ءۇرىمجى حالىقارالىق اۆياتسيا تورابى قۇرىلىسى تالقى مىنبەرى وتكىزىلدى

ما شيڭرۇي، حان جۇن، ۋاڭ چاڭشۇن ارناۋ ءسوز سويلەدى، ەركىن تۇنياز باسقاردى، لي يفي، حى جۇڭيوۋ قاتىناستى

　　7 - ايدىڭ 6 - كۇنى ءۇرىمجى حالىقارالىق اۆياتسيا تورابى قۇرىلىسى تالقى مىنبەرى شينجياڭ حالىقارالىق ءماجىلىس - كورمە ورتالىعىندا وتكىزىلدى.

□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 6 - كۇنى ۇرىمجىدەن حابارلايدى. ءۇرىمجى حالىقارالىق اۆياتسيا تورابى قۇرىلىسى تالقى مىنبەرى 7 - ايدىڭ 6 - كۇنى شينجياڭ حالىقارالىق ءماجىلىس - كورمە ورتالىعىندا وتكىزىلدى، تالقى مىنبەرى باس شۋجي شي جينپيڭنىڭ جوعارى ساپالى دامۋ جونىندەگى ماڭىزدى بايىمداۋلارىن ىشكەرىلەي دايەكتىلەندىرۋدى، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرۋدى، جاڭا دامۋ ارناسىنا بەلسەنە قىزمەت وتەۋدى جانە وعان توعىسۋدى، شينجياڭنىڭ دامۋ ستراتەگيالىق ورنىن كوزدەۋدى ارقاۋ ەتە وتىرىپ، ءۇرىمجى حالىقارالىق اۆياتسيا تورابىن جەدەل قۇرىپ، حالىقتىق اۆياتسيانىڭ ”ءبىر بەلدەۋ، ءبىر جولدى“ جوعارى ساپالى بىرگە قۇرۋ بارىسىنداعى ستراتەگيالىق رولىن اناعۇرلىم ويداعىداي ساۋلەلەندىرۋدى اقىلداستى، جوسپارلادى. ەل ءىشى - سىرتىنداعى اۆياتسيا سالاسىنان كەلگەن 500دەن استام سيلى قوناق ءبىر ارادا باس قوسىپ، شينجياڭنىڭ حالىقتىق اۆياتسيا ىستەرىنىڭ اشىق، سەلبەسىىپ دامۋىن بىرگە اقىلداسىپ، ”كەڭىستىك جىبەك جولىنىڭ“ جارقىن بولاشاعىن بىرگە جاراتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن تىڭ ساتىعا كوتەرۋگە كۇش ۇستەدى.

　　اۆتونوميالى رايوندىق پارتكومنىڭ شۋجيى ما شيڭرۇي، جۇڭگو حالىقتىق اۆياتسيا مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى حان جۇن، جۇڭگو اۆياتسيا تاسىمال قوعامى پارتكومىنىڭ شۋجيى، القا باستىعى ۋاڭ چاڭشۇن تالقى مىنبەرىنىڭ اشىلۋ سالتىنا قاتىناستى ءارى ارناۋ ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز تالقى مىنبەرىنىڭ اشىلۋ سالتىن باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ، جۇڭگو وڭتۇستىك اۆياتسيا توبىنىڭ باس جوراسى ما شۇيلۇن، جۇڭگو ساۋدالىق ۇشاق سەرىكتەستىگىنىڭ باس جوراسى حى دۇڭفىڭ، جۇڭگو شىعىس اۆياتسيا توبىنىڭ باس ديرەكتورى لي ياڭمين، جۇڭگو اۆياتسيا توبىنىڭ باس ديرەكتورى ۋاڭ ميڭيۋان، جۇڭگو ينجەنەريالىق عىلىمدار اكادەمياسىنىڭ اكادەميگى ۋ گۋاڭحۇي قاتارلىلار تالقى مىنبەرىنىڭ قاتىستى قيمىلدارىنا قاتىناستى.

