□ انار بۇلت \ شينجياڭ گازەتىنىڭ ءتىلشىسى حي حۇڭۋي
اۆتونوميالى رايوندىق 10 - كەزەكتى پارتكومنىڭ سەگىزىنشى جالپى ءماجىلىسى مىنالاردى باسا دارىپتەدى: بۇكىل ەلدىڭ ءبىر تۇتاس ءىرى بازارىمەن ىشكەرىلەي توعىسىپ، جوعارى ءونىمدى، ىركىلىسسىز اينالىم جۇيەسىن جەدەل قۇرىپ، ءوندىرىس فاكتورلارىنىڭ ۇيلەسىمدى اينالىمىن جانە جوعارى ءونىمدى شوعىرلانۋىن جەبەپ، ەل ءىشى ۇلكەن اينالىمىنىڭ ىركىلىسسىز جۇرىلۋىنە پارمەندى قىزمەت وتەۋ جانە ونى قامتاماسىز ەتۋ كەرەك.
بيىل شينجياڭ ەكونوميكالىق اينالىمنىڭ ىشكى قوزعاۋشى كۇشىن قانداي شارالار قولدانىپ شىنايى كۇشەيتەدى؟ قايتكەندە ەل ءىشى ءىرى بازارىمەن اناعۇرلىم ويداعىداي توعىسۋعا بولادى؟ ءتىلشى وسى جونىندە قاتىستى تاراۋلارعا تىلشىلىك ىستەدى.
نەگىز بەكەمدەلىپ، جوعارى ءونىمدى اينالىم ءوڭىرىنىڭ سەنتر ءتۇيىنى قۇرىلادى
6 - ايدىڭ 1 - كۇنى يۇرۇڭقاش وزەنى ارناسىندا مەملەكەت تاس جولى 315 - لەنياسىنىڭ لوپتان قاراقاشقا دەيىنگى تاس جولىندا يۇرۇڭقاش وزەنى ۇلكەن كوپىرى قاۋىرت سالىنىپ جاتتى.
يۇڭشىڭ قۇرىلىس توبى شەكتى سەرىكتەستىگىنىڭ نىسان ديرەكتورى لي حاي بىلاي دەپ تانىستىردى: وزەننەن ەندەي وتكەن، ۇزىندىعى 810 مەتر كەلەتىن ۇلكەن كوپىردىڭ قازىر 138 دىڭگەك تاعانى سالىنىپ بولدى، كەلەر جىلدىڭ سوڭىندا تۇتاس نىسان سالىنىپ بولىپ، كولىك قاتىنايدى. بۇل جولدىڭ سالىنۋى شينجياڭدا اۋدانداردىڭ بارىنە جوعارى قارقىندى تاس جول سالۋدىڭ ”ەڭ سوڭعى ءبىر كيلومەترىن“ اشىپ، ”حوتان − قاراقاش − لوپ“ ءبىر ساعاتتىق ەكونوميكالىق شەڭبەرى رەالدىققا اينالادى.
قاتىناس نەگىزدىك قۇرىلعىلارى تۇرلىشە وڭىرلەردى بايلانىستىراتىن جانە تۇتاستىراتىن فيزيكالىق دانەكەر جانە ارنا رەتىندە، بازار شارۋاشىلىعى اينالىمىنىڭ نەگىزدىك فاكتورى سانالادى. جالپى ءماجىلىس مىنالاردى العا قويدى: ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋدى جۇيەلى جوسپارلاپ، جاڭا دامۋ ارناسىنا بەلسەنە قىزمەت وتەۋ جانە ونىمەن توعىسۋ كەرەك.
شينجياڭ داشۋەسى قاتىناس - تاسىمال ينجەنەرياسى شۋەيۋانى پارتيا باس ياچەيكاسىنىڭ شۋجيى ران ۋپيڭ بىلاي دەپ قارادى: قاتىناس نەگىزدىك قۇرىلعىلارىن ۇلاستىرۋ - تۇتاستىرۋ − ەل ءىشى ۇلكەن اينالىمىن جەبەۋدەگى قاجەتتى شارتتاردىڭ ءبىرى، بۇكىل ەلدىڭ ءبىر تۇتاس ۇلكەن بازار قۇرىلىسىن ىلگەرىلەتىپ، ونان سوڭ جاڭا دامۋ ارناسىنىڭ تۇلعالانۋى مەن قالىپتاسۋىن جەبەۋدە كورنەكتى جەتەكشىلىك رول اتقارادى.
