لوۋ ياڭشىڭ، ءزۇمىرات وبۇل، ۋاڭ كاي قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 6 - ايدىڭ 13 - كۇنى جىڭجوۋدان حابارلايدى. 6 - ايدىڭ 12 - كۇنىنەن 13 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ حىنانعا بارىپ، ۇيرەنۋدە، تەكسەرۋدە بولدى. حىنان ولكەلىك پارتكومنىڭ شۋجيى لوۋ ياڭشىڭ، حىنان ولكەسىنىڭ ولكە باستىعى ۋاڭ كاي قيمىلعا قاتىناستى.
6 - ايدىڭ 12 - كۇنى تۇستەن كەيىن حىنان ولكەسى. شينجياڭ ۇيعۇر اۆتونوميالى رايونى قىزمەت اڭگىمە ءماجىلىسى وتكىزىلدى.
لوۋ ياڭشىڭ شينجياڭ ۇيعۇر اۆتونوميالى رايونى پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قارسى الاتىندىعىن ءبىلدىردى. ول بىلاي دەدى: جۋىق جىلداردان بەرى شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، ءتۇرلى قىزمەتتەردە كەلەلى تابىسقا قول جەتكىزدى. شينجياڭ قىزمەتى پارتيا مەن مەملەكەت قىزمەتى جالپى جاعدايىندا ەرەكشە ماڭىزدى ستراتەگيالىق ورىنعا يە، قۇمىلعا باعىتتامالى كومەكتەسۋ − پارتيا ورتالىق كوميتەتى حىنانعا جۇكتەگەن داڭقتى بورىش. حىنان ساياسي جاۋاپكەرشىلىكتى باتىلدىقپەن ارقالاپ، نازاردى حالىق تۇرمىسىنا، حالىق تىلەگىنە شوعىرلاندىرىپ، زاتتى كورنەكتىلەندىرۋدى، ادامدى كورنەكتىلەندىرۋدى، جۇرت كوڭىلىنە ۇيالاتۋدى ورگانيكالى بىرلىككە كەلتىرۋگە تاباندى بولادى؛ نازاردى دامۋدى قولداۋعا شوعىرلاندىرىپ، ۇكىمەت پەن بازار ءبىر ۋاقىتتا كۇش سالۋعا تاباندى بولادى؛ نازاردى شىنايى مويىنداۋدى كۇشەيتۋگە شوعىرلاندىرىپ، شينجياڭدى مادەنيەتپەن نارلەندىرۋدى ىشكەرىلەي ورىستەتەدى؛ نازاردى باسشىلىقتى كۇشەيتۋگە شوعىرلاندىرىپ، شينجياڭعا باعىتتامالى كومەكتەسۋ قىزمەتىن بۇرىنعىداي كورنەكتى ورىنعا قويىپ، شينجياڭعا باعىتتامالى كومەكتەسۋ قىزمەتىنىڭ جاڭا جاعدايىن قۇلشىنا اشادى. ەكى جەردىڭ سالىستىرمالى باسىمدىقتى تولىق ساۋلەلەندىرىپ، قاتىناس - زات اينالىمى، ەنەرگيا، مادەنيەت - ساياحات سياقتى سالالارداعى اۋىس - كۇيىستى، سەلبەستىكتى ونان ارى تەرەڭدەتىپ، حىنان مەن شينجياڭنىڭ جوعارى ساپالى دامۋىنىڭ جاڭا تاراۋىن بىرگە جازۋىن ءۇمىت ەتەمىن.
ءزۇمىرات وبۇل حىنان ولكەسىنىڭ ۇزاق ۋاقىتتان بەرى شينجياڭعا كورسەتكەن پارمەندى قولداۋى مەن قالتقىسىز كومەگىنە شىن جۇرەكتەن العىس ايتتى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، حىنان ولكەسى كوپتەگەن ءىرى، ماڭىزدى ىستەردى ىستەپ، وسىزاماندانعان حىنان قۇرۋدىڭ جاڭا جورىعىنا قادام تاستادى. حىنان ولكەسى شينجياڭعا باعىتتامالى كومەكتەسۋدى باستان - اياق ماڭىزدى ساياسي جاۋاپكەرشىلىك ەتىپ، شىنايى قارجى قوسىپ، شىنايى سۇيىسپەنشىلىك ارناپ، كومەك قابىلداۋشى جەردىڭ ەكونوميكاسىنىڭ دامۋىن، حالىق تۇرمىسىنىڭ جاقسارۋىن پارمەندى جەبەدى. قازىرگى ۋاقىتتا شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ەكونوميكانىڭ، قوعامنىڭ جوعارى ساپالى دامۋىن بار كۇشپەن ىلگەرىلەتىپ، جاڭا دامۋ ارناسىنا بەلسەنە قىزمەت وتەۋدە جانە توعىسۋدا، حىناننىڭ ”ءبىر بەلدەۋ، ءبىر جولدى“ بىرگە قۇرىپ، اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىن ىلگەرىلەتۋ، عىلىم - تەحنيكادا جاڭالىق اشۋ جانە وزىق جاساۋ كاسىبىن دامىتۋ، مادەنيەت جانە ساياحات كاسىبىن دامىتۋ سياقتى جاقتاردا قولداۋ سەرپىنىن ارتتىرىپ، اۋىس - كۇيىستى، سەلبەستىكتى تەرەڭدەتىپ، دوستىقتى بەكەمدەپ، دامۋدى بىرگە جەبەۋىن ءۇمىت ەتەمىن.
ۋاڭ كاي حىنان ولكەسىنىڭ ەكونوميكالىق، قوعامدىق دامۋ جاعدايىن جانە شينجياڭعا باعىتتامالى كومەكتەسۋ قىزمەت احۋالىن تانىستىردى.
حىنانداعى كەزىندە ۋاكىلدەر ۇيىرمەسى جۇڭگو (حىنان) ەركىن ساۋدا سىناق رايونى جىڭجوۋ اۋماعى جالپىلىق قىزمەت وتەۋ ورتالىعى، جىڭجوۋ تاۋار ايىرباس ورنى، جىڭجوۋ جەڭىل ونەركاسىپ داشۋەسى كاسىپ سالاسى تەحنيكاسىن زەرتتەۋ ورنى سياقتىلارعا بارىپ ەكسكۋرسيالاپ، تەكسەرۋ - زەرتتەۋ جۇرگىزىپ، شينجياڭعا كومەكتەسەتىن كادر - دارىندىلار ۋاكىلدەرىنىڭ اڭگىمە ءماجىلىسىن اشتى.
حىنان ولكەسىنىڭ باسشىلارىنان ان ۋي، ۋاڭ گاڭ، جاڭ لەيميڭ، لي يا، داي بوحۋا، حۋ داۋساي، دۋان ۋىنلۇڭ، اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، ءيۇسۇپجان مامەت، ەلزات احمەتجان، ۋاڭ گاڭ، ليۋ جيانميڭ، ءدىلشات سايىم، گاۋ جيميڭ قاتارلىلار قيمىلعا قاتىناستى.