　　ما شيڭرۇي سوزىندە مىنالاردى ءبىلدىردى: شينجياڭ باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، كورىكتى شينجياڭ قۇرىلىسىندا تىڭ تابىستارعا قول جەتكىزدى. جاڭا جورىقتا شينجياڭنىڭ ستراتەگيالىق ورنى اناعۇرلىم ايقىن، جوعارى ساپالى دامۋى كەلەلى تاريحي ورايعا ءدوپ كەلىپ وتىر، اسىرەسە، حالىقتىق اۆياتسيا كاسىبىن دامىتۋدىڭ باسىمدىعى كورنەكتى، كومەسكى قۋاتى زور، ءۇرىمجى حالىقارالىق اۆياتسيا تورابىن قۇرۋ ءدال ورايلى ساتتە تۇر. ورايدى مىقتاپ يگەرىپ، كەشەندى ستەرەولدى قاتىناس جۇيەسىن جەدەل قۇرىپ، حالىقارادا بىرەگەي اۆياتسيا تورابىن قالىپتاستىرىپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ءىسى ءۇشىن شينجياڭنىڭ اۆياتسيا كۇشىن قوسۋ كەرەك. نەگىزدىك قۇرىلعى قۇرىلىسىن بار كۇشپەن ىلگەرىلەتىپ، ءۇرىمجى حالىقارالىق اۆياتسيا تورابىن وزەك، شينجياڭ ءىشى اۆياتسيا قوسالقى تورابىن تىرەك، تارماق جەلى اۋەجايلار مەن جالپىلىق اۋەجايلاردى تولىقتاما ەتكەن كوپ ساتىلى، كوپ يقۋاتتى اۆياتسيا تاسىمال جۇيەسىن قالىپتاستىرۋ كەرەك. اۆياتسيا جولاۋشى - جۇك كاسىبى كولەمىن ۇزدىكسىز كەڭەيتىپ، اۆياتسيا جەلىسىن قولداۋ ساياساتىن كەمەلدەندىرىپ، اۆياتسيا جەلىسى تور جۇيەسىن اقاۋسىزداندىرىپ، اۆياتسيالىق جۇك تاسىمال ورنالاسىمىن ءبىر تۇتاس جوسپارلاپ - جوبالاپ، اۆياتسيالىق زات اينالىمى كاسىپ كۇيى اياسىن كەڭەيتىپ، وسىزاماندانعان اۆياتسيالىق زات اينالىمى جۇيەسىن ورناتۋ كەرەك. جوعارى ءونىمدى، قولايلى كەدەننەن ءوتۋ ورتاسىن بەلسەنە قالىپتاستىرىپ، ءۇرىمجى اۋەجايىنىڭ شەكارادان ءوتۋ، كەدەننەن ءوتۋ سياقتى ساياساتتىق قولداۋىن سايكەسە كۇشەيتىپ، ءۇرىمجى، قاشقار سياقتى حالىقارالىق اۆياتسيا شەكارا وتكەلى يقۋاتىن كەمەلدەندىرىپ، اينالىمعا قامتاماسىز ەتۋ ونىمدىلىگى مەن قىزمەت وتەۋ ساپاسىن جەدەل جوعارىلاتۋ كەرەك. بازالىق اۆياتسيا سەرىكتەستىكتەرىنىڭ زورايۋىنا، ۇلعايۋىنا كۇش سالا قولداۋ كورسەتىپ، كاسىپ سالاسى ورنالاسىمىن ساپالىلاندىرىپ، اۆياتسيالىق قىزمەت وتەۋ تورىن كەڭەيتىپ، كەشەندى قاتىناس قامتاماسىزدىق قۋاتىن جوعارىلاتىپ، ءۇرىمجى اۋەجايىنىڭ ازيا − ەۆروپا قۇرلىعى وزەكتى وڭىرىندەگى حالىقارالىق توراپتىق مارتەبەسىن جالپى بەتتىك جوعارىلاتۋ كەرەك. شينجياڭ الداعى جەردە بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن كۇش سالا تۇلعالاپ، كاسىپورىنداردىڭ شينجياڭدا دامۋىن ساپالى قىزمەت وتەۋ قامتاماسىزدىعىمەن قامداپ، شينجياڭنىڭ حالىقتىق اۆياتسيا ىستەرىنىڭ جوعارى ساپالى دامۋدى ۇزدىكسىز جۇزەگە اسىرۋىن ىلگەرىلەتەدى.

