گازەتىمىزدىڭ شولۋشىسى
شىلىڭگىر جازداعى شينجياڭ اسا دۋماندى بەينەگە شومدى. 2023 - جىلعى اۆتونوميالى رايوننىڭ ساياحاتتى دامىتۋ جينالىسى جانە ”شينجياڭ جاقسى جەر“ اتىنداعى ساياحات تانىستىرۋ ءماجىلىسى اشىلدى، ەل ءىشى - سىرتىنان 600گە تاياۋ سيلى قوناق ءبىر ارادا باس قوسىپ، شينجياڭنىڭ ساياحات كاسىبىن جوعارى ساپالى دامىتۋ ءىرى جوسپارىن بىرگە اقىلداسىپ، دۇنيە جۇزىنە شينجياڭنىڭ باي دا ساپالى ساياحات بايلىعىن بىرگە تانىستىردى.
كەڭ - بايتاق شينجياڭ تاماشا كورىنىستەرگە باي. ساياحاتتى دامىتۋ جينالىسىنىڭ اشىلۋى تۇتاس رايوننىڭ جوعارىدان تومەنگە دەيىن ءبىر نيەتتە بولىپ، ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقاراتىن، ساياحات كاسىبىنىڭ جوعارى ساپالى دامۋىن تاعى دا تىڭ ساتىعا كوتەرۋدى ىلگەرىلەتەتىن سەنىمى مەن بەكىمىن جەتكىزدى، بۇل ساياحات كاسىبىن حالىقتى بايىتىپ شينجياڭدى گۇلدەندىرۋدىڭ ماڭىزدى كاسىپ سالاسىنا اينالدىرۋ، رايونىمىزدىڭ ساياحات بايلىعىنداعى ۇلكەن رايوننان ساياحات ەكونوميكاسىنداعى قۋاتتى رايون بولۋعا قاراي بۇرىلىس جاساۋىن ىلگەرىلەتۋ جونىنەن ماڭىزدى مانگە يە.
بىلتىر 7 - ايدا باس شۋجي شي جينپيڭ شينجياڭدى كوزدەن كەشىردى ءارى ماڭىزدى ءسوز سويلەپ، جاڭا ءداۋىردىڭ جاڭا جورىعىنداعى شينجياڭ قىزمەتى ءۇشىن جوسپار جاسادى، باعدار كورسەتتى، باس شۋجي مادەنيەت پەن ساياحاتتىڭ توعىسا دامۋىن ىلگەرىلەتىپ، حالىقتى بايىتۋ كاسىپ سالاسىن تۇلعالاۋ كەرەكتىگىن باسا دارىپتەدى. تۇتاس رايوندا جوعارىدان تومەنگە دەيىن پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن قايراتتانا ىلگەرىلەتىپ جاتقان ساتتە، جينالىس رايونىمىزدىڭ ساياحاتتى دامىتۋ كەزەڭدىك ەرەكشەلىگى مەن جاعداي وزگەرىسىنە جالپى بەتتىك تالداۋ جاساپ، ەل ءىشى - سىرتىنداعى وسى سالانىڭ تانىمال ماماندارىن ۇسىنىس ەتىپ، ساياحات كاسىبىن جوعارى ساپالى دامىتۋ ءىرى جوسپارىن بىرگە اقىلداسىپ، قازىرگى ۋاقىتتاعى جانە بۇدان بىلايعى ءبىر مەزگىلدەگى شينجياڭنىڭ ساياحات كاسىبىندە وراي مەن اۋقىمدى يگەرۋ، ستراتەگيالىق باسىمدىقتى ساۋلەلەندىرۋ ءۇشىن، نىسانا - مىندەتتەردى جانە ناقتى شارالاردى ايقىندادى. تۇتاس رايوندا جوعارىدان تومەنگە دەيىن ساياحات ارقىلى شينجياڭدى گۇلدەندىرۋ ستراتەگياسىن اتقارۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋدىڭ ماڭىزدى شاراسى ەتۋگە تاباندى بولىپ، ۋاقىت كۇتىپ تۇرمايدى دەيتىن جاۋاپكەرشىلىك سەزىممەن جانە كوكەي تەستىلىك سەزىممەن شينجياڭ ساياحاتىنىڭ جالپى تۇلعالىق ساپاسى مەن دەڭگەيىن ۇزدىكسىز جوعارىلاتىپ، بۇكىل ەلدىڭ ساياحات كاسىبىن جوعارى ساپالى دامىتۋدىڭ ەرەكشە ۇلگىسى مەن دۇنيە جۇزىندەگى ماڭىزدى ساياحات نىسانالى جەرىن قۇلشىنا تۇلعالاۋ كەرەك.
تاۋ - وزەندەرى كوركەمدىگىمەن كوز تارتىپ، وركەنيەت توپتالعان شينجياڭنىڭ مادەنيەت جانە ساياحات بايلىعى ەلدەن ەرەك، ساياحات كاسىبىن جوعارى ساپالى دامىتۋ باسىمدىعى ەرەكشە كورنەكتى. ءبىر مەزگىل ۋاقىتتان بەرى اۆتونوميالى رايوندىق پارتكوم مەن ۇكىمەت تۇتاس رايوندا جوعارىدان تومەنگە دەيىن ساياحات ارقىلى شينجياڭدى گۇلدەندىرۋ ستراتەگياسىن ىشكەرىلەي اتقارۋعا جەتەكتەپ، مادەنيەت پەن ساياحاتتىڭ توعىسۋىن جەدەلدەتىپ، كاسىپ كۇيىن، ونىمدەردى مولايتىپ، اۋىل - قىستاقتى گۇلدەندىرۋگە قۋات ۇستەپ، وسى زامانعى وركەنيەتتى دارىپتەپ، شينجياڭنىڭ ساياحات كاسىبىنىڭ دامۋىن ىلگەرىلەتۋدە بەلسەندى تابىسقا قول جەتكىزىپ، جەدەل جاندانۋ، قارىشتاپ دامۋ تاماشا جاعدايىن جارىققا شىعاردى.
