− رايونىمىزدىڭ ساياحات كاسىبىنىڭ جوعارى ساپالى دامۋىن ىلگەرىلەتكەندىگى جونىندە جالپى شولۋ (1)
□ انار بۇلت \ شينجياڭ گازەتىنىڭ ءتىلشىسى ياۋ گاڭ
اۆتونوميالى رايوننىڭ ساياحاتتى دامىتۋ جونىندەگى جينالىسى اشىلعان ءبىر جىلعا جۋىق ۋاقىتتان بەرى رايونىمىز شينجياڭدى مادەنيەتپەن نارلەندىرۋدى تىڭعىلىقتى ىلگەرىلەتىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارىپ، ساياحات كاسىبىنىڭ جوعارى ساپالى دامۋىن ىلگەرىلەتتى. بيىل الدىڭعى 5 ايدا بۇكىل شينجياڭ 72 ميلليون 704 مىڭ 600 ساياحاتشى (رەت) قابىلداپ، سايكەس مەزگىلدەگىدەن ％91. 34 ارتتى؛ ساياحات كىرىسى 62 ميلليارد 479 ميلليون يۋانعا جەتىپ، سايكەس مەزگىلدەگىدەن ％86. 74 ارتتى.
مادەنيەت - ساياحات كاسىبىن زورايتىپ، ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتتى؛ مادەنيەت پەن ساياحاتتىڭ توعىسۋىن تەزدەتىپ، ونىمدەردىڭ كاسىپ كۇيىن مولىقتىردى؛ ءبىر كاسىپتىڭ كوركەيۋىمەن سان كاسىپ گۇلدەنىپ، اۋىل - قىستاقتى گۇلدەندىرۋگە قۋات ۇستەدى؛ كۇندەلىكتى تۇرمىسقا ءسىڭىرىپ، وسى زامانعى وركەنيەتتى دارىپتەدى... شينجياڭنىڭ ساياحات كاسىبى بارعان سايىن ەكونوميكانىڭ جوعارى ساپالى دامۋىنىڭ تەبىندەپ كەلە جاتقان كاسىپ سالاسىنا، ءار ۇلت بۇقاراسىنىڭ كىرىس ارتتىرىپ، بايۋىنداعى حالىققا ءتيىمدى كاسىپ سالاسىنا جانە شينجياڭنىڭ ىنتىماقتى، ورنىقتى، جاراسىمدى، باقىتتى، ەكولوگياسى تاماشا جۇلدىزدى كاسىپ سالاسىنا اينالدى. كورىكتى شينجياڭ قۇشاعىن ايقارا اشىپ، شار تاراپتان كەلگەن قوناقتارمەن، دوستارمەن قاۋىشتى.
تەبىندەپ كەلە جاتقان كاسىپ سالالارىنان جاندى دا جالىندى لەپ بايقالدى
19 - كەزەكتى جۇڭگو (شىنجىن) حالىقارالىق مادەنيەت شارۋاشىلىعى كورمەسى جارمەڭكەسى مادەنيەت شارۋاشىلىعى بويىنشا ساۋداگەر شاقىرۋ جينالىسى جانە سەلبەستىك كەلىسىمىنە قول قويۋ سالتىندا مىناداي ءبىر ماڭىزدى حابار جاريالاندى: بيىل تۇڭعىش رەت قۇرىلعان جۇڭگو (شىنجىن) حالىقارالىق مادەنيەت شارۋاشىلىعى كورمەسى جارمەڭكەسىنىڭ تۇڭعىش كەزەكتى شينجياڭ كورمەسى قاشقارعا ىرگە تەبەدى ءارى 6 - ايدىڭ 21 - كۇنىنەن 25 - كۇنىنە دەيىن ”13 - كەزەكتى جۇڭگو شينجياڭ قاشقار . ورتا ازيا، وڭتۇستىك ازيا تاۋارلار جارمەڭكەسى“ ينتەرنەت جەلىسىنەن تىسقارىدا بىرلەسىپ وتكىزىلەدى. ”قاشقار جارمەڭكەسى“ مەن ”شىنجىن مادەنيەت كورمەسىنىڭ تۇڭعىش كەزەكتى شينجياڭ كورمەسى“ بۇكىل شينجياڭداعى، ءتىپتى، ەل ىشىندەگى، حالىقاراداعى ايگىلى ماركا كورمەسىن تۇلعالاپ، شينجياڭنىڭ مادەنيەت جانە ساياحات كاسىپ سالاسىنىڭ جاڭا بەت - بەينەسىن جان - جاقتى ايگىلەيدى.