　　حان جۇن مىنالاردى ءبىلدىردى: حالىقتىق اۆياتسيا مەكەمەسى نازاردى شينجياڭنىڭ جىبەك جولى ەكونوميكالىق بەلدەۋى وزەكتى رايونى، باتىسقا ەسىك اشۋدىڭ الدىڭعى شەبى جانە ازيا − ەۆروپا التىن ارناسى سىندى ستراتەگيالىق ورنىنا شوعىرلاندىرىپ، بۇكىل سالانىڭ بايلىعىن جۇمىلدىرىپ، شينجياڭنىڭ حالىقتىق اۆياتسياسىنىڭ جوعارى ساپالى دامۋىن ىلگەرىلەتتى. جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، جوبا جەتەكشىلىگىن كۇشەيتىپ، شينجياڭنىڭ وڭىرلىك ورىن، كاسىپ سالاسى، بايلىق باسىمدىعى مەن حالىقتىق اۆياتسيانىڭ مەملەكەتتىڭ قاتىناس - تاسىمال جۇيەسىندەگى سالىستىرمالى باسىمدىعىمەن ۇشتاستىرىپ، حالىقتىق اۆياتسيانىڭ ستراتەگيالىق كاسىپ سالاسى رولىن ويداعىداي ساۋلەلەندىرۋ كەرەك. جۇيەلى جوسپارلاۋدى كۇشەيتىپ، ءۇرىمجى حالىقارالىق اۆياتسيا تورابى قۇرىلىسى، شينجياڭنىڭ ”نەگىزگى جەلى مەن تارماق جەلى تۇتاسقان، تۇتاس تور جەلىسى تۇتاسقان“ اۆياتسيا جەلىسى تورىن قۇرۋ جانە اۋەجاي نەگىزدىك قۇرىلعى قۇرىلىسى سىندى ءۇش نەگىزگى قامال الۋ بەتالىسىن ايقىنداپ، شينجياڭ اۋەجاي جۇيەسى مەن اۆياتسيا جەلىسى تور ارناسىن كەمەلدەندىرۋ كەرەك. جوعارى ساپالى دامۋدى تياناق ەتىپ، حالىقتىق اۆياتسيانىڭ دامۋى مەن حاۋىپسىزدىگىن جوعارى ونىمدىلىكپەن ءبىر تۇتاس جوسپارلاپ، كاسىپ مولشەرىنىڭ ۇيلەسىمدى ارتۋى مەن ساپاسىنىڭ ءونىمدى جوعارىلاۋىنا اناعۇرلىم ويداعىداي تەڭ ءمان بەرىپ، شينجياڭ حالىقتىق اۆياتسياسىنىڭ دامىپ ساپاسىن كوتەرىپ، ونىمدىلىگىن ارتتىرۋىن ىلگەرىلەتۋ كەرەك. ساياساتتىق قولداۋ تەبىنىن ارتتىرىپ، شينجياڭعا ساياتىن اۆياتسيا ۇقىعىن اشىق ۇستاۋ، اۆياتسيا ۇقىعىن ۇلەستىرۋ، ءسات سايىن ورنالاستىرۋ سياقتى ساياساتتاردى ساپالىلاندىرىپ، ءۇرىمجى حالىقارالىق اۆياتسيا تورابى قۇرىلىسىمەن سايكەستىرىلگەن قولايلىلىق جاساۋ ساياساتىن كەمەلدەندىرىپ، شينجياڭنىڭ حالىقتىق اۆياتسيا تاسىمال قىزمەت وتەۋ قابىلەتى مەن جالپىلىق باسەكەلىك قۋاتىن جوعارىلاتۋ كەرەك. حالىقتىق اۆياتسيا مەكەمەسى الداعى جەردە اۆتونوميالى رايونمەن شينجياڭ حالىقتىق اۆياتسياسىنىڭ جوعارى ساپالى دامۋىن بىرگە ىلگەرىلەتىپ، مەملەكەت ستراتەگياسىنا اناعۇرلىم ويداعىداي قىزمەت وتەيدى، حالىقتىڭ ساپارعا شىعۋىنا اناعۇرلىم ويداعىداي قىزمەت وتەيدى، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي قىزمەت وتەيدى.

