ما شيڭرۇي، شۇي ليۋپيڭ ءسوز سويلەدى، ەركىن تۇنياز، ءزۇمىرات وبۇل، نۇرلان ءابىلماجىن، لي يفي، حى جۇڭيوۋ قاتىناستى
شينجياڭ ۇيعۇر اۆتونوميالى رايوندىق جۇمىسشى ۇيىمىنىڭ 13 - قۇرىلتايى 8 - ايدىڭ 20 - كۇنى شينجياڭ حالىق سارايىندا اشىلدى.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 8 - ايدىڭ 20 - كۇنى ۇرىمجىدەن حابارلايدى. اۆتونوميالى رايوندىق جۇمىسشى ۇيىمىنىڭ 13 - قۇرىلتايى 8 - ايدىڭ 20 - كۇنى تۇستەن بۇرىن شينجياڭ حالىق سارايىندا اشىلدى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، مەملەكەتتىك باس جۇمىسشى ۇيىمى پارتيا باسشىلىق گرۋپپاسىنىڭ شۋجيى، ورىنباسار ءتوراعاسى، شۋجيچۋىنىڭ ءبىرىنشى شۋجيى شۇي ليۋپيڭ اشىلۋ سالتىنا قاتىناستى ءارى ءسوز سويلەدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى حى جۇڭيوۋ قاتارلىلار اشىلۋ سالتىنا قاتىناستى.
ما شيڭرۇي اۆتونوميالى رايوندىق پارتكوم، حالىق قۇرىلتايى، ۇكىمەت، ساياسي كەڭەس جانە بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتادى، مەملەكەتتىك باس جۇمىسشى ۇيىمىنىڭ شينجياڭنىڭ جۇمىسشى ۇيىمى قىزمەتىنە كوڭىل بولگەندىگىنە، قولداۋ كورسەتكەندىگىنە شىن جۇرەكتەن العىس ايتتى، بۇكىل رايونداعى ءار ۇلت جۇمىسشى بۇقاراسىنان جانە قالىڭ جۇمىسشى ۇيىمى قىزمەتكەرلەرىنەن شىن ىقىلاسپەن حال سۇرادى. ول بىلاي دەپ باسا دارىپتەدى: بۇكىل رايونداعى ءار دارەجەلى جۇمىسشى ۇيىمدارى نەگىزگى تاقىرىپتىق تاربيە ورىستەتۋمەن ۇشتاستىرىپ، باس شۋجي شي جينپيڭنىڭ جۇمىسشى تابى جانە جۇمىسشى ۇيىمى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، ءار ۇلت جۇمىسشى - قىزمەتكەرلەرىن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن ويداعىداي جازۋعا ىنتىماقتاستىرۋ، جۇمىلدىرۋ كەرەك. دۇرىس ساياسي بەتالىسقا تاباندى بولىپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىنداپ، جۇڭگوشا سوتسياليستىك جۇمىسشى ۇيىمىن دامىتۋ جولىمەن بۇلجىماي ءجۇرۋ كەرەك. يدەيا - ساياسي جاقتان جەتەكشىلىك ەتۋدى كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرەكتەردى توعىستىرىپ، رۋحتى سومداۋعا تاباندى بولىپ، شىنايى مويىنداۋدى كۇشەيتۋدى نىسانا ەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ءار ۇلت جۇمىسشى - قىزمەتكەرلەرىنىڭ ىنتىماقتاسا كۇرەس جۇرگىزۋ ورتاق يدەيالىق نەگىزىن ۇزدىكسىز بەكەمدەۋ كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، شينجياڭنىڭ دامۋ ستراتەگيالىق ورنىن كوزدەپ، ءار ۇلت جۇمىسشى - قىزمەتكەرلەرىن جوعارى ساپالى دامۋعا بەلسەندىلىكپەن ات سالىسۋعا ىنتىماقتاستىرا جەتەكشىلىك ەتىپ، جۇمىسشى - قىزمەتكەرلەردىڭ ءوسىپ - جەتىلۋىنە، تولىسۋىنا كۇش سالا تاماشا ورتا جاراتىپ، ءبىلىم ۇلگىسىندەگى، شەبەرلىك ۇلگىسىندەگى، جاڭالىق اشۋ ۇلگىسىندەگى كاسىپ سالاسى جۇمىسشىلارى قوسىنىن تۇلعالاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، ەڭبەك سالاسىنىڭ ساياسي حاۋىپسىزدىگىن قورعاۋدى كوزدە ۇستاپ، قوعام ورنىقتىلىعىن ساقتاۋ، شينجياڭعا ساياتىن سىرتقا باعىتتالعان كۇرەس ورىستەتۋدە جۇمىسشى ۇيىمىنىڭ جاۋاپكەرشىلىك ارقالاۋىن ايگىلەپ، جۇمىسشى - قىزمەتكەرلەردىڭ زاڭدى ۇقىق - مۇددەسىن زاڭ بويىنشا قورعاۋ كەرەك. جۇمىسشى ۇيىمىنىڭ وزىندىك رەفورماسى مەن قۇرىلىسىن تەرەڭدەتىپ، قۇرىلىم ورنالاسىمىن، باسقارۋ ءتاسىلىن، اينالىم مەحانيزمىن، قىزمەت ءتاسىلىن جاقسارتۋدا ۇزدىكسىز كۇش سالىپ، جۇمىسشى ۇيىمىنىڭ ساياسي سيپاتىن، العاباسارلىق سيپاتىن، بۇقارالىق سيپاتىن شىنايى كۇشەيتۋ كەرەك. ءار دارەجەلى پارتكوم مەن ۇكىمەت جۇمىسشى ۇيىمىنا باسشىلىق ەتۋدى، قولداۋ كورسەتۋدى كۇشەيتىپ، جۇمىسشى ۇيىمىنىڭ رەفورما جاساۋدى، جاڭالىق اشۋدى تەرەڭدەتۋىن ىلگەرىلەتۋى كەرەك. جاڭا كەزەكتى جۇمىسشى ۇيىمى باسشىلىق القاسى پارتيا ىستەرىنە ادال بولۋدى، جۇمىسشىلارعا شىن پەيىلىمەن قىزمەت وتەۋدى مىندەت ەتىپ، شينجياڭ جۇمىسشىلار قوزعالىسى ىستەرىنىڭ جانە جۇمىسشى ۇيىمى قىزمەتىنىڭ جاڭا جاعدايىن اشۋى كەرەك.
شۇي ليۋپيڭ جۇڭحۋا مەملەكەتتىك باس جۇمىسشى ۇيىمى اتىنان قۇرىلتايدىڭ اشىلعاندىعىن قىزۋ قۇتتىقتادى ءارى تاياۋ جىلداردان بەرگى شينجياڭ جۇمىسشى ۇيىمى قىزمەتىن تولىق تۇراقتاندىردى. ول بىلاي دەپ اتاپ كورسەتتى: شينجياڭ ۇيعۇر اۆتونوميالى رايوندىق پارتكوم باس شۋجي شي جينپيڭنىڭ ماڭىزدى نۇسقاۋلارىنىڭ، بەكتىۋلەرىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جۇمىسشى ۇيىمى قىزمەتىنە بولعان باسشىلىقتى ۇزدىكسىز كۇشەيتتى جانە جاقسارتتى. اۆتونوميالى رايوندىق حالىق قۇرىلتايى، ۇكىمەت، ساياسي كەڭەس جانە بيڭتۋان مەن قوعامنىڭ ءار سالاسى باستان - اياق جۇمىسشى ۇيىمى قىزمەتىنە كوڭىل ءبولىپ، زور قولداۋ كورسەتىپ كەلەدى. بۇكىل شينجياڭداعى ءار دارەجەلى جۇمىسشى ۇيىمى باس شۋجي شي جينپيڭنىڭ جۇمىسشى تابى جانە جۇمىسشى ۇيىمى قىزمەتى جونىندەگى ماڭىزدى بايىمداۋلارىن مۇقيات دايەكتىلەندىرىپ، تياناقتاندىرىپ، نازاردى شينجياڭ قىزمەتىنىڭ باس نىساناسىنا شوعىرلاندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋدى ارقاۋ ەتىپ، ءتۇرلى قىزمەتتە بەلسەندى ىلگەرىلەۋشىلىككە جانە كورنەكتى ونىمدىلىككە قول جەتكىزدى. پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇرەكتەردى توعىستىرىپ، رۋحتى سومداۋعا بۇلجىماي تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋ كەرەك. جۇمىسشى ۇيىمىنىڭ ساياسي جاۋاپكەرشىلىگىن مۇقيات اتقارىپ، جاڭا داۋىردەگى پارتيانىڭ جاسامپاز نازارياسىن كاسىپورىنعا كىرگىزۋدى، سەحقا كىرگىزۋدى، ءبان - گرۋپپاعا كىرگىزۋدى ىلگەرىلەتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، قالىڭ جۇمىسشى - قىزمەتكەرلەردى بۇلجىماستان پارتيانىڭ سوزىنە قۇلاق اسۋعا، پارتياعا ىلەسۋگە ىنتىماقتاستىرۋ، جەتەكشىلىك ەتۋ كەرەك. قالىڭ جۇمىسشى - قىزمەتكەرلەردىڭ بەلسەندىلىگىن، ىرىقتىلىعىن، جاسامپازدىعىن تولىق قاۋلاتىپ، ەڭبەكشىلەردىڭ ۇقىق - مۇددەسىن قامتاماسىز ەتۋ ساياسات - شارالارىنىڭ تياناقتانۋىن، ناقتىلانۋىن ىلگەرىلەتىپ، قالىڭ جۇمىسشى - قىزمەتكەرلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن شىنايى كۇشەيتۋ كەرەك. جۇمىسشى ۇيىمى رەفورماسىن جانە قۇرىلىسىن تاباندىلىقپەن تەرەڭدەتىپ، جۇمىسشى ۇيىمى قىزمەتىنىڭ سيفرلانۋ دەڭگەيىن جاپپاي جوعارىلاتىپ، كۇش پەن بايلىقتى ونان ارى نەگىزگى ساتىعا قاراي بەيىمدەپ، جۇمىسشى ۇيىمىنىڭ باۋراۋ كۇشىن، ۇيىستىرۋ قۋاتىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە جاڭا اناعۇرلىم زور ۇلەس قوسۋ كەرەك.
اۆتونوميالى رايوندىق ايەلدەر بىرلەستىگىندەگى نەگىزگى جاۋاپتى جولداس اۆتونوميالى رايونداعى حالىقتىق ۇيىمدار اتىنان قۇتتىقتاۋ ءسوزىن سويلەدى.
قۇرىلتاي اۆتونوميالى رايوندىق باس جۇمىسشى ۇيىمى 12 - كەزەكتى كوميتەتىنىڭ قىزمەت بايانداماسىن تىڭدادى.
جاڭ جۋ، قادەن كابەن، قايسار ابدۇكەرىم، نۇرىم سىمايلقان، جاڭ ۋىنشىڭ قۇرىلتايعا قاتىناستى، مۇقيات جارمۇقامەت قۇرىلتايدى باسقاردى. جۇڭحۋا مەملەكەتتىك باس جۇمىسشى ۇيىمىنىڭ قاتىستى تاراۋلارىنداعى جاۋاپتى جولداستار، اۆتونوميالى رايوندىق جۇمىسشى ۇيىمى 13 - قۇرىلتايىنىڭ ۋاكىلدەرى، اۆتونوميالى رايوننىڭ ەڭبەك وزاتتارى جانە ۇستا - دارىندىلار ۋاكىلدەرى قاتارلىلار قۇرىلتايدىڭ اشىلۋ سالتىنا قاتىناستى.