ما شيڭرۇي اۆتونوميالى رايوننىڭ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ جوعارى ساپالى دامۋى جونىندەگى اڭگىمە ماجىلىسىندە بىلاي دەپ باسا دارىپتەدى
فۋنكتسيالىق ورنىن ءدال تاۋىپ، نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، قۇلشىنا زورايتىپ، كۇشەيتىپ، شينجياڭنىڭ جوعارى ساپالى دامۋىنداعى ستراتەگيالىق تىرەكتىك رولىن شىن مانىندە ساۋلەلەندىرۋ كەرەك
ەركىن تۇنياز باسقاردى، جاڭ چۇنلين، حى جۇڭيوۋ قاتىناستى
7 - ايدىڭ 7 - كۇنى اۆتونوميالى رايوننىڭ اۆتونوميالى رايونعا قاراستى مەملەكەت مەنشىگىندەگى كاسپورىنداردىڭ جوعارى ساپالى دامۋى جونىندەگى اڭگىمە ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 7 - كۇنى ۇرىمجىدەن حابارلايدى. اۆتونوميالى رايوننىڭ اۆتونوميالى رايونعا قاراستى مەملەكەت مەنشىگىندەگى كاسىپورىنداردىڭ جوعارى ساپالى دامۋى جونىندەگى اڭگىمە ءماجىلىسى 7 - ايدىڭ 7 - كۇنى ۇرىمجىدە اشىلدى، ءماجىلىس نەگىزگى تاقىرىپتىق تاربيە ورىستەتۋمەن ۇشتاستىرىپ، باس شۋجي شي جينپيڭنىڭ مەملەكەت مەنشىگىندەگى كاسىپورىندار رەفورماسى جانە پارتيا قۇرىلىسى جونىندەگى ماڭىزدى بايىمداۋلارىن ىشكەرىلەي ۇيرەندى، دايەكتىلەندىردى، ”ەكىدەن استە اۋىتقىماۋعا“ تاباندى بولىپ، شينجياڭنىڭ ستراتەگيالىق ورنىن كوزدەۋدى، مەملەكەت مەنشىگىندەگى مال - مۇلىكتى، مەملەكەت مەنشىگىندەگى كاسىپورىنداردى دامىتۋدى، زورايتۋدى ارقاۋ ەتىپ، پىكىر - ۇسىنىستار تىڭدادى، وي جەلىسىن، شارالاردى قاراستىرىپ، كورنەكتى ماسەلەلەردى شەشىپ، بۇكىل رايونداعى مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ ورىندى ونان ارى ءدال تاۋىپ، وي جەلىسىن ايقىنداپ، مىندەتتى اشالاۋىن ىلگەرىلەتىپ، ۇزدىكسىز كۇشەيتىپ، ساپالىلاندىرىپ، زورايتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىنداعى ستراتەگيالىق تىرەكتىك رولىن شىن مانىندە ساۋلەلەندىرۋدى العا قويدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.
اڭگىمە ءماجىلىسىن ويداعىداي اشۋ ءۇشىن اۆتونوميالى رايوندىق پارتكومنىڭ نەگىزگى باسشىلارى وسىدان بۇرىن اۆتونوميالى رايونعا قاراستى مەملەكەت مەنشىگىندەگى ءىشىنارا كاسىپورىنداردى ارالاپ، تەكسەرۋ - زەرتتەۋ جۇرگىزىپ، باسشىلىق القاسىمەن، الدىڭعى شەپتەگى كادرلارمەن، جۇمىسشى - قىزمەتشىلەرمەن پىكىر اۋىستىرىپ اڭگىمەلەسىپ، كاسىپورىنداردىڭ جۇمىس جۇرگىزۋ، باسقارۋ، رەفورما، دامۋ جاعدايىن دەن قويا ۇعىسىپ، ولقىلىقتاردى، ءالسىز تۇستاردى جانە ءدوپ كەلگەن قيىنشىلىقتاردى، ماسەلەلەردى ىزدەپ تاۋىپ، وي جەلىسىن، شارالاردى كوپشىلىكپەن بىرگە اقىلداسىپ، جوسپارلادى.
