شينجياڭعا وقۋ - اعارتۋ ارقىلى باعىتتامالى كومەكتەسۋ قىزمەتى ءماجىلىسى ۇرىمجىدە اشىلدى
ما شيڭرۇي، حۋاي جينپىڭ ءسوز سويلەدى، ەركىن تۇنياز، لي يفي، جاڭ چۇنلين قاتىناستى
8 - ايدىڭ 1 - كۇنى شينجياڭعا وقۋ - اعارتۋ ارقىلى باعىتتامالى كومەكتەسۋ قىزمەتى ءماجىلىسى ۇرىمجىدە اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 1 - كۇنى ۇرىمجىدەن حابارلايدى. شينجياڭعا وقۋ - اعارتۋ ارقىلى باعىتتامالى كومەكتەسۋ قىزمەتى ءماجىلىسى 8 - ايدىڭ 1 - كۇنى تۇستەن بۇرىن ۇرىمجىدە اشىلىپ، باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ جانە شينجياڭ قىزمەتى جونىندەگى شەشىمدەرى، ورنالاستىرۋلارىن ىشكەرىلەي دايەكتىلەندىرىپ، شينجياڭعا وقۋ - اعارتۋ ارقىلى كومەكتەسۋدەگى ءتۇيىندى قىزمەتتەر جوسپارلاپ ورنالاستىرىلىپ، جاڭا داۋىردەگى شينجياڭ وقۋ - اعارتۋىنىڭ جوعارى ساپالى دامۋى ىلگەرىلەتىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، وقۋ - اعارتۋ مينيسترلىگى پارتيا باسشىلىق گرۋپپاسىنىڭ شۋجيى، مينيستر حۋاي جينپىڭ ماجىلىسكە قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى جاڭ چۇنلين ماجىلىسكە قاتىناستى. وقۋ - اعارتۋ مينيسترلىگى پارتيا باسشىلىق گرۋپپاسىنىڭ مۇشەسى، ورىنباسار مينيستر سۇن ياۋ ءماجىلىستى باسقاردى.
ما شيڭرۇي اۆتونوميالى رايوندىق پارتكوم، ۇكىمەت، بيڭتۋان اتىنان وقۋ - اعارتۋ مينيسترلىگىنىڭ، شينجياڭعا كومەكتەسكەن ولكە، قالالاردىڭ، كومەكتەسكەن جوعارى مەكتەپتەردىڭ ۇزاق ۋاقىتتان بەرى شينجياڭدى زور كۇشپەن قولداعاندىعىنا جانە قالتقىسىز كومەك كورسەتكەندىگىنە العىس ايتتى. ول مىنالاردى ءبىلدىردى: وقۋ - اعارتۋ مينيسترلىگى شينجياڭعا باعىتتامالى كومەكتەسۋدى كەلەلى ساياسي مىندەت ەتىپ، ولكە، قالالار جانە جوعارى مەكتەپتەر بايلىعىن ءبىر تۇتاس جوسپارلاپ سايكەستىرىپ، شينجياڭعا وقۋ - اعارتۋ ارقىلى كومەكتەسۋ قىزمەتىن تىڭعىلىقتى ىلگەرىلەتىپ، شينجياڭنىڭ قۋاتتى وقىتۋشىلار قوسىنىن قۇرۋىنا، وقۋ - اعارتۋ ساپاسىن وسىرۋىنە، ءداۋىر جاڭا ادامدارىن باۋلۋىنا، ۇلتتار ىنتىماعىن نىعايتۋىنا كومەكتەسىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە ماڭىزدى ۇلەس قوستى. ءبىز نەگىزگى تاقىرىپتىق تاربيە ورىستەتۋدى وراي ەتىپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، شينجياڭعا كومەكتەسۋ مەحانيزمىنىڭ باسىمدىعىن تولىق