كورمەگە قاتىناسقان قالىڭ ساۋداگەرلەر مەن كاسىپتىك كورەرمەندەردىڭ باسىن قوسقان مادەنيەت - ساياحات كورمەسى جاڭا كاسىپ سالاسى بايلىعىن ۇزدىكسىز ەنگىزىپ، اناعۇرلىم كوپ تۇتىنۋ ورتاسىن، كەڭىستىگىن قالىپتاستىرىپ، ساياحات ەكونوميكاسىنىڭ سىرتقا تارالۋ اسەرىن زورايتتى. بيىل 4 - ايدا 2023 - جىلعى شينجياڭ مادەنيەت - ساياحات كاسىپ سالاسى ساۋدا كورمەسى جانە 4 - كەزەكتى شينجياڭ كوكتەمگى ساياحات كورمەسىندە 2 ميلليارد 70 ميلليون يۋاندىق ساۋدا نيەتىنە كەلىسىپ، سيفرلى زەردەلى مادەنيەت - ساياحات، كورىنىس ءوڭىرى جابدىقتارى، كوڭىل اشۋ جابدىقتارى، كورىنىس ءوڭىرى لاگەرى سياقتى 280 نەشە كاسىپورىندى، 1000نان استام ساۋداگەردى كورمەگە قاتىناسۋعا باۋرادى؛ بىلتىر جىل سوڭىندا 18 - كەزەكتى شىنجىن مادەنيەت كورمەسىندە ”شينجياڭ جاقسى جەر“ مادەنيەت جانە ساياحات كاسىپ سالاسى نىساندارىنا ساۋداگەر شاقىرىپ قارجى ەنگىزۋ ارناۋلى تانىستىرۋ ماجىلىسىندە 3 ءتۇيىندى نىسانعا قول قويىلىپ، توقتام سوماسى 12 ميلليارد 400 ميلليون يۋان بولدى؛ 16 - كەزەكتى شينجياڭ قىسقى ساياحات كاسىپ سالاسى ساۋدا كورمەسىندە سەلبەستىك نيەتىنە كەلىسكەن مادەنيەت - ساياحات نىسانى جيىنى 27 بولىپ، قول قويىلعان كەلىسىم سوماسى 11 ميلليارد 28 ميلليون يۋانعا جەتتى...
شينجياڭنىڭ مادەنيەت - ساياحات ىستەرىنىڭ توعىسپالى دامۋىنىڭ جاڭا جەتىستىكتەرىن تولىق ايگىلەۋمەن بىرگە، كولەمدى كورمە - ءماجىلىس تۇعىرىندا شينجياڭنىڭ مادەنيەت - ساياحات كاسىبى جاڭا دامۋ ورايىنا جانە جاڭا وي جەلىسىنە يە بولدى. تالاي رەتكى تارتىمدى كورىنىس شينجياڭنىڭ مادەنيەت - ساياحات كاسىپ سالاسىنىڭ كولەمىنىڭ ۇزدىكسىز زورايىپ، قۋاتىنىڭ ۇزدىكسىز كۇشەيىپ كەلە جاتقان بەينەلەرىنىڭ ءبىرى.
