قول قويىلعان نىسانداردىڭ جالپى كەلىسىم سوماسى 10 ميلليارد 100 ميلليون يۋاننان استى
انار بۇلت \ شينجياڭ گازەتىنىڭ تىلشىلەرى رىن جياڭ، ءابيبا 6 - ايدىڭ 13 - كۇنى قاشقاردان حابارلايدى. 6 - ايدىڭ 13 - كۇنى مادەنيەت جانە ساياحات مينيسترلىگىنىڭ كاسىپ سالاسى نىساندارىنا قىزمەت وتەۋ تۇعىرى 33 - مەرزىمدىك سارا تۋىندىلار نىسانى اۋىس - كۇيىس جاساۋ، ۇشتاستىرۋ قيمىلى ءارى شينجياڭنىڭ مادەنيەت جانە ساياحات كاسىپ سالاسىنا قارجى قوسۋدى، قارجى قۇراۋدى جەبەۋ قيمىلى قاشقار قالاسىندا وتكىزىلدى، قول قويىلعان قارجى قوسۋ نىساندارىنىڭ، قارجى قۇراۋ نىساندارىنىڭ جالپى كەلىسىم سوماسى 10 ميلليارد 100 ميلليون يۋاننان استى.
وسى رەتكى اۋىس - كۇيىس جاساۋ، ۇشتاستىرۋ قيمىلى − مادەنيەت جانە ساياحات مينيسترلىگى تۇلعالاعان قارجى قوسۋدى، قارجى قۇراۋدى ۇدايىلاندىرا، ماركالاندىرا جەبەۋ قيمىلى، مۇندا مادەنيەت جانە ساياحات كاسىپورىندارى مەن فينانس قۇرىلىمدارىنىڭ اۋىس - كۇيىس جاساۋ، ۇشتاسۋ تۇعىرىن ورناتىپ، فينانس قۇرىلىمدارى مەن شينجياڭنىڭ ساپالى مادەنيەت - ساياحات نىساندارىن ءونىمدى ۇشتاستىرۋ، شينجياڭنىڭ مادەنيەت جانە ساياحات كاسىپورىندارىنىڭ قارجى قوسۋ، قارجى قۇراۋ ارناسىن كەڭەيتىپ، قارجى قۇراۋ وزىندىك قۇنىن تومەندەتۋ، كاسىپتەرگە قارجى قوسۋدى ونان ارى ورنىقتىرىپ، كاسىپ سالالارىنىڭ سەنىمىن نىعايتىپ، مادەنيەت جانە ساياحات كاسىبىنىڭ شينجياڭنىڭ ستراتەگيالىق تىرەكتى كاسىپ سالاسى مەن ەكونوميكانى جوعارى ساپالى دامىتۋدىڭ ماڭىزدى قوزعالتقىشىنا اينالۋىن ىلگەرىلەتۋ ماقسات ەتىلگەن.
قيمىلدا جالپى 7 سەلبەستىك كەلىسىمىنە قول قويىلدى، وندا اۆتونوميالى رايوندىق مادەنيەت جانە ساياحات مەڭگەرمەسى مەن قاتىناس بانكەسىنىڭ ستراتەگيالىق سەلبەستىك كەلىسىمى، مەملەكەتتىڭ سىرتقا قاراتىلعان مادەنيەت ساۋدا بازاسى(ىلە) مەن مەملەكەتتىڭ سىرتقا قاراتىلعان مادەنيەت ساۋدا بازاسىنىڭ (شاڭحاي) كەلىسىمى سياقتىلار قامتىلدى؛ 8 فينانس قۇرىلىمى قارجى قۇراۋ نىسانى كەلىسىمىنە قول قويدى، ول ساۋداگەر شاقىرۋ بانكەسى ءۇرىمجى بولىمشە بانكەسى سايرام كولى ساياحات قارجى قوسۋ شەكتى جاۋاپكەرشىلىك سەرىكتەستىگىنىڭ جاريا قابىلداۋى سياقتىلاردى قامتيدى، ونىڭ قارجى قۇراۋ جالپى سوماسى 8 ميلليارد 407 ميلليون يۋانعا جەتتى؛ تاعى حوتان كەشكى بازار قۇرىلىسى نىسانى سياقتى 6 ساياحات - مادەنيەت نىسانى بار، وندا قول قويىلعان جالپى كەلىسىم سوماسى ءبىر ميلليارد 769 ميلليون يۋان بولدى.
”وسى رەتكى قيمىلدىڭ شينجياڭدا وتكىزىلۋى مادەنيەت جانە ساياحات مينيسترلىگىنىڭ شينجياڭ قىزمەتىنە كوڭىل بولەتىندىگىن جانە قولداۋ كورسەتەتىندىگىن ءارى شينجياڭنىڭ مادەنيەت جانە ساياحات قىزمەتىنە سەنىم ارتقاندىعى مەن ونى تۇراقتاندىرعاندىعىن اڭعارتادى“. اۆتونوميالى رايوندىق مادەنيەت جانە ساياحات مەڭگەرمەسى پارتيا باسشلىق گرۋپپاسىنىڭ ورىنباسار شۋجيى، مەڭگەرمە باستىعى گۇلي ءابىلىم مىنالاردى ءبىلدىردى: شينجياڭنىڭ مادەنيەت - ساياحات بايلىعى شوعىرلى باسىمدىعىن كاسىپ سالاسىنىڭ ونىمدىلىگىن ارتتىرۋ ارتىقشىلىعىنا ونان ارى اينالدىرىپ، فينانستى دەمەۋشى ەتىپ، كاپيتال مەن نىسان سەلبەستىك تۇعىرىن، بايلىق پەن جاسامپازدىقتى كەڭەسۋ تۇعىرىن، شينجياڭنىڭ مادەنيەت - ساياحات قارجى قۇراۋ امالياتى ۇيرەنۋ تۇعىرىن، ساپالى مادەنيەت - ساياحات نىساندارىن سارالاۋ تۇعىرىن قۇرىپ، شارۋاشىلىق - ساۋدا ورتاسىن اناعۇرلىم ساپالىلاندىرىپ، كاسىپورىنعا ويداعىداي قىزمەت وتەيمىز.