ساۋلەلەندىرىپ، تىلدەسۋدى، ءتۇيىلىسۋدى ىرىقتىلىقپەن ويداعىداي ىستەپ، شينجياڭعا كومەكتەسۋ وقۋ - اعارتۋ بايلىعىن ءبىر تۇتاس جوسپارلاپ ويداعىداي پايدالانىپ، جوعارى ساپالى وقۋ - اعارتۋ جۇيەسىن قۇرىپ، شينجياڭ وقۋ - اعارتۋىنىڭ جوعارى ساپالى دامۋىنىڭ جاڭا ساتىعا قادام تاستاۋىن ىلگەرىلەتۋىمىز كەرەك. جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتۋگە تاباندى بولىپ، جاستار مەن ورەندەردىڭ ”نەگىز قالاۋ“ ينجەنەرياسىن زور كۇشپەن اتقارىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىنىڭ، وقىتۋىنىڭ جەتىستىكتەرىن بەكەمدەپ، شينجياڭ مەن شينجياڭعا كومەكتەسكەن ولكە، قالالاردىڭ قوس باعىتتا وقۋشى قابىلداۋ كولەمىن كەڭەيتىپ، شينجياڭنىڭ ءىشى - سىرتىنداعى وقىتۋشى - وقۋشىلاردىڭ ارالاسۋىن، ىشتەسۋىن، توعىسۋىن كۇشەيتىپ، شينجياڭعا وقۋ - اعارتۋ ارقىلى كومەكتەسۋدى ىنتىماقتى جەبەيتىن، جۇرت تىلەگىن ۇيىستىراتىن ينجەنەريا ەتىپ تۇلعالاۋىمىز كەرەك. نازاردى مەملەكەتتىڭ كەلەلى ستراتەگياسىنا قىزمەت وتەۋگە شوعىرلاندىرىپ، شينجياڭنىڭ مۇناي - تابيعي گاز، كومىر، كەن ونىمدەرى، استىق، ماقتا، جەمىس - جيدەك، كوكونىس سياقتى بايلىقتارى مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن تولىق ساۋلەلەندىرۋدى ارقاۋ ەتىپ، ءبىر توپ جاراتىلىستىق عىلىمدار مەن كاسىپتەردى قۇرۋدى ىلگەرىلەتىپ، جۇمىستانۋ مەن كاسىپ سالاسىن جەتەكشى ەتكەن كاسىپتىك وقۋ - اعارتۋدى زور كۇشپەن دامىتىپ، ەكونوميكانىڭ، قوعامنىڭ جوعارى ساپالى دامۋىنا اناعۇرلىم ويداعىداي قىزمەت وتەۋىمىز كەرەك. قارجى نىساندارىن ءبىر تۇتاس جوسپارلاپ، ويداعىداي پايدالانىپ، نەگىزگى ساتى مەن ءتۇيىندى وڭىرلەرگە اناعۇرلىم كوبىرەك بەيىمدەلىپ، وقۋ - اعارتۋ ارقىلى كەدەيلىكتەن ارىلتۋدان قامال الۋ جەتىستىكتەرىن ۇزدىكسىز بەكەمدەپ، وقۋ - اعارتۋدىڭ اۋىل - قىستاقتى گۇلدەندىرۋگە قىزمەت وتەۋ قابىلەتىن جاپپاي جوعارىلاتۋىمىز كەرەك. تابىستى تاجىريبەلەردى قورىتىندىلاپ، جالپىلاستىرىپ، ”ۇيىرمە قۇراۋ فورماسىنداعى“ شينجياڭعا كومەكتەسۋدى تەرەڭدەتىپ، كولەمىن ساقتاپ، قۇرىلىمىن ساپالىلاندىرىپ، تاسىلدە جاڭالىق اشىپ، ناقتى ونىمدىلىگىن كۇشەيتىپ، شينجياڭعا وقۋ - اعارتۋ ارقىلى كومەكتەسەتىن كادر - دارىندىلاردىڭ رولىن مۇمكىندىگىنشە ساۋلەلەندىرىپ، شينجياڭنىڭ وقۋ - اعارتۋدا قۋاتتى رايون قۇرۋىن دەمەۋىمىز كەرەك.