جوعارى ساپالى دامۋ جولىمەن جۇرۋدە تەمىر سوعۋ ءۇشىن قۇرىشتاي بەرىك بولۋ كەرەك. ”شينجياڭنىڭ ساياحاتىن ءتىپتى جاقسى، ءتىپتى تەز دامىتۋ ءۇشىن، نەگىزدىك قۇرىلعىلاردىڭ دارەجەسىن جوعارىلاتۋدى، جاڭالاۋدى جانە فۋنكتسيالارىن كەمەلدەندىرۋدى ونان ارى كۇشەيتۋگە تۋرا كەلەدى“دەپ قارادى تۇڭچىڭ زەرتتەۋ ورنىنىڭ باس زەرتتەرمەنى چىڭ چاۋگۇڭ. شينجياڭ نەگىزدىك قۇرىلعىلاردى كەمەلدەندىرۋ، قىزمەت وتەۋ ساپاسىن جوعارىلاتۋ، ”تەز جەتىپ، اسىقپاي ساياحاتتاۋ“ تۇتاس وڭىرلىك ساياحات قاتىناس جۇيەسىن قۇرۋ سياقتىلاردان باستاپ كىرىسىپ، ”پويەزبەن شينجياڭدى ساياحاتتاۋ“ جەلىلەس ماركاسىن جاراتىپ، تاس جول ارقىلى ”كورىنىس وڭىرلەرىن، كورىنىس تۇيىندەرىن تۇتاستىرۋدى“ ىلگەرىلەتىپ، اۆياتسيا اۋە جەلىسى تورىن اقاۋسىزداندىردى. سونىمەن بىرگە ساياحاتتىڭ جاڭا كاسىپ كۇيىن، جاڭا ۇلگىسىن، جاڭا ونىمدەرىن دامىتىپ، سارا نىسان قۇرىلىسى ينجەنەرياسىن اتقارىپ، ءبىر توپ دۇنيە جۇزىلىك دەڭگەيدەگى ساياحات كورىنىس رايوندارىن قۇرىپ، ساياحاتتىڭ كوپ ءتۇرلى كاسىپ كۇيىنىڭ توعىسپالى دامۋىن ىلگەرىلەتتى. اۆتونوميالى رايوندىق مادەنيەت - ساياحات مەڭگەرمەسى بايلىقتى اشۋ باسقارماسىنىڭ ورىنباسار باستىعى جوۋ حاۋ بىلاي دەپ تانىستىردى: بۇكىل شينجياڭنىڭ جەر - جەرى قار - مۇز ساياحاتى، قۇمدى ءشول ساياحاتى، تومەن كەڭىستىك ساياحاتى سياقتىلاردى ارقاۋ ەتىپ، سارا كورىنىس وڭىرلەرى مەن سارا جەلىلەردى ەل ءىشى - سىرتى ساياحاتشىلارىن شينجياڭعا كەلىپ ساياحاتتاۋعا باۋرايتىن، ساياحاتتىڭ دامۋىن جەتەكتەيتىن ماڭىزدى تىرەك ەتىپ، سارا ساياحاتتىڭ كولەمىن كەڭەيتىپ، ساپاسىن جوعارىلاتىپ، دارەجەسىن ءوسىرۋدى جۇزەگە اسىرىپ، ”شينجياڭ جاقسى جەر“ ماركاسىنىڭ داڭقىن اسىردى.
نەگىزى بەكەم، بولاشاعى نۇرلى شينجياڭنىڭ ساياحات كاسىبى قارجى قوسۋعا باۋراۋدىڭ بيىك بەلەسىنە اينالۋدا. ”ءبىز شينجياڭ مادەنيەت - ساياحات قارجى قوسۋ توبى سياقتى باستاماشى كاسىپورىنداردىڭ دامۋىن ۇزدىكسىز قولداپ، مادەنيەت - ساياحات تۇتاس كاسىپ سالاسى تىزبەگى تۇعىرىن بەلسەنە قۇرامىز“. اۆتونوميالى رايوندىق مادەنيەت جانە ساياحات مەڭگەرمەسى كاسىپ سالاسىن دامىتۋ باسقارماسىنىڭ باستىعى تاڭ ۋىن بىلاي دەپ تانىستىردى: شينجياڭ مادەنيەت جانە ساياحات فينانستىق قىزمەت وتەۋ ورتالىعى بەلسەنە جوبالانىپ، قۋاتتى، ساپالى كاسىپورىنداردى شينجياڭنىڭ مادەنيەت - ساياحات كاسىبى بايلىعىن اشۋعا جانە ىسكە قوسۋعا، باسقارۋعا ات سالىسۋعا باۋراۋدا. قازىر جۇڭگو ساياحات توبى، حۋاچياۋچىڭ توبى، جۇڭچيڭ ساياحات جارنا مەڭگەرۋ شەكتى جارنا سەرىكتەستىگى، جيڭدۇڭ توبى، تۇڭچىڭ توبى، الاديڭ توبى سياقتى ەل ىشىندەگى ايگىلى كاسىپورىندار ىركەس - تىركەس شينجياڭمەن قول ۇستاسىپ سەلبەسىپ، كەلەلى نىساندار ۇزدىكسىز تياناقتاندى. شينجياڭ مادەنيەت - ساياحات قارجى قوسۋ توبى شەكتى سەرىكتەستىگى مەن ءارقايسى ايماق، وبلىس، قالالاردىڭ مادەنيەتكە، ساياحاتقا قارجى قوسۋ توبى ىركەس - تىركەس قۇرىلىپ، شينجياڭنىڭ ساياحات كاپيتال بازارىنىڭ جاندانۋىنا، ساياحات كاسىبىنىڭ قارىشتاپ دامۋىنا قوزعاۋشى كۇش ۇستەدى.