اڭگىمە ماجىلىسىندە اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىندەگى نەگىزگى جاۋاپتى جولداستار بۇكىل رايونداعى مەملەكەت مەنشىگىندەگى كاسىپورىنداردىڭ جوعارى ساپالى دامۋى مەن رەفورما جاعدايىنان مالىمەت بەردى. شينجياڭ ءتۇستى مەتال ونەركاسىپ توبى، جۇڭتاي توبى، گەولوگيالىق كەن بايلىعىن بارلاۋ - اشۋ قارجى قوسۋ توبى، سۋ يگىلىگىن دامىتۋ قارجى قوسۋ توبى، مادەنيەت - ساياحات قارجى قوسۋ توبى، اۋىل - قىستاق امانات - قارىز كووپەراتيۆى بىرلەسكەن كووپەراتيۆى، ياشين كومىر قاباتى گازى قارجى قوسۋ - اشۋ توبى قاتارلى كاسىپورىندارداعى نەگىزگى جاۋاپتى جولداستار ىلگەرىندى - كەيىندى سوزگە شىعىپ، كاسىپورىننىڭ جۇمىس جۇرگىزۋ، باسقارۋ، نىسانداردى ىلگەرىلەتۋ، تەحنيكادا جاڭالىق اشۋ، ءوندىرىس حاۋىپسىزدىگى سياقتى قىزمەتتەرىنەن مالىمەت بەرىپ، باسىمدىققا يە كەن بايلىعىن بارلاۋ - اشۋ، ودان پايدالانۋ دەڭگەيىن جوعارىلاتۋدى ارقاۋ ەتىپ، وسى زامانعى حيميا ونەركاسىبى كاسىپ سالاسىن كۇشەيتۋ، سۋ بايلىعىن ۇيلەسىمدى ۇلەستىرۋدى جانە ودان جوعارى ءونىمدى پايدالانۋدى ىلگەرىلەتۋ، مادەنيەت - ساياحات كاسىپ سالاسىنىڭ تيبىن جاڭالاپ، دارەجەسىن جوعارىلاتۋدى جەبەۋ، ەلەۋلى حاۋىپ - قاتەرلەردەن ءونىمدى ساقتانۋ جانە ونى جويۋ، كومىر قاباتى گازى قارجى قوسۋ - اشۋ سياقتى قىزمەتتەردى ارقاۋ ەتىپ، الداعى دامۋ وي جەلىسى مەن شارالارىن تانىستىرىپ، پىكىر - ۇسىنىستار بەردى. ما شيڭرۇي ءالسىن - ءالى كوپشىلىكپەن پىكىر اۋىستىرىپ، ءتۇيىندى قىزمەتتەردىڭ ورىستەتىلۋ جاعدايىن سۇراستىرىپ، قازىر ورىن تەۋىپ وتىرعان ماسەلەلەرگە تالداۋ جاساپ، كاسىپورىندارعا نازاردى شينجياڭنىڭ جوعارى ساپالى دامۋى سىندى ماڭداي الدى مىندەتكە شوعىرلاندىرىپ، جالپى جاعدايعا ساياتىن شەشۋشى قىزمەتتەردى يگەرىپ، كەلەلى نىسانداردى ىلگەرىلەتۋدى، اتقارۋدى جەدەلدەتىپ، شينجياڭنىڭ مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ دامۋىندا تىڭ سەرپىلىسكە قول جەتكىزۋدى ىلگەرىلەتۋدى تاپسىردى.
