ما شيڭرۇي ۇرىمجىدە ەنەرگيا كاسىپ سالاسىنىڭ دامۋىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
باسىمدىقتى، كومەسكى كۇشتى ۇزدىكسىز اشىپ، وسى زامانعى ەنەرگيا ەكونوميكاسىن جەدەل زورايتىپ، مەملەكەتتىڭ ەنەرگيا حاۋىپسىزدىگىن اناعۇرلىم ويداعىداي قامتاماسىز ەتىپ، شينجياڭنىڭ جوعارى ساپالى دامۋىن ىلگەرىلەتۋ كەرەك
حى جۇڭيوۋ تەكسەرۋ - زەرتتەۋگە قاتىناستى
7 - ايدىڭ 2 - كۇنى اۆتونوميالى رايوندىق پارتكومنىڭ شۋجيى ما شيڭرۇي ءۇرىمجى گانچۋانپۋ ەكونوميكالىق - تەحنيكالىق اشۋ رايونىنا (ونەركاسىپ رايونى) بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي گانچۋانپۋ 750 كيلوۆولتتىق ەلەكتر - كەرنەۋ اۋىستىرۋ پۋنكتىندە نىسان قۇرىلىسىن، ەلەكتر تورىنىڭ اينالىمىن جانە ەلەكترمەن قامتاماسىز ەتۋ قىزمەتىن ۇعىسۋدا.
□ سۋرەتتى ليۋ جيا تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 2 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 - ايدىڭ 2 - كۇنى ءۇرىمجى گانچۋانپۋ ەكونوميكالىق - تەحنيكالىق اشۋ رايونىنا (ونەركاسىپ رايونى) بارىپ، ەلەكتر قۋاتى، جاڭا ماتەريال، وسى زامانعى كومىر حيميا ونەركاسىبى سياقتى كاسىپورىنداردى ىشكەرىلەي ارالاپ، ەنەرگيا كاسىپ سالاسىن دامىتۋ قىزمەتىنە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: نەگىزگى تاقىرىپتىق تاربيەنى مۇقيات ورىستەتىپ، باس شۋجي شي جينپيڭنىڭ ەنەرگيا حاۋىپسىزدىگى جونىندەگى ماڭىزدى بايىمداۋلارىنىڭ جانە شينجياڭدى كوزدەن كەشىرگەندە سويلەگەن ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ ستراتەگيالىق ورنىن ءجىتى قاداعالاپ، شينجياڭنىڭ ەنەرگيا باسىمدىعىن، كومەسكى كۇشىن ۇزدىكسىز اشىپ، ەنەرگيا بايلىعىن كادەگە جاراتۋ، پايدالانۋ ساپاسىن، ونىمدىلىگىن جوعارىلاتىپ، ەرەكشە، باسىمدىققا يە كاسىپ سالاسى شوعىرىن جەدەل قۇرىپ، شينجياڭنىڭ وسى زامانعى ەنەرگيا ەكونوميكاسىن زورايتىپ، كۇشەيتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋگە اناعۇرلىم كوپ ۇلەس قوسىپ، شينجياڭ ەكونوميكاسىنىڭ جوعارى ساپالى دامۋىنا پارمەندى، ءونىمدى تىرەك بولۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ تەكسەرۋ - زەرتتەۋگە قاتىناستى.