　　ۋاڭ چاڭشۇن مىنالاردى ءبىلدىردى: شينجياڭ − جۇڭگونىڭ باتىسقا ەسىك اشۋداعى ماڭىزدى قاقپاسى جانە جىبەك جولى ەكونوميكالىق بەلدەۋىندەگى وزەكتى رايون، ءۇرىمجى قازىر ازيا − ەۆروپانى تۇتاستىراتىن، ورتا، باتىس ازياعا بەت العان حالىقارادا ەڭ تاڭداۋلى اۆياتسيا تورابىن بار كۇشىن سالا قالىپتاستىرۋدا. وسى رەتكى تالقى مىنبەرى ارقىلى ”ءبىر بەلدەۋ، ءبىر جولدى“ بىرگە قۇراتىن مەملەكەتتەردىڭ حالىقتىق اۆياتسيا سەلبەستىگىن اناعۇرلىم تەرەڭدەتۋىن ءۇمىت ەتەمىن. ەسىك اشۋعا، سەلبەسۋگە تاباندى بولىپ، حالىقتىق اۆياتسيانىڭ دامۋ جاڭا ورايىن يگەرىپ، سەلبەستىكتىڭ جاڭا كەڭىستىك اياسىن كەڭەيتىپ، باسىمدىقتارمەن ءوزارا تولىقتاۋدى، ءوزارا پايدا جەتكىزىپ، تەڭ يگىلىككە كەنەلۋدى، ءوزارا تابىسقا جەتكىزۋدى جۇزەگە اسىرۋ كەرەك. اۆياتسيا ارقىلى جەتەكتەۋگە تاباندى بولىپ، اۆياتسيا جەلىسىن بەلسەنە اشىپ جانە جيىلەتىپ، ارالىقتا اۋىسقاندا ءتۇيىلىستىرۋ دەڭگەيىن جوعارىلاتۋ، اسىرەسە، ءۇرىمجى حالىقارالىق اۆياتسيا تورابى قۇرىلىسىن تەزدەتىپ، ۇرىمجىدە شەكارادان وتكىزۋ بويىنشا 144 ساعاتتىق ۆيزا كەشىرۋدى تەز ارادا ىسكە اسىرىپ، ”ءبىر بەلدەۋ، ءبىر جولدى“ بىرگە قۇرۋ بويىنشا التى ءىرى حالىقارالىق ەكونوميكالىق سەلبەستىك ءدالىزى اۆياتسيا جەلىسى تورىنىڭ ىركىلىسسىزدىگىن ءتارتىپتى جوعارىلاتۋ كەرەك. كاسىپ سالاسىن سايكەستىرۋگە تاباندى بولىپ، بىرگە قۇراتىن ەلدەردىڭ حالىقتىق اۆياتسيا نەگىزدىك قۇرىلعىلارى، تاسىمال تەحنيكا جابدىقتارى، قىزمەت وتەۋ - باسقارۋ، ماركا ولشەمى سياقتى سالالاردا توعىسپالى دامۋىن ىلگەرىلەتىپ، اۋەجاي، اۆياتسيا كاسىپ سالاسى باقشا رايونى تيجاراتىن باسقارۋ سياقتى اۋىس - كۇيىستى، سەلبەستىكتى كۇشەيتۋ كەرەك. جاسىل دامۋعا تاباندى بولىپ، حالىقتىق اۆياتسيانىڭ جاسىل، تومەن كومىر قىشقىل گازدى اينالمالى دامۋ جۇيەسىن قۇرۋ، اقاۋسىزداندىرۋ جونىندە بەلسەنە ىزدەنىس جاساپ، جاسىلدىقتى حالىقتىق اۆياتسيا كاسىبىن دامىتۋدىڭ ايقىن قاسيەتىنە اينالدىرۋ كەرەك. جۇڭگو اۆياتسيا تاسىمال قوعامى الداعى جەردە جىبەك جولى حالىقتىق اۆياتسيا سەلبەستىك وداعىن ناقتىلاندىرۋدى، كۇشەيتۋدى ىلگەرىلەتىپ، ”ءبىر بەلدەۋ، ءبىر جول“ حالىقتىق اۆياتسيا سەلبەستىگىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، ءۇرىمجى حالىقارالىق اۆياتسيا تورابى قۇرىلىسىنا اناعۇرلىم ويداعىداي قىزمەت وتەيدى.

