ما شيڭرۇي ارىز - ارمان ايتا كەلگەن بۇقارانى جۇمىس باسىندا قابىلداپ، ماسەلەلەردى سايكەستىرىپ شەشتى
حالىقتى وزەك ەتكەن دامۋ يدەياسىن ىشكەرىلەي امالياتتا ايگىلەپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن دەن قويا، سۇيىسپەنشىلىكپەن، كۇش سالا شەشۋ كەرەك
7 - ايدىڭ 4 - كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق حالىق بۇقاراسىنا ارىز - ارمان بويىنشا قىزمەت وتەۋ ورتالىعىنا كەلىپ، اقسۋ ايماعىنىڭ بۇرىنعى قوعامدىق يگىلىك سۋلياۋ زاۆودى جۇمىسشى - قىزمەتكەلەرىنىڭ ۋاكىلدەرىن قابىلداپ، كوپشىلىكپەن بەتپە - بەت اڭگىمەلەسىپ، كوپشىلىكتىڭ تالاپ - تىلەكتەرىن مۇقيات تىڭداپ، شەشۋ جوبالارىن، شارالارىن جۇمىس باسىندا زەرتتەدى.
□سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 7 - ايدىڭ 4 - كۇنى اۆتونوميالى رايوندىق حالىق بۇقاراسى ارىز - ارمان قىزمەت وتەۋ ورتالىعىنا كەلىپ، نەگىزگى تاقىرىپتىق تاربيەنى مۇقيات ورىستەتۋ، شي جينپيڭنىڭ زاڭمەن باسقارۋ يدەياسىن جانە باس شۋجي شي جينپيڭنىڭ حالىق ارىز - ارمان قىزمەتىن كۇشەيتۋ جانە جاقسارتۋ جونىندەگى ماڭىزدى بايىمداۋىن ىشكەرىلەي ۇيرەنۋ، دايەكتىلەندىرۋ، جاڭا داۋىردەگى شينجياڭنىڭ ارىز - ارمان قىزمەتىن تىڭعىلىقتى، ويداعىداي ىستەۋدى ارقاۋ ەتىپ، ارىز - ارمان ايتا كەلگەن بۇقارانى جۇمىس باسىندا قابىلداپ، ولاردىڭ قيىنشىلىقتارىن، تالاپ - تىلەگىن مۇقيات تىڭداپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىنە جاۋاپ قايتاردى جانە شەشتى.
ما شيڭرۇي اقسۋ ايماعىنىڭ بۇرىنعى قوعامدىق يگىلىك سۋلياۋ زاۆودى جۇمىسشى - قىزمەتكەلەرىنىڭ ۋاكىلدەرىن قابىلداپ، كوپشىلىكپەن بەتپە - بەت اڭگىمەلەسىپ، كوپشىلىكتىڭ قورا - جايدى شاعىپ كوشىرۋ تولەمى، زەينەتكەرلىك قامسىزداندىرۋىن تولىقتاپ تاپسىرۋ سياقتى جاقتارداعى تالاپ - تىلەكتەرىن مۇقيات تىڭداپ، ارىز - ارمان ماسەلەلەرىنىڭ تۋىلۋ سەبەبى جانە بايلانىس جاساۋ، سايكەستىرۋ بارىسى سياقتىلاردى جان - جاقتى ۇعىسىپ، شەشۋ جوبالارىن، شارالارىن جۇمىس باسىندا زەرتتەپ، قاتىستى ايماقتار مەن تاراۋلاردان زاڭ بويىنشا، بەلگىلەمە بويىنشا ءبىتىرىپ، تەز ارادا قارجى جيناپ، تولەم بەرۋ، تولىقتاپ تاپسىرۋ قىزمەتىن ۇيلەسىمدى، ويداعىداي ىستەپ، بۇقاراعا رازى بولاتىنداي جاۋاپ بەرۋدى، سونداي - اق ۇقساس ارىز - ارمان ىستەرىن بىرەۋى ارقىلى وزگەسىن تۇسپالداي وتىرىپ جۇيەلى سالالاپ، ماسەلەلەردى توبىمەن شەشۋدى ىلگەرىلەتىپ، بۇقارانىڭ ناقتى قىزمەت ونىمدىلىگىن شىنايى كورۋىنە مۇمكىندىك جاساۋدى تالاپ ەتتى.
قابىلداۋ زالىندا ما شيڭرۇي ارىز - ارمان ايتا كەلگەن بۇقارامەن ىقىلاسپەن اڭگىمەلەسىپ، قيىنشىلىقتارىن، تالاپ - تىلەكتەرىن ۇعىسىپ، قاتىستى جاۋاپتى جولداستارعا بۇقارانىڭ ارىز - ارمان ساياساتىن جانە قىزمەت ءتارتىبىن قانىق بىلۋىنە كومەكتەسىپ، ساياسات - تالاپتاردى قاتاڭ تياناقتاندىرىپ، ولاردىڭ اڭىس ەتكەن ماسەلەلەرىن بار كۇشپەن ويداعىداي شەشۋدى تاپسىردى.
ما شيڭرۇي ارىز - ارمان قابىلداعاندا بىلاي دەپ باسا دارىپتەدى: ارىز - ارمان قىزمەتى پارتيانىڭ بۇقارالىق قىزمەتىنىڭ ماڭىزدى قۇرامداس بولىگى، قوعام جاعدايىن، ەل رايىن ۇعىسۋدىڭ ماڭىزدى تەرەزەسى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، حالىقتى وزەك ەتكەن دامۋ يدەياسىنا تاباندى بولىپ، «ارىز - ارمان قىزمەتى ەرەجەسىن» مۇقيات دايەكتىلەندىرىپ، حالىقتىڭ قيىنشىلىعىن شەشىپ، پارتيانىڭ قامىن ويلاۋ ساياسي جاۋاپكەرشىلىگىن باتىلدىقپەن مىقتاپ ارقالاپ، جاڭا داۋىردەگى ”فىڭچياۋ تاجىريبەسىن“ امالياتتا ايگىلەپ، ”پۋجياڭ تاجىريبەسىنەن“ ۇيرەنىپ، جالپىلاستىرىپ، ارىز - ارمان قىزمەتىن تىڭعىلىقتى، ويداعىداي ىستەپ، شىن مانىندە بۇقارانى ۋايىمنان ارىلتىپ، قيىنشىلىعىن شەشىپ، بۇقارانىڭ ءتول مۇدەسى ماسەلەلەرىن شەشۋدىڭ ءىس جۇزىندىك ونىمدىلىگى ارقىلى نەگىزگى تاقىرپتىق تاربيەنىڭ تابىسىن سىننان وتكىزىپ، شينجياڭ ارىز - ارمان قىزمەتىنىڭ جاڭا جاعدايىن اشۋ كەرەك. بۇقارالىق تۇرعىدا بەرىك تۇرىپ، پارتيانىڭ بۇقارالىق لۋشيانىن ىشكەرىلەي امالياتتا ايگىلەپ، بۇقارانىڭ تالاپ - تىلەگىن ءبىلدىرۋ، مۇددەسىن سايكەستىرۋ، ۇقىق - مۇددەسىن قامتاماسىز ەتۋ ارناسىن ىركىلىسسىزدەندىرىپ جانە جۇيەگە ءتۇسىرىپ، بۇقارانىڭ ارمانى مەن تالاپ - تىلەگىن ىشكەرىلەي انىقتاپ، بۇقارانىڭ ءىس جۇزىندىك مۇددە ماسەلەسىن امالدىڭ بارىنشا ويداعىداي شەشىپ، بۇقارانىڭ زاڭدى ۇقىق - مۇددەسىن شىنايى ويداعىداي قورعاۋ كەرەك. زاڭمەن باسقارۋ ويىن بەرىك ورناتىپ، شينجياڭدى زاڭمەن باسقارۋدى