ما شيڭرۇي گانچۋانپۋ ەكونوميكالىق - تەحنيكالىق اشۋ رايونىنىڭ (ونەركاسىپ رايونىنىڭ) قۇرىلىسى، اينالىم جاعدايى جونىندەگى مالىمەتتى تىڭداپ، قاتىستى جاۋاپتىلارمەن ەگجەي - تەگجەيلى اڭگىمەلەستى. جۇڭحى جارناسىنا، شينتى ەنەرگياسىنا، ورتا بولىك حىشىڭ كرەمني كاسىبىنە كەلىپ، كرەمني نەگىزدى، اليۋمين نەگىزدى سياقتى جاڭا ماتەريالدار كاسىپ سالاسىنىڭ دامۋىنا ىشكەرىلەي تەكسەرۋ - زەرتتەۋ جۇرگىزىپ، قۇرۋدى، ورنالاستىرۋدى جەدەلدەتىپ، كاسىپ سالاسى كولەمىن كۇش سالا كەڭەيتىپ، سايكەستىرۋ، كەمەلدەندىرۋ دەڭگەيىن ۇزدىكسىز جوعارىلاتىپ، تۇتاس تىزبەكتىڭ دامۋىن كۇش سالا ىلگەرىلەتىپ، جاڭا ەنەرگيا، جاڭا ماتەريال سياقتى ستراتەگيالىق جاڭادان گۇلدەنگەن كاسىپ سالاسى شوعىرىن جەتىلدىرۋدى، زورايتۋدى باسا دارىپتەدى. يانكۋاڭ شينجياڭ كومىر حيميا ونەركاسىبىندە جاسىل حيميا ونەركاسىبىنىڭ دامۋى جونىندەگى قاتىستى جاعدايلاردى ناقتى ورىندا كوزدەن كەشىرىپ، عىلىم - تەحنيكادا جاڭالىق اشۋدا تىرەك، جەتەكشى بولۋىن ۇزدىكسىز كۇشەيتىپ، كومىر حيميا ونەركاسىبى كاسىپ سالاسىنىڭ جوعارى دەڭگەيدە، كوپ نەگىزدى، تومەن كومىر قىشقىل گازدى دامۋىن بەلسەنە ىلگەرىلەتۋدى باسا دارىپتەدى. گانچۋانپۋ 750 كيلوۆولتتىق ەلەكتر - كەرنەۋ اۋىستىرۋ پۋنكتىنە كەلىپ، نىسان قۇرىلىسىن، ەلەكتر تورىنىڭ اينالىمىن جانە ەلەكترمەن قامتاماسىز ەتۋ قىزمەتىن ۇعىسىپ، نىسان قۇرىلىستارىنىڭ اينالىمىن، ساپاسىن، ونىمدىلىگىن ۇزدىكسىز جوعارىلاتىپ، شينجياڭنىڭ جاسىل ەلەكتر باسىمدىعىن، رولىن تولىق ساۋلەلەندىرىپ، جاڭا ماتەريالدار سياقتى كاسىپ سالاسى دامۋىنىڭ ەلەكتردەن پايدالانۋ قاجەتىن بار كۇشپەن قامتاماسىز ەتىپ، ەكونوميكانىڭ جوعارى ساپالى دامۋىنا پارمەندى ەلەكتر تىرەگىن ازىرلەۋدى باسا دارىپتەدى.
ما شيڭرۇي تەكسەرۋ - زەرتتەۋدە بىلاي دەپ باسا دارىپتەدى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، شينجياڭنىڭ جوعارى ساپالى دامۋدى ىلگەرىلەتۋ ستراتەگيالىق ورايىن مىقتاپ يگەرىپ، ناقتى ەكونوميكانى دامىتۋعا، زورايتۋعا تاباندى بولىپ، ”8 ءىرى كاسىپ سالاسى شوعىرىن“ جەدەل قۇرىپ، شينجياڭنىڭ ەنەرگيا كاسىپ سالاسى نەگىزىنىڭ جوعارى دەڭگەيلىلەنۋىن، كاسىپ سالاسى تىزبەگىنىڭ وسىزاماندانۋىن زور كۇشپەن ىلگەرىلەتىپ، دامۋ كولەمى مەن ساپاسىن، ونىمدىلىگىن جوعارىلاتىپ، شينجياڭنىڭ وسى زامانعى ەنەرگيا ەكونوميكاسىنىڭ مەملەكەتتىڭ ەنەرگيا حاۋىپسىزدىگىن قامتاماسىز ەتۋ، ەكونوميكانىڭ جوعارى ساپالى دامۋىن ىلگەرىلەتۋ جاعىنداعى تىرەكتىك كۇشى مەن ۇلەس قوسۋ كۇشىن ۇزدىكسىز جوعارىلاتۋ كەرەك. ەنەرگيا باسىمدىعىن