەدى.
اۆتونوميالى رايوندىق پارتكوم ساياسات زەرتتەۋ كەڭسەسىنىڭ ورىنباسار مەڭگەرۋشىسى، رەفورما كەڭسەسىنىڭ ورىنباسار مەڭگەرۋشىسى جاڭ شىجۇن بىلاي دەدى: اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى شينجياڭنىڭ جوعارى ساپالى دامۋىنىڭ باستى ابزالدىلىقتارىن جۇيەلى جيناقتاپ، ورىن تەۋىپ وتىرعان ولقىلىقتارعا، جەتەرسىزدىكتەرگە ىشكەرىلەي تالداۋ جاسادى، ”شينجياڭ ەكونوميكاسىنىڭ، قوعامىنىڭ جوعارى ساپالى دامۋىنا تۇساۋ بولىپ وتىرعان قايشىلىقتارعا، ماسەلەلەرگە جانە تەرەڭ قاتپارلى ءتۇزىلىس مەحانيزم كەدەرگىلەرىنە ساي، ءبىز رەفورمانى جاپپاي تەرەڭدەتۋگە تاباندى بولىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمادان قامال الۋدى كۇش سالا ىلگەرىلەتىپ، ءبىر توپ بەلگى سيپاتتى جەتىستىكتەرگە قول جەتكىزۋگە قۇلشىنىپ، ءار سالاداعى رەفورمانىڭ ىشكەرىلەي ىلگەرىلەۋىن جەبەۋىمىز، بۇعان جەتەكشىلىك ەتۋىمىز كەرەك“.
وسى ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمالاردا سيفرلى ۇكىمەت رەفورماسى قۇرىلىسى قامتىلعان، سونىمەن بىرگە باتىسقا ەسىك اشۋ ستراتەگياسىن اتقارۋ، وسىزاماندانعان كاسىپ سالاسى جۇيەسىن قۇرۋدى جەدەلدەتۋ، اۋىل شارۋاشىلىعى، اۋىل - قىستاق رەفورماسىن ىلگەرىلەتۋ، ەنەرگيا بايلىعى بازاسى قۇرىلىسى سياقتىلار دا بار.
جاڭادان قۇرىلعان اۆتونوميالى رايوندىق سيفرلاندىرىپ دامىتۋ مەكەمەسى اۆتونوميالى رايوننىڭ سيفرلى ۇكىمەت رەفورماسى قۇرىلىسىنىڭ ماڭىزدى جەتىستىگى. وسى مەكەمە جالپى تۇلعالىق جوبالاۋدى كۇشەيتىپ، اۆتونوميالى رايوننىڭ ءىرى ىستەرىن، ماڭىزدى ىستەرىن جانە بۇقارانىڭ، كاسىپورىننىڭ جۇمىس بىتىرۋىندەگى تالماۋلى، قيىن، بوگەتتى تۇيىندەردى شەشۋدى نەگىزگە الىپ، رەفورما نىساناسىن بەلگىلەپ، سيفرلانۋعا تيپ وزگەرتۋ ارقىلى ۇكىمەتتى باسقارۋدىڭ ءارقايسى جاعىنداعى رەفورمادا جاڭالىق اشۋدى دەمەپ، 2025 - جىلعا جەتكەندە، ۇكىمەتتىك قىزمەت وتەۋدە ”ينتەرنەتتە ءبىر تۇتاس ءبىتىرۋدى“، ۇكىمەت اينالىمىندا ”ينتەرنەتتە سايكەستىرۋدى“، ەكونوميكانى، قوعامدى باسقارۋدا ”ينتەرنەتتە ءبىر تۇتاس باسقارۋدى“ العاشقى ادىمدا جۇزەگە اسىرىپ، ءبىر تۇلعالاندىرىلعان سيفرلى ۇكىمەت رەفورماسىنىڭ جاڭا ۇلگىسى نەگىزىنەن تۇراقتاندىرىلدى.