سوڭعى جىلدارى شينجياڭ كوپ ءتۇرلى فورماداعى بىرلەسىپ تاسىمالداۋدىڭ دامۋىن بەلسەنە ىلگەرىلەتىپ، زات اينالىمى نەگىزدىك قۇرىلعىلارىن كەمەلدەندىرىپ، كوپ ءتۇرلى تاسىمال ءتاسىلىنىڭ ءونىمدى ۇشتاسۋىن كۇشەيتتى.
”دەسەدە ءبىز شينجياڭنىڭ قاتىناس قۇرىلعىلارى قۇرىلىسىنىڭ ءالى دە سالىستىرمالى تۇردە ارتتا قالعاندىعىن تانىپ جەتۋىمىز كەرەك“. ران ۋپيڭ بىلاي دەدى: وڭىرلەردىڭ دامۋى بىركەلكى بولماعاندىقتان، شينجياڭنىڭ قاتىناس نەگىزدىك قۇرىلعى قۇرىلىسىندا ءالى دە بوگەتتىك تۇستار ورىن تەۋىپ وتىر، ايتالىق، تاس جول تورىنىڭ كولەمى جەتكىلىكتى بولماۋ، تەمىر جول تاسىمال قۋاتى شەكتى بولۋ سياقتى ماسەلەلەر.
وسى سەبەپتى شينجياڭ تاس جول، تەمىر جول سياقتى نەگىزدىك قۇرىلعى قۇرىلىستارىنىڭ تەبىنىن ارتتىرىپ، تاس جول، تەمىر جول تورىن ۇزدىكسىز كەڭەيتىپ، تاسىمال قۋاتى مەن ونىمدىلىگىن جوعارىلاتتى.
شينجياڭنىڭ استىق، ماقتا، كومىر سياقتىلاردى شينجياڭنىڭ سىرتىنا تاسىمالداۋ قاجەتىنىڭ ارتۋى، تاسىمال قۋاتىنىڭ تاپشى بولۋى سياقتى ماسەلەلەرگە مەڭزەس، اۆتونوميالى رايوندىق دامۋ جانە رەفورما كوميتەتى تەمىر جول تاراۋلارىمەن بەلسەنە سايكەسىپ، جالپىلىق ساۋدا ونىمدەرىن شينجياڭنىڭ سىرتىنا تاسىمالداۋ قۋاتىن قامتاماسىز ەتۋدى ويداعىداي ىستەپ، ماقتا اينالىم كاسىپورىندارىنىڭ تەمىر جول تاراۋلارىمەن ماقتانى تەمىر جولمەن تاسۋ سەلبەستىگىن ورىستەتۋىن قولداپ، اقسۋدىڭ، قاشقاردىڭ ماقتاسىن، ماقتا ءجىبىن ”تۇيىننەن تۇيىنگە“ كەزەكشى پويەزبەن تاسىمالداۋدى ىلگەرىلەتتى.
اۆتونوميالى رايوندىق دامۋ جانە رەفورما كوميتەتى ەكونوميكا - ساۋدا باسقارماسىنىڭ باستىعى ليۋ ۋيدۇڭ بىلاي دەپ تانىستىردى: شينجياڭ ءۇرىمجى، كۇيتۇن، جىڭ سياقتى جەرلەردە كوپ فورمالى بىرلەسكەن تاسىمالداۋدان ۇلگى كورسەتۋ ينجەنەرياسىن ۇزدىكسىز اتقارىپ، شينجياڭنان شىعاتىن جانە شينجياڭ ىشىندەگى 13 تەمىر جول زات اينالىمى بازاسى سياقتى قۇرىلىستاردىڭ سالىنۋىن ىلگەرىلەتىپ، جالپىلىق ساۋدا ونىمدەرىن تاس جولمەن تاسىمالداۋدىڭ ورنىنا تەمىر جولمەن تاسىمالداۋعا ويىستىرۋدى قۇرىلعىلارمەن قامتاماسىز ەتتى.