حالىققا تيىمدىلىك جاسايتىن كاسىپ سالاسى باقىتقا باستاماشى بولدى
جاز كۇندەرىنىڭ كەشىندە شينجياڭ حالىقارالىق ۇلكەن بازار كورىنىس ءوڭىرى ۇلكەن بازار ءدامدى تاعامدار كوشەسىندە شامدار سامالاداي جارقىراپ، ادامدار دىر - دۋمانعا بولەندى، جىڭعىل كاۋاپ، ايران قوسقان قياق كۇرىش، تونار ەتى سياقتى ۇساق تاعامداردىڭ حوش ءيىسى ساۋداگەرلەردىڭ ءالسىن - ءالى شىققان داۋىسىمەن بىرگە اڭقىپ، ساياحاتشىلار اڭگىمە دۇكەنىن قۇرىپ، ءماز - مايرام بولىسىپ، بىرگە توسىت كوتەرىپ، كەشكى ەركە سامالدا راقاتتى ساتتەن ءلازاتتاندى. وسى ارانى قوسقاندا ءۇرىمجى قالاسى 2 كەشكى ەكونوميكا وزەكتى اۋماعىن جانە ءبىر توپ كەشكى ەكونوميكا شوعىرلانۋ اۋماعىن، ۇلگى كورسەتۋ اۋماعىن، ءتۇن ورتاسى اسحاناسىن قۇرىپ، اۆتونوميالى رايون دارەجەلى 5 كەشكى مادەنيەت جانە ساياحات تۇتىنۋى شوعىرلانعان اۋماقتى قۇردى. ”ءۇرىمجى تۇتىنۋ شوعىرلانعان اۋماق قۇرىپ، باستىسى، سەيىل - سەرۋەن، كوڭىل اشۋدى جەبەپ، ساياحاتشىلار مەن قالا تۇرعىندارىنا قالانىڭ جاڭا سالتى مەن ومىرشەڭدىك كۇشىن سەزىندىرىپ، مادەنيەت پەن ساياحاتتىڭ دامۋ جەتىستىكتەرىنەن بىرگە يگىلىكتەندىردى“، - دەدى ءۇرىمجى قالالىق مادەنيەت جانە ساياحات مەكەمەسى (قالالىق مادەني مۇرالار مەكەمەسى) ساياحاتتى جالپىلاستىرۋ جانە سىرتپەن اۋىس - كۇيىس جاساۋ ءبولىمىنىڭ ورىنباسار باستىعى حاي يان.
ءبىر جاعىنان، ساياحات، سەيىل - سەرۋەن قالاسىن بەلسەنە قۇرىپ، ساياحاتشىلاردىڭ تىرشىلىك تىنىسىنان ءلازاتتانۋىنا مۇمكىندىك جاسادى؛ ەندى ءبىر جاعىنان، اۋىل - قىستاق ساياحاتىنىڭ دامۋ ارىنى كۇشەيىپ، ءتىپتى دە كوپ ەگىنشى - مالشىلاردى سول جەردىڭ وزىندە، جاقىن ماڭدا جۇمىستانىپ، شارۋاشىلىق قۇرىپ، كىرىستەرىن ارتتىرۋعا جەتەكتەدى.
