لي شي شينجياڭدا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، جەتە ءتۇسىنىپ، ۇيرەنۋ ارقىلى ىستەۋدى جەبەۋدە ناقتى ونىمدىلىككە قول جەتكىزۋ كەرەك
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي 7 - ايدىڭ 25 - كۇنىنەن 29 - كۇنىنە دەيىن شينجياڭدا تەكسەرۋ - زەرتتەۋ جۇرگىزدى. سۋرەتتە: 7 - ايدىڭ 26 - كۇنى لي شي ۋجياچۇي قالاسىندا تەكسەرۋ - زەرتتەۋ جۇرگىزۋدە.
□ سۋرەتتى شينحۋا اگەنتتىگىنىڭ ءتىلشىسى جاي جيانلان تۇسىرگەن
شينحۋا اگەنتتىگىنىڭ 7 - ايدىڭ 29 - كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق ءتارتىپ تەكسەرۋ كوميتەتىنىڭ شۋجيى لي شي 7 - ايدىڭ 25 - كۇنىنەن 29 - كۇنىنە دەيىن شينجياڭعا كەلىپ، تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: ءتارتىپ تەكسەرۋ، باقىلاۋ - تەكسەرۋ ورگاندارى نەگىزگى تاقىرىپتىق تاربيەنى جانە تاربيەلەۋدى، رەتتەۋدى ۇزدىكسىز ىشكەرىلەي ويداعىداي يگەرىپ، تاباندىلىقپەن شي جينپيڭ جاڭا ءداۋىر جۇڭگوشا سوتسياليزم يدەياسىمەن وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە باسا ءمان بەرىپ، ىستەۋ بەتالىسىن دۇرىستاپ، ىستەۋ قوزعاۋشى كۇشىن ارتتىرىپ، ىستەۋدىڭ بىرىككەن كۇشىن قالىپتاستىرىپ، ”ەكىنى تۇراقتاندىرۋدى“ باتىل قولداۋدى، ”ەكىنى قورعاۋدى“ باتىل ورىنداۋدى بورىش وتەپ، جاۋاپكەرشىلىك ارقالاۋداعى ءىس جۇزىندىك ارەكەتتە ايگىلەۋ كەرەك.
لي شي ىلگەرىندى - كەيىندى ءۇرىمجى قالالىق ورنىقتىلىقتى قورعاۋ قولباسشىلىق ورتالىعىنا، نانشان مال فەرماسىنا، شينجياڭ ۇيعۇر ءدارى - دارمەك كاسىبى سەرىكتەستىگىنە، ۋجياچۇي قالاسى يىنفىڭ اۋىل شارۋاشىلىعىن جابدىقتاۋ سەرىكتەستىگىنە جانە قابا اۋدانى اققابا قىستاعىنا، بۋىرشىن اۋدانى قوم قىستاعىنا، ت. ب جەرلەرگە بارىپ، سول جەردىڭ وزىندە شينجياڭنىڭ ەكونوميكالىق، قوعامدىق دامۋى مەن ۇلتتار ىنتىماعى، العا باسارلىعى جاعدايىن تەكسەرىپ، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن شىن مانىندە ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭنىڭ بايتاق دالاسىنداعى جاندى امالياتىن سەزىندى. ول بىلاي دەپ باسا دارىپتەدى: قۋاتتى ەل قۇرىلىسىنىڭ، ۇلتتىڭ گۇلدەنۋىنىڭ جاڭا جورىعىن جاقسى باسۋ ءار ۇلت حالقىنىڭ زەيىن - زەردەنى، كۇش - قۋاتتى شوعىرلاندىرۋىنان، ىنتىماقتاسا كۇرەس جۇرگىزۋىنەن ايرىلا المايدى. ءتارتىپ تەكسەرۋ، باقىلاۋ - تەكسەرۋ ورگاندارى نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، جۇڭحۋا ۇلتى ورتاق تۇلعا تانىمىن ۇزدىكسىز سومداپ، تۋى ايقىن تۇردە بولشەكتەۋشىلىككە قارسى تۇرۋ كۇرەسىنىڭ ءتارتىبىن قاتايتىپ، شينجياڭدى ورنىقتىرۋ، شينجياڭدى كوركەيتۋ، حالىققا تيىمدىلىك جاساۋ، حالىقتى بايىتۋ ساياساتتارىنىڭ تياناقتانۋ جاعدايىنا باقىلاۋ - تەكسەرۋدى كۇشەيتىپ، بۇقارانىڭ مۇددەسىنە زيان جەتكىزەتىن كورنەكتى ماسەلەلەردى باتىل وڭاپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، ءار ۇلتتىڭ اناردىڭ دانىندەي تىعىز ۇيىسۋىن جەبەپ، تاماشا تۇرمىستى بىرگە جاراتۋى كەرەك.
اۆتونوميالى رايوندىق ءتارتىپ تەكسەرۋ، باقىلاۋ - تەكسەرۋ كوميتەتىندە، لي شي نەگىزگى تاقىرىپتىق تاربيە مەن تاربيەلەۋدى، رەتتەۋدى ىلگەرىلەتۋ جاعدايىن ىشكەرىلەي ۇعىستى ءارى ءىشىنارا ولكەلىك، رايوندىق ءتارتىپ تەكسەرۋ كوميتەتى شۋجيلەرىنىڭ اڭگىمە ءماجىلىسىن اشتى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋدەگى ماقسات تولىق پايدالانۋدا، وسى ءبىر كەلەلى يدەيانى سۋبيەكتيۆ دۇنيەنى جانە وبيەكتيۆ دۇنيەنى وزگەرتۋدەگى قۇدىرەتتى يدەيالىق قارۋعا اينالدىرۋدا. ءتارتىپ تەكسەرۋ، باقىلاۋ - تەكسەرۋ ورگاندارى جاڭا ءداۋىردىڭ جاڭا جورىعىنداعى پارتيانىڭ بورىشىن، مىندەتىن مىقتاپ يگەرىپ، نازاردى ”مەملەكەتتىڭ ءىرى ىسىنە“ شوعىرلاندىرىپ، ساياسي باقىلاۋدى كۇشەيتىپ، ءار دارەجەلى پارتيا ۇيىمدارىن جانە قالىڭ پارتيا مۇشەلەرىن، كادرلاردى پارتيا 20 - قۇرىلتايىنىڭ ستراتەگيالىق ورنالاستىرۋلارىن بۇلجىتپاي دايەكتىلەندىرۋگە، تياناقتاندىرۋعا قۋزاپ، ءتىپتى دە جاقسى جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋى كەرەك. ءىرى پارتياعا عانا ءتان قيىن ماسەلەلەردى شەشۋدى ىلگەرىلەتۋدەگى ساياسي جاۋاپكەرشىلىكتى مىقتاپ يگەرىپ، ماڭگى جولدامىز دەيتىن بەكىممەن، جىگەرمەن پارتيانىڭ وزىنە - ءوزى توڭكەرىس جاساۋىن ىلگەرىلەتىپ، ”التىنى قايتكەندە باستان - اياق ورىنداۋعا بولادىنى“ ارقاۋ ەتە وتىرىپ، ادالدىقپەن مىندەت وتەپ، جاۋاپكەرشىلىكتى ادا ەتىپ، پارتيانى جاپپاي قاتاڭ باسقارۋ جۇيەسىن اقاۋسىزداندىرۋدى ىلگەرىلەتىپ، ءىس جۇزىندىك ارەكەت ارقىلى پارتيانىڭ قامىن ويلاۋ، پارتيا ءۇشىن جاۋاپكەرشىلىك وتەۋ كەرەك. پارتيا ورتالىق كوميتەتىنىڭ پارتيانى جاپپاي قاتاڭ باسقارۋ جونىندەگى شەشىمدەرىن، ورنالاستىرۋلارىن مىقتاپ يگەرىپ، ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋ ەرەجەسىنىڭ رۋحىن ۇزدىكسىز تياناقتاندىرىپ، پارتيانىڭ ءتارتىپ قۇرىلىسىن جاپپاي كۇشەيتىپ، شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، پارتيا مەن مەملەكەتتىڭ باقىلاۋ جۇيەسىن كەمەلدەندىرۋدى ىلگەرىلەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ۇزدىكسىز تەرەڭدەي ىلگەرىلەتۋ كەرەك.
تەكسەرۋ - زەرتتەۋ كەزىندە، لي شي تاعى 8 - ارميانىڭ شينجياڭداعى ءىس باسقارماسى ەسكەرتكىش سارايىنا بارىپ، توڭكەرىستىك ارداگەر قۇربانداردىڭ شۇعىلالى ەڭبەگىن ەسكە الىپ، ءتارتىپ تەكسەرۋ، باقىلاۋ - تەكسەرۋ كادرلارىنان پارتيا تاريحىنان اقىل - پاراسات جانە كۇش - قۋات قابىلداپ، ادال، كىرشىكسىز، جاۋاپكەرشىلىك ارقالايتىن، كۇرەس جۇرگىزۋگە باتىل، شەبەر قۇرىش قوسىن ولشەمىن مىقتاپ يگەرىپ، ءتىپتى دە زور تەبىنمەن، ءتىپتى دە ناقتى شارالارمەن نەگىزگى تاقىرىپتىق تاربيەنى جانە تاربيەلەۋدى، رەتتەۋدى ىلگەرىلەتىپ، پىشاقتىڭ ءدۇزىن ىشكە قاراتىپ، ءوز - وزىنە توڭكەرىس جاساپ، يدەيانى جانە ۇيىمدى ۇزدىكسىز كىرشىكسىزدەندىرىپ، شىن مانىندە قوسىندى كۇشەيتىپ قۇرۋدى، كادرلاردى ەرەن مىقتى ەتىپ تاربيەلەۋدى تالاپ ەتتى.