جاپپاي تەرەڭدەتىپ، زاڭمەن باسقارۋ ويىنان جانە زاڭمەن باسقارۋ ادىسىنەن پايدالانىپ ارىز - ارمان قىزمەتىن ورىستەتۋگە، بۇقارانىڭ ماسەلەسىن شەشۋگە تاباندى بولىپ، زاڭمەن باسقارۋدى قاتاڭ اتقارۋ، زاڭ بويىنشا ءىس ءبىتىرۋ بارىسىندا قايشىلىقتاردى اناعۇرلىم ويداعىداي شەشىپ، ۇقىق - مۇددەنى قورعاپ، دامۋدى جەبەپ، شەبەرلىكپەن باسقارۋدى قامتاماسىز ەتۋ كەرەك. ءتۇزىلىس - مەحانيزمدى كەمەلدەندىرىپ، بۇقارانىڭ ۇقىق - مۇددەسىن قورعاۋ مەحانيزمىن اقاۋسىزداندىرىپ، تۋ باستان ساقتانۋدى كۇشەيتىپ، ارىز - ارمان ىستەرىن ءبىرجايلى ەتۋ ءتارتىبىن جۇيەگە ءتۇسىرىپ جانە ساپالىلاندىرىپ، ارىز - ارمان جاعىندا جيىلىپ قالعان ىستەردى شەشۋدى ۇدايىلاندىرا ىلگەرىلەتىپ، ارىز - ارمان قىزمەتىنىڭ عىلميلانۋ، جۇيەلىلەنۋ، تۇزىمدەنۋ دەڭگەيىن ءونىمدى جوعارىلاتۋ كەرەك. نەگىزگى ساتىنىڭ نەگىزىن بەكەمدەپ، قوعامدىق باسقارۋدى كۇشەيتىپ جانە جاڭالىق اشىپ، تور كوزدەندىرىپ باسقارۋ، ەگجەي - تەگجەيلى قىزمەت وتەۋ، ينفورماتسيالاندىرۋ تىرەك بولعان نەگىزگى ساتىنى باسقارۋ تۇعىرىن كەمەلدەندىرىپ، قالا، اۋىل، الەۋمەتتىك اۋماقتى باسقارۋ جۇيەسىن اقاۋسىزداندىرىپ، قايشىلىق، داۋ - شاردى دەر كەزىندە نەگىزگى ساتىدا شەشۋ، بەلەڭ بەرە باستاعان كەزىندە شەشۋ كەرەك. قىزمەت جاۋاپكەرشىلىگىن تياناقتاندىرىپ، پارتكوم ءبىر تۇتاس باسشىلىق ەتەتىن، ۇكىمەت ۇيىمداستىرىپ تياناقتاندىراتىن، بىرىككەن ءماجىلىس سايكەستىرەتىن، ارىز - ارمان تاراۋلارى ىلگەرىلەتەتىن، ءارقايسى جاق بىردەي يگەرىپ، تەڭ باسقاراتىن قىزمەت ارناسىن اقاۋسىزداندىرىپ، كەمەلدەندىرىپ، جوعارى ساپالى، ماماندانعان ارىز - ارمان كادرلارى قوسىنىن تۇلعالاپ، ارىز - ارمان قىزمەتىن ويداعىداي ىستەۋدىڭ قابىلەتىن، دەڭگەيىن قۇلشىنا جوعارىلاتىپ، شينجياڭ ارىز - ارمان قىزمەتىنىڭ تۇتاس تۇلعالىق ونىمدىلىگىن ۇزدىكسىز جوعارىلاتۋ كەرەك.
ۋاڭ ميڭشان، قادەن كابەن قاتارلىلار ارىز - ارمان قابىلداۋعا قاتىناستى.