اۋىل - قىستاق ساياحاتى رايونىمىزدىڭ كوپ جەرىندە اۋىل - قىستاقتى گۇلدەندىرۋدىڭ ”التىن كىلتىنە“ اينالدى. جەر - جەر جەرگىلىكتى جاعدايعا قاراي ىستەپ، جاعدايعا قاراي جەتەكشىلىك ەتىپ، اتىزدى باقشاعا، باقشا رايونىن كورىنىس وڭىرىنە اينالدىرىپ، ساياحاتشىلاردىڭ تاۋدى تاماشالاۋىنا، سۋدى كورە الۋىنا، اۋىل ساعىنىشىن ەستە ساقتاۋىنا مۇمكىندىك جاسادى، سونداي - اق ەگىنشى - مالشىلاردى ناقتى يگىلىككە كەنەلتتى. حوتان قالا ورتالىعىنان نەبارى بىرنەشە كيلومەتر قاشىقتىقتاعى گۋجيانباق اۋىلى تومەنتىگىنىلا قىستاعى ءدامدى تاعام، جەمىس - جيدەك تەرۋ، كوكتەمگى سەيىل - سەرۋەن، ۇيىم قۇرىلىسى، اتا - انا مەن بالانىڭ ويىن باقشاسى ءبىر تۇلعالانعان قىزمەت وتەۋ جۇيەسىن قالىپتاستىرىپ، بالالار ويىن باقشاسى، حايۋاناتتار عىلىمىن جالپىلاستىرۋ باقشاسى، اۋىل - قىستاق ۇلكەن ساحناسى، اس - سۋ دۇكەنى سياقتىلاردى قۇردى. اس - سۋ جانە ءتۇرلى دۇكەندەردەن 60 نەشەسى بار بولىپ، وسى اۋىلداعى 245 ادامدى تىكەلەي جۇمىستاندىرىپ، 212 وتباسىن ورنىقتى جۇمىستاندىردى. التاي قالاسى جياڭجۇن تاۋى حالىقارالىق شاڭعى دەمالىس رايونىنان جاسىل كيىم نەمەسە قىزىل كۇرمە كيگەن شاڭعى جاتتىقتىرۋشىلارىن ۇنەمى كورۋگە بولادى، 100دەن استام جاتتىقتىرۋشىنىڭ تەڭ جارتىسى جەرگىلىكتى قالا تۇرعىندارى مەن ەگىنشى - مالشىلار، ءار ادامنىڭ قار ماۋسىمىندا كىرىسى از بولعاندا 70 تە 80 مىڭ يۋان، كوپ بولعاندا 100 نەشە مىڭ يۋان بولادى. قورعاس اۋدانى لۋساۋگوۋ قالاشىعى سىگۇڭ قىستاعى لاۆاندانى ارقاۋ ەتىپ، اۋىل - قىستاق ساياحاتىن تۇلعالادى، قازىر بۇكىل قىستاقتاعى لاۆاندا ەگىلگەن جەر اۋدانى 12 مىڭ مۋ اينالاسىندا، حالىقتىق تۇسەلحانا 2019 - جىلعى 9دان كوبەيىپ، قازىر 38گە جەتتى، تاعى كوپتەگەن قىستاق تۇرعىندارى لاۆاندا ونىمدەرىن مانەرلەۋ، ساتۋ جۇمىسىمەن شۇعىلداندى.
قازىر بۇكىل شينجياڭدا شارۋالار شاتتىعى ساياجايى 10 مىڭعا تايادى، مۇنىڭ ىشىندە جۇلدىز دارەجەلى شارۋالار شاتتىعى ساياجايى 2000عا جەتىپ، ەرەكشە حالىقتىق تۇسەلحانا جاڭبىردان كەيىنگى جاۋقازىنداي قاۋلاپ، بۇكىل ەلدەگى اۋىل - قىستاق ساياحاتىنداعى ءبىر توپ ءتۇيىندى اۋىل - قالاشىق، ءتۇيىندى قىستاق، بۇكىل ەلدەگى سەيىل - سەرۋەن اۋىل شارۋاشىلىعى جانە اۋىل - قىستاق ساياحاتىنان ۇلگى كورسەتۋ تۇيىندەرى سياقتىلار جارىققا شىقتى. مەجەگە قاراعاندا، شينجياڭدا ساياحاتپەن تىكەلەي شۇعىلداناتىنداردىڭ سانى 300 مىڭ ادامنان اسىپ، جانامالاي ءبىر ميلليون 500 مىڭ ادامدى جۇمىسقا ورنالاستىردى، مۇنىڭ ىشىندە 54 مىڭ 100 ادام ساياحات ارقىلى تىڭنان تىكەلەي جۇمىسقا ورنالاسقان.