”قانشالاعان جەردى ارالادىم، ەڭ كوركەمى جانە دە ءبىزدىڭ شينجياڭ“. قازىرگى ۋاقىتتا شينجياڭنىڭ قوعامدىق كەلەلى جاعدايى ورنىقتى، حالقى تىنىش ءومىر، شات - شادىمان تىرشىلىك كەشىرگەن، ساياحات كاسىبى دە قوردالانىپ نىعايعان، ەنەرگيا جيناپ قۋات ۇيىستىرعان، زور ىسكەرلىك كورسەتەتىن ماڭىزدى التىن مەزگىلدى قارسى الدى. تۇتاس رايونىمىزدىڭ جەر - جەرى شينجياڭنىڭ ساياحات كاسىبىن جوعارى ساپالى دامىتۋدا ءدوپ كەلگەن جاڭا جاعدايلارىن، جاڭا مىندەتتەرىن يگەرىپ، جاڭا سايىسقا، جاڭا ورايعا بەلسەنە دايىندالىپ، شينجياڭنىڭ ساياحات كاسىبىن دامىتۋدىڭ جۇيەلى جوبا ورنالاسىمىن كۇشەيتىپ، ”شينجياڭ جاقسى جەر“ ماركا وبرازىن سومداۋدى ساياحاتتىڭ وزەكتى باسەكەلىك قۋاتىن جوعارىلاتۋدىڭ شەشۋشى تۇتقاسى ەتۋگە تاباندى بولىپ، جوعارى ساپالى ساياحاتقا قىزمەت وتەۋ قابىلەتىن جالپى بەتتىك جوعارىلاتىپ، تاماشا ساياحات بازارى ورتاسىن كۇش سالا قالىپتاستىرۋ؛ مادەنيەت پەن ساياحاتتى توعىستىرۋدى شينجياڭنىڭ ساياحات كاسىبىن جوعارى ساپالى دامىتۋدىڭ ماڭىزدى باعدارى ەتۋگە تاباندى بولىپ، مادەنيەت ارقىلى ساياحاتتى تۇلعالاپ، ساياحات ارقىلى مادەنيەتتى ايگىلەپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ساپالى مادەنيەت، ساياحات بايلىعىن كادەگە جاراتۋدى، پايدالانۋدى تەزدەتۋ؛ ءار ۇلت بۇقاراسىنىڭ كىرىسىن ارتتىرىپ، بايۋىن جەبەۋدى شينجياڭنىڭ ساياحات كاسىبىن دامىتۋدىڭ كۇش سالۋ ءتۇيىنى جانە تابان تىرەر تياناعى ەتۋگە تاباندى بولىپ، وزەكتى باسەكەلىك قۋاتقا يە وسى زامانعى ساياحات كاسىپ سالاسى جۇيەسىن جەدەل قۇرۋ؛ ءار ۇلتتىڭ ارالاسۋىن، ىشتەسۋىن، توعىسۋىن جەبەۋدى شينجياڭنىڭ ساياحات كاسىبىن دامىتۋدىڭ قۇن تالپىنىسى ەتۋگە تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋدى شينجياڭنىڭ ساياحات كاسىبىن جوعارى ساپالى دامىتۋدىڭ جالپى بارىسىنا توعىستىرىپ، شينجياڭنىڭ ساياحات كاسىبىن ەكونوميكانىڭ جوعارى ساپالى دامۋىنىڭ وركەندەپ كەلە جاتقان كاسىپ سالاسى، ءار ۇلت بۇقاراسىنىڭ كىرىسىن ارتتىرىپ، بايۋعا باستايتىن حالىق تۇرمىسىنا تيىمدىلىك جاساۋ كاسىپ سالاسى جانە شينجياڭنىڭ ىنتىماقتى، ورنىقتى، جاراسىمدى، باقىتتى، ەكولوگياسى تاماشا ەكەندىگىن ايگىلەيتىن شولپان كاسىپ سالاسى ەتىپ شىن مانىندە تۇلعالاۋ كەرەك.
ۇتىمدى ورايدان پايدالانىپ، تىڭ بەلەسكە كوتەرىلەيىك. شينجياڭنىڭ ساياحاتتى دامىتۋى ءدال كەزىنە، ۇتىمدى جاعدايعا تۋرا كەلدى، ءبىز وسى رەتكى ساياحاتتى دامىتۋ جينالىسىن وراي ەتىپ، قولايلى ساتتەن پايدالانىپ العا ىلگەرىلەپ، ورايدى مىقتى يگەرىپ، يدەيانى ازات ەتىپ، ءورىس اشا جاڭالىق ەنگىزىپ، ساياحات كاسىبىنىڭ ”ءبىر كاسىپتى گۇلدەندىرۋ ارقىلى سان سالالى كاسىپتى وركەندەتۋ“ سىندى جالپىلىق جەتەكتەۋ اسەرىن تولىق جارىققا شىعارىپ، شينجياڭنىڭ ساياحات كاسىبىن جوعارى ساپالى دامىتۋدىڭ شىت جاڭا تاراۋىن قۇلشىنا جازايىق.