− ماجىلىسكە قاتىناسقان سيلى قوناقتار شينجياڭنىڭ مادەنيەت - ساياحاتىن جوعارى ساپالى دامىتۋ ءىرى جوسپارىن بىرگە اقىلداستى

□ انار بۇلت \ شينجياڭ گازەتىنىڭ تىلشىلەرى ياۋ گاڭ، رىن جياڭ

　　6 - ايدىڭ 13 - كۇنى 2023 - جىلعى اۆتونوميالى رايوننىڭ ساياحات دامىتۋ جينالىسى جانە ”شينجياڭ جاقسى جەر“ اتىنداعى ساياحات تانىستىرۋ ءماجىلىسى قاشقار قالاسىندا وتكىزىلدى. ورتا ازياداعى 5 ەلدەن جانە بۇكىل ەلدىڭ جەر - جەرىنەن كەلگەن 600گە جۋىق سيلى قوناق مىڭ جىلدىق بايىرعى قالادا باس قوسىپ، شينجياڭنىڭ مادەنيەت - ساياحاتىن جوعارى ساپالى دامىتۋ ءىرى جوسپارىن بىرگە اقىلداستى. تىلشىلەردىڭ سۇحباتىن قابىلداعاندا، ماجىلىسكە قاتىناسقان سيلى قوناقتار جابال مىنالاردى ءبىلدىردى: شينجياڭنىڭ ساياحات كاسىبى مىعىم دايىندىقپەن تىندىرىمدى ىستەۋدىڭ، ەنەرگيا جيناپ، قۋات ۇيىستىرۋدىڭ، زور ىسكەرلىك كورسەتۋدىڭ ماڭىزدى التىن مەزگىلىن قارسى الۋدا. شينجياڭ ساياحاتىنىڭ تۇتاس تۇلعالىق ساپاسى مەن دەڭگەيىن ۇزدىكسىز جوعارىلاتىپ، بۇكىل ەلدىڭ ساياحات كاسىبىن جوعارى ساپالى دامىتۋدىڭ ەرەكشە ۇلگىسى مەن دۇنيە جۇزىندەگى ماڭىزدى ساياحات نىسانالى جەرىن قۇلشىنا تۇلعالاۋ كەرەك.

　　سول كۇنى جۇڭگو شينجياڭ ۇيعۇر اۆتونوميالى رايوندىق ساياحات كووپەراتيۆتەرى قوعامى مەن ورتا ازياداعى 5 ەلدىڭ ساياحات كاسىبى قوعامدارى، سونداي - اق كاسىپورىندار ارا كەڭەسۋ سەلبەستىك ۇيىمدارى جۇڭگو شينجياڭ · ورتا ازيا ساياحات سەلبەستىك وداعىن قول قويىپ قۇردى. ”جينالىس بىزگە ەسىگى اشىق شينجياڭدى، شينجياڭنىڭ ساياحات كاسىبىن دامىتۋ ارىنىنىڭ تاماشا ەكەندىگىن ۇعىندىردى، ءبىز وداق ارقىلى ءتىپتى دە كوپ ساياحات كاسىپورىندارىمەن سەلبەسىپ، ساياحات ارقىلى ەكى ەل حالىقتارىنىڭ تۇسىنىگىن ارتتىرۋدى ءۇمىت ەتەمىز“، - دەدى قازاقستان ازيا ساياحات كووپەراتيۆىنىڭ باس ديرەكتورى قاسكەنوۆا گۇلعايشا.

　　شينجياڭنىڭ مادەنيەت جانە ساياحات بايلىعى ساپالى، مادەنيەت - ساياحات كاسىبىنىڭ دامۋىن ىلگەرىلەتۋ ارىنى كۇشتى، ەل ىشىندەگى ءىرى مادەنيەت - ساياحات كاسىپورىندارىنىڭ نازارىن اۋدارىپ وتىر. ”ساياحات ارقىلى شينجياڭدى گۇلدەندىرۋ ستراتەگياسى كەڭ دامۋ ارناسىن ايگىلەدى، شينجياڭ دا ساياحات كاسىبىنىڭ دامۋىنا ساپالى ورتا جانە ساياساتتىق قولداۋ ازىرلەدى. جينالىس ماعان شينجياڭنىڭ ساياحاتتى بار كۇشپەن دامىتۋ بەكىمىن، سەنىمىن سەزىندىردى“، - دەدى سىچۋان ساياحاتقا قارجى قوسۋ، ساياحاتتى جاڭالىق اشا وركەندەتۋ شەكتى جاۋاپكەرشىلىك سەرىكتەستىگىنىڭ باس ديرەكتورى ۋاڭ گۋاڭمو. جينالىستا ولار قاشقار قالاسىمەن جوۋجي بەس جۇلدىزدى قوناق ءۇي مادەنيەت - ساياحات كەشەندى تۇلعاسى نىسانىنا قول قويدى.

　　”ساياحات +“، ”+ ساياحات“ بويىنشا كوپ جاقتى ىستەستىك جاسالدى، تاراۋلار ءبىر نيەتپەن كۇشتى بىرىكتىرىپ، شينجياڭنىڭ مادەنيەت - ساياحات كاسىبىن دامىتۋعا بىرگە كۇش ۇستەدى.