رەفورمانى جاپپاي تەرەڭدەتۋدى قوزعاۋشى كۇش ەتە وتىرىپ ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدە نەگىزگى ساتىنىڭ جاسامپازدىق رۋحىنا دا قۇرمەت ەتىپ، نەگىزگى ساتىنىڭ جاڭالىق اشۋ ومىرشەڭدىگىن قاۋلاتۋ كەرەك.
”ءبىز ءارقايسى ايماق، وبلىس، قالانى ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدى ارقاۋ ەتە وتىرىپ رەفورمانى تۇيىندە سىناق ەتىپ، كولەمدىك رەفورماعا كوشىرىپ قولدانۋعا، جالپىلاستىرۋعا بولاتىن تاجىريبەلەردى، ادىستەردى كوبىرەك كورسەتۋگە ىنتالاندىرامىز“. جاڭ شىجۇن بىلاي دەدى: رەفورمانىڭ شابىتتاندىرۋ جانە اعاتتىققا كەشىرىممەن قاراۋ مەحانيزمىن اقاۋسىزداندىرىپ، رەفورمادا جاڭالىق اشۋعا ىنتالاندىرۋدىڭ ايقىن باعدارىن ورناتىپ، رەفورماشىلار جۇمىس ىستەگىسى كەلەتىن، جۇمىس ىستەي الاتىن، جۇمىس تىندىرا الاتىن تاماشا سالت قالىپتاستىرۋ كەرەك.
نازاردى ماڭىزدى تۇيىنگە شوعىرلاندىرىپ، جاڭا قوزعاۋشى قۋاتتى جارىققا شىعاردى
فينانستىڭ ”8 ءىرى كاسىپ سالاسى شوعىرىنىڭ“ دامۋىن قولداۋ قابىلەتىن كۇش سالا جوعارىلاتىپ، بانكە، قامسىزداندىرۋ، قور، قارجى قۇراۋ كەپىلدىگى سياقتى كوپ نەگىزدى فينانستىق قىزمەت وتەۋ ءتاسىلىن جالپىلىق قولداناتىن ارنا قالىپتاستىرىپ، ”8 ءىرى كاسىپ سالاسى شوعىرىنىڭ“ قارجى قۇراۋىندا مولشەردى ارتتىرۋدى، كولەمدى كەڭەيتۋدى، باعانى ارزانداتۋدى، ساپانى ءوسىرۋدى ىلگەرىلەتۋ كەرەك...
تاياۋدا «شينجياڭنىڭ ”8 ءىرى كاسىپ سالاسى شوعىرىنىڭ“ دامۋىن فينانستىق قولداۋداعى ءبىرقانشا شارا» (تومەندە قىسقارتىلىپ «ءبىرقانشا شارا» دەلىنەدى) باسىپ تاراتىلىپ، رايونىمىزدىڭ ”8 ءىرى كاسىپ سالاسى شوعىرىنىڭ“ دامۋىنا فينانستىق ومىرشەڭدىك كۇش ۇستەدى.
”ءبىز اۆتونوميالى رايوندىق حالىق ۇكىمەتى مەن مەملەكەت مەنشىگىندەگى 9 فينانس قۇرىلىمىنىڭ جاساسقان ستراتەگيالىق سەلبەستىك كەلىسىمىنىڭ جەتىستىكتەرىن بەكەمدەپ، كەڭەيتىپ، مەملەكەتتىڭ شينجياڭداعى فينانس باسقارۋ تاراۋلارىمەن بىرلەسىپ «ءبىرقانشا شارانى» ويداعىداي تياناقتاندىرامىز“. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنىڭ باستىعى گى تان بىلاي دەدى: ”ۇكىمەت − فينانس − كاسىپورىن“ ءتۇيىلىسۋ مەحانيزمىن كەمەلدەندىرۋ ارقىلى كوپ ساتىلى كاپيتال بازارىنان ۇتىمدى پايدالانىپ، ”8 ءىرى كاسىپ سالاسى شوعىرى“ سالاسىنداعى فينانستىق قامداۋ مەن قاجەتسىنۋدى دالمە - ءدال، ءونىمدى سايكەستىرۋدى ىلگەرىلەتەمىز.