زاتتىق جاقتان مولشىلىق بولۋدان سىرت، اۋىل - قىستاق ساياحاتى اۋىل - قىستاق مادەنيەت قۇرىلىسىن كۇشەيتۋ، ەگىنشى - مالشىلاردىڭ رۋحاني دۇنيەسىن بايىتۋ جاعىندا دا ماڭىزدى رول اتقارۋدا.
تاڭعى ارايعا بولەنگەن جايلاۋ، بۇلتتان بورىك كيگەن اسقار تاۋ، سيىر، قوي، جىلقى، تۇيە شۇبىرعان كوشى - قون جولى... سانجى قالاسى مورگۋ اۋىلى حىشيە 2 - قىستاعىنىڭ مادەنيەت، دەنە تاربيە ورتالىعى وتكىزگەن فوتو سۋرەت كورمەسى نەشە جۇزدەگەن ساياحاتشىنى باۋرادى. جۇزدەگەن فوتو سۋرەت تۋىندىلارى اۋىل - قىستاقتىڭ جاڭا بەت - بەينەسىن، جاراتىلىستىق كورىنىسىن جانە ۇلتتىق سالت - سانانى ەستەلىككە الىپ، قىستاق تۇرعىندارىنىڭ ءوندىرىس، تۇرمىس، ەكولوگيانى قورعاۋ سياقتى كورىنىستەرىن ايگىلەدى، تۋىندىلاردى تۇگەلدەي وسى قىستاقتاعى ەگىنشى - مالشىلار سۋرەتكە تۇسىرگەن. سوڭعى جىلدارى جەرگىلىكتى ورىن مەرزىم بويىنشا ينتەرنەت جەلىسىندە، ينتەرنەت جەلىسىنەن تىسقارىدا فوتو سۋرەت باۋلۋىن ورىستەتىپ، ەگىنشى - مالشىلاردى تاۋلى وڭىردە، قۇمدى شولدە، قىستاقتاردا فوتو سۋرەت جاسامپازدىعىمەن شۇعىلدانۋعا باستادى ءارى سول جەردىڭ وزىندە جەتەكشىلىك ەتىپ، جيىنى 70 نەشە ەگىنشى - مالشىنى ”سۋرەتكە ءتۇسىرۋشى“ ەتىپ تاربيەلەپ، سۋرەتكە ءتۇسىرۋدى وسى قىستاقتىڭ ساياحات جاڭا تانىسقىسىنا اينالدىردى. تيانشان الابىندا ءتىپتى دە كوپ ساياحاتشى مەن قىستاق تۇرعىندارىنىڭ ”قوس باعىتتا اتتانۋ“ حيكاياسى شەرتىلۋدە.
جۇلدىز كاسىپ سالاسىنىڭ جارقىن تۇيىندەرى ءجيى جارىققا شىقتى
2023 - جىلعى جۇڭگو تاكلاماكاندى اينالۋ (حالىقارالىق) راللي جارىسى جانە جۇڭگو اۆتوموبيل دالالىق راللي جۇلدەلى جارىسىنىڭ شينجياڭ بولىمشە بەكەت جارىس مايدانى جارىسى باستالاردان ءبىر كۇن بۇرىن، ءدال ”جۇڭگو ساياحات كۇنىنە“ تۋرا كەلدى، جەر - جەردەن كەلگەن جارىس اۆتوموبيلىن جۇرگىزۋ شەبەرلەرى، جارىس اۆتوموبيلى اۋەسكەرلەرى اقسۋ قالاسىنا جينالدى. سول كۇنى كەشتە، كونە كوشە كەشكى بازارىندا ادامدار ءيىن تىرەسىپ، ينە شانشار جەر قالمادى، ساياحاتشىلار وسى ارادا ەرەكشە ءدامدى تاعامداردان اۋىز ءتيىپ، بيىكتەگى داۋاز ويىنىن تاماشالادى. جارىس باستالاردىڭ الدىنداعى 5 كۇندە تاكلاماكاندى اينالۋ ۇلكەن لاگەرى كۇنىنە ورتا ەسەپپەن 10 مىڭ ساياحاتشى (رەت) قابىلداعان. اقسۋ قالاسىنداعى ءارقايسى ۇلكەن قوناق ۇيلەر، مەيمانحانالار جانە حالىقتىق تۇسەلحانالار تۇگەلدەي ادامعا لىق تولعان.
