شي جينپيڭ 1 - تامىز قارساڭىندا باتىس بولىك سوعىس رايونى اۋە ارمياسىن كوزدەن كەشىرگەندە بىلاي دەپ باسا دارىپتەدى
اسكەري ءبولىمنىڭ وسىزاماندانۋ دەڭگەيىن جەدەل جوعارىلاتىپ، پارتيا مەن حالىق جۇكتەگەن ءتۇرلى مىندەتتى باتىل ورىنداۋ كەرەك
بارشا حالىق ازاتتىق ارمياسى كوماندير - جاۋىنگەرلەرىن، قارۋلى ساقشى اسكەري بولىمدەرى وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، حالىق جاساقتارى مەن زاپاستاعىلاردى مەرەكە بايلانىسىمەن قۇتتىقتادى
1 - تامىز ارميا قۇرىلۋ مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 26 - كۇنى باتىس بولىك سوعىس رايونىنا بارىپ، اۋە ارمياسىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان باتىس بولىك سوعىس رايونى اۋە ارمياسىنداعى بارلىق وفيتسەر - اسكەرلەردەن شىنايى حال سۇراپ، بارشا حالىق ازاتتىق ارمياسى كوماندير - جاۋىنگەرلەرىن، قارۋلى ساقشى اسكەري بولىمدەرى وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، حالىق جاساقتارى مەن زاپاستاعىلاردى مەرەكە بايلانىسىمەن قۇتتىقتادى. سۋرەتتە: شي جينپيڭ ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 7 - ايدىڭ 30 - كۇنى چىڭدۋدان بەرگەن حابارى (ءتىلشى مەي چاڭۋي). 1 - تامىز ارميا قۇرىلۋ مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 26 - كۇنى باتىس بولىك سوعىس رايونىنا بارىپ، اۋە ارمياسىن كوزدەن كەشىرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان باتىس بولىك سوعىس رايونى اۋە ارمياسىنداعى بارلىق وفيتسەر - اسكەرلەردەن شىنايى حال سۇراپ، بارشا حالىق ازاتتىق ارمياسى كوماندير - جاۋىنگەرلەرىن، قارۋلى ساقشى اسكەري بولىمدەرى وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، حالىق جاساقتارى مەن زاپاستاعىلاردى مەرەكە بايلانىسىمەن قۇتتىقتادى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، اسكەري ءبولىمنىڭ وسىزاماندانۋ دەڭگەيىن جەدەل جوعارىلاتىپ، پارتيا مەن حالىق جۇكتەگەن ءتۇرلى مىندەتتى باتىل ورىنداۋ كەرەك.
جاز ايىنداعى چىڭدۋ جاسىل جەلەك جامىلىپ، جاندى دا جالىندى بەينەگە شومدى. تۇستەن بۇرىن ساعات 10نان 20 مينۋت مولشەرىندە شي جينپيڭ باتىس بولىك سوعىس رايونى اۋە ارمياسى ورگانىنا بارىپ، اسكەري ءبولىم قۇرىلىسى جانە سوعىس دايىندىعى، سوعىس جۇرگىزۋ قىزمەتىنە قاتىستى جاعدايلاردى ۇعىستى. شي جينپيڭ باتىس بولىك سوعىس رايونى اۋە ارمياسى قۇرىلعاننان بەرگى ءتۇرلى قىزمەتتەردى جانە مىندەتتەردىڭ ورىندالۋ جاعدايىن تولىق تۇراقتاندىردى.
شي جينپيڭ بىلاي دەپ باسا دارىپتەدى: مىندەت قاجەتىمەن تىعىز جاناسىپ، ەرەكشە ورتاعا ۇيلەسىپ، اسكەري ىستەر كۇرەس دايىندىعىن ىشكەرىلەي ىلگەرىلەتۋ كەرەك. داعدىلى اۋە شابۋىلىنان قورعانۋدى تىڭعىلىقتى ۇيىمداستىرىپ، اۋە قورعانىسى حاۋىپسىزدىگىنە شىنايى كەپىلدىك ەتۋ كەرەك. جاڭا جابدىقتاردىڭ، جاڭا كۇشتەردىڭ جاۋىنگەرلىك قۋاتتى جەدەل قالىپتاستىرىپ، سوعىس جۇرگىزۋ جۇيەسىمەن ورگانيكالى توعىسۋىن ىلگەرىلەتۋ كەرەك. اۋە اسكەرلەرى اسكەري بولىمدەرى مەن جەردەن اۋەگە اتىلاتىن باسقارىلمالى بومبى، رادار، ەلەكتروندىق قارسىلاسۋ سياقتى اسكەري بولىمدەردىڭ دامۋىن ءبىر تۇتاس جوسپارلاپ، شايقاس جۇرگىزۋ قابىلەتىنىڭ تۇتاس تۇلعالىق جوعارىلاۋىن ىلگەرىلەتۋ كەرەك. ناقتى سوعىستىق اسكەري ىستەر جاتتىعۋىن تالىقپاي مىقتى يگەرىپ، ناقتى مىسالدىق قارسىلاسۋ سيپاتتى جاتتىعۋدى كۇشەيتىپ، ەلەۋلى، قيىن ماشىق تۇرلەرىندە ارنايى قامال الۋ جاتتىعۋىن زەر سالا كۇشەيتىپ، جاتتىعۋ ساپاسى مەن دەڭگەيىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: بۇكىل ارميانىڭ پارتيا قۇرىلىسى ءماجىلىسى رۋحىن دەن قويا دايەكتىلەندىرىپ، تياناقتاندىرىپ، پارتيانىڭ اسكەري ءبولىمدى يدەيالىق جاقتا، ساياسي جاقتا، ۇيىمدىق جاقتا مىقتى يگەرۋىنە شىنايى كەپىلدىك ەتۋ كەرەك. جوعارى دارەجەلى پارتكومدى مىقتى يگەرىپ، جوعارى ارقىلى تومەنگە باستاماشى بولۋعا تاباندى بولىپ، قاتاڭ تالاپ قويىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جوعارىلاتىپ، سوعىس دايىندىعىنا، سوعىس جۇرگىزۋگە باسشىلىق ەتۋ قابىلەتىن جوعارىلاتىپ، پارتكوم القاسىنىڭ وزىندىك قۇرىلىسىن ەرەن مىقتى ەتۋ كەرەك. نەگىزگى ساتى پارتيا ۇيىمى قۇرىلىسىن كۇشەيتۋگە باسا ءمان بەرىپ، ءاربىر نەگىزگى ساتى پارتيا ۇيىمىن بەرىك جاۋىنگەر قورعان ەتىپ شىڭاپ، نەگىزگى ساتى قۇرىلىسىنىڭ جاپپاي العا باسۋىن، جاپپاي ەرەن مىقتى بولۋىن ىلگەرىلەتۋ كەرەك. قاتاڭ بولۋ نەگىزگى ارناسىنان اۋىتقىماۋعا تاباندى بولىپ، ءار دارەجەلى ورىنداردىڭ پارتيانى باسقارۋ، پارتيانى جونگە سالۋ ساياسي جاۋاپكەرشىلىگىن قاتايتىپ، ناقتىلاندىرىپ، ستيل دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى ۇزدىكسىز تەرەڭدەي ىلگەرىلەتۋ كەرەك. پارتيا ورتالىق كوميتەتى مەن ورتالىق اسكەري ىستەر كوميتەتىنىڭ ورنالاستىرۋلارىن، تالاپتارىن تياناقتاندىرىپ، اسكەري ءبولىمنىڭ نەگىزگى تاقىرىپتىق تاربيەسىن ويداعىداي مىقتى يگەرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، ماسەلەنى رەتتەۋ - تۇزەتۋدى باستان - اياق ساباقتاستىرۋعا تاباندى بولىپ، ماسەلەلەردى شەشۋ بارىسىندا قىزمەتتى تياناقتاندىرۋدى ىلگەرىلەتىپ، اسكەري ءبولىم قۇرىلىسىندا جاڭا جاعداي اشۋ كەرەك.
حى ۋيدۇڭ قاتارلىلار قيمىلعا قاتىناستى.