اۆتونوميالى رايوندىق قاتىناس - تاسىمال مەڭگەرمەسى تاسىمال باسقارۋ باسقارماسىنىڭ باستىعى لۋ تاۋ مىنالاردى ءبىلدىردى: ”14 - بەسجىلدىق“ مەزگىلىندە شينجياڭ مەملەكەتتىك كەشەندى جۇك تاسىمال تورابىنىڭ تىزبەكتى تولىقتاۋ، تىزبەكتى كۇشەيتۋ قىزمەتىن ورىستەتۋ ورايىن مىقتاپ يگەرىپ، جىبەك جولى ەكونوميكالىق بەلدەۋى وزەكتى رايونى قاتىناس تورابى سەنترىن قۇرۋ سياقتى نىسانالاردى ارقاۋ ەتىپ، ”ەكى پورت، ەكى ءدالىز، ەكى شوعىر“ سىندى كەشەندى جۇك تاسىمال تورابىن دامىتۋ جاعدايى بويىنشا، ءۇرىمجى، قاشقار، كورلا، قۇلجا سياقتى مەملەكەتتىك كەشەندى قاتىناس تورابى قالا نىسانى قۇرىلىسىن ءتۇيىندى تۇردە ىلگەرىلەتەدى.
ىركىلىسسىز بولۋعا كەپىلدىك ەتىلىپ، وسى زامانعى زات اينالىمى جۇيەسىن قۇرۋ جەدەلدەتىلەدى
زات اينالىمى كاسىبىنىڭ ءبىر باسى وندىرىسكە، ەندى ءبىر باسى تۇتىنۋ بازارىنا بايلانىسىپ جاتىر. قازىر تۇرپاندا قۇمىل قاۋىنى مەن بۇگۇردىڭ اق ورىگى پىسۋ مەزگىلىنە ءوتتى. شينجياڭ شۇنفىڭ جەدەل تاسىمالداۋ شەكتى سەرىكتەستىگى جاس كۇيىندە جەتكىزۋدى شەشۋ جوبالارىن العا قويىپ، زات اينالىمىن ءوندىرىس اۋماعىنا ەنگىزۋ، جەدەل جولدامالاردى وتكەرمەلەۋدىڭ كۇشكە يە ۋاقىتىن جوعارىلاتۋ سياقتىلار ارقىلى اۋىل شارۋاشىلىعى ونىمدەرىنىڭ تاسىمال قاجەتىن قاناعاتتاندىردى.
سوڭعى جىلدارى شينجياڭ جوعارى ءونىمدى سۋىق تىزبەكتى زات اينالىمى تورىن جەدەل قۇرىپ، ءۇرىمجى، اقسۋ، تۇرپان سياقتى مەملەكەتتىڭ تىرەكتى سۋىق تىزبەكتى زات اينالىمى بازاسى قۇرىلىسىن جەدەل ىلگەرىلەتتى. سۋىق تىزبەكتى زات اينالىمىنىڭ جەدەل دامۋىنا ىلەسە، شينجياڭنىڭ سىرتىنا تاسىلاتىن ءتىپتى دە كوپ جاس جەمىس - جيدەكتەر كۇنبە - كۇن جەتكىزىلەتىن بولدى.
”وسى زامانعى زات اينالىمىن دامىتۋ شينجياڭ جونىنەن ەرەكشە مانگە يە“. ۋحان جاراتىلىستىق عىلىمدار داشۋەسى قاتىناس جانە زات اينالىمى ينجەنەرياسى شۋەيۋانىنىڭ باستىعى جاڭ دي بىلاي دەپ قارادى: شينجياڭ قازىرگى وڭىرلىك ورىن باسىمدىعىنا جانە بايلىق ارتىقشىلىعىنا سۇيەنىپ، جاڭا دامۋ ارناسىنىڭ ستراتەگيالىق ءتۇيىنىن بەلسەنە ورناتىپ، ءىش پەن سىرت تۇتاسقان، جوعارى ءونىمدى، حاۋىپسىز ”ارنا + توراپ + تور“ زات اينالىمى اينالىم جۇيەسىن قۇرىپ، ازيا − ەۆروپا ۇلى قۇرلىعىنداعى شەكارا اتتاعان زات اينالىمى تورابىنىڭ ماڭىزدى توراپتىق رولىن شىنايى ساۋلەلەندىرۋ كەرەك.
