ساياحات بايلىعى جالپىلاستىرىلىپ، ءوزارا ساياحاتشى جىبەرۋ جۇزەگە اسىرىلادى
جۇڭگو شينجياڭ · ورتا ازيا ساياحات سەلبەستىك وداعى قۇرىلدى
انار بۇلت \ شينجياڭ گازەتىنىڭ ءتىلشىسى ۋاڭ جيڭجيڭ 6 - ايدىڭ 13 - كۇنى قاشقاردان حابارلايدى. ”«جۇڭگو شينجياڭ · ورتا ازيا ساياحات سەلبەستىك وداعىنىڭ ەرەجەسىنە» قول قويىلدى، بۇل جۇڭگو شينجياڭ · ورتا ازيا ساياحات سەلبەستىك وداعىنىڭ قۇرىلعاندىعىن اڭعارتادى“، - دەدى 6 - ايدىڭ 13 - كۇنى 2023 - جىلعى اۆتونوميالى رايوننىڭ ساياحاتتى دامىتۋ جينالىسىندا جانە ”شينجياڭ جاقسى جەر“ ساياحاتتى تانىستىرۋ جينالىسىندا وداقتىڭ تۇڭعىش كەزەكتى ءتوراعاسى، اۆتونوميالى رايوندىق ساياحات كووپەراتيۆتەرى قوعامىنىڭ باستىعى ۋ فىڭ.
وداق جۇڭگو شينجياڭ ۇيعۇر اۆتونوميالى رايوندىق ساياحات كووپەراتيۆتەرى قوعامى جانە ورتا ازياداعى 5 ەلدىڭ مادەنيەت جانە ساياحات كاسىبى قوعامى، سونداي - اق كاسىپورىندار ارا كەڭەسۋ سەلبەستىك ۇيىمى بىرگە باستاما كوتەرۋىمەن قۇرىلعان، بەي ۇكىمەتتىك، بەي رەسمي، پايدا كوزدەمەيتىن حالىق اراسىنداعى ۇجىمدىق ورگان. جۇڭگو شينجياڭ · ورتا ازيا ساياحات سەلبەستىك وداعىنىڭ قۇرىلۋى − شينجياڭنىڭ جۇڭگو − ورتا ازيا باسشىلار ءماجىلىسى تابىستارىن تياناقتاندىرعان ناقتى شاراسى سانالادى.
سول كۇنى قول قويىلعان ەرەجەدە وداقتىڭ مۇشەلەرىنىڭ باستى مىندەتى ايقىندالدى: تۇرعان ەلدىڭ زاڭىنا بويسۇنۋ نەگىزىندە، ءارقايسى جاق ۇكىمەتى ساياحات اكىمشىلىك تاراۋلارىنىڭ باسشىلىعىندا وداققا مۇشە ورىندارعا كاسىبي قىزمەت كورسەتىپ، سەلبەستىك تۇعىرىن ورناتادى. ”ساياحات بايلىقتارىن ءوزارا ۇگىتتەپ، جالپىلاستىرىپ، ساياحاتشىلاردى ءوزارا جىبەرۋدى جۇزەگە اسىرىپ، كاسىپ سالاسىن زەرتتەۋدى كۇشەيتىپ، ۇكىمەت تاراۋلارىن دۇرىس كاسىپ سالاسى دەرەك - حابارلارى جانە ۇسىنىستارىمەن قامداپ، ’ءبىر بەلدەۋ، ءبىر جولدى‘ بىرگە قۇرۋ باستاماسىنا بەلسەنە ۇلەس قوسادى“، - دەدى قازاقستان ساياحات كووپەراتيۆتەرى قوعامىنىڭ ءتوراعاسى شايكەنوۆا راشيدا.
وداق جينالىسىندا ءتوراعالىققا كەزەكتەسىپ وتىرۋ ءتۇزىمى اتقارىلادى، كەزەكپەن مىندەت وتەۋ مەرزىمى ءبىر جىل. 2023 - جىلعى اۆتونوميالى رايوننىڭ ساياحاتتى دامىتۋ جينالىسى اشىلۋ قارساڭىندا وداق ءۇرىمجى قالاسىندا 1 - كەزەكتى 1 - ءماجىلىسىن اشتى، مۇشە ورىندار شينجياڭداعى 10 نەشە حالىقارالىق ساياحات كووپەراتيۆىمەن اڭگىمە ءماجىلىسىن وتكىزىپ، ساياحات جەلىسىن بىرگە اقىلداسىپ بەلگىلەپ، ساياحاتشىلاردى ءوزارا جىبەرۋ سەلبەستىك نيەتناماسىن جاساستى، كەلەسى قادامدا ساياحات دارىندىلارىن تاربيەلەۋ مەن ساياحاتتى ۇگىتتەۋگە، جالپىلاستىرۋعا ۇزبەي كۇش سالادى.
ورتا ازيا − جۇڭگونىڭ شەكارادان كىرۋ ساياحاتىندا ارتۋى ەڭ تەز جانە كومەسكى كۇشى ەڭ زور ءوڭىر، جۇڭگو دا ورتا ازيا ءوڭىرىنىڭ باستى ساياحاتشىلار قاينار ەلى. ”بيىل ءبىز ورتا ازيا ەلدەرىندەگى ۇجىمداردى 6 - كەزەكتى جۇڭگو شينجياڭ حالىقارالىق ۇلتتىق ءبي فەستيۆالى، ’كوركەم جۇڭگو، جۇڭگونى بايقاۋ ساياحاتى‘، تۇڭعىش كەزەكتى ’شينجياڭ جاقسى جەر‘ شينجياڭ حالىقارالىق ساياحات فوتوسۋرەت جينالىسى سياقتى قيمىلدارعا قاتىناسۋعا ۇسىنىس ەتەمىز. وداق اۋىس - كۇيىس تۇعىرىن ورناتىپ، ءبىز بەن ورتا ازياداعى 5 ەل اراسىنداعى مادەنيەت جانە ساياحات اۋىس - كۇيىسىن، سەلبەستىگىن كۇشەيتتى ءارى مادەنيەت پەن ساياحاتتىڭ حالىق تىلەگىن توعىستىرۋ رولىن ونان ارى ساۋلەلەندىردى“، - دەدى اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين.