جەرگىلىكتى ۋاقىت 8 - ايدىڭ 22 - كۇنى تۇستەن بۇرىن وڭتۇستىك افريكادا مەملەكەتتىك ساپاردا جۇرگەن مەملەكەت ءتوراعاسى شي جينپيڭ پرەتورياداعى زۇڭتۇڭ سارايىندا وڭتۇستىك افريكا زۇڭتۇڭى رامافوسامەن كەڭەس وتكىزدى. سول كۇنى تۇستە رامافوسا زۇڭتۇڭ سارايىندا شي جينپيڭگە ارناپ قارسى الۋ قوناعاسىن وتكىزدى. سۋرەتتە: قوناعاسىدان بۇرىن شي جينپيڭ رامافوسامەن قول الىسۋدا.

□ سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن

　　جەرگىلىكتى ۋاقىت 8 - ايدىڭ 22 - كۇنى تۇستەن بۇرىن وڭتۇستىك افريكادا مەملەكەتتىك ساپاردا جۇرگەن مەملەكەت ءتوراعاسى شي جينپيڭ پرەتورياداعى زۇڭتۇڭ سارايىندا وڭتۇستىك افريكا زۇڭتۇڭى رامافوسامەن كەڭەس وتكىزدى. كەڭەستەن كەيىن رامافوسا شي جينپيڭگە ”وڭتۇستىك افريكا وردەنىن“ بەردى، بۇل وڭتۇستىك افريكانىڭ ماڭىزدى دوس ەلدەردىڭ باسشىلارىنا بەرەتىن ەڭ جوعارى دارەجەلى وردەنى جانە ەڭ جوعارى مارتەبەسى.

□ سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

　　شينحۋا اگەنتتىگىنىڭ 8 - ايدىڭ 22 - كۇنى پرەتوريادان بەرگەن حابارى (تىلشىلەر ني سى - ي، لۋ شياڭميڭ). جەرگىلىكتى ۋاقىت 8 - ايدىڭ 22 - كۇنى تۇستەن بۇرىن وڭتۇستىك افريكادا مەملەكەتتىك ساپاردا جۇرگەن مەملەكەت ءتوراعاسى شي جينپيڭ پرەتورياداعى زۇڭتۇڭ سارايىندا وڭتۇستىك افريكا زۇڭتۇڭى رامافوسامەن كەڭەس وتكىزدى. ەكى ەل باسشىلارى جاڭا داۋىردەگى جۇڭگو − وڭتۇستىك افريكا قارىم - قاتىناسىنىڭ دامۋى، سونداي - اق ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە ىشكەرىلەي پىكىر اۋىستىرىپ، ماڭىزدى ورتاق تانىمعا كەلىپ، جۇڭگو مەن وڭتۇستىك افريكانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ بەلەسكە كوتەرىلۋىن قول ۇستاسا ىلگەرىلەتۋگە، جۇڭگو مەن وڭتۇستىك افريكانىڭ جوعارى دەڭگەيدەگى تاعدىرلاس ورتاق تۇلعاسىن قول ۇستاسا قۇرۋعا ءبىر اۋىزدان قوسىلدى.

　　8 - ايداعى پرەتوريادا كۇن شايداي اشىق، قوڭىر سامال ەسىپ تۇر. زۇڭتۇڭ سارايى الاڭىندا گۇلدەر شەشەك اتتى، جۇڭگو مەن وڭتۇستىك افريكا ەكى ەلدىڭ مەملەكەت تۋى جەلمەن جەلبىرەدى. زۇڭتۇڭ موتوتسيكل اترەتىنىڭ قورعاۋىندا شي جينپيڭ اۆتوكولىككە وتىرىپ زۇڭتۇڭ سارايىنا جەتتى، رامافوسا اۆتوكولىكتەن تۇسەتىن ورىندا قىزۋ قارسى الدى. ەكى ەل باسشىلارى سالتانات مىنبەرىنە شىقتى. قۇرمەت قاراۋىلى قارۋ ۇستاپ قۇرمەت كورسەتتى، اسكەري وركەستر جۇڭگو مەن وڭتۇستىك افريكا ەكى ەلدىڭ مەملەكەت ءانىن ورىندادى، سول ورىندا 21 رەت قۇرمەت ساليۋتى اتىلدى. شي جينپيڭ وڭتۇستىك افريكانىڭ قۇرمەت قاراۋىلىن كوزدەن كەشىردى. ەكى ەل باسشىلارى ەكى جاقتىڭ سەرىك بولعان قىزمەتكەرلەرىمەن ءبىر - بىردەن قول الىستى.

　　قارسى الۋ سالتىنان كەيىن ەكى ەل باسشىلارى كەڭەس وتكىزدى.

