”شينجياڭ جاڭا ءداۋىر جاقسى ورەندەرىنىڭ وتان ساپارى“ شاندۇڭنىڭ چۇيفۋىنا كەلدى
كۇڭزىنىڭ اتا مەكەنىنەن تاعىلىمشىلدىق ءداستۇردىڭ باۋراۋ قۋاتىن سەزىندى
انار بۇلت \ شينجياڭ گازەتىنىڭ ءتىلشىسى لي جيا - ني 7 - ايدىڭ 31 - كۇنى چۇيفۋدان حابارلايدى. جۋىقتا ”شينجياڭ جاڭا ءداۋىر جاقسى ورەندەرىنىڭ وتان ساپارىنداعى“ 14 ساباقتاس شاندۇڭ ولكەسىنىڭ چۇيفۋ قالاسىنا جەتىپ، تاعىلىمشىلدار يدەياسىنىڭ تەرەڭ ءمانىن ناقتى سەزىندى.
شاندۇڭ ولكەسى چۇيفۋ قالاسىنىڭ ”جاڭا ءداۋىر جاقسى ورەندەرى“ شينجياڭنىڭ ”جاڭا ءداۋىر جاقسى ورەندەرىمەن“ اۋىس - كۇيىس جاساۋ، اڭگىمەلەسۋ قيمىلىن وتكىزدى، ساباقتاستار ۇيرەنۋدەگى، تۇرمىستاعى اڭگىمەلەرىن بىرگە ءبولىسىپ، ءوزارا تارتۋ ۇسىنىپ، كلاسسيكالىق شىعارمالاردى بىرگە وقىدى.
”الىستان دوستار ىزدەپ كەلسە، نەگە قۋانباسقا...“ اۋىس - كۇيىس جاساۋ، اڭگىمەلەسۋ قيمىلى اياقتاعاننان كەيىن، ەكى جەردىڭ ”جاڭا ءداۋىر جاقسى ورەندەرى“ چۇيفۋ كۇڭزى عيباداتحاناسى داچىڭ سارايىنىڭ الدىنداعى شيڭتان تەكشەسى الدىندا ”اقىليانى“ بىرگە وقىدى، سوڭىنان تۇسىندىرۋشىمەن بىرگە كۇڭزى عيباداتحاناسىن، كۇڭزى سارايىن ەكسكۋرسيالاپ، جۇڭحۋا وركەنيەتىنىڭ مايەگىن سەزىندى، تەرەڭ ماعىنالى تاعىلىمشىلدار يدەياسىن ءتۇسىندى.
”كۇڭزى ساباق وتكەن شيڭتان تەكشەسىندە توپتىق سۋرەتكە ءتۇسىپ، اقىليانى بىرگە وقىعاندا، قاتتى اسەرلەندىم، سول ساتتە ۋاقىت پەن كەڭىستىكتەن ءوتىپ كۇڭزىنىڭ تاعىلىمىن تىڭداعانداي بولدىم“، - دەدى اراسان اۋداندىق ورتالاۋ مەكتەپتىڭ وقۋشىسى سىرۇڭ.
”كۇڭزى عيباداتحاناسى داچىڭ سارايىن تۇڭعىش رەت ەكسكۋرسيالاعاندا، ايبىندى سىرتقى كورىنىسى مەن ونداعى كادەلىك اسپاپتار ماعان تاعىلىمشىلداردىڭ كىشى پەيىل دە ادەپتى، سالاۋاتتى دا قاعيدالى ادەپ - يبا مادەنيەتىن سەزىندىردى“. ءۇرىمجى قالالىق مىلقاۋلار مەكتەبىنىڭ وقۋشىسى جوۋ شياۋچين قول يشاراتىمەن تىلشىگە كۇڭزىنىڭ تۋعان جەرىنە بارعاندا، جۇڭگونىڭ ءداستۇرلى مادەنيەتىنىڭ تەرەڭ ءمانىن سەزىنگەندىگىن، تەرەڭ اسەر العان ءبىر جولعى مادەنيەت كەشىرمەسى ەكەندىگىن ايتتى.
كۇڭزى ليۋي قالاسى كۇڭزى ءومىر بويى ارداقتاعان، دارىپتەگەن جانە امالياتتان وتكىزگەن ”ادەپ - يبا، مۋزيكا - ءبي، ساداق اتۋ، اربا ايداۋ، حاتكەرلىك، ەسەپ“ سىندى التى ونەردىڭ تارتىمدىلىعىن ايگىلەدى. ساباقتاستار بۇل ارادا جوۋ پاتشالىعىنىڭ جورالعىسىن، مۋزيكالى ءبيدى، ساداق اتۋ ونەرىن تاماشالادى.
”ەرەكشە تاڭ قالدىم! اتى زاتىنا ساي كۇڭزى مەكەنى ەكەن، مەن نەشە مىڭ جىلدىڭ الدىنداعى كەزگە قايتىپ بارعانداي بولدىم“، - دەدى نىلقى اۋدانى ۋجين تاجىريبە مەكتەبىنىڭ وقۋشىسى ءمانزيرا نۇرالدين اسەرلەنە.