وسى كەزەكتى جارىس لەنياسىنىڭ جالپى ۇزىندىعى 4200 كيلومەتردەن اسادى، اقسۋ ايماعىن، قىزىلسۋ قىرعىز اۆتونوميالى وبلىسىن، قاشقار ايماعىن، حوتان ايماعىن باسىپ وتەدى. مەملەكەت دەنە تاربيە باس مەكەمەسى باعالاپ تۇراقتاندىرعان ”جۇڭگو سپورتتىق ساياحات 10 تاڭداۋلى سارا جارىسى“، ”دەنە تاربيە + ساياحات“ تاكلاماكاندى اينالۋ راللي جارىسىنىڭ ”دوستىق شەڭبەرىن“ ۇزدىكسىز كەڭەيتىپ، ساياحات ارقىلى حالىققا تيىمدىلىك جەتكىزۋ، اۋىل شارۋاشىلىق ونىمدەرىن كورمەلەپ ساتۋ، ادەبيەت - كوركەمونەر قويىلىمدارى، ءدامدى تاعامدار مەرەكەسى قاتارلى قيمىلداردى ورىستەتىپ، كوپ نەگىزدى ساياحات بايلىعىن ايگىلەپ، جارىستىڭ ساياحاتتىق سەزىنۋىن بايىتتى.
شينجياڭ مادەنيەت ارقىلى ساياحات ىستەرىن سومداۋعا، ساياحات ارقىلى مادەنيەتتى ايگىلەۋگە تاباندى بولىپ، ”ساياحات +“دىڭ كەشەندى باستاماشىلدىق رولىن تولىق ساۋلەلەندىرىپ، ساياحات پەن مادەنيەت، دەنە تاربيە، سەيىل - سەرۋەن سياقتى كاسىپ سالالارىنىڭ تەرەڭدەي توعىسپالى دامۋىن جەبەپ، جارقىن تۇيىندەر ءجيى جارىققا شىقتى.
بيىل جىل باسىنان بەرى رايونىمىز 3 - كەزەكتى جۇڭگو شينجياڭ حالىقارالىق كوركەمونەر قوس جىلدىق كورمەسى، تۇڭعىش كەزەكتى شينجياڭ مادەنيەت كوركەمونەر فەسيتۆالى، 2023 - جىلعى شينجياڭ مادەنيەت - ساياحات كاسىپ سالاسى ساۋدا كورمەسى جانە 4 - كەزەكتى شينجياڭنىڭ كوكتەمگى ساياحات كورمەسى سياقتى قيمىلداردى ءساتتى وتكىزدى؛ دۇنيە جۇزىلىك كىتاپ وقۋ كۇنى، حالىقارالىق مۇراجاي كۇنى، جۇڭگو ساياحات كۇنى، مادەنيەت جانە جاراتىلىستىق مۇرا كۇنى سياقتى كەزەڭدەردە نەشە جۇزدەگەن ماڭىزدى مادەنيەت، ساياحات قيمىلدارى ارت - ارتىنان وتكىزىلدى؛ تۇڭعىش كەزەكتى جاھانگەزدىك ساياحاتتى دامىتۋ جينالىسى جانە جۇڭگو جاھانگەزدەر جينالىسى، مايتاۋ − كۇشار تاس جولىندا كولىك قاتىناۋ مەرەكەسى، ەرەكشە ساياحات فەستيۆالى، شينجياڭ حالىقارالىق ازىق - تۇلىك، اس - سۋ كورمەسى جانە اس - سۋ جىبەك جولى ءدامدى تاعامدار جينالىسى، 6 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى سياقتى ءتۇيىندى قيمىلدار ىركەس - تىركەس ورىستەتىلدى.