　　شي جينپيڭ بىلاي دەپ اتاپ كورسەتتى: بۇل مەنىڭ جۇڭگونىڭ مەملەكەت ءتوراعاسى سالاۋاتىمەن وڭتۇستىك افريكادا 4 - رەت ساپاردا بولۋىم. 10 جىلدان بەرى، مەن جۇڭگو مەن وڭتۇستىك افريكا قارىم - قاتىناسىنىڭ قارىشتاپ دامۋىن ءوز باسىمنان وتكەردىم. جۇڭگو مەن وڭتۇستىك افريكا قاتىناسىنىڭ جاقسى بولۋىنداعى، جۇڭگو مەن وڭتۇستىك افريكا دوستىعىنىڭ تەرەڭ بولۋىنداعى شەشۋشى ءتۇيىن ەكى ەلدىڭ، ەكى پارتيانىڭ ءوز دامۋ جولىندا قۋانىش - جۇبانىشتى بىرگە وتكەرىپ، تەرەڭ دوستىق ورناتقاندىعىندا. كەزەكتە جۇڭگو جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە، وڭتۇستىك افريكا ءوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە ىزدەنىس جاساۋدا. جۇڭگو جاق وڭتۇستىك افريكا جاقپەن بىرگە دوستىقتى جالعاستىرىپ، سەلبەستىكتى تەرەڭدەتىپ، ىستەستىكتى كۇشەيتىپ، جۇڭگو مەن وڭتۇستىك افريكانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ بەلەسكە كوتەرىلۋىن ىلگەرىلەتىپ، قول ۇستاسا وتىرىپ جۇڭگو مەن وڭتۇستىك افريكانىڭ جوعارى دەڭگەيدەگى تاعدىرلاس ورتاق تۇلعاسىن قۇرۋدى قالايدى.

　　شي جينپيڭ وسى جونىندە تومەندەگىدەي ۇسىنىس قويدى.

　　ءبىرىنشى، جۇڭگو مەن وڭتۇستىك افريكا ءوزارا وسكەلەڭ سەنىمدى ستراتەگيالىق سەرىكتەر بولۋى كەرەك. ”جولداس ءارى باۋىرلاس بولۋ“ − جۇڭگو مەن وڭتۇستىك افريكا قارىم - قاتىناسىنىڭ ەرەكشەلىگى. ەكى جاق ەكى ەلدىڭ زاڭ شىعارۋ ورگانى، ساياسي پارتيا، ارميا، جەرگىلىكتى ورىن سياقتى سالالارداعى اۋىس - كۇيىستى، سەلبەستىكتى كۇشەيتىپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ۇزدىكسىز ءوزارا قولداۋ كورسەتۋى كەرەك. جۇڭگو جاق وڭتۇستىك افريكامەن بىرگە پارتيالار ارالىق اۋىس - كۇيىس پەن باۋلۋ سەلبەستىگىن كۇشەيتىپ، وڭتۇستىك افريكا افريكالىقتار حالىقتىق كەڭەسىنىڭ افريكا باسشىلىق قابىلەتى شۋەيۋانىن قۇرۋىنا قولدان كەلەتىن كومەك كورسەتۋدى قالايدى.

　　ەكىنشى، جۇڭگو مەن وڭتۇستىك افريكا بىرگە العا باساتىن دامۋ سەرىكتەرى بولۋى كەرەك. ءوزارا تيىمدىلىك جەتكىزىپ، تەڭ يگىلىككە كەنەلۋ − جۇڭگو مەن وڭتۇستىك افريكا سەلبەستىگىنىڭ ايقىن ءتۇپ بوياۋى. ەكى جاق ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋدى، جۇڭگو − افريكا سەلبەستىك تالقى مىنبەرىنىڭ ”9 ءتۇرلى ينجەنەرياسىن“ جانە «جۇڭگو مەن وڭتۇستىك افريكانىڭ 10 جىلدىق سەلبەستىك ستراتەگيالىق جوباسىن» تياناقتاندىرۋدى نەگىزگى جەلى ەتىپ، باسىمدىققا يە سالالارداعى سەلبەستىكتى بەكەمدەپ، سەلبەستىكتىڭ جاڭا ارتۋ تۇيىندەرىن جەتىلدىرۋى كەرەك. جۇڭگو جاق وڭتۇستىك افريكانىڭ تاۋارلارىن يمپورت ەتۋ كولەمىن كەڭەيتىپ، ءتىپتى دە كوپ جۇڭگو كاسىپورىندارىن وڭتۇستىك افريكاعا كەلىپ قارجى قوسىپ، شارۋاشىلىعىن كوركەيتۋگە ىنتالاندىرادى. كەدەيلىكتى ازايتۋ، اