شينجياڭ قازىنالىق قوسىمشا قاراجات قارجىسى ”امبەباپ كارتچكا (يكاتۇڭ)“ جۇيەسىنىڭ دارەجەسى جوعارىلاتىلىپ، ينتەرنەت جەلىسىنە شىعارىلدى
حالىققا تيىمدىلىك جاساۋ، شارۋالارعا تيىمدىلىك جاساۋ بويىنشا 21 تۇردەگى 56 قازىنالىق قوسىمشا قاراجات نىسانى بۇكىلدەي جۇيەگە ەنگىزىلىپ تاراتىلدى
انار بۇلت \ شينجياڭ گازەتىنىڭ ءتىلشىسى ران حۋ 7 - ايدىڭ 17 - كۇنى ۇرىمجىدەن حابارلايدى. جاقىندا وزگەرىس ەنگىزىلىپ، دارەجەسى جوعارىلاتىلعاننان كەيىنگى شينجياڭ حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسىن ”امبەباپ كارتچكا (يكاتۇڭ)“ ارقىلى تاراتۋدى باسقارۋ ينفورماتسيا جۇيەسى (تومەندە قىسقارتىلىپ جاڭا ”امبەباپ كارتچكا“ جۇيەسى دەپ الىندى) رەسمي ينتەرنەت جەلىسىنە شىعارىلىپ، ىسكە قوسىلدى، حالىققا تيىمدىلىك جاساۋ، شارۋالارعا تيىمدىلىك جاساۋ بويىنشا 21 تۇردەگى 56 قازىنالىق قوسىمشا قاراجات نىسانى بۇكىلدەي اتاۋلى جۇيەنىڭ تاراتۋ كولەمىنە ەنگىزىلدى.
جاڭا ”امبەباپ كارتچكا“ جۇيەسى تاراۋلار ەنگىزۋ، بانكە تولەۋ، شارۋالار انىقتاۋ، قازىنالىق باقىلاۋ سىندى جالپى بارىستىق باقىلاۋ - باسقارۋ ۇلگىسىن قالىپتاستىرىپ، قازىنالىق قوسىمشا قاراجات قارجىسىن تاراتۋدىڭ جالپى بارىسىن قامتىعان ”ءتۇزىم + عىلىم - تەحنيكا“ باقىلاۋ مەحانيزمىن ورناتىپ، قوسىمشا قاراجات قارجىسىنىڭ جاريا تاراتىلۋىن جانە جاريا باقىلاۋ - باسقارۋعا الىنۋىن ىسكە اسىردى.
شينجياڭ حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسى ”امبەباپ كارتچكا“ ارناۋلى باسقارۋ قىزمەتىن سايكەستىرۋ گرۋپپاسى كەڭسەسىنىڭ مەڭگەرۋشىسى، اۆتونوميالى رايوندىق قازىنا مەڭگەرمەسىنىڭ ورىنباسار مەڭگەرمە باستىعى جۋ نيان بىلاي دەپ تانىستىردى: جاڭا ”امبەباپ كارتچكا“ جۇيەسىنىڭ رەسمي ينتەرنەت جەلىسىنە شىعارىلۋىنا ىلەسە، قازىرگى قازىنالىق جالاڭ باسقارۋ ۇلگىسى قازىنا مەن كاسىپكە جاۋاپتى باسقارۋشى ورىندارىنىڭ ەندىك باقىلاۋ - باسقارۋى مەن اۆتونوميالى رايوننىڭ، ايماق، وبلىس، قالالاردىڭ، اۋدان، قالا، رايونداردىڭ، اۋىل، قالاشىقتاردىڭ بويلىق باقىلاۋ - باسقارۋى ءوزارا ۇشتاستىرىلعان ۇلگىگە وزگەرىپ، دارەجە اتتاعان، تاراۋ اتتاعان، كاسىپ اتتاعان سايكەستى باسقارۋ مەن قىزمەت وتەۋ ىسكە اسىرىلدى، باسقارۋشى تاراۋلار ”تىزىمدىك تۇرعىزىپ، ساندى مالىمەتتى ەنگىزەتىن“، قازىنالىق تاراۋلار ”تەكسەرىپ انىقتاپ، قارجى بوساتاتىن، تاراتۋدى باقىلايتىن“، فينانس تاراۋلارى ”ساپالى قىزمەت وتەيتىن، تەز ناق اقشاعا اينالدىراتىن“ ينفورماتسيالانعان بارىستى قالىپتاستىردى.
جۋ نيان مىنانى ءبىلدىردى: جاڭا ”امبەباپ كارتچكا“ جۇيەسى ينتەرنەت جەلىسىنە شىعارىلعاننان كەيىن، تۇتاس شينجياڭدا ”ءبىر تىزىمدىكپەن ءتۇزىمدى باسقارۋ“، ”ءبىر تۇعىرمەن تاراتۋدى باسقارۋ“ قىزمەت نىساناسىن ىسكە اسىردى، جاڭا ”امبەباپ كارتچكا“ جۇيەسى مەن مەجە ەسەپ باسقارۋ ءبىر تۇلعالانعان جۇيەسى ساڭلاۋسىز ءتۇيىلىسىپ، حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسىن جالپى بارىستىق جابىق باسقارۋدى قالىپتاستىرىپ، قازىنا - ەسەپ باقىلاۋى مەن ءتارتىپ تەكسەرۋ، باقىلاۋ - تەكسەرۋ بويىنشا باقىلاۋدىڭ، قازىنالىق باقىلاۋ مەن بۇقارانىڭ باقىلاۋىنىڭ ”امبەباپ كارتچكا“ سالاسىنداعى سايكەستى ۇلاسۋى ويداعىداي ىسكە استى. ”بۇل قىزمەتتە ءبىزدىڭ شينجياڭ بۇكىل ەل بويىنشا العا شىقتى“، - دەدى جۋ نيان.
ۇعىسۋعا قاراعاندا، جاڭا ”امبەباپ كارتچكا“ جۇيەسى تۇتاس رايونداعى 14 ايماق (وبلىس، قالا)، 96 اۋداندى (قالا، رايون) قامتيدى، قازىرگە دەيىن وسىدان يگىلىكتەنگەن بۇقارانىڭ 8 ميلليون 120 مىڭ 700 نەگىزدىك ينفورماتسياسى توپتالدى، ءتۇرلى قوسىمشا قاراجاتتان 33 ميلليارد 84 ميلليون يۋان دەر كەزىندە، دالمە - ءدال، تولىق تاراتىلىپ، يگىلىكتەنگەن بۇقارا 4 ميلليون 118 مىڭ 200 ادام بولدى.
تانىستىرۋعا قاراعاندا، شينجياڭ حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات قارجىسى ”امبەباپ كارتچكا“ ينفورماتسيا انىقتاۋ ەكى ولشەمدى كودى دا رەسمي ىسكە قوسىلعان. حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات نىسانىنان يگىلىكتەنەتىن بۇقارا قول تەلەفونى ارقىلى ەكى ولشەمدى كود سكانەرلەسە بولعانى، اۆتونوميالى رايوننىڭ ءتۇرلى حالىققا تيىمدىلىك جاساۋ، شارۋالارعا تيىمدىلىك جاساۋ قازىنالىق قوسىمشا قاراجات ساياساتىن بىلە الادى، ءوزىنىڭ جاقىنعى 3 جىلداعى قوسىمشا قاراجات العان ەسەبىن ەگجەي - ەگجەيلى انىقتاي الادى.