رەفورمانىڭ ماقساتى جوعارى ساپالى دامۋعا جاڭا قوزعاۋشى قۋات ازىرلەۋ.
نازاردى جالپى ءماجىلىس ورنالاستىرعان ءتۇيىندى سالالار مەن شەشۋشى بۋىندارعا شوعىرلاندىرىپ، اۆتونوميالى رايون جاڭا كەزەكتى رەفورمانى جاپپاي تەرەڭدەتۋدى جوسپارلاپ اتقارادى.
جاڭ شىجۇن بىلاي دەپ تانىستىردى: اۆتونوميالى رايون جەر، ەڭبەككۇش، كاپيتال، تەحنيكا، ساندى مالىمەت سياقتى ماڭىزدى فاكتورلاردى بازارلاندىرۋ رەفورماسىن تۇتقا ەتىپ، جوعارى ولشەمدى بازار جۇيەسىن قۇرۋ، ماڭىزدى فاكتورلاردى بازارلاندىرىپ ورنالاستىرۋ، عىلىم - تەحنيكا جاسامپازدىعى ءتۇزىلىس - مەحانيزمىن اقاۋسىزداندىرۋ، جاڭاشا قالا - قالاشىقتاندىرۋدى جانە قالا مەن اۋىلدىڭ توعىسا دامۋىن ىلگەرىلەتۋ، جاپپاي جاسىل بولۋعا قاراي تيپ وزگەرتۋدى جەدەل ىلگەرىلەتۋ، سۋ يگىلىگىن باسقارۋ ءتۇزىلىس مەحانيزمىن كەمەلدەندىرۋ، فينانس - قازىنا رەفورماسىن تەرەڭدەتۋ سياقتى جاقتارعا ءتۇيىندى تۇردە نازاردى شوعىرلاندىرىپ كۇش سالىپ، ەكونوميكالىق اينالىمعا بوگەت بولعان، ونى قىسپاققا العان تۇيىندەردى تالقانداۋعا، دامۋدىڭ جاڭا قوزعاۋشى قۋاتىن جەتىلدىرۋگە جانە تۇلعالىق ەكونوميكانىڭ وزىندىك قۇنىن تومەندەتۋگە كۇش سالىپ، جوعارى ساپالى دامۋدىڭ قوزعاۋشى كۇشىن، ومىرشەڭدىگىن ۇزدىكسىز جارىققا شىعارادى.
شينجياڭنىڭ وڭىرلىك ورىن باسىمدىعىن تياناق ەتكەن، اۆتونوميالى رايوندىق ساۋدا ىستەرى مەڭگەرمەسى ىشكى - سىرتقى ساۋدانى ءبىر تۇلعالاندىرۋدى تۇيىندە سىناق ەتۋدى ۇزدىكسىز ورىستەتىپ، شەتەلدىك ساۋداگەرلەردىڭ قارجى قوسۋ ورتاسىن ساپالىلاندىرىپ، كاسىپورىندارعا كومەكتەسىپ، قيىنشىلىق قىسپاعىنان قۇتىلدىرۋ ساياسات - شارالارىن جاپپاي تياناقتاندىرىپ، ورتا ازيامەن، باتىس ازيامەن ەنەرگيا بايلىعى سەلبەستىگى تەرەزەسىن بەلسەنە تۇلعالاپ، الاتاۋ ساعاسى شەكارالىق ەلەكتروندى ساۋدا كەشەندى سىناق رايونى رەفورماسىن تۇيىندە سىناق ەتۋدى ورىستەتەدى.
”’8 ءىرى كاسىپ سالاسى شوعىرىن‘ ارقاۋ ەتىپ، ءبىز تاعى ساۋداگەر شاقىرىپ قارجى ەنگىزۋ تاسىلىندە جاڭالىق اشۋ رەفورماسىن تۇيىندە سىناق ەتۋ قىزمەتىن دە ورىستەتەمىز“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى لي شۋان مىنانى ءبىلدىردى: قىزمەت شارالارىن بەلگىلەۋ جانە كەمەلدەندىرۋ، نىسان قورىن كۇشەيتۋ، كاسىپورىنداردى شينجياڭعا كەلىپ تەكسەرۋدە، كەڭەستە بولۋعا ءتۇيىلىستىرۋ ارقىلى قارجى قوسۋدى جەبەۋ قيمىلدارىن ۇزدىكسىز ورىستەتىپ، باقىلاۋ - تەكسەرۋدى، ۋادەنى ورىنداۋدى مىقتى ۇستاۋدى ۇزدىكسىز كۇشەيتىپ، ناقتى ونىمدىلىككە شىنايى كەپىلدىك ەتەمىز.
شىنايى يگەرىپ، ناقتى ىستەپ، جاڭا سەرپىلىستى جۇزەگە اسىردى
باتىسقا ەسىك اشۋدىڭ كوكتەم جەلى ورايىندا شينجياڭ حۋا - ي يۋانتىڭ حابارلاسۋ جابدىقتارى شەكتى سەرىكتەستىگى اقسۋ ەكونوميكالىق، تەحنيكالىق اشۋ رايونىنا ىرگە تەپتى، سەرىكتەستىك نەگىزىنەن زاريادتاۋ سىمى، لان - يا تىڭداعىشى، تۇرمىستىق شاعىن ءۇي ەلەكتر جابدىقتارى سياقتى ەلەكتروندى ونىمدەر وندىرەدى. ”سەرىكتەستىك قۇرىلۋدان قىزمەتكەر قابىلداۋعا دەيىن اقسۋ قالاسى جان - جاقتى قىزمەت وتەدى، كاسىپورىننىڭ دامۋ قارقىنى مەجەدەن الدەقايدا تەز بولدى“، سەرىكتەستىكتىڭ جاۋاپتىسى شى شياۋحۋا: بيىل سەرىكتەستىگىمىز 10 ميلليون دوللاردان استام تاپسىرىس قابىلدادى، - دەدى.
جوعارى ساپالى دامۋ باسەكەلەسە داميتىن ءتۇرلى شارۋاشىلىق تۇلعالارىنان قول ۇزە المايدى. تاماشا شارۋاشىلىق - ساۋدا ورتاسى كاسىپورىنداردىڭ دامۋىنا كۇش ۇستەيدى، جاڭالىق اشا دامۋ ومىرشەڭدىك كۇشىن جەتىلدىرۋگە قۇنارلى توپىراق ازىرلەيدى.
بيىل جىل باسىنان بەرى اۆتونوميالى رايون ”ەكىدەن تيتتەي دە اۋىقتىماۋعا“ تاباندى بولىپ، كوپ ءتۇرلى مەنشىكتەگى شارۋاشىلىقتىڭ بىرگە دامۋىن جەبەپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن رەفورماسىن ءۇرتىس تەرەڭدەتىپ، حالىقتىق كاسىپورىنداردىڭ ۇزدىكتەردى جەتىلدىرۋ ينجەنەرياسىن ىلگەرىلەتىپ، شارۋاشىلىق تۇلعالارىن ەسەلەپ ارتتىرۋ ارەكەتىن اتقارىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ءۇرتىس ساپالىلاندىردى.
اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ ورىنباسار مەڭگەرۋشىسى شاۋ گاڭ مىنالاردى ءبىلدىردى: اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىن ارقاۋ ەتە وتىرىپ، ءبىز مەملەكەت مەنشىگىندەگى كاسىپورىنداردى ستراتەگيالىق سيپاتتى قايتا قۇرۋ جانە ارنايىلاندىرا بىرىكتىرۋ تەبىنىن ءۇرتىس ارتتىرىپ، 100 ميللياردتىق دەڭگەيدەگى ءبىر توپ باستاماشى، تىرەكتى كاسىپ سالاسى توبىن كۇش سالا تۇلعالاپ، شينجياڭ ەرەكشەلىگىنە يە مەملەكەت مەنشىگىندەگى وسىزاماندانعان كاسىپ سالاسى جۇيەسىن قايتا تۇلعالاپ، ”ءبىر كاسىپ بويىنشا ءبىر كاسىپورىن بولۋ، ءبىر كاسىپورىندا ءبىر كاسىپ بولۋ“ جاڭا جاعدايىن قالىپتاستىرىپ، مەملەكەت مەنشىگىندەگى شارۋاشىلىقتىڭ مەملەكەت پەن اۆتونوميالى رايوننىڭ ستراتەگيالىق نىساناسىنا اناعۇرلىم ويداعىداي قىزمەت وتەۋىن، مەملەكەت مەنشىگىندەگى كاسىپورىنداردىڭ جەتەكشىلىك ەتۋ رولى مەن ستراتەگيالىق تىرەكتىلىك رولىن اناعۇرلىم ويداعىداي ساۋلەلەندىرۋىن ىلگەرىلەتەمىز.
اۆتونوميالى رايوندىق بازار باقىلاۋ - باسقارۋ مەكەمەسى نازاردى شارۋاشىلىق - ساۋدا ورتاسىن ءۇرتىس ساپالىلاندىرۋعا شوعىرلاندىرىپ، تىزىمدەلۋ، تىركەلۋ، اكىمشىلىك رۇقسات بەرۋ، جارناما تەكسەرۋ سياقتى 7 كاسىپتىڭ ۇكىمەتتىك قىزمەت وتەۋ ىستەرىن تۇگەلدەي ينتەرنەت جەلىسىندە ءبىتىرۋدى جۇزەگە اسىردى. سونىمەن بىرگە ”ولكە اتتاپ ءبىر تۇتاس ءبىتىرۋ“ ءتىزىمىن جاريالاپ، 24 ۇكىمەتتىك قىزمەت وتەۋ ىستەرىن ولكە اتتاپ ءبىر تۇتاس ءبىتىرۋدى جۇزەگە اسىرىپ، شارۋاشىلىق تۇلعالارىنىڭ جەدەل دامۋىن ىلگەرىلەتتى. اۆتونوميالى رايوندىق بازار باقىلاۋ - باسقارۋ مەكەمەسىنىڭ باستىعى دولقۇن اۋۇت بىلاي دەدى: بازار باقىلاۋ - باسقارۋ مەكەمەسى تاعى ”جەڭىلدەرىنە ايىپ سالماۋ“ ىستەرى ءتىزىمىن جاساپ، مونوپوليالاۋعا قارسى تۇرۋ جانە ورىنسىز باسەكەگە قارسى تۇرۋ بويىنشا زاڭ اتقارۋدى كۇشەيتىپ جانە جاقسارتىپ، جالعان، جارامسىز تاۋارلاردى ساتۋ سياقتى ارەكەتتەرگە سوققى بەرۋ تەبىنىن ارتتىرىپ، ءادىل باسەكە بازارى ورتاسىن قالىپتاستىردى.
وسى رەتكى جالپى ءماجىلىس نازاردى وڭتۇستىك شينجياڭ سىندى وسى ”شاحمات كوزىنە دە“ شوعىرلاندىردى. قايتكەندە ”شاحمات كوزىن“ جانداندىرىپ، جاڭا سەرپىلىستى جۇزەگە اسىرۋعا بولادى؟
جاڭ شىجۇن بىلاي دەدى: تۇزىمدە جاڭالىق اشۋعا ساياتىن رەفورمانى، جوعارى ساپالى جۇمىستاندىرۋدى جەبەيتىن رەفورمانى، جۇرت تىلەگىن توعىستىرۋعا پايدالى رەفورمانى كورنەكتى ورىنعا قويۋمەن بىرگە، اۆتونوميالى رايون تاعى كاسىپ سالاسىن دامىتۋ ساياساتى، قازىنا - سالىق، فينانس ساياساتى، فاكتورلاردى قامتاماسىز ەتۋ ساياساتى، حالىق تۇرمىسى جاعىنان سۇيەمەلدەۋ ساياساتى، سۋ بايلىعىن ساپالى ۇلەستىرۋ، مادەنيەت قۇرىلىسى، نەگىزگى ساتىنى باسقارۋ، بيڭتۋان مەن جەرگىلىكتى ورىندى توعىستىرۋ، كادر - دارىندىلار ساياساتى سياقتى جاقتاردا وڭتۇستىك شينجياڭعا بەيىمدەلىپ، قولداۋ كورسەتىپ، ءبىر توپ ءتۇيىندى رەفورما مىندەتتەرىن جوسپارلاپ العا قويىپ، وڭتۇستىك شينجياڭنىڭ ءىس جۇزىندىك ماسەلەلەرى مەن قيىنشىلىقتارىن شىنايى شەشىپ، وڭتۇستىك شينجياڭنىڭ ەكونوميكالىق، قوعامدىق قۇرىلىمىن ساپالىلاندىرىپ، كاسىپ سالاسىنىڭ كەڭىستىكتەگى ورنالاسىمىن كەمەلدەندىرىپ، وڭتۇستىك شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتەدى.
”ءبىز فينانس قۇرىلىمدارىن وڭتۇستىك شينجياڭنىڭ فينانسىنا قولداۋ كورسەتۋ تەبىنىن ارتتىرۋعا جەتەكتەپ، فينانس قۇرىلىمدارىن وڭتۇستىك شينجياڭنىڭ ەرەكشەلىگىنە ۇيلەسەتىن فينانس ونىمدەرى مەن قىزمەت وتەۋىن اشۋعا جانە ونىمەن قامداۋعا شابىتتاندىرامىز، بانكە قۇرىلىمدارىن وڭتۇستىك شينجياڭعا سەنىمدى قارىز اقشا ۇسىنىلىمىن ارتتىرۋعا، امانات اقشا مەن قارىز اقشا سالىستىرماسىن جوعارىلاتۋعا جەتەكتەيمىز“. گى تان مىنالاردى ءبىلدىردى: سونداي - اق وڭتۇستىك شينجياڭ وڭىرىندەگى كاسىپورىنداردىڭ جارناسىن بازارعا شىعارۋى، قايتا قارجى قۇراۋى جونىندەگى جەتەكشىلىكتى، باۋلۋدى كوپ ارنامەن كۇشەيتىپ، وڭتۇستىك شينجياڭ كاسىپورىندارىنىڭ اۆتونوميالى رايوننىڭ جارناسى بازارعا شىعارىلعان كاسىپورىندارىنىڭ زاپاس بايلىق قويماسىنا قوسىلۋىن الدىمەن قولداپ، وڭتۇستىك شينجياڭداعى جارناسى بازارعا شىعارىلعان كاسىپورىنداردىڭ سانىن ارتتىرامىز. سونىمەن بىرگە قامسىزداندىرۋ سەرىكتەستىكتەرىن وڭتۇستىك شينجياڭ وڭىرىندە قامسىزداندىرۋ كاسىبىن اشۋعا شابىتتاندىرىپ، وڭتۇستىك شينجياڭنىڭ قامسىزداندىرۋ، قامتاماسىز ەتۋ قابىلەتىن جوعارىلاتامىز.
(ءتىلشى جاڭ يۇنمەي، قاتىناسقان تىلشىلەر ۋاڭ يۇڭفي، شى شين، حي حۇڭۋي، رىن حۋا)