　　اشىلۋ سالتىندا ما شۇيلۇن، ۋاڭ ميڭيۋان، لي ياڭمين، حى دۇڭفىڭ، موڭعۇليا اۆياتسيا سەرىكتەستىگى جۇڭگو رايونىنىڭ باس ديرەكتورى بادىلار ىردىنبات، شينجياڭ اۋەجاي توبىنىڭ باس جوراسى ما يلەي ىلگەرىندى - كەيىندى ارقاۋ ءسوز سويلەدى.

　　تالقى مىنبەرىنىڭ ۇسىنىسىمەن جىبەك جولى حالىقتىق اۆياتسيا سەلبەستىك وداعى قۇرىلدى. وداق جۇڭگو مەن جىبەك جولى ەكونوميكالىق بەلدەۋى بويىنداعى ەلدەردىڭ اۆياتسيا سەرىكتەستىكتەرى، حالىقتىق اۋەجاي، ۇشاق جانە جابدىق جاساۋشىلار، قىزمەت وتەۋ، قامتاماسىز ەتۋ ورىندارى، داشۋە جانە عىلمي زەرتتەۋ قۇرىلىمدارى، مادەنيەت - ساياحات كاسىپورىندارى، فينانس قۇرىلىمدارى، كاسىپتىك قوعامدار سياقتىلاردى شوعىرلاندىرىپ، اۆياتسيالىق تاسىمال، اۋەجاي سالىپ ىسكە قوسۋ، حالىقتىق اۆياتسياعا قاتىستى كاسىپ سالالارىن دامىتۋ سياقتى سالالاردى ارقاۋ ەتىپ، مۇشەلەر اراسىندا تاجىريبە ورتاقتاسۋدى، بايلىقتى بىرىكتىرۋدى، سەلبەستىكتى كۇشەيتۋدى جەبەپ، ”ءبىر بەلدەۋ، ءبىر جول“ حالىقتىق اۆياتسياسىنىڭ جوعارى ساپالى دامۋىن ىلگەرىلەتەتىن ۇلگىلى تۇعىر قالىپتاستىرادى.

　　اۆتونوميالى رايوندىق حالىق ۇكىمەتى، جۇڭگو اۆياتسيا تاسىمال قوعامى، وڭتۇستىك اۆياتسيا توبى ءۇرىمجى حالىقارالىق اۆياتسيا تورابى قۇرىلىسى ستراتەگيالىق سەلبەستىك جۇلگەلىك كەلىسىمىنە قول قويدى. ءۇرىمجى قالالىق حالىق ۇكىمەتى، قاشقار ايماقتىق اكىمشىلىك مەكەمەسى، شينجياڭ اۋەجاي توبى، جياڭسۋ ياجيە اۆياتسياسى ستراتەگيالىق سەلبەستىك كەلىسىمىنە قول قويدى. شينجياڭ اۋەجاي توبى مەن قاتىستى ورىندار ستراتەگيالىق سەلبەستىك كەلىسىمىنە قول قويدى.

　　سول كۇنى وتكىزىلگەن نەگىزگى تاقىرىپتىق تالقى مىنبەرىندە جۇڭگو حالىقتىق اۆياتسيا مەكەمەسىنىڭ، ەل ءىشى - سىرتىنداعى ايگىلى حالىقتىق اۆياتسيا كاسىپورىندارىنىڭ، ۇشاق جاساۋشىلاردىڭ، ولكە، رايون، قالالارداعى ءبىر ءبولىم اۋەجاي سەرىكتەستىكتەرىنىڭ، وڭىرلىك سەلبەستىك ۇيىمدارىنىڭ جانە حالىقتىق اۆياتسيا سالاسىنداعى كاسىپورىنداردىڭ، قۇرىلىمداردىڭ قاتىستى جاۋاپتىلارى ءۇرىمجى حالىقارالىق اۆياتسيا تورابىن قۇرۋدى، شينجياڭنىڭ حالىقتىق اۆياتسيا ىستەرىنىڭ جوعارى ساپالى دامۋىن ىلگەرىلەتۋدى ارقاۋ ەتە وتىرىپ اۋىس - كۇيىس جاساپ، تالقى ورىستەتىپ، شينجياڭنىڭ ابزال شارت - جاعدايىنا تالداۋ جاساپ، اۆياتسيانىڭ دامۋ تاجىريبەسىن ورتاقتاسىپ، حالىقارالىق اۆياتسيا تورابى قۇرىلىسى وي جەلىسىن، شارالارىن زەرتتەپ تالقىلاپ، بەلسەندى پىكىر - ۇسىنىستار قويدى. ماجىلىسكە قاتىناسقان ءبىر ءبولىم سيلى قوناقتار تاعى ءۇرىمجى حالىقارالىق اۆياتسيا تورابىنىڭ وزەكتى باسەكەلىك قۋاتىن جوعارىلاتۋدى ارقاۋ ەتە وتىرىپ دوڭگەلەك ۇستەل تالقىسىن جۇرگىزدى.

　　چىن ۋيجۇن، ۋاڭ جيانشين، قادەن كابەن، سۇن حۇڭمەي، ليۋ سۋشى، شۋە بين، ۋاڭ گاڭ، ليۋ شينجيان، جۇڭگو حالىقتىق اۆياتسيا مەكەمەسىندەگى، جۇڭگو حالىقتىق اۆياتسياسى اۋە قاتىناسىن باسقارۋ مەكەمەسىندەگى، جۇڭگو اۆياتسيا تاسىمال قوعامىنداعى جانە قاتىستى كاسىپورىن - ءىسورىندارىنداعى قاتىستى جاۋاپتى جولداستار، اۆياتسيا سالاسىنداعى اكادەميك - ماماندار، ەل ىشىندەگى ءبىر ءبولىم تاسىمال اۆياتسيا سەرىكتەستىكتەرى، ءارقايسى نەگىزگى اۋەجاي سەرىكتەستىكتەرى، تاسىمالمەن قامتاماسىز ەتۋ كاسىپورىندارى، ۇشاق جاساۋ كاسىپورىندارى، قاتىستى كاسىپتىك قوعامدار، قور قوعامى سياقتىلاردىڭ ۋاكىلدەرى، ءبىر ءبولىم حالىقارالىق اۆياتسيا سەرىكتەستىكتەرىنىڭ ۋاكىلدەرى، اۆتونوميالى رايون مەن بيڭتۋاننىڭ قاتىستى تاراۋلارىنداعى، كاسىپورىندارىنداعى نەگىزگى جاۋاپتى جولداستار جانە ءۇرىمجى، قاشقار سياقتى ايماق، وبلىس، قالالارداعى قاتىستى جاۋاپتى جولداستار، ت . ب تالقى مىنبەرىنە قاتىناستى.

جالعانىم