ما شيڭرۇي بىلاي دەپ اتاپ كورسەتتى: مەملەكەت مەنشىگىندەگى كاسىپورىندار جۇڭگوشا سوتسياليزمنىڭ ماڭىزدى زاتتىق نەگىزى جانە ساياسي نەگىزى. شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدە مەملەكەت مەنشىگىندەگى كاسىپورىندار ماڭىزدى ورىنعا، شەشۋشى رولعا يە، ورنىن وگەيسىتۋگە بولمايدى. نەگىزگى تاقىرىپتىق تاربيە ورىستەتۋدى وراي ەتىپ، باس شۋجي شي جينپيڭنىڭ مەملەكەت مەنشىگىندەگى كاسىپورىندار رەفورماسى جانە پارتيا قۇرىلىسى جونىندەگى ماڭىزدى بايىمداۋلارىن تەرەڭ ۇيرەنىپ، ءتۇسىنىپ، يدەيا مەن ارەكەتتى باس شۋجيدىڭ، پارتيا ورتالىق كوميتەتىنىڭ مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىن قىزمەتى جونىندەگى شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ساياسي دەڭگەيدى شىن مانىندە جوعارىلاتىپ، بورىش، جاۋاپكەرشىلىك ارقالاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋداعى شينجياڭنىڭ ستراتەگيالىق ورنىمەن تىعىز بايلانىستىرىپ، مەملەكەت مەنشىگىندەگى كاسىپورىنداردىڭ كۇشەيۋىن، ساپالىلانۋىن، زورايۋىن بۇلجىماي ىلگەرىلەتىپ، شينجياڭنىڭ جوعارى ساپالى دامۋىنداعى تىرەكتىك، نەگىزگى قوسىندىق رولىن شىن مانىندە ساۋلەلەندىرۋ كەرەك.
ما شيڭرۇي بىلاي دەپ باسا دارىپتەدى: بۇكىل رايونداعى مەملەكەت مەنشىگىندەگى كاسىپورىندار فۋنكتسيالىق ورىن تۇراقتاندىرۋدى تياناق ەتىپ، نازاردى نەگىزگى كاسىپكە شوعىرلاندىرىپ، شارۋاشىلىقتى كۇشەيتىپ، قوردى جانداندىرىپ، ارتۋ مولشەرىن زورايتىپ، ساپانى جوعارىلاتىپ، شىن مانىندە ەكونوميكانىڭ، قوعامنىڭ جوعارى ساپالى دامۋىنىڭ ويداعىداي كوش باسشىسى بولۋ كەرەك. ورنالاستىرۋدى ساپالىلاندىرىپ، كەمەلدەندىرىپ، مەملەكەت مەنشىگىندەگى كاپيتالدىڭ باسىمدىققا يە ءتۇيىندى كاسىپ سالالارىنا، ستراتەگيالىق كاسىپ سالالارىنا شوعىرلانۋىن ىلگەرىلەتىپ، ”8 ءىرى كاسىپ سالاسى شوعىرى“ سياقتى ەرەكشەلىككە، باسىمدىققا يە كاسىپ سالالارىن بەلسەنە قۇرىپ، باستاماشى، تىرەكتى كاسىپ سالالارىنان ءبىر توبىن تۇلعالاپ، كاسىپ سالاسىنىڭ باستاماشىلدىق، جەتەكشىلىك رولىن كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قامتاماسىز ەتىپ، شينجياڭ ەرەكشەلىگىندەگى وسىزاماندانعان كاسىپ سالاسى جۇيەسىن جەدەل ورناتۋ كەرەك. عىلىم - تەحنيكادا جاڭالىق اشۋدى كۇشەيتىپ، عىلىم - تەحنيكادا جاڭالىق اشۋعا ۇسىنىلىمدى ارتتىرىپ، عىلىم - تەحنيكادا سايكەسە جاڭالىق اشۋدى ىلگەرىلەتىپ، شينجياڭنىڭ ءتۇيىندى كاسىپ سالاسىنىڭ دامۋىنا تۇساۋ بولاتىن ”القىمداعان“ ماسەلەلەردى شەشىپ، عىلىم - تەحنيكادا جاڭالىق اشۋعا ىنتالاندىرۋ مەحانيزمىن اقاۋسىزداندىرىپ، جاڭالىق اشۋ، جاسامپازدىق ومىرشەڭدىك كۇشىن ۇزدىكسىز قاۋلاتىپ، كاسىپورىنداردىڭ جوعارى ساپالى دامۋىنا جەتەكشىلىك، جەبەۋشىلىك ەتۋ كەرەك. رەفورمانى ۇزدىكسىز تەرەڭدەتىپ، كورنەكتى ماسەلەلەردى، ولقىلىقتاردى ءداپ باسىپ تاۋىپ، جاڭا كەزەكتى مەملەكەت مەنشىگىندەگى كاسىپورىندار رەفورماسىن تەرەڭدەتۋ، دەڭگەيىن جوعارىلاتۋ ارەكەتىن تياناقتاندىرىپ، وسى زامانعى كاسىپورىن ءتۇزىمىن جەدەل كەمەلدەندىرىپ، كاسىپورىننىڭ بازارلانۋ مەحانيزمى بويىنشا شىن مانىندە جۇمىس جۇرگىزۋىن ىلگەرىلەتىپ، جۇڭگو ەرەكشەلىگىنە يە مەملەكەت مەنشىگىندەگى وسى زامانعى سەرىكتەستىك باسقارۋ جۇيەسىن ۇزدىكسىز كەمەلدەندىرۋ كەرەك. حاۋىپ - قاتەر تومەنگى شەگىن بەرىك ساقتاپ، تيجارات سيپاتتى مەملەكەت مەنشىگىندەگى مال - مۇلىكتى شوعىرلى، ءبىر تۇتاس باقىلاۋ - باسقارۋدى ىشكەرىلەي ىلگەرىلەتىپ، ماماندانعان، جۇيەلىلەنگەن، زاڭمەن باسقارىلاتىن باقىلاۋ - باسقارۋ دەڭگەيىن جوعارىلاتىپ، نازاردى ءتۇيىندى سالالارعا شوعىرلاندىرىپ، حاۋىپ - قاتەردەن ساقتانۋ - تىزگىندەۋ بويىنشا ارناۋلى وڭاۋ ارەكەتىن ورىستەتىپ، مەملەكەت مەنشىگىندەگى مال - مۇلىك حاۋىپسىزدىگىن باتىل قورعاۋ كەرەك. دارىندىلاردى پارتيا باسقارۋعا تاباندى بولىپ، كاسىپورىن باسشىلارىن باسقارۋ ءتۇزىلىس رەفورماسىن تەرەڭدەتىپ، مەملەكەت مەنشىگىندەگى كاسىپورىندار باسشىلىق القاسىنا ۇزدىكتەردى تاڭداپ، مىقتىلاردى قويىپ، اۋىس - كۇيىس مەحانيزمىن ورناتىپ، كەمەلدەندىرىپ، شارۋاشىلىق جۇرگىزۋدى، باسقارۋدى بىلەتىن، بازار تانىمى كۇشتى جوعارى دەڭگەيلى شارۋاشىلىق باسقارۋ دارىندىلارى مەن ءزارۋ، تاپشى دارىندىلاردى تولىقتاپ، كۇشەيتىپ، ەگەي جاڭالىق اشاتىن دارىندىلاردى بار كۇشپەن ەنگىزىپ جانە باۋلىپ، جوعارى ساپالى مەملەكەت مەنشىگىندەگى كاسىپورىن كادرلارى قوسىنىن تۇلعالاۋ كەرەك. پارتيانىڭ باسشىلىعىن كۇشەيتىپ، پارتيانىڭ ساياسي قۇرىلىسىن جاپپاي كۇشەيتىپ، مەملەكەت مەنشىگىندەگى كاسىپورىن پارتيا ۇيىمىنىڭ باسشىلىق ۇيتقىلىق رولىن تولىق ساۋلەلەندىرىپ، پارتيا قۇرىلىسى قىزمەتىنىڭ وندىرىسپەن، تيجاراتپەن تەرەڭدەي توعىسۋىن ىلگەرىلەتىپ، پارتيانى جاپپاي قاتاڭ باسقارۋدى تەرەڭدەي ىلگەرىلەتىپ، جوعارى ساپالى پارتيا قۇرىلىسى ارقىلى مەملەكەت مەنشىگىندەگى كاسىپورىنداردىڭ جوعارى ساپالى دامۋىنا جەتەكشىلىك ەتۋ كەرەك.
ما شيڭرۇي بىلاي دەپ باسا دارىپتەدى: ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن تياناقتاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە مەملەكەت مەنشىگىندەگى مال - مۇلىكتىڭ، مەملەكەت مەنشىگىندەگى كاسىپورىنداردىڭ كۇش - قۋاتىن شىن مانىندە ارناۋ كەرەك. ءار دارەجەلى پارتكومدار مەن ۇكىمەتتەر مەملەكەت مەنشىگىندەگى كاسىپورىندار رەفورماسىن، دامۋىن ىلگەرىلەتۋدەگى ساياسي جاۋاپكەرشىلىكتى شىن مانىندە ارقالاپ، قىزمەتتى ءبىر تۇتاس جوسپارلاۋدى كۇشەيتىپ، ماسەلەلەردى سايكەسە شەشىپ، ءتۇيىندى مىندەتتەردىڭ تياناقتانىپ ونىمدىلىك كورسەتۋىن ىلگەرىلەتۋى كەرەك. مەملەكەت مەنشىگىندەگى كاسىپورىنداردى باقىلاپ - باسقاراتىن ءار دارەجەلى قۇرىلىمدار قىزمەت جاۋاپكەرشىلىگىن ءداپ باسىپ تۇراقتاندىرۋدى مىقتى يگەرىپ، مەملەكەت مەنشىگىندەگى مال - مۇلىكتى باقىلاۋ - باسقارۋ ونىمدىلىگىن ۇزدىكسىز كۇشەيتۋدى، قاتىستى تاراۋلار ساياسات جاعىنان قولداۋدى كۇشەيتۋدى ىرىقتى تۇردە اقىلداسىپ، شارۋاشىلىق - ساۋدا ورتاسىن كۇش سالا ساپالىلاندىرۋى، قىزمەت بىرىككەن كۇشىن شىن مانىندە قالىپتاستىرۋى كەرەك. بۇكىل رايونداعى مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار نەگىزگى تۇلعالىق جاۋاپكەرشىلىكتى شىن مانىندە ارقالاپ، كەلەلى جاعداي تانىمىن كۇشەيتىپ، جۇيە كوزقاراسىن بەرىك ورناتىپ، نەگىزگى جاۋاپكەرشىلىكتى، نەگىزگى كاسىپتى ايقىنداپ، ىرىقتى تۇردە جاۋاپكەرشىلىك ارقالاپ، ىسكەرلىك كورسەتىپ، مەملەكەت مەنشىگىندەگى كاسىپورىنداردىڭ ساپاسىن جوعارىلاتىپ، ونىمدىلىگىن ارتتىرۋدى، مەملەكەت مەنشىگىندەگى مال - مۇلىكتىڭ قۇنىن ارتتىرۋدى، قۇنىن ساقتاۋدى ۇزدىكسىز ىلگەرىلەتىپ، جوعارى ساپالى دامۋدى جۇزەگە اسىرۋى كەرەك.
جاڭ جۋ، تيان شياڭلي، چىن ۋيجۇن، ءيۇسۇپجان مامەت، توحتى ياقۇپ، سۇن حۇڭمەي، ليۋ سۋشى، ۋاڭ گاڭ، ءماردان مۇحيت، ليۋ حۇيجۇن، دوۋ حۇڭيان، اۆتونوميالى رايوننىڭ قاتىستى تاراۋلارىنداعى، اۆتونوميالى رايونعا قاراستى مەملەكەت مەنشىگىندەگى كاسىپورىندارداعى نەگىزگى جاۋاپتى جولداستار جانە ايماق، وبلىس، قالالارداعى سول سالاعا جاۋاپتى جولداستار قاتارلىلار اڭگىمە ماجىلىسكە قاتىناستى.