شىن شياۋميڭ، ءزۇمىرات وبۇل، ماۋ ۋيميڭ قيمىلعا قاتىناستى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 6 - ايدىڭ 14 - كۇنى چاڭشادان حابارلايدى. 6 - ايدىڭ 13 - كۇنىنەن 14 - كۇنىنە دەيىن اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ حۋنانعا بارىپ ۇيرەنۋدە، تەكسەرۋدە بولىپ، باعىتتامالى كومەكتەسۋدى بىرگە اقىلداسىپ، اۋىس - كۇيىستى، سەلبەستىكتى تەرەڭدەتتى. 6 - ايدىڭ 14 - كۇنى تۇستەن بۇرىن حۋنان ولكەلىك پارتكومنىڭ شۋجيى شىن شياۋميڭ ۋاكىلدەر ۇيىرمەسىندەگىلەرمەن كەزدەستى، ولكەلىك پارتكومنىڭ ورىنباسار شۋجيى، ولكە باستىعى ماۋ ۋيميڭ حۋنان ولكەسى مەن شينجياڭ ۇيعۇر اۆتونوميالى رايونىنىڭ باعىتتامالى كومەكتەسۋ قىزمەتى جونىندەگى اڭگىمە ماجىلىسىنە قاتىناستى.
شىن شياۋميڭ شينجياڭنىڭ پارتيا، ۇكىمەت ۋاكىلدەر ۇيىرمەسىنىڭ كەلگەندىگىن قارسى الاتىندىعىن ءبىلدىردى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ تيانشان الابىندا تىنىش، بەرەكەلى، ءار ۇلت حالقى باقىتتى، الاڭسىز تۇرمىس كەشىرگەن تاماشا جاعداي قالىپتاستى. شينجياڭعا باعىتتامالى كومەكتەسۋ بارىسى − حۋنان مەن شينجياڭ حالقىنىڭ ەتەنە سۇيىسپەنشىلىكتى ۇزدىكسىز كۇشەيتۋ، اۋىس - كۇيىس پەن سەلبەستىكتى تەرەڭدەتۋ بارىسى، سونداي - اق ەكى ولكە، اۆتونوميالى رايوننىڭ ءوزارا پايدا جەتكىزىپ، تەڭ يگىلىككە كەنەلۋدى، بىرگە گۇلدەنىپ، دامۋدى جۇزەگە اسىرۋ بارىسى. وسى رەتكى تەكسەرۋدى وراي ەتىپ، مەحانيزم شارالارىن ونان ارى كەمەلدەندىرىپ، باعىتتامالى كومەكتەسۋ، كاسىپ سالاسى سەلبەستىگى، ەكونوميكا - ساۋدا بارىس - كەلىسى، گۋمانيتارلىق اۋىس - كۇيىس سياقتى جاقتاردا تابىستاردى بەكەمدەپ، كەڭەيتىپ، ەكى جەردىڭ جوعارى ساپالى دامۋىنىڭ تىڭ تاراۋىن بىرگە جازۋدى ءۇمىت ەتەمىن.
ءزۇمىرات وبۇل حۋنان ولكەسىنىڭ شينجياڭعا قالتقىسىز كومەك كورسەتكەندىگىنە جانە شىنايى سۇيىسپەنشىلىك ارناعاندىعىنا شىن ىقىلاسپەن العىس ايتتى، حۋنان ولكەسىنىڭ ەكونوميكالىق، قوعامدىق دامۋدا قول جەتكىزگەن كورنەكتى تابىستارىنا سۇيىنەتىندىگىن ءبىلدىردى. ول بىلاي دەدى: قازىر شينجياڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جوعارى ساپالى دامۋدى ىلگەرىلەتۋدىڭ شەشۋشى مەزگىلىندە تۇر. حۋناننىڭ ”ءبىر بەلدەۋ، ءبىر جولدى“ بىرگە قۇرۋ جاعىندا شينجياڭمەن سەلبەستىكتى كۇشەيتۋىن؛ ”8 ءىرى كاسىپ سالاسى شوعىرى“ قۇرىلىسى، عىلىم - تەحنيكادا جاڭالىق اشۋ جانە وزىق جاساۋ كاسىبىن وركەندەتۋ، مادەنيەت جانە ساياحات كاسىبىن دامىتۋ جاقتارىندا قولداۋ تەبىنىن ارتتىرۋىن؛ كادرلاردى تاڭداپ جىبەرۋدى، دارىندىلار اۋىس - كۇيىسىن ۇدايىلاندىرۋ مەحانيزمىن كەمەلدەندىرىپ، شينجياڭ مەن حۋناننىڭ قول ۇستاسا تەڭ يگىلىككە كەنەلە دامۋىنىڭ جاڭا جاعدايىن اشۋعا قۇلشىنۋىن ءۇمىت ەتەمىن.
ماۋ ۋيميڭ بىلاي دەدى: جاڭا جورىققا قادام تاستاعاندا، حۋنان شينجياڭعا كومەكتەسۋ قىزمەت تەبىنىن ۇزدىكسىز ارتتىرىپ، حۋنان مەن شينجياڭنىڭ سەلبەستىگىن ۇزدىكسىز تەرەڭدەتەدى. ءبىز حۋناننىڭ كۇشىمەن شينجياڭنىڭ قاجەتىنە قىزمەت وتەپ، باعىتتامالى كومەكتەسۋدى كۇشەيتۋ بارىسىندا شينجياڭعا كومەكتەسۋ قىزمەتىنىڭ ساياسي جاۋاپكەرشىلىگىن ارقالاپ، كاسىپ سالاسى سەلبەستىگىن تەرەڭدەتۋ بارىسىندا جوعارى ساپالى دامۋ سىندى ماڭداي الدى مىندەتتى تياناقتاندىرىپ، ەسىك اشۋ، سەلبەستىكتى ىلگەرىلەتۋ بارىسىندا ”ءبىر بەلدەۋ، ءبىر جولدى“ بىرگە قۇرۋ كەلەلى ستراتەگياسىمەن توعىسىپ، ارالاسۋدى، ىشتەسۋدى، توعىسۋدى جەبەۋ بارىسىندا جۇڭحۋا ۇلتى ورتاق تۇلعا تانىمىن بەرىك ورناتىپ، حالىق تۇرمىسى جاعىنان شينجياڭعا كومەكتەسۋ، اقىل - پاراسات جاعىنان شينجياڭعا كومەكتەسۋ، كاسىپ سالاسى ارقىلى شينجياڭعا كومەكتەسۋ، جۇمىستاندىرۋ ارقىلى شينجياڭعا كومەكتەسۋ، مادەنيەتپەن شينجياڭدى نارلەندىرۋ سياقتى قىزمەتتەردىڭ تەرەڭدەۋىن، ناقتىلانۋىن بار كۇشپەن ىلگەرىلەتەمىز.
حۋنانداعى كەزىندە ۋاكىلدەر ۇيىرمەسى شينجياڭعا كومەككە كەلگەن كادر - دارىندىلاردىڭ ۋاكىلدەرىمەن اڭگىمە وتكىزدى، مالانشان بەينەجازبا مادەنيەت جاسامپازدىعى باقشاسى، شياڭجياڭ قورى شاعىن قالاشىعى، جۇڭليان جۇڭكى زەردەلى كاسىپ سالاسى قالاشىعى سياقتىلاردى ەكسكۋرسيالادى، تەكسەرۋ - زەرتتەۋ جۇرگىزدى.
حۋنان ولكەسىنىڭ باسشىلارىنان لي ديانشۇن، ۋ گۇييىڭ، ۋاڭ يگۋاڭ، ۇلان، چىن ۋىنحاۋ، چين گوۋىن، جوۋ حايبيڭ، جۋ يۇي، يە شياۋيىڭ، اۆتونوميالى رايوننىڭ جانە بيڭتۋاننىڭ باسشىلارىنان جاڭ جۋ، ءيۇسۇپجان مامەت، ەلزات احمەتجان، ۋاڭ گاڭ، ليۋ جيانميڭ، ءدىلشات سايىم، گاۋ جيميڭ قاتارلىلار قيمىلعا قاتىناستى.