جاڭ چۇنلين ءۇرىمجى قالاسىندا، التاي ايماعىندا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
قۇرىلىس جۇرگىزۋ حاۋىپسىزدىگىن، ءوندىرىس حاۋىپسىزدىگىن كۇشەيتىپ، جوعارى ساپالى دامۋعا كۇش ۇستەۋ كەرەك
انار بۇلت \ شينجياڭ گازەتىنىڭ ءتىلشىسى ليۋ شياڭ 7 - ايدىڭ 29 - كۇنى التايدان حابارلايدى. 7 - ايدىڭ 26 - كۇنىنەن 28 - كۇنىنە دەيىن اۆتونوميالى رايوندىق پارتكومنىڭ ورىنباسار شۋجيى جاڭ چۇنلين ءۇرىمجى قالاسىندا، بۋرىلتوعاي اۋدانىندا، التاي قالاسىندا تەكسەرۋ - زەرتتەۋ جۇرگىزىپ، ىلگەرىندى - كەيىندى ءۇرىمجى وليمپيادا دەنە تاربيە ورتالىعى، جۇڭگو مۇنايى قارامايلى تابيعي گاز الابى، شينجياڭ ۋاڭيۋان بيو عىلىم - تەحنيكا توبى شەكتى سەرىكتەستىگى، G681 جەلىسى التاي − قومقاناس تاس جول قۇرىلىسى نسانىنىڭ قۇرىلىس ورنى، التاي كاسىپتىك تەحنيكالىق شۋەيۋانى سياقتى جەرلەرگە بارىپ، ينجەنەريالىق نىسانداردىڭ قۇرىلىس جاعدايى، كاسىپورىنداردىڭ ءوندىرىس حاۋىپسىزدىگى جانە مەكتەپتەردىڭ وقۋ - اعارتۋ، وقىتۋ قىزمەتتەرىنە تەكسەرۋ - زەرتتەۋ جۇرگىزدى.
جاڭ چۇنلين بىلاي دەپ باسا دارىپتەدى: باس شۋجي شي جينپيڭنىڭ ءوندىرىس حاۋىپسىزدىگى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، دامۋ مەن حاۋىپسىزدىكتى ءبىر تۇتاس ويداعىداي جوسپارلاپ، تومەنگى شەك ويىن بەرىك ورناتىپ، جاۋاپكەرشىلىك تىزبەگىن ناقتىلاندىرىپ، حاۋىپسىزدىك قورعانىس شەبىن شىنايى بەكەمدەپ، جوعارى دەڭگەيدەگى حاۋىپسىزدىك ارقىلى جوعارى ساپالى دامۋدى قامتاماسىز ەتۋ كەرەك. جۇيەلى وي جۇگىرتۋگە تاباندى بولىپ، ماسەلەنى باعدار ەتۋدى كورنەكتىلەندىرىپ، بىرەۋى ارقىلى وزگەسىن تۇسپالداپ، ءوندىرىس حاۋىپسىزدىگى ساقتىق تاربيەسىن، باۋلۋىن كۇشەيتىپ، كاسىپتىك قىزمەتكەرلەردىڭ حاۋىپسىزدىك جاۋاپكەرشىلىك تانىمىن جانە شۇعىل جاعدايعا توتەپ بەرۋ بويىنشا ءبىر جايلى ەتۋ قابىلەتىن كۇشەيتۋ كەرەك. ءوندىرىس حاۋىپسىزدىگى ەرەجە - تۇزىمدەرىن جانە جۇمىس جۇرگىزۋ ءتارتىبىن قاتاڭ اتقارىپ، ءوندىرىس حاۋىپسىزدىگىن ولشەمدەستىرۋدى، جۇيەلىلەندىرۋدى ءاربىر بۋىندا، ءاربىر قىزمەت ورنىندا تياناقتاندىرىپ، ءوندىرىس حاۋىپسىزدىگى نەگىزىن جالپى بەتتىك بەكەمدەۋ كەرەك. قۇرىلىس ورنىنىڭ حاۋىپسىزدىگىن باقىلاۋ - باسقارۋدى كۇشەيتىپ، ءتۇرلى حاۋىپ - قاتەردى، كومەسكى كىناراتتاردى ىشكەرىلەي، ەگجەي - تەگجەيلى اداقتاپ، وڭاپ، نىساننىڭ حاۋىپسىز، ءساتتى ىلگەرىلەۋىنە شىنايى كەپىلدىك ەتۋ كەرەك. پارتيانىڭ وقۋ - اعارتۋ قىزمەتىنە جاپپاي باسشلىعىنا تاباندى بولىپ جانە ونى كۇشەيتىپ، ءمورال ارقىلى تاربيەلەۋ ءتۇبىرلى مىندەتىن تياناقتاندىرىپ، يدەيا - ساياسي قىزمەتتى وقۋ - اعارتۋدىڭ، وقىتۋدىڭ جالپى بارىسىمەن ساباقتاستىرىپ، مەملەكەتتە ءبىر تۇتاس قولدانىلاتىن ءتىل - جازۋ وقۋ - اعارتۋىن، وقىتۋىن جانە ونى جالپىلاستىرۋدى، قولدانۋدى ۇزدىكسىز كۇشەيتىپ، اۆتونوميالى رايوننىڭ ”8 ءىرى كاسىپ سالاسى شوعىرى“ قۇرىلىسىمەن تىعىز ۇشتاستىرا وتىرىپ، ءپان - ماماندىق قۇرىلىمىن ساپالىلاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە بەرىك دارىندىلار تىرەگىن ازىرلەۋ كەرەك.