كادەگە جاراتۋدى جەدەلدەتىپ، شينجياڭنىڭ ەنەرگيا بايلىعىنىڭ كومەسكى كۇشىن اشۋدى ۇزدىكسىز ىلگەرىلەتىپ، جەل ەلەكترى، كۇن ەنەرگياسىنان پايدالانىپ ەلەكتر تاراتۋ سياقتى جاڭا ەنەرگيا كاسىپ سالالارىن جەدەل دامىتىپ، كرەمني نەگىزدى، اليۋمين نەگىزدى سياقتى جاڭا ماتەريالدار كاسىپ سالاسىن زور كۇشپەن دامىتىپ، كومىردەن تازا، جوعارى ءونىمدى، جان - جاقتى پايدالانۋدى ۇزدىكسىز ىلگەرىلەتىپ، وسى زامانعى كومىر حيميا ونەركاسىبىن بەلسەنە دامىتىپ، ەنەرگيا حاۋىپسىزدىگىن قامتاماسىز ەتۋ دەڭگەيىن بار كۇشپەن جوعارىلاتۋ كەرەك. كاسىپ سالاسى دامۋىنىڭ ساپاسىن، ونىمدىلىگىن جوعارىلاتىپ، عىلىم - تەحنيكادا جاڭالىق اشۋدىڭ جەتەكشىلىگىن كۇشەيتىپ، جاڭالىق اشۋ تىزبەگى مەن كاسىپ سالاسى تىزبەگىنىڭ تەرەڭدەي توعىسۋىن، قوس باعىتتا جەبەۋىن ىلگەرىلەتىپ، ەنەرگيا كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن كۇش سالا جوعارىلاتىپ، كرەمني نەگىزدى سياقتى كاسىپ سالالارىنىڭ ءوندىرىس قۋاتىن كەڭەيتىپ، ساپاسىن جوعارىلاتۋدى، تۇتاس كاسىپ سالاسى تىزبەگىنىڭ دامۋىن جۇزەگە اسىرۋدى كۇش سالا ىلگەرىلەتىپ، شينجياڭنىڭ وسى زامانعى ەنەرگيا كاسىپ سالاسىنىڭ كولەمىن كەڭەيتۋدى، قۇرىلىمىن ساپالىلاندىرۋدى، ساپاسىن جوعارىلاتۋدى، ونىمدىلىگىن ارتتىرۋدى ىلگەرىلەتۋ كەرەك. تازا ەنەرگيادان پايدالانۋدى جەبەپ، تازا، تومەن كومىر قىشقىل گازدى، حاۋىپسىز، جوعارى ءونىمدى بولۋدى بەتالىس ەتۋگە تاباندى بولىپ، كومىر سياقتى ءداستۇرلى ەنەرگيا كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتىپ، جاڭا ەنەرگيانىڭ يەلەيتىن سالىستىرماسى بىرتىندەپ جوعارىلاعان جاڭاشا ەلەكتر قۋاتى جۇيەسىن جەدەل ورناتىپ، شينجياڭنىڭ جاسىل ەلەكترمەن ورنىقتى، ءونىمدى قامداۋىن، سول جەردىڭ وزىندە قابىلداپ پايدالانۋىن ۇزدىكسىز ىلگەرىلەتىپ، جاسىل ەنەرگيادان پايدالانۋ ونىمدىلىگىن ۇزدىكسىز جوعارىلاتۋ كەرەك. جاۋاپكەرشىلىكتى تياناقتاندىرىپ، قامتاماسىز ەتۋدى كۇشەيتىپ، ەنەرگيا كاسىپ سالاسىن دامىتۋ ساياساتى، فاكتورى سياقتىلاردىڭ قامتاماسىز ەتۋ دەڭگەيىن ۇزدىكسىز جوعارىلاتىپ، ءىرى نىسانداردىڭ وندىرىسكە قوسىلۋىن، جۇمىس جۇرگىزۋىن بار كۇشپەن قولداپ، جەدەل ىلگەرىلەتىپ، قاتىستى كاسىپورىنداردىڭ ءوندىرىس حاۋىپسىزدىگى، ەكولوگيالىق ورتانى قورعاۋ سياقتى جاۋاپكەرشىلىگىن قاتاڭ تياناقتاندىرۋىن ىلگەرىلەتىپ، اۋىر، ەرەكشە اۋىر ءوندىرىس حاۋىپسىزدىگى شىرعالاڭدارىنىڭ تۋىلۋىنان باتىل ساقتانىپ، شينجياڭنىڭ وسى زامانعى ەنەرگيا ەكونوميكاسى دامۋىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك.