جەر - جەردە 39 مىڭ 800 مۋ ءبيداي ورىلىپ بولدى
انار بۇلت \ شينجياڭ گازەتىنىڭ ءتىلشىسى ليۋ ي 6 - ايدىڭ 11 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، جۋىقتا شينجياڭ ءبيدايى جيىن - تەرىن مەزگىلىنە ءوتىپ، جەر - جەردە جيىنى 39 مىڭ 800 مۋ ءبيداي ورىلىپ بولعان. ءار دارەجەلى اۋىل شارۋاشىلىعى، اۋىل - قىستاق تاراۋلارى ءبيدايدىڭ كوكتەۋ جاعدايىنا قاداعالاي نازار اۋدارىپ، ءبيدايدىڭ ەڭ تاماشا جيىن - تەرىن ۋاقىتىن عىلمي تۇراقتاندىرىپ، پىسقانىن دەر كەزىندە ورىپ الىپ، جازعى استىقتى تولىق قامبالاۋعا بار كۇشپەن كەپىلدىك ەتتى.
بىرنەشە كۇننەن بەرى ماكىت اۋدانى يانتاق اۋىلى كايمىڭ قىستاعىنداعى ءبيداي اتىزى التىن سارى تۇسكە ەندى. قىستاق تۇرعىنى ابىلەز امەت وتباسىنىڭ 50 مۋ ءبيداي اتىزىندا 2 كومباين ارى - بەرى قايشالىسىپ، جەدەل ءبيداي ورۋدا. ”2 − 3 ساعاتتا ورىپ بولادى“، - دەدى ابىلەز، بىلتىر قىستاق جەر تەلىمدەرىن بىرىكتىرىپ، ءبيداي ءوندىرىسىنىڭ تۇتاس بارىستا ماشينالانۋ دەڭگەيىن زور دارەجەدە جوعارىلاتىپ، وزىندىك قۇندى ۇنەمدەپ، ونىمدىلىكتى ارتتىرۋدى جۇزەگە اسىردى.
جازعى استىققا وراق قويىلعاننان بەرى ءار دارەجەلى اۋىل شارۋاشىلىعى، اۋىل - قىستاق تاراۋلارى مەكتەپ، بوس تۇرعان زاۆود ۇيلەر سياقتىلاردان پايدالانىپ، استىق ەگەتىن ديقانداردى ءبيدايدى دەر كەزىندە كەپتىرۋگە ۇيىمداستىرىپ، كەپتىرۋ جانە قامبادا ساقتاۋ شارت - جاعدايى بار جيناۋ - ساقتاۋ قۇرىلىمدارىن، جاڭاشا شارۋاشىلىق تۇلعالارىن نەمەسە ەگىمشىلىك ءىرى وتباسىلارىن بەلسەنە اتتانىسقا كەلتىرىپ، كەپتىرۋ جانە جيناۋ، ساقتاۋ جۇمىسىن دەر كەزىندە ورىستەتىپ، استىقتىڭ كوگەرۋ حاۋىپ - قاتەرىن تومەندەتتى. جەر - جەر اۋىل شارۋاشىلىعى، اۋىل - قىستاق، قاتىناس - تاسىمال، قوعام حاۋىپسىزدىگى، اۋا رايى سياقتى تاراۋلاردى ءبىر تۇتاس جوسپارلاپ، ءوڭىر اتتاپ جۇمىس ىستەيتىن ماشينالاردىڭ قاتىناۋى، اۋا رايىنان الدىن الا ساقتاندىرۋ، جۇمىس ءتارتىبىن قورعاۋ جانە توسىن وقيعالاردى ءبىر جاقتى ەتۋ سياقتىلاردى ويداعىداي ىستەپ، ءوڭىر اتتاپ جۇمىس ىستەۋ كۋالىگىنەن 9400ىن الدىن الا تاراتىپ، اۋىل شارۋاشىلىق ماشينالارىنىڭ جۇمىس ىستەۋ جاسىل ارناسىن اشىپ، اۋىل شارۋاشىلىق ماشينالارىن تاسىمالداۋ جۇمىسىنداعى بوگەتتەردى، قىسپاقتاردى اشىپ، ءبيداي پىسقاندا وراتىن ماشينا بولۋدى، ماشينا كەلگەندە ىستەيتىن جۇمىس بولۋدى شىن مانىندە جۇزەگە اسىردى.
قازىرگە دەيىن بۇكىل رايوندا جيىنى 600 كومباين ىسكە قوسىلدى، مۇنىڭ 286سى ”جازعى ءۇش جۇمىس“ كەزىندە ءوڭىر اتتاپ ورۋعا قاتىناسىپ، كومباينمەن ورىلعان ءبيداي اتىزىنىڭ اۋماعى 35 مىڭ مۋعا جەتتى. قازىر ءار دارەجەلى اۋىل شارۋاشىلىعى، اۋىل - قىستاق تاراۋلارى اۋا رايى وزگەرىسىنە جانە ءبيدايدىڭ ءوسۋ جاعدايىنا، اسىرەسە، اقسۋ، قاشقار سياقتى قۇرعاق ىستىق جەلدىڭ زيانى جوعارى وڭىرلەرگە قاداعالاي نازار اۋدارىپ، ءبيداي اتىزىن باسقارۋدى بەلسەنە جاقسى ىستەپ، اڭىزعاق جەلدىڭ زيانىن ازايتىپ، ءدان سالماعىن بارىنشا جوعارىلاتىپ، بىرلىك ءونىمدى بارىنشا ارتتىردى. سونىمەن بىرگە جەر - جەر ”جازعى ءۇش جۇمىس“ كەزىندە تۋىلاتىن ”القىمداعان“ قۋاڭشىلىقتىڭ ءىس جۇزىندىك جاعدايىنا باعىتتاي وتىرىپ، قۋاڭشىلىققا قارسى تۇرۋدىڭ شۇعىل جاعدايعا توتەپ بەرۋ جوباسىن جاساپ، قۋاڭشىلىقتىڭ ىقپالىنان ءونىمدى ساقتاندى جانە ونى جەڭىلدەتتى.