حۋاي جينپىڭ بىلاي دەپ اتاپ كورسەتتى: شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە وسكەلەڭ ءمان بەرىپ وتىر. پارتيا 18 - قۇرىلتايىنان، اسىرەسە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى جاڭا داۋىردەگى پارتيانىڭ شينجياڭدى باسقارۋ جالپى جوباسىن جاپپاي تياناقتاندىرىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدە كورنەكتى ناتيجەلەرگە قول جەتكىزدى. شينجياڭعا كومەكتەسەتىن 19 ولكە، قالا مەن ءارقايسى باعىتتامالى كومەكتەسەتىن مەكتەپتەر شينجياڭ قىزمەتى باس نىساناسىن ارقاۋ ەتىپ، نازاردى وقۋ - اعارتۋ سالاسىنداعى ءار ۇلت بۇقاراسىنىڭ شۇعىل، قيىن، ۋايىمداعان، ءزارۋ ماسەلەلەرىنە شوعىرلاندىرىپ، دالمە - ءدال كۇش سالىپ، قامال الىپ، قيىندىقتاردى جەڭىپ، شينجياڭ مەن بيڭتۋان وقۋ - اعارتۋ رەفورماسىنىڭ، دامۋىنىڭ تىڭ ساتىعا قادام تاستاۋىن پارمەندى تۇردە ىلگەرىلەتتى. وقۋ - اعارتۋ مينيسترلىگى شينجياڭ ۇيعۇر اۆتونوميالى رايونىمەن شينجياڭ ءوندىرىس - قۇرىلىس بيڭتۋانىمەن بىرگە ۇقساس ماسەلەگە بىردەي جاۋاپ بەرىپ، نازاردى مەملەكەتتى قۇدىرەتتەندىرۋ قۇرىلىسىنداعى، ۇلتتى گۇلدەندىرۋدەگى داۋىرلىك تاقىرىپتارعا شوعىرلاندىرىپ، شينجياڭنىڭ كاسىپ سالاسى قۇرىلىمى مەن وڭىرلىك ەرەكشەلىگىن ارقاۋ ەتىپ، شينجياڭعا وقۋ - اعارتۋ ارقىلى كومەكتەسۋدى ۇزدىكسىز تەرەڭدەتەدى. جاڭا داۋىردەگى شينجياڭعا وقۋ - اعارتۋ ارقىلى كومەكتەسۋ قىزمەتىنىڭ جاڭا تالاپتارىن جانە وقۋ - اعارتۋدا قۋاتتى ەل قۇرىلىسىنىڭ كەلەلى ماڭىزىن دۇرىس يگەرىپ، شينجياڭعا وقۋ - اعارتۋ ارقىلى كومەكتەسۋدىڭ ”ەكىنى قورعاۋدى“ امالياتتا ايگىلەۋدىڭ ناقتى ارەكەتى ەكەندىگىن، شينجياڭ مەن بيڭتۋاننىڭ جوعارى ساپالى دامۋىنا قىزمەت وتەۋدىڭ، حالىق تۇرمىسىن جاقسارتىپ، جۇرت تىلەگىن ۇيىستىرۋداعى جانە ۇلتتار ىنتىماعىن جەبەۋدەگى ماڭىزدى شارا ەكەندىگىن جەتە تانۋ كەرەك. وقۋ - اعارتۋدا قۋاتتى ەل قۇرىلىسى ارقىلى جاڭا داۋىردەگى شينجياڭعا وقۋ - اعارتۋ ارقىلى كومەكتەسۋ قىزمەتىنە جەتەكشىلىك ەتىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، ءمورال ارقىلى تاربيەلەۋ ءتۇبىرلى مىندەتىن مۇقيات تياناقتاندىرىپ، جوعارى ساپالى وقۋ - اعارتۋ جۇيەسىن جەدەل قۇرىپ، شينجياڭ مەن بيڭتۋاننىڭ جوعارى ساپالى دامۋىنا بەلسەنە قىزمەت وتەپ، جوعارى ساپالى ماماندانعان وقىتۋشىلار قوسىنىن كۇش سالا تۇلعالاپ، وقۋ - اعارتۋدى سيفرلاندىرۋ ستراتەگيالىق ارەكەتىن بەلسەنە ىلگەرىلەتۋ كەرەك. كەلەسى ساتىداعى شينجياڭعا وقۋ - اعارتۋ ارقىلى كومەكتەسۋ قىزمەتىندە وقۋ - اعارتۋدا قۋاتتى ەل قۇرۋدى مىقتاپ ارقاۋ ەتىپ، شينجياڭعا وقۋ - اعارتۋ دارىندىلارى ارقىلى كومەكتەسۋدى ساپالىلاندىرىپ، شينجياڭعا كاسىپتىك وقۋ - اعارتۋ ارقىلى كومەكتەسۋدى كۇشەيتىپ، جوعارى مەكتەپتەردىڭ شينجياڭعا باعىتتامالى كومەكتەسۋىن تەرەڭدەتىپ، شينجياڭنىڭ قوعام ورنىقتىلىعى مەن باياندى تىنىشتىعىنا، ۇلتتار ىنتىماعى مەن مەملەكەت تۇتاستىعىنا، جۇڭگو ۇلگىسىندەگى وسىزامانداندىرۋ قۇرىلىسىنا وقۋ - اعارتۋ ۇلەسىن قوسۋ كەرەك.
