انار بۇلت \ شينجياڭ گازەتىنىڭ ءتىلشىسى حي حۇڭۋي 6 - ايدىڭ 11 - كۇنى توعىزتاراۋدان حابارلايدى. قازىرگە دەيىن تۇتاس رايونىمىزدا مەملەكەت دارەجەلى كەشكى مادەنيەت پەن ساياحات تۇتىنۋى شوعىرلانعان 4 ءوڭىر، اۆتونوميالى رايون دارەجەلى كەشكى ەكونوميكادا ۇلگى كورسەتەتىن 16 كوشە قۇرىلدى. بۇل ءتىلشىنىڭ 6 - ايدىڭ 10 - كۇنى توعىزتاراۋ اۋدانىندا اشىلعان اۆتونوميالى رايوننىڭ 2023 - جىلعى كەشكى ەكونوميكانى جۇمىس باسىندا ىلگەرىلەتۋ ماجىلىسىنەن ۇعىسقانى.
2019 - جىلدان باستاپ رايونىمىز كەشكى ەكونوميكادا ۇلگى كورسەتەتىن كوشە اۋماقتارىن قۇرۋ قيمىلىن بەلسەنە ورىستەتىپ، كوشە اۋماقتارىن جارىقتاندىرىپ دەڭگەيىن جوعارىلاتۋ، قاتىناستى ساپالىلاندىرۋ، سايكەستى قۇرىلعىلاردى كەمەلدەندىرۋ سياقتىلاردى ىلگەرىلەتىپ، ءبىر كوشە اۋماعىندا ءبىر ەرەكشەلىك بولۋىن كورنەكتىلەندىرىپ، كەشكى ەكونوميكادان ۇلگى كورسەتەتىن ءبىرتالاي جوعارى ساپالى كوشە اۋماعى دامىپ قالىپتاستى. قازىرگە دەيىن رايونىمىزدا تۇرپان قالاسى بويلىق سالت - ءداستۇر كوشە اۋماعى، قۇلجا قالاسى التىشۋار كوشەسى، ءۇرىمجى قالاسى ۇلكەن بازار كورىنىس ءوڭىرى، قاشقار قالاسى قاشقار بايىرعى قالاسى كورىنىس وڭىرىندەگى ەلەس كوشەسى سىندى مەملەكەت دارەجەلى كەشكى مادەنيەت پەن ساياحات تۇتىنۋى شوعىرلانعان 4 ءوڭىر؛ قۇلجا قالاسى جىبەك جولى شۇعىلاسى ساياحات شاعىن قالاشىعى، شونجى اۋدانى گۋچىڭ ساۋدا كوشەسى قاتارلى اۆتونوميالى رايون دارەجەلى كەشكى ەكونوميكادا ۇلگى كورسەتەتىن 16 كوشە اۋماعى قۇرىلدى، تۇتاس رايوننىڭ كەشكى تۇتىنۋ دانەكەرى ۇزدىكسىز زورايىپ، كەشكى تۇتىنۋ كاسىپ كۇيلەرى ۇزدىكسىز مولايىپ، كەشكى تۇتىنۋدىڭ كومەسكى كۇشى ۇزدىكسىز ايگىلەندى.
جەر - جەر ەرەكشەلىككە يە كەشكى تۇتىنۋ شوعىرلانعان ءوڭىر قۇرۋدى تۇتقا ەتىپ، كەشكى تۇتىنۋ ءتول اسەرىن بايىتۋدى دانەكەر ەتىپ، كەشكى تۇتىنۋداعى ادام سانى مەن ساپانى ۇزدىكسىز جوعارىلاتتى؛ وڭىرلىك ورىن جانە كاسىپ سالاسى باسىمدىعىن تياناق ەتىپ، اس - سۋ، كوڭىل اشۋ، ساياحات، سەيىل - سەرۋەن سياقتى قالا تۇرعىندارىنىڭ كەشكى تۇتىنۋ قاجەتىنە ۇيلەسەتىن جاڭادان گۇلدەنگەن كاسىپ كۇيلەرىن ءتۇيىندى تۇردە جەتىلدىردى؛ ناقتى جاعدايعا ۇشتاستىرا وتىرىپ، ساياساتتىق دەمەۋدى كۇشەيتىپ، شارۋاشىلىق جۇرگىزۋشىلەردىڭ بەلسەندىلىگىن ءونىمدى جۇمىلدىرىپ، كەشكى ەكونوميكانىڭ دامۋىن جەبەدى؛ ءتۇرلى قيمىلداردى ۇزدىكسىز ۇيىمداستىرىپ ورىستەتىپ، ادامداردى باۋراپ، تۇتىنۋدى جەبەدى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى حى گوچيڭ بىلاي دەپ قارادى: كەشكى ەكونوميكانى دامىتۋ − ەل ءىشى بازارىنداعى تۇتىنۋدى كەڭەيتۋدىڭ قاجەتتى تالابى، جەر- جەر جەرگىلىكتى ەرەكشەلىك پەن قازىرگى دامۋ جاعدايىن نەگىز ەتىپ، عىلمي جوبالاپ، ءبىر تۇتاس جوسپارلاپ ىلگەرىلەتىپ، ۇكىمەتتىڭ سۇيەمەلدەۋىن كۇشەيتىپ، باسقارۋ ءتاسىلىن ساپالىلاندىرىپ، الەۋمەتتىك قۇرىلعىلاردى جانە قىزمەت وتەۋدى كەمەلدەندىرىپ، كەشكى تۇتىنۋدى ”قىزدىرا تۇسۋگە“، ”دۋمانداتا تۇسۋگە“ مۇمكىندىك جاساۋى كەرەك.
حى گوچيڭ مىنانى ءبىلدىردى: اۆتونوميالى رايوندىق 10 - كەزەكتى پارتكومنىڭ 8 - جالپى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، نازاردى كەشكى ەكونوميكانى جوعارى دەڭگەيدە جوبالاۋعا، ارناعا ءتۇسىرىپ، ساپاسىن جوعارىلاتۋعا، كاسىپ كۇيىن مولايتىپ، وزگەشەلىگىن جەتىلدىرۋگە شوعىرلاندىرىپ، ”ءبىر جىلدىڭ ءتورت ماۋسىمىندا“ ماۋسىم سايىن تۇتىنۋ جاعدايى، اي سايىن تاقىرىپتىق تۇتىنۋ قيمىلدارى بولۋىنا مۇمكىندىك جاساۋ قاجەت. سونىمەن بىرگە، الەۋمەتتىك دارەتحانا، جول شامدارى، الەۋمەتتىك قاتىناس سياقتى نەگىزدىك قۇرىلعى قۇرىلىسى جاعىنداعى قىزمەت وتەۋدى كەمەلدەندىرىپ، زات باعاسىن تىزگىندەپ، كەشكى قيمىلدى تەكسەرىپ بەكىتۋدى ىقشامداپ، كەشكى بازار اشۋ تالابىن ۇيلەسىمدى تۇردە تومەندەتىپ، كەشكى زاڭ اتقارۋدى كۇشەيتىپ، زاڭ اتقارۋ ءتاسىلىن جاقسارتىپ، باسقارۋدى قىزمەت وتەۋگە ءسىڭىرۋ كەرەك. جەر - جەر تاجىريبەلەردى قورىتىندىلاپ، كەشكى ەكونوميكانى دامىتۋدىڭ ءادىسىن دۇرىس يگەرىپ، توعىستىرىپ، جاڭالىق اشىپ، كاسىپ كۇيىن بايىتىپ، ادامداردى كوبىرەك باۋراپ، جالىندى كۇشتى ايگىلەپ، ىزدەنىس جاساۋ ارقىلى كورنەكتى ونىمدىلىككە يە ءبىر قىدىرۋ تاجىريبە جانە ءادىس - شارا قالىپتاستىرۋى كەرەك.