اۆتونوميالى رايون پارتيا سىرتىنداعى اكادەميكتەر، ماماندار، شەتەلدەن وقىعاندار ەل جاعدايىن تەكسەرۋ، قىزمەت وتەۋ ۇيىرمەسىندەگىلەرمەن اڭگىمە ءماجىلىسىن وتكىزدى
ما شيڭرۇي ءسوز سويلەدى
ەركىن تۇنياز باسقاردى، ءزۇمىرات وبۇل، نۇرلان ءابىلماجىن، جاڭ چۇنلين قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 7 - ايدىڭ 29 - كۇنى ۇرىمجىدەن حابارلايدى. تاياۋدا ورتالىق كوميتەت بىرلىكساپ ءبولىمى پارتيا سىرتىنداعى اكادەميكتەر، ماماندار جانە شەتەلدەن وقىعاندار ەل جاعدايىن تەكسەرۋ، قىزمەت وتەۋ ۇيىرمەسىن شينجياڭعا كەلىپ قىزمەت ورىستەتۋگە ۇيىمداستىردى. 7 - ايدىڭ 29 - كۇنى اۆتونوميالى رايون تەكسەرۋ، قىزمەت وتەۋ ۇيىرمەسىندەگىلەرمەن اڭگىمە ءماجىلىسىن وتكىزدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ماجىلىسكە قاتىناستى.
اڭگىمە ماجىلىسىندە تەكسەرۋ، قىزمەت وتەۋ ۇيىرمەسىنىڭ باستىعى، مەملەكەتتىك ساياسي كەڭەستىڭ تۇراقتى مۇشەسى، جۇڭگو عىلىم اكادەمياسىنىڭ بۇرىنعى ورىنباسار باستىعى گاۋ حۇڭجۇن تەكسەرۋ، قىزمەت وتەۋ ۇيىرمەسىنىڭ شينجياڭعا كەلىپ قىزمەت ىستەۋ احۋالىن تانىستىردى ءارى شينجياڭنىڭ عىلىم - تەحنيكا قىزمەتى جونىندە پىكىر - ۇسىنىستارىن ورتاعا قويدى. ول مىنانى ءبىلدىردى: تەكسەرۋ، قىزمەت وتەۋ ۇيىرمەسى وسى رەت شينجياڭعا كەلىپ تەكسەرۋ - زەرتتەۋ جۇرگىزىپ، شينجياڭنىڭ كاسىپ سالاسىنىڭ دامۋىن جانە تيبىن وزگەرتىپ، دارەجەسىن جوعارىلاتۋىن ىلگەرىلەتۋىنىڭ، جوعارى دەڭگەيدە ەسىك اشۋدى كەڭەيتۋىنىڭ جاندى امالياتىن، جۇمىستانۋدى قامتاماسىزداندىرىپ، حالىق تۇرمىسىن جاقسارتۋدىڭ، ۇلتتاردىڭ ىنتىماقتاسا دامۋىن جەبەۋدىڭ وراسان زور ناتيجەسىن، دارىندى ەنگىزۋدى، باۋلۋدى جوعارى دەڭگەيدە ورىستەتۋدىڭ، عىلىم - تەحنيكادا جاڭالىق اشۋ ارقىلى دامۋعا دەم بەرۋدىڭ كورنەكتى ونىمدىلىگىن ناقتى ورىندا ۇعىسىپ، گۇلدەنىپ - كوركەيگەن، ىنتىماقتى دا جاراسىمدى دامۋ كۇيىن كورىپ، شينجياڭنىڭ ومىرشەڭدىگىن، تارتىمدىلىعىن، كومەسكى كۇشىن تەرەڭ سەزىندى. اكادەميكتەر، ماماندار، شەتەلدەن وقىعاندار ماماندىق ارتىقشىلىقتارىن ساۋلەلەندىرىپ، الدىڭعى شەپتى ىشكەرىلەي ارالاپ كەڭەس بەرۋ، قىزمەت وتەۋ جۇمىستارىن ورىستەتىپ، كەلەسى ساتىداعى شينجياڭمەن اۋىس - كۇيىستى، سەلبەستىكتى تەرەڭدەتۋگە تاماشا نەگىز قالادى. شينجياڭنىڭ دارىندى ەنگىزۋ، اسىرەسە، اناعۇرلىم كوپ جوعارى دەڭگەيدەگى دارىندىلاردى جوعارى مەكتەپتەرگە، عىلمي زەرتتەۋ ورىندارىنا باۋراۋ سياقتى قىزمەتتەردى ونان ارى كۇشەيتىپ، جوعارى ساپالى وقىتۋ، عىلمي زەرتتەۋ قاجەتىن قاناعاتتاندىرۋىن؛ ۇزدىك دارىندىلاردىڭ دامۋىن ونان ارى قولداپ، اناعۇرلىم زور سەرپىن، اناعۇرلىم ناقتى شارالار ارقىلى عىلمي زەرتتەۋ قاراجاتى، عىلمي زەرتتەۋ تۇعىرى، سايكەستى ساياسات جاعىندا زور كۇشپەن قولداۋ كورسەتۋىن؛ شينجياڭنىڭ جوعارى مەكتەپتەرىنىڭ، عىلمي زەرتتەۋ ورىندارىنىڭ مەملەكەتتىڭ عىلمي زەرتتەۋ قۇرىلىمدارىمەن تەرەڭ سەلبەستىگىن ونان ارى كۇشەيتىپ، شينجياڭنىڭ عىلىم - تەحنيكادا جاڭالىق اشۋىنىڭ جالپى تۇلعالىق دەڭگەيىن جوعارىلاتۋعا دەم بەرۋىن ءۇمىت ەتەمىن.
جۇڭگو عىلىم اكادەمياسىنىڭ اكادەميگى ۋ شياڭپيڭ، بەيجيڭ قالالىق قۇرىلىس جوبالاۋ، زەرتتەۋ ورنىنىڭ باس قۇرىلىسشىسى، باس جوبالاۋشىسى، استانا بولات - تەمىر توبىنىڭ باس قۇرىلىسشىسى ۋ چىن، مەملەكەتتىك كەڭەستىڭ اقىلشىسى تاڭ مين، جۇڭگو - ەۆروپا بىرلەسكەن قارجى قوسۋ شەكتى سەرىكتەستىگىنىڭ ورىنباسار القا باستىعى گاۋ جىكاي، چيڭحۋا داشۋەسى ۋداۋكوۋ فينانس شۋەيۋانىنىڭ ورىنباسار باستىعى تيان شۋان، جۇڭگو عىلىم اكادەمياسى وسىمدىك زەرتتەۋ ورنىنىڭ اعا زەرتتەرمەنى ليۋ گۇڭشى، جياڭسۋ رىتو فوتوۆولتتىق عىلىم - تەحنيكا جارنا شەكتى سەرىكتەستىگىنىڭ القا باستىعى جاڭ فىڭمين، جۇڭگو عىلىم اكادەمياسىنىڭ اكادەميگى جياڭ جيە، بەيجيڭ داشۋەسى حالىقارالىق شيپاحاناسى باستىعىنىڭ كومەكشىسى جاڭ چى ىلگەرىندى - كەيىندى سوزگە شىعىپ، شينجياڭدا تەكسەرۋ جۇرگىزۋ، تەكسەرۋ - زەرتتەۋ احۋالىمەن جانە ءارقايسىسىنىڭ وزدەرىنىڭ كاسىپ سالالارىمەن ۇشتاستىرىپ ويلارى مەن تۇسىنىكتەرىن بۇكپەسىز اڭگىمەلەدى، سونداي - اق حالىقارالىق عىلىم - تەحنيكالىق اۋىس - كۇيىسكە، سەلبەستىككە سۇيەنىپ، شينجياڭنىڭ حالىقارالىق وبرازىن كوتەرۋ، ءۇرىمجى قالاسىن، قاشقار قالاسىن، قۇلجا قالاسىن تياناق ەتىپ، وسىزاماندانعان قالا شوعىرىن تۇلعالاۋ، سىرتقا باعىتتالعان ەكونوميكانى زور كۇشپەن دامىتىپ، سىرتقا ەسىك اشۋ ورەسىن جوعارىلاتىپ، جەرگىلىكتى اۋىل - قىستاق شارۋاشىلىق قۇرۋ دارىندىلارىن جانە اۋىل - قىستاقتى گۇلدەندىرۋ باستاماشىلارىن جەدەل جەتىلدىرۋ، شينجياڭ حيكاياسىن كوپ ارنامەن، كوپ تاسىلمەن ويداعىداي بايانداۋ، فينانستىق قامداۋدى ساپالىلاندىرىپ، جوعارى ساپالى دامۋعا دەم بەرۋ، جەم - ءشوپ ەگىمشىلىگىندەگى بوگەت تۇيىندەردى اشىپ، مال ازىعى، مال شارۋاشىلىعى كاسىبىنىڭ تيبىن وزگەرتىپ، دارەجەسىن جوعارىلاتۋىن ىلگەرىلەتۋ، شينجياڭنىڭ فوتوۆولتتىق كاسىپ سالاسىنىڭ جاسىل دامۋى سياقتىلار توڭىرەگىندە ناقتى ۇسىنىس بەردى. ما شيڭرۇي ولارمەن ءالسىن - ءالى پىكىر اۋىستىرىپ، كوپشىلىك ورتاعا قويعان دۇرىس ۇعىم، تەرەڭ تۇسىنىكتەردى تولىق تۇراقتاندىرىپ، ولاردىڭ ماماندىق باسىمدىعىن ساۋلەلەندىرىپ، شينجياڭنىڭ ءتۇيىندى قىزمەتتەردى اناعۇرلىم ويداعىداي جوسپارلاپ، ورىستەتىپ، كەلەلى نىسانداردىڭ اتقارىلۋىن ىلگەرىلەتۋىنە كومەكتەسىپ، جەتەكشىلىك ەتىپ، قىمباتتى ۇسىنىستاردى ناقتى قىزمەت شارالارىنا جانە ءىس جۇزىندىك قىزمەت ونىمدىلىگىنە اينالدىرۋىن ءۇمىت ەتتى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان ورتالىق كوميتەت بىرلىكساپ ءبولىمىنىڭ شينجياڭ قىزمەتىنە باستان - اياق كوڭىل بولگەندىگىنە، قولداۋ كورسەتكەندىگىنە، اكادەميكتەردىڭ، مامانداردىڭ، شەتەلدەن وقىعانداردىڭ شينجياڭدى ىشكەرىلەي ارالاپ تەكسەرۋ، تەكسەرۋ - زەرتتەۋ جۇرگىزگەندىگىنە جانە ۇسىنىس قويىپ، كەڭەس بەرگەندىگىنە العىس ايتتى. ول مىنانى ءبىلدىردى: شينجياڭ قىزمەتى پارتيا مەن مەملەكەت قىزمەتى جالپى جاعدايىندا توتەنشە ماڭىزدى ستراتەگيالىق ورىنعا يە. باس شۋجي شي جينپيڭ ءوزى شينجياڭعا جوبا كەسكىندەپ، بەتالىس كورسەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تۇراقتاندىرىپ، ءبىزدىڭ رەفورما، دامۋ، ورنىقتىلىق ىستەرىن ىلگەرىلەتۋىمىزگە ءتۇبىرلى بويسۇنۋ ولشەمىن ازىرلەدى. شينجياڭ باس شۋجيدىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي دايەكتىلەندىرۋدىڭ ءونىمدى ادىستەرىنە ۇزدىكسىز ىزدەنىس جاساپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، اسىرەسە، دامۋعا جاڭالىق اشۋ ارقىلى دەم بەرۋ ستراتەگياسىن ىشكەرىلەي اتقارىپ، جاسامپاز شينجياڭ قۇرىلىسىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتتى. جاڭا جورىقتا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ماڭىزدى ستراتەگيالىق وراي مەزگىلىنە ءدوپ كەلىپ وتىر، اكادەميكتەردى، مامانداردى، شەتەلدەن وقىعانداردى قامتىعان ءارقايسى جاقتاعى كۇشتەردىڭ بەلسەنە ات سالىسۋىن، زور كۇشپەن قولداۋىن قاجەت ەتەدى. وسى رەت شينجياڭعا كەلگەندە، كوپشىلىك تيانشان الابىن ىشكەرىلەي ارالاپ، نەگىزگى ساتىنىڭ الدىڭعى شەبىندە تەكسەرۋ، تەكسەرۋ - زەرتتەۋ جۇرگىزىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىنىڭ شينجياڭداعى جاندى امالياتى جونىندە اناعۇرلىم تەرەڭ تانىمعا يە بولدى. كوپشىلىكتىڭ ۇزدىكسىز شينجياڭنىڭ دامۋىن قولداپ، مەملەكەتتىڭ ءىرى ستراتەگيالىق قاجەتى مەن وڭىرلىك ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋدى ارقاۋ ەتىپ، عىلىم - تەحنيكالىق كۇشتەردىڭ ورنالاسۋى، جاڭالىق اشۋ تۇعىرى قۇرىلىسى، شەشۋشى، وزەكتى تەحنيكالاردان قامال الۋ، عىلىم - تەحنيكا جەتىستىكتەرىن كادەگە جاراتۋ سياقتى جاقتاردا شينجياڭمەن بولعان اۋىس - كۇيىستى، سەلبەستىكتى كۇشەيتىپ، شينجياڭنىڭ جوعارى ساپالى دامۋىنا پارمەندى تىرەك ازىرلەۋىن ءۇمىت ەتەمىن. كوپشىلىكتىڭ ۇنەمى شينجياڭعا كەلىپ قىزمەت تەكسەرىپ، تەكسەرۋ - زەرتتەۋ جۇرگىزۋىن، اۋىس - كۇيىس جاساۋىن، ارالاۋىن، ءبىزدىڭ قىزمەتتى ويداعىداي ىستەۋىمىزگە اناعۇرلىم كوپ پايدالى تاجىريبەلەر، پارمەندى جەتەكشىلىك ازىرلەپ، كورىكتى شينجياڭ قۇرۋعا اناعۇرلىم ويداعىداي كۇش ۇستەۋىن قىزۋ قارسى الامىز.
اڭگىمە ماجىلىسىندە، ورتالىق بىرلىكساپ ءبولىمىنىڭ قاتىستى تاراۋىنداعى جاۋاپتى جولداس تەكسەرۋ، قىزمەت وتەۋ ۇيىرمەسىنىڭ تابىستارىن قورىتىندىلاپ، نەگىزگى ساتىداعى ناقتى ورىندى جانە كاسىپ سالالارىنىڭ الدىڭعى شەبىن ىشكەرىلەي ارالاۋ ارقىلى شينجياڭنىڭ جوعارى ساپالى دامۋدى بار كۇشپەن ىلگەرىلەتۋدە بەلسەندى ىسكەرلىك كورسەتكەندىگىن تولىق سەزىنگەندىكتەرىن، بىلىمگە قۇرمەت ەتىپ، دارىندىلارعا قۇرمەت ەتىپ، عىلىم - تەحنيكادا جاڭالىق اشۋ ارقىلى دەم بەرۋ ستراتەگياسىن اتقارۋدىڭ جاندى امالياتىن تولىق سەزىنگەندىكتەرىن، ءار ۇلت بۇقاراسىنىڭ تىنىش ءومىر، شات - شادىمان تىرشىلىك كەشىرگەن باقىتتى تۇرمىسىن تولىق سەزىنگەندىكتەرىن ءبىلدىردى. ءارقايسى اكادەميك، ماماندار جاڭا ەنەرگيا كاسىپ سالاسى، ەكولوگيالىق ورتا، كونە قالانى قورعاۋ، مادەنيەت - ساياحات، اۋىل - قىستاقتى گۇلدەندىرۋ، ۇلكەن ساندى مالىمەت تەحنيكاسى سياقتىلاردى توڭىرەكتەي وتىرىپ بەلسەنە اقىل - كەڭەس بەرىپ، كوپ ءتۇرلى كاسىپ سالالارىن ءتۇيىلىستىرۋ، تەحنيكانى كادەگە جاراتۋ، دارىندىلار اۋىس - كۇيىسى سياقتى سەلبەستىك نيەتناماسىنا كەلىستى. شينجياڭنىڭ قاتىستى جاقتارىمەن بىرگە وكشەلەي قىزمەت وتەۋدى جانە ەگجەي - تەگجەيلىلەندىرىپ ءتۇيىلىستىرۋدى ويداعىداي ىستەپ، ەرتەرەك تياناقتانۋىن، ناقتى ونىمدىلىككە قول جەتكىزۋىن قولعا كەلتىرەدى.
جۇڭگو عىلىم اكادەمياسىنىڭ اكادەميگى جاڭ ۋيحۇڭ، چىن شيانحۇي، جاڭ دۇڭحۇي جانە جۇڭگو ينجەنەريا اكادەمياسىنىڭ اكادەميگى لي ۋي، شى بي، گاۋ زۇڭيۇي، قاتىستى ماماندار، وقىمىستىلار؛ چىن ۋيجۇن، ەلزات احمەتجان، سۇن حۇڭمەي، ۋاڭ گاڭ، شۇي شيان - ي، اۆتونوميالى رايوننىڭ قاتىستى تاراۋلارى مەن ورىندارىنداعى نەگىزگى جاۋاپتى جولداستار اڭگىمە ماجىلىسىنە قاتىناستى.