ماجىلىستە بەيجيڭ قالالىق وقۋ - اعارتۋ كوميتەتىنىڭ مەڭگەرۋشىسى لي ي، جياڭسۋ ولكەلىك وقۋ - اعارتۋ مەڭگەرمەسى پارتيا باسشىلىق گرۋپپاسىنىڭ شۋجيى جياڭ يۇڭ، گۋاڭدۇڭ ولكەلىك پارتكوم وقۋ - اعارتۋ قىزمەت كوميتەتىنىڭ شۋجيى جۋ كۇڭجۇن، بەيجيڭ داشۋەسىنىڭ ورىنباسار باستىعى سۇن چيڭۋي، چيڭحۋا داشۋەسىنىڭ ورىنباسار باستىعى جىڭ لي، جۇڭگو اۋىل شارۋاشىلىعى داشۋەسى پارتكومىنىڭ شۋجيى جۇڭ دىڭحۋا، حاڭجوۋ كاسىپتىك تەحنيكالىق شۋەيۋانىنىڭ باستىعى شۇي شىچيڭ سوزگە شىعىپ، شينجياڭعا وقۋ - اعارتۋ ارقىلى كومەكتەسۋدىڭ تابىستارى مەن الداعى قىزمەت جوسپارىن تانىستىردى؛ ورتا، باستاۋىش مەكتەپتەردەن شينجياڭعا كومەككە كەلگەن وقىتۋشىلار ۋاكىلى جوۋ فىڭلين، جوعارى مەكتەپتەردەن شينجياڭعا كومەككە كەلگەن وقىتۋشىلار ۋاكىلى سۇن لەي سوزگە شىعىپ، شينجياڭعا كومەكتەسۋ تابىستارى مەن اسەرلەرىن ايتتى.
ماجىلىستەن بۇرىن ما شيڭرۇي، ەركىن تۇنياز حۋاي جينپىڭمەن جانە ونىڭ ساپارلاستارىمەن قىزمەت كەڭەسىن وتكىزىپ، باس شۋجي شي جينپيڭنىڭ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ، تياناقتاندىرۋ، شينجياڭ وقۋ - اعارتۋىنىڭ جوعارى ساپالى دامۋىنىڭ ءتۇيىندى قىزمەتتەرىن دالمە - ءدال ويداعىداي ىستەۋ، شينجياڭنىڭ وقىتۋشىلار قوسىنى قۇرىلىسى دەڭگەيىن جوعارىلاتۋ، شينجياڭنىڭ جاراتىلىستىق عىلىمدار مەكتەبى، پاندەر، كاسىپ قۇرىلىسىن كۇشەيتۋ، كاسىپ سالالارىنىڭ دامۋ قاجەتىمەن تىعىز بايلانىستىرا وتىرىپ جوعارى دارەجەلى كاسىپتىك وقۋ - اعارتۋدى دامىتۋ، وڭتۇستىك شينجياڭنىڭ وقۋ - اعارتۋ ىستەرىنىڭ دامۋىن كورنەكتى مىقتى يگەرۋ سياقتىلاردى ارقاۋ ەتە وتىرىپ ىشكەرىلەي پىكىر اۋىستىردى. ەكى جاقتىڭ باسشىلارى وقۋ - اعارتۋ مينيسترلىگىنىڭ اۆتونوميالى رايوندىق حالىق ۇكىمەتىمەن، شينجياڭ ءوندىرىس - قۇرىلىس بيڭتۋانىمەن جەكە - جەكە ستراتەگيالىق سەلبەستىك كەلىسىمىنە قول قويىسۋىنا كۋا بولدى.
ورتالىق كوميتەت ۇگىت بولىمىندەگى، ورتالىق كوميتەت بىرلىكساپ بولىمىندەگى، مەملەكەتتىك ۇلت ىستەرى كوميتەتىندەگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگىندەگى قاتىستى جولداستار، وقۋ - اعارتۋ مينيسترلىگىنىڭ قاتىستى تاراۋلارىنداعى جاۋاپتى جولداستار، شينجياڭعا كومەكتەسەتىن تاراۋلارعا قاراستى جوعارى مەكتەپتەردەگى، شينجياڭعا كومەكتەسەتىن كاسىپتىك مەكتەپتەردەگى جانە شينجياڭعا كومەكتەسەتىن ولكە، قالالاردىڭ وقۋ - اعارتۋ اكىمشىلىك تاراۋلارىنداعى جاۋاپتى جولداستار ماجىلىسكە قاتىناستى.
قادەن كابەن، شۋە بين، قايسار ابدىكەرىم، شۇي شيان - ي، لي شۇي، اۆتونوميالى رايوننىڭ ايماق، وبلىس، قالالارىنىڭ جانە بيڭتۋاننىڭ ءارقايسى شىلارىنىڭ، قالالارىنىڭ وقۋ - اعارتۋ اكىمشىلىك تاراۋلارىنداعى جاۋاپتى جولداستار، ءارقايسى ولكە، قالالاردىڭ شينجياڭعا كومەكتەسۋ الدىڭعى جاق قولباسشىلىق شتابىنداعى قاتىستى جاۋاپتى جولداستار، اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى، كومەك قابىلدايتىن جوعارى مەكتەپتەردەگى جاۋاپتى جولداستار ماجىلىسكە قاتىناستى.