ساپالى ساياحات بايلىعى مەن سارا لەنيا ونىمدەردى، ءتيىمدى ساياسات سياقتىلاردى الىپ، 3 - ايدان باستاپ اۆتونوميالى رايوندىق مادەنيەت جانە ساياحات مەڭگەرمەسى ءارقايسى ايماق، وبلىس، قالالارداعى مادەنيەت، ساياحات جالپىلاستىرۋشىلاردى گۋاڭجوۋ، شيامىن، حاڭجوۋ، نانجيڭ، شاڭحاي سياقتى جەرلەرگە بارىپ، مادەنيەت، ساياحات تانىستىرۋ قيمىلىن ورىستەتۋگە ۇيىمداستىرىپ، شينجياڭ سىرتىنداعى 36 ساياحات كووپەراتيۆىمەن جەكە - جەكە ستراتەگيالىق سەلبەستىك كەلىسىمنە قول قويىسىپ، ”ساياحاتشىلاردى شينجياڭعا كەلۋگە باۋراۋ“ بويىنشا مەجەمەن 30 ميلليون ساياحاتشى (رەت) قابىلدايدى، كەلىسىم سوماسى 100 ميلليون يۋان بولدى.
بيىل 4 - ايدىڭ اياق شەنىندە شينجياڭ جۇڭگو حالىقارالىق ساياحات كووپەراتيۆى شەكتى جاۋاپكەرشىلىك سەرىكتەستىگى ۇيىمداستىرعان ”ءجۇز ۇيىرمە، مىڭ ادامنىڭ ورتا ازيانى ساياحاتتاۋى“ اتىنداعى قازاقستانعا باراتىن العاشقى ۇيىرمە ۇرىمجىدەن اتتاندى. بۇل اۆتونوميالى رايوندىق مادەنيەت - ساياحات مەڭگەرمەسى باستاعان ”ءجۇز ۇيىرمە، مىڭ ادامنىڭ ورتا ازيانى ساياحاتتاۋ“ قيمىلىنىڭ ءبىر ءبولىمى. رايونىمىز سيلاۋ جوباسىن بەلگىلەپ، سيلىق قوسىمشا قاراجاتىن بەرۋ شاراسىن العا قويىپ، ساياحات كووپەراتيۆتەرىن، كاسىپورىنداردى ورتا ازياعا باراتىن شەكارادان شىعۋ - كىرۋ ساياحاتى بازارىن بەلسەندى كەڭەيتۋگە شابىتتاندىرىپ، قولداۋ كورسەتىپ، شەكارادان شىعىپ ساياحات لەنياسىن تاڭداۋ ۇيىرمەسىن قازاقستانعا بارىپ، سول جەردەگى ساياحات كاسىپورىندارىمەن اڭگىمە ءماجىلىس وتكىزىپ، پىكىر اۋىستىرۋعا، سەلبەستىك قاتىناسىن ورناتۋعا ۇيىمداستىرىپ، ”شينجياڭ + ورتا ازيا“ ساياحات جاڭا لەنياسىنان، جاڭا ونىمدەرىنەن ءبىر توبىن شىعاردى.
بۇدان تىس، بۇكىل شينجياڭداعى ايماق، وبلىس، قالالار قار - مۇز ساياحاتى، گۇل تاماشالاۋ ساياحاتى، قۇمدى ءشول ساياحاتى، تومەن كەڭىستىك ساياحاتى، زەرتتەۋ - ۇيرەنۋ ساياحاتى، لاگەر ساياحاتى سياقتى ساپالى ساياحات ونىمدەرىن بەلسەنە تۇلعالاپ، ىركەس - تىركەس ”ساياحاتشىلاردى شينجياڭعا كەلۋگە باۋراۋ“ تيىمدىلىك ساياساتى، مادەنيەت - ساياحات تۇتىنۋ بەلەتىن تاراتۋ، مەرەكەنى تويلاۋ قيمىلىن وتكىزۋ سياقتىلاردى بەلگىلەپ، مادەنيەت - ساياحات بازارىنىڭ تۇتىنۋ كومەسكى كۇشىن جانداندىردى.
شينجياڭدى ساياحات ارقىلى گۇلدەندىرۋدىڭ شىعىس جەلىمەن، اشىق - جارقىن، قوناعۋار شينجياڭ تابيعي كوركەم كورىنستى ساياحاتشىلاردىڭ كوكەيىنەن كەتپەيتىن دۇنيەنى تامساندىرعان كوركەمدىككە اينالدىرىپ، ”شينجياڭ جاقسى جەر“ ساياحات ماركاسىنىڭ اتاعىن اسپانداتتى، شار تاراپتاعى قوناقتاردى كورىكتى شينجياڭعا كەلىپ قوناق بولۋعا شاقىردى، قارسى الدى.