　　بيىل 5 - ايعا دەيىن اۆتونوميالى رايوندىق اۋىل - قىستاق امانات - قارىز كووپەراتيۆى بىرلەسكەن كووپەراتيۆى ساياحات كاسىبىن دامىتۋدى ىلگەرىلەتۋگە 13 ميلليارد 700 ميلليون يۋان قارجى ازىرلەپ، كورىنىس وڭىرلەرىن گۇلدەندىرۋ، كورىنىس وڭىرلەرىندەگى ساۋداگەرلەرگە شاعىن قارىز اقشا ازىرلەۋ، ساياحات تۇتىنۋىنا قاتىستى سايكەستى ونىمدەردى دايىنداۋ قاتارلىلارعا پايدالاندى. اۆتونوميالى رايوندىق اۋىل - قىستاق امانات - قارىز كووپەراتيۆى بىرلەسكەن كووپەراتيۆىنىڭ باس ينفورماتسيا قىزمەتكەرى چىڭ بو بىلاي دەدى: ساياحات كاسىپورىندارىن قولداۋ تەبىنىن ارتتىرىپ، ينتەرنەت جەلىسىندە تۇتىنۋدىڭ جاڭا جاعدايىن اشىپ، شينجياڭنىڭ مادەنيەت - ساياحات كاسىبىن دامىتۋعا كۇش ۇستەيمىز.

　　بيىلدىڭ العاشقى 5 ايىندا تۇتاس شينجياڭداعى اۋەجايلاردىڭ ساياحاتشى - جولاۋشىلاردى قابىلداۋ - جونەلتۋ مولشەرى 14 ميلليون 272 مىڭ ادام - رەتكە جەتىپ، ءتۇرلى ۇشاقتاردىڭ 198 مىڭ كەزەك ۇشىپ - قونۋىن قامتاماسىز ەتتى، بۇل سايكەس مەزگىلدەگىدەن جەكە - جەكە ％5. 70 جانە ％2. 44 ارتتى. حالىقتىق اۆياتسيا شينجياڭ باسقارۋ مەكەمەسىنىڭ ورىنباسار مەكەمە باستىعى پىڭ چىڭ بىلاي دەدى: حالىقتىق اۆياتسيا شينجياڭ باسقارۋ مەكەمەسى شينجياڭ ىشىندە 5A دارەجەلى كورىنىس وڭىرلەرىنىڭ قالا ارالىق ساياحات اۆياتسيا جەلىسى، قىسقى قار - مۇز ساياحات اۆياتسيا جەلىسى سياقتىلاردى بەلسەنە اشىپ، ”شينجياڭ ىشىندە شەڭبەر قالىپتاستىرۋ، شينجياڭعا كىرىپ - شىعۋدى تەزدەتۋ، وڭتۇستىك، سولتۇستىك شينجياڭدى ىركىلىسسىزدەندىرۋ، شەكارادان كىرىپ - شىعۋدى بايلانىستىرۋ“ نىساناسىن جەدەل جۇزەگە اسىرادى.

　　”ءبىز شينجياڭنىڭ ءىشى - سىرتىنداعى ساياحات بازارىن بەلسەنە كەڭەيتىپ، مادەنيەت جانە ساياحات بايلىعىنا سۇيەنىپ سەيىل - سەرۋەن، دەمالۋ ونىمدەرىن اشىپ، كەشكى تۇتىنۋ جاعدايىن تۇلعالاپ، شينجياڭنىڭ ساياحات كاسىبىن دامىتۋعا اناعۇرلىم كوپ كۇش قوسامىز“، - دەدى شينجياڭ مادەنيەت - ساياحات توبى شەكتى سەرىكتەستىگىنىڭ القا باستىعى نيڭ چي.

　　جينالىس ءبىر قىدىرۋ كۇشتى سيگنال تاراتىپ، جەر - جەردىڭ ساياحات كاسىبىنىڭ جوعارى ساپالى دامۋىن ىلگەرىلەتۋ بەكىمىن ونان ارى نىعايتتى. كوپشىلىك ورايدى مىقتى يگەرىپ، ىرىقتىلىقپەن ىسكەرلىك كورسەتىپ، شينجياڭنىڭ مادەنيەت - ساياحات ىستەرىن دامىتۋعا اناعۇرلىم كوپ ومىرشەڭدىك كۇش ۇستەيتىندىكتەرىن ءبىلدىردى.

