ەركىن تۇنياز ۇرىمجىدە ماڭىزدى قاتىناس قۇرىلعى نىساندارىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اناعۇرلىم زور بەكىم، اناعۇرلىم ناقتى شارالار ارقىلى جوعارى ساپالى دامۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 6 - ايدىڭ 11 - كۇنى ۇرىمجىدەن حابارلايدى. 6 - ايدىڭ 11 - كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق پارتكومنىڭ ورنالاستىرۋلارىن دايەكتىلەندىرۋ، تياناقتاندىرۋ، ءتۇيىندى نىسان قۇرىلىستارىن تىڭعىلىقتى ىلگەرىلەتۋ جونىندە تەكسەرۋ - زەرتتەۋ جۇرگىزدى ءارى سول جەردىڭ وزىندە ءىس تىندىرىپ، نەگىزگى تاقىرىپتىق تاربيەمەن تىعىز ۇشتاستىرىپ، ءتۇيىندى نىسان قۇرىلىستارىنىڭ ساپاسىن جوعارىلاتىپ، ونىمدىلىگىن ارتتىرۋدى اناعۇرلىم زور بەكىممەن، اناعۇرلىم ناقتى شارالارمەن ىلگەرىلەتىپ، اناعۇرلىم كوپ قىزمەت مولشەرىن، ناقتى زات مولشەرىن، قارجى قوسۋ مولشەرىن قالىپتاستىرىپ، شينجياڭنىڭ جوعارى ساپالى دامۋىنا كۇشتى قوزعاۋشى قۋات توپتاۋ كەرەك دەپ باسا دارىپتەدى.
ءۇرىمجى قالا اينالمالى جوعارى قارقىندى تاس جولى (باتىس جەلىسى) ينجەنەرياسى − مەملەكەتتىك جوعارى قارقىندى تاس جول تورابىنىڭ ماڭىزدى قۇرامداس بولىگى، ءۇرىمجى قالاسىنىڭ ”ەكى كولدەنەڭ، ەكى تىك، بەس اينالمالى، ون بەس تارام“ سۇلبا جول تورابىنىڭ بەس اينالمالى جەلىسىنە جاتادى. ءۇرىمجى اينالمالى جوعارى قارقىندى تاس جولى (باتىس جەلى) ينجەنەرياسىنىڭ لانجوۋ − شينجياڭ تەمىر جولى ايقاسپالى كوپىرى نىسانىنىڭ جۇمىس باسىندا ەركىن تۇنياز نىسان قۇرىلىسىنىڭ جاعدايى جونىندەگى مالىمەتتى تىڭداپ، نىسان قۇرىلىسىنىڭ الدىڭعى مەرزىمدىك قىزمەتتەرىندە قول جەتكەن ناتيجەلەردى تۇراقتاندىرىپ، نىساندى ىلگەرىلەتۋ بارىسىندا ورىن تەپكەن كورنەكتى ماسەلەلەردى ارقاۋ ەتىپ، جۇمىس باسىندا قاراستى جەردەگى ۇكىمەتتىڭ، بيڭتۋان مەن جەرگىلىكتى ورىننىڭ قاتىستى تاراۋلارىنىڭ، سونداي - اق قۇرىلىس جۇرگىزۋشى ورىنداردىڭ جاۋاپتىلارىمەن ىشكەرىلەي اقىلداسىپ، تالقى جۇرگىزدى، شەشۋ ادىستەرىن ورتاعا قويدى. ول بىلاي دەپ باسا دارىپتەدى: كەزەكتە شينجياڭ جىبەك جولى ەكونوميكالىق بەلدەۋى وزەكتى رايونىنىڭ قاتىناس تورابى ورتالىعىن قۇرۋدى جەدەلدەتۋدە، بيڭتۋان مەن جەرگىلىكتى ورىن ءبىر تۇتاس جوسپارلاپ سايكەستىرۋدى كۇشەيتىپ، قىزمەت وتەۋ دەڭگەيىن جوعارىلاتىپ، بوگەتتىك تۇيىندەردى، قيىن ماسەلەلەردى شەشىپ، ساپانى باسقارۋ - مەڭگەرۋدى جانە ءوندىرىس حاۋىپسىزدىگىن قاتاڭ، شىنايى ويداعىداي يگەرىپ، نىسانداردىڭ ەرتەرەك سالىنىپ، ەرتەرەك ونىمدىلىك كورسەتۋىنە كۇش سالۋى كەرەك.
ءۇرىمجى حالىقارالىق اۋەجايىن جاڭالاپ، كەڭەيتىپ سالۋ ينجەنەرياسى − مەملەكەتتىك دامۋ جانە رەفورما كوميتەتىنىڭ، حالىقتىق اۆياتسيا مەكەمەسىنىڭ، اۆتونوميالى رايوننىڭ تۇراقتاندىرعان ءتۇيىندى نەگىزدىك قۇرىلعى قۇرىلىسى نىسانى، شينجياڭنىڭ ىشكە، سىرتقا ەسىك اشۋ دەڭگەيىن جوعارىلاتۋدا ماڭىزدى مانگە يە. ەركىن تۇنياز تەرمينال عيماراتىنا كەلىپ، ينجەنەريانىڭ جوبا - جوسپارىن ەگجەي - تەگجەيلى ۇعىستى، تەرمينال عيماراتىنىڭ قۇرىلىس جاعدايىن تەكسەردى. ول بىلاي دەپ اتاپ كورسەتتى: نىسانا مەن مىندەتتى تىعىز ارقاۋ ەتىپ، نىسان قۇرىلىسىن ەرەكشە تەبىنمەن ىلگەرىلەتىپ، قىزمەت مەحانيزمىن كەمەلدەندىرىپ، جۇمىس ۋاقىتىن قاۋىرت ورنالاستىرىپ، جوبا بەلگىلەپ شايقاس جۇرگىزىپ، ۋاقىتتى ۇتىپ، قارقىندى يگەرىپ، الاڭسىز ينجەنەريانى، حالىق تىلەگى ينجەنەرياسىن، ساپا ينجەنەرياسىن كۇش سالا تۇلعالاۋ كەرەك. ءۇرىمجى قالاسى تۇلعالىق رولىن تولىق ساۋلەلەندىرىپ، نەگىزگى تاقىرىپتىق تاربيە ورىستەتۋدى نىسان قۇرىلىسىن ىلگەرىلەتۋمەن ۇشتاستىرىپ، تەكسەرۋ - زەرتتەۋدى تەرەڭدەتۋ ارقىلى قۇرىلىستاعى قيىن ماسەلەلەردى شەشۋدى ىلگەرىلەتىپ، نىسان قۇرىلىسىنىڭ جىلدامدىعىن بارىنشا ارتتىرۋدى جەبەۋى كەرەك.
ەركىن تۇنياز تەكسەرۋ - زەرتتەۋدە بىلاي دەپ باسا دارىپتەدى: ساياسي دەڭگەيدى شىنايى جوعارىلاتىپ، اۆتونوميالى رايوندىق پارتكومنىڭ ورنالاستىرۋلارىن، تالاپتارىن تياناقتاندىرىپ، قاتىناستا قۋاتتى ەل بولۋداعى شينجياڭنىڭ سىناق ءتۇيىنى قىزمەتىن ورىستەتۋ ورايىن مىقتاپ يگەرىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ارقاۋ ەتىپ، قاتىناستا قۋاتتى ەل بولۋدىڭ شينجياڭ تاراۋىن قۇلشىنا جازۋ كەرەك. نىسانانى ءجىتى قاداعالاپ، ۋاقىتتى ۇتا قارقىندى مىقتى يگەرىپ، شينجياڭنىڭ جوعارى ساپالى دامۋىنا اناعۇرلىم ويداعىداي قىزمەت وتەۋ كەرەك. نازاردى شەشۋشى بۋىندارعا شوعىرلاندىرىپ، فاكتورلارمەن قامتاماسىز ەتۋدى كۇشەيتىپ، عىلمي ۇيىمداستىرىپ، ورنالاستىرىپ، جاڭالىق اشۋ تەحنيكالارىن بەلسەنە قولدانىپ، ينجەنەريانىڭ ساپاسى مەن دەڭگەيىنىڭ تاريحتىڭ سىنىنان وتۋىنە شىنايى كەپىلدىك ەتۋ كەرەك. دامۋ مەن حاۋىپسىزدىكتى ءبىر تۇتاس جوسپارلاپ، ءوندىرىس حاۋىپسىزدىگىن باقىلاۋ - باسقارۋدى كۇشەيتىپ، كومەسكى قاتەرلەردى ءبىر - بىرلەپ تەكسەرۋدى، وڭاۋدى ويداعىداي ىستەپ، نىسانداردىڭ ورنىقتى، ءتارتىپتى بولۋىنا شىنايى كەپىلدىك ەتۋ كەرەك.
ليۋ سۋشى تەكسەرۋ - زەرتتەۋدە بىرگە بولدى.