اۆتونوميالى رايوننىڭ زاڭ ەرەجەلەر، ەرەجە - قاعيدالار، ولشەمدى حۇجاتتار ساندى مالىمەت قويماسى قۇرىلىسى باسشىلىق گرۋپپاسىنىڭ سايكەستىرۋ ءماجىلىسى اشىلدى
ساندى مالىمەت قويماسىن جوعارى ولشەمدى، جوعارى ساپالى قۇرۋدى ىلگەرىلەتۋ كەرەك
انار بۇلت \ شينجياڭ گازەتىنىڭ ءتىلشىسى جاڭ لەي 8 - ايدىڭ 1 - كۇنى ۇرىمجىدەن حابارلايدى. 7 - ايدىڭ 28 - كۇنى اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوننىڭ زاڭ ەرەجەلەر، ەرەجە - قاعيدالار، ولشەمدى حۇجاتتار ساندى مالىمەت قويماسى قۇرىلىسى باسشىلىق گرۋپپاسىنىڭ سايكەستىرۋ ءماجىلىسىن اشىپ، ساندى مالىمەت قويماسىنىڭ قاتىستى قىزمەتتەرىن ىلگەرىلەتتى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ماجىلىسكە قاتىناستى ءارى ءسوز سويلەدى.
ءماجىلىس ساندى مالىمەت قويماسى قۇرىلىسى باسشىلىق گرۋپپاسى قۇرامىنداعىلاردىڭ ەسىمدىگىن جاريالادى، مەملەكەتتىك حالىق قۇرىلتايى تۇراقتى كوميتەتىنىڭ ولكە دارەجەلى زاڭ ەرەجەلەر، ەرەجە - قاعيدالار، ولشەمدى حۇجاتتار ساندى مالىمەت قويماسى قۇرىلىسى قىزمەتىن ىلگەرىلەتۋ ءماجىلىسىنىڭ رۋحىن جانە قاتىستى تالاپتاردى جەتكىزدى.
ءماجىلىس مىنالاردى اتاپ كورسەتتى: اۆتونوميالى رايوننىڭ زاڭ ەرەجەلەر، ەرەجە - قاعيدالار، ولشەمدى حۇجاتتار ساندى مالىمەت قويماسىن قۇرۋ پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن دايەكتىلەندىرۋدەگى، تياناقتاندىرۋداعى ماڭىزدى شارا، زاڭمەن باسقارىلاتىن شينجياڭ قۇرىلىسىن جەدەلدەتەتىن نەگىزدىك ينجەنەريا، ەستەلىككە الۋ، تەكسەرۋ قىزمەتى ساپاسىن جوعارىلاتۋدىڭ ماڭىزدى كىرىسۋ ءتۇيىنى ءارى جۇيەلى حۇجاتتاردى ارناعا ءتۇسىرۋ ماسەلەسىن شەشۋدىڭ ءونىمدى جولى، مۇنان دا ماڭىزدىسى، مەملەكەتتىڭ زاڭ - ءتۇزىمى بىرلىگىن قورعاۋدىڭ تابيعي تالابى.
ءماجىلىس مىنالاردى باسا دارىپتەدى: قاتىستى ورىندار ساياسي دەڭگەيدى ونان ارى جوعارىلاتىپ، تۇلعالىق جاۋاپكەرشىلىكتى ناقتىلاندىرىپ، ساندى مالىمەت قۇرىلىسى قىزمەتى تالابىن يگەرىپ، بارلىق جۇيەلى حۇجاتتاردى ساندى مالىمەت قويماسىنىڭ قابىلداۋ كولەمىنە جاپپاي، دالمە - ءدال ەنگىزىپ، اۆتونوميالى رايوننىڭ، ايماق، وبلىس، قالالاردىڭ، اۋدان، قالا، رايونداردىڭ، اۋىل - قالاشىقتاردىڭ (ءمالى) بارلىق جۇيەلى حۇجاتتارىن قابىلداۋعا تيىستىلەرىن تۇگەلدەي قابىلداۋ، بىردە - ءبىرىن قالدىرماۋ كەرەك. ارناۋلى بان قۇرىپ، ۋاقىت كەستەسىن ەگجەي - تەگجەيلى جاساپ، نىسانا، مىندەتتەردى ايىرىپ، تياناقتاندىرىپ، اتقارۋعا دەن قويا ۇيىمداستىرىپ، ساندى مالىمەت قويماسىن جوعارى ولشەممەن، جوعارى ساپامەن ويداعىداي قۇرۋعا شىنايى كەپىلدىك ەتۋ كەرەك.
ۇعىسۋعا قاراعاندا، ساندى مالىمەت قويماسى 2023 - جىلدىڭ سوڭىندا العاشقى ادىمدا قۇرىلىپ ءبىتىپ، كەلەر جىلى 3 - ايدىڭ سوڭىندا جۇرتقا تەگىن اشىق ۇستالادى ەكەن. سول كەزدە بۇكىل رايونداعى حالىق قۇرىلتايلارىنىڭ، ”ۇكىمەتتەردىڭ، پارتكومداردىڭ، حالىق سوتى مەكەمەلەرىنىڭ، حالىق پروكۋراتۋرالارىنىڭ“ جانە بيڭتۋاننىڭ بارلىق جۇيەلى حۇجاتتارىن باقىلاۋدى تولىق قامتۋ جۇزەگە اسىرىلىپ، تۇتاس قوعامدا زاڭعا قۇرمەت ەتۋ، زاڭ ۇيرەنۋ، زاڭعا بويسۇنۋ، زاڭنان پايدالانۋ، زاڭمەن باسقارۋ رايى قالىپتاسىپ، تۇتاس قوعامعا اناعۇرلىم جاقسى الەۋمەتتىك زاڭمەن باسقارۋ قىزمەت وتەۋى ازىرلەنىپ، شينجياڭدى زاڭمەن باسقارۋدى جاپپاي ىلگەرىلەتۋگە، شينجياڭنىڭ ءتۇرلى قىزمەتتەرىنىڭ زاڭمەن باسقارۋ ارناسىندا جۇمىس جۇرگىزۋىنە شىنايى كەپىلدىك ەتۋگە بەلسەنە ۇلەس قوسىلاتىن بولادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى لي نيڭپيڭ ءماجىلىستى باسقاردى.