　　”وسىنشاما كوپ سەلبەستىك نىساندارىنا قول قويىلدى، بۇل ماعان شينجياڭ ساياحاتىنىڭ بولاشاعىنىڭ نۇرلى ەكەندىگىن سەزىندىردى“. قاشقار ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ءانۋار تۇرسۇن بىلاي دەدى: شينجياڭ مول مادەنيەت جانە ساياحات بايلىعىنا يە، ساياحات ارقىلى شينجياڭدى گۇلدەندىرۋ ستراتەگياسى مادەنيەت - ساياحات كاسىبىن قارىشتاپ دامىتتى. شينجياڭ تاريحتاعى ەڭ تاماشا گۇلدەنۋ، دامۋ مەزگىلىندە تۇر، قاشقار ايماعى ورايدى مىقتى يگەرىپ، ءورىس اشا جاڭالىق اشىپ، ساياحات كاسىبىنىڭ تيبىن وزگەرتىپ، دارەجەسىن جوعارىلاتۋدى كۇش سالا ىلگەرىلەتىپ، مادەنيەت پەن ساياحاتتىڭ توعىسۋىن ىشكەرىلەي ىلگەرىلەتىپ، ساياحات كاسىبىنىڭ كۇيىندە ۇزدىكسىز جاڭالىق اشىپ، ساياحات ساپاسى مەن قىزمەت وتەۋ ساپاسىن ۇزدىكسىز جوعارىلاتىپ، ساياحات كاسىبىنىڭ جوعارى ساپالى دامۋىن ىلگەرىلەتەدى.

　　”ىلە وبلىسىندا مول مادەنيەت جانە ساياحات بايلىعى بار، وسى رەتكى جينالىس مادەنيەت پەن ساياحاتتى توعىستىرۋدى شينجياڭنىڭ ساياحات كاسىبىن جوعارى ساپالى دامىتۋدىڭ ماڭىزدى بەتالىسى ەتۋگە تاباندى بولۋدى العا قويىپ، ءبىزدىڭ كۇش - قايراتىمىزدى تاسقىنداتتى. ءبىز مادەنيەت ارقىلى ساياحاتتى سومداۋعا، ساياحات ارقىلى مادەنيەتتى ايگىلەۋگە تاباندى بولىپ، مادەنيەت جانە ساياحاتتىڭ اناعۇرلىم تەرەڭ ساتىلى، اناعۇرلىم كەڭ كولەمدە تەرەڭدەي توعىسۋىن ونان ارى ىلگەرىلەتەمىز“. ىلە قازاق اۆتونوميالى وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ شينجياڭنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابىنىڭ باس قولباسشىسى جاۋ چيڭحۇڭ بىلاي دەدى: جينالىستا مەملەكەتتىڭ سىرتقى مادەنيەت - ساۋدا بازاسىنا (ىلە) ماڭدايشالىق بەرىلدى، ىلە وبلىسى رولىن ويداعىداي ساۋلەلەندىرىپ، سىرتقى مادەنيەت اۋىس - كۇيىسى مەن سەلبەستىگىن كۇشەيتۋى كەرەك.

　　”شينجياڭنىڭ ساياحات كاسىبى التىن مەزگىلگە ءوتتى، ءبىز شينجياڭدى مادەنيەتپەن نارلەندىرۋ قىزمەتىن، شينجياڭدى ساياحات ارقىلى گۇلدەندىرۋ ستراتەگياسىن ارقاۋ ەتىپ، مادەنيەت - ساياحات كاسىبىنىڭ جوعارى ساپالى دامۋىن ونان ارى ىلگەرىلەتەمىز“. اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، ورىنباسار مەڭگەرمە باستىعى يان نايمين بىلاي دەدى: جوعارى دەڭگەيدە جوبالاۋدى كۇشەيتىپ، ساياحات ونىمدەرىمەن قامداۋدى بايىتىپ، سارا تۋىندىلاردى جەتىلدىرىپ، باۋراۋ قۋاتىن كۇشەيتىپ، نەگىزدىك قۇرىلعى قۇرىلىسىن ىلگەرىلەتىپ، ساياحاتقا قىزمەت وتەۋ ساپاسىن جوعارىلاتىپ، مادەنيەت - ساياحاتتىڭ تەرەڭدەي توعىسۋىن ىلگەرىلەتىپ، مادەنيەت - ساياحات كاسىبى ارقىلى 3 - كاسىپتىڭ توعىسا دامۋىن جەتەكتەۋدى جەبەۋ كەرەك.

　　حوتان ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى تۇرسۇنگۇل ءماتتوحتى بىلاي دەدى: حوتان ايماعى شەريا اۋدانى كۇنلۇن تاۋى بانلانگى كورىنىس ءوڭىرىنىڭ 5A دارەجەلى ورىن قۇرۋ قىزمەتىن ارقاۋ ەتىپ، ساياحات نەگىزدىك قۇرىلعى قۇرىلىسىن كۇشەيتىپ، ءبىر توپ سارا كورىنىس ءوڭىرىن تۇلعالايدى. قىزمەت وتەۋ ساپاسىن جوعارىلاتىپ، زەردەلى ساياحات جۇيەسى قۇرىلىسىن ىلگەرىلەتىپ، سيفرلى ساياحاتتى جەدەل دامىتىپ، مادەنيەت - ساياحات كاسىپورىندارىنىڭ زەردەلى باسقارۋ، قىزمەت وتەۋ دەڭگەيىن بىرتىندەپ جوعارىلاتىپ، ”حوتان جۇڭگو ەرەكشە ساياحات نىسانالى جەرى“ ساياحات ماركاسىن جاراتادى.

جالعانىم