جالپى ءماجىلىس مىنالاردى اتاپ كورسەتتى: كەزەكتە شينجياڭ جوعارى ساپالى دامۋدىڭ شەشۋشى كەزەڭىندە تۇر، ىلگەرىلەمەسەك شەگىنەمىز، باياۋ ىلگەرىلەسەك تە شەگىنەمىز، جاعدايدى جىعا تانىپ، ورايدى يگەرىپ، جەرگىلىكتى جاعدايعا قاراي ىستەپ، ارتىقشىلىقتى ساۋلەلەندىرىپ، ولقىلىقتاردى تولىقتاۋ كەرەك.
”ۇلكەن زات اينالىمى، ءىرى كاسىپ سالاسى، ۇلكەن توعىسۋ“ ۇستانىمىنا تاباندى بولعان شينجياڭ ىشكى جاقتا ىركىلىسسىز، سىرتپەن ۇلاسىپ جاتقان توردى اناعۇرلىم كەمەلدەندىرۋدە. جاڭ دي بىلاي دەپ قارادى: شينجياڭ جونىنەن العاندا، ءوندىرىس فاكتورلارىن بازارلاندىرىپ جايعاستىرۋعا جانە تاۋار قىزمەت وتەۋ اينالىمىنا كەدەرگى بولاتىن ولقى تۇستاردى جويۋ جوعارى ءونىمدى اينالىمنىڭ وڭىرلىك سەنتر ءتۇيىنىن قۇرۋدىڭ تەتىگى.
سوڭعى جىلدارى شينجياڭ مەملەكەتتىك زات اينالىمى تورابى، مەملەكەتتىك تىرەكتى سۋىق تىزبەكتى زات اينالىمى بازاسى جانە وڭىرلىك زات اينالىمى تورابى، سۋىق تىزبەكتى زات اينالىمى بازاسى، توپتاۋ - جەتكىزۋ ورتالىعى قۇرىلىسىن ءبىر تۇتاس جوسپارلاپ ىلگەرىلەتىپ، ساۋدا، زات اينالىمى ءتۇيىندى قالالارىنىڭ شارپۋ قۋاتىن جوعارىلاتىپ، زات اينالىمىنداعى ءىرى باستاماشى كاسىپورىنداردىڭ، ەلەكتروندى ساۋدا تۇعىرى كاسىپورىندارىنىڭ شينجياڭ ىشىندە ءتۇيىندى قۇرىلعىلاردى ورنالاستىرۋىنا قولداۋ كورسەتىپ، زات اينالىمى بايلىعىن جوعارى ونىمدىلىكپەن بىرىكتىرىپ پايدالانۋدى جۇزەگە اسىردى.
ليۋ ۋيدۇڭ مىنالاردى ءبىلدىردى: وسى زامانعى زات اينالىمى كاسىپ تىزبەگىن ۇزارتۋدىڭ، قۇن تىزبەگىن جوعارىلاتۋدىڭ، قامداۋ تىزبەگىن قالىپتاستىرۋدىڭ ماڭىزدى تىرەگى رەتىندە، شينجياڭنىڭ ەرەكشە وسى زامانعى كاسىپ سالاسى جۇيەسىن ورناتۋ، جاڭا دامۋ ارناسىمەن ىرىقتىلىقپەن توعىسۋ، شينجياڭنىڭ ەكونوميكالىق، قوعامدىق دامۋىن ىلگەرىلەتۋ جاعىنداعى رولى كورنەكتى بولدى.
بيىل شينجياڭ 11 مەملەكەتتىك زات اينالىمى تورابىن ءتۇيىندى تۇردە قۇرىپ، ”ءبىر توراپ، ءۇش ءتۇيىن“ كەزەكشى پويەز تورابى جۇيەسىن جەدەل قۇرىپ، اۋىل - قىستاق زات اينالىمىن دامىتۋداعى ولقىلىقتاردى تولىقتاپ، اۋدان، اۋىل، قىستاق 3 دارەجەلى زات جەتكىزۋ تورىن كەمەلدەندىرەدى.
ورايدى يگەرىپ، ىشكى - سىرتقى ساۋدانى ءبىر تۇلعالاندىرىپ دامىتۋدىڭ جاڭا جولى قاراستىرىلۋدا
5 - ايدىڭ 20 - كۇنى ءۇرىمجى ديوپۋ حالىقارالىق اۋەجايىندا بازاردان ساتىپ الۋ ساۋدا تاسىلىمەن ەكسپورت ەتىلگەن 6. 1 توننا كيىم - كەشەك كەزەكشى ۇشاقپەن وزبەكستاننىڭ تاشكەنتىنە جونەلتىلدى. بۇل شينجياڭنىڭ بازاردان ساتىپ الۋ ساۋدا تاسىلىمەن تاۋارلاردى تۇڭعىش رەت كەزەكشى ۇشاقپەن ەكسپورت ەتۋى.
بۇل تاۋارلار ءۇرىمجى بيانجياڭ قوناق ءۇيىنىڭ ساۋدا بازارىنان شىققان، اتالعان بازار بىلتىر 9 - ايدا مەملەكەت بويىنشا 6 - توپتاعى بازاردان ساتىپ الۋ ساۋدا ءتاسىلىن تۇيىندە سىناق ەتۋگە بەكىتىلدى. قازىر ءۇرىمجى بيانجياڭ قوناق ءۇيى ساۋدا بازارى بازاردان ساتىپ الۋ ساۋدا تاسىلىمەن ەكسپورت ەتىلەتىن زاتتارىن تاس جول، تەمىر جول، اۋە جولى سىندى 3 ءتۇرلى حالىقارالىق زات اينالىمى تاسىلىمەن ەكسپورت ەتۋدى جۇزەگە اسىرىپ، حالىقاراداعى ساۋداگەرلەردىڭ پارىقتى زات اينالىمى قاجەتىن اناعۇرلىم قاناعاتتاندىردى.
اۆياتسيا، تەمىر جول، تاس جول، مۇناي - تابيعي گاز قۇبىرى سياقتى قۇرىلعىلاردىڭ كەمەلدەنۋىنە جانە تاسىمال تەحنيكاسىنىڭ ىلگەرىلەۋىنە ساي، ىشكى قۇرلىقتىڭ ەسىك اشۋ ارناسىنداعى وڭىرلىك ورىن شارت - جاعدايى مەن ورىن رولىندا زور وزگەرىستەر تۋىلىپ، شينجياڭ ەل ءىشى - سىرتى ەسىك اشۋ قۇرىلىمىنىڭ تەرەڭ رەتتەلۋىنە ۇيلەسىپ، سالىستىرمالى باسىمدىعىن ساۋلەلەندىرىپ، ەل ءىشى، حالىقارا سىندى ەكى ۇلكەن بازاردان، ەكى ءتۇرلى بايلىقتان تولىق پايدالانىپ، بۇكىل ەلدىڭ دامۋ كەلەلى جاعدايىنا اناعۇرلىم ويداعىداي قىزمەت وتەپ، ىشكى - سىرتقى ساۋدانىڭ ءبىر تۇلعالانۋىن جۇزەگە اسىرۋدى ىلگەرىلەتتى.
اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي شۋان مىنالاردى ءبىلدىردى: ىشكى - سىرتقى ساۋدانىڭ ءبىر تۇلعالانىپ دامۋىن ىلگەرىلەتۋ − ىشكى سۇرانىستى كەڭەيتۋ ستراتەگياسىن اتقارۋدى ىلگەرىلەتىپ، قاتىستى كاسىپ سالالارىنىڭ ساپاسىن ءوسىرىپ، دارەجەسىن جوعارىلاتۋدى جەدەلدەتۋدى جەبەپ، قامداۋ - قاجەتسىنۋ قۇرىلىمىن ساپالىلاندىرىپ، جاڭا دامۋ ارناسىن قالىپتاستىرۋعا قىزمەت وتەۋدىڭ ماڭىزدى شاراسى.
بيىل 1 - ايدا ساۋدا ىستەرى مينيسترلىگى سياقتى 14 تاراۋ ىشكى - سىرتقى ساۋدانى ءبىر تۇلعالاندىرۋ سىناق ءتۇيىنى وڭىرلەرىنىڭ تىزىمدىگىن جاريالاپ، بۇكىل مەملەكەت بويىنشا 9 جەر ىشكى - سىرتقى ساۋدانى ءبىر تۇلعالاندىرۋ سىناق ءتۇيىنى ءوڭىرى بولىپ بەكىتىلدى، شينجياڭ مۇنىڭ ىشىندەگى جەلى بويىنداعى بىردەن - ءبىر ولكە - رايون.
لي شۋان بىلاي دەپ قارادى: ىشكى - سىرتقى ساۋدانى ءبىر تۇلعالاندىرۋدى ىلگەرىلەتۋ − ەل ءىشى، حالىقارا سىندى ەكى ۇلكەن بازاردىڭ، ەكى ءتۇرلى بايلىقتىڭ بىرلەسىپ ارەكەتتەنۋ ءونىمىن كۇشەيتىپ، ىشكى سۇرانىس پەن سىرتقى سۇرانىستىڭ، ىشكى ساۋدا مەن سىرتقى ساۋدانىڭ، يمپورت پەن ەكسپورتتىڭ، ينتەرنەت جەلىسى مەن ينتەرنەت جەلىسىنەن تىسقارىنىڭ سايكەسە دامۋىن ىلگەرىلەتىپ، ەل ءىشى، حالىقارا سىندى قوس اينالىمنىڭ ىركىلىسسىز تۇتاسۋىن، ءوزارا جەبەۋىن جۇزەگە اسىرۋ. بۇل ءارى جاڭا دامۋ ارناسىن قالىپتاستىرۋدىڭ ماڭىزدى شاراسى، ءارى جاڭا دامۋ ارناسىن قالىپتاستىرۋدىڭ ىشكى تالابىن بەينەلەپ وتىر. مەملەكەتتىك ىشكى - سىرتقى ساۋدانى ءبىر تۇلعالاندىرۋ سىناق ءتۇيىنى ولكە - رايونىنا ەنگىزىلگەننەن كەيىن، شينجياڭ ماقتا جانە توقىماشىلىق - كيىم - كەشەك سياقتى كاسىپ سالاسى شوعىرىن ارقاۋ ەتىپ، ىشكى - سىرتقى ساۋدانى ءبىر تۇلعالاندىرا دامىتۋدى جەبەۋدى ءتۇيىندى قىزمەت، ءتۇيىندى مىندەت ەتىپ، تۇتاس بارىس بويىنشا جوبالاپ، ءبىر تۇتاس جوسپارلاپ ىلگەرىلەتتى.
لي شۋان مىنالاردى ءبىلدىردى: تۇتاس وڭىرلىك سىناق ءتۇيىنىن ءتۇيىندى وڭىرلەردە، ءتۇيىندى كاسىپ سالالارىندا ناتيجە شىعارۋمەن ءوزارا ۇشتاستىرۋعا تاباندى بولىپ، نازاردى ماقتا، قىزاناق سياقتى ءتۇيىندى كاسىپ سالالارىندا الدىمەن اتقارۋدى، الدىمەن سىناق ەتۋدى ورىستەتۋگە شوعىرلاندىرىپ، ىشكى - سىرتقى ساۋدانى ءبىر تۇلعالاندىرا دامىتۋدا الدىدا جۇرگەن كاسىپورىنداردىڭ سىناق تۇيىنىنەن ۇلگى كورسەتۋىن تۇراقتاندىرامىز. نازاردى تاعى ”ىشكى - سىرتقى ساۋدانى ءبىر تۇلعالاندىرۋ ءتۇزىم جۇيەسى“، ”ىشكى - سىرتقى ساۋدانى ءبىر تۇلعالاندىرا دامىتۋ قابىلەتىن كۇشەيتۋ“، ”ىشكى - سىرتقى ساۋدانى ءبىر تۇلعالاندىرا توعىستىرا دامىتۋدى ىلگەرىلەتۋ“ سياقتى ءتۇيىندى مىندەتتەرگە شوعىرلاندىرىپ، جوعارى ولشەمدى بازار جۇيەسىن كۇش سالا قۇرىپ، بۇكىل ەلدىڭ ءبىر تۇتاس ءىرى بازارىنا ىشكەرىلەي توعىسىپ، ەل ءىشى ۇلكەن اينالىمىنىڭ ىركىلىسسىز اينالىم جاسۋىنا بار كۇشپەن قىزمەت وتەيمىز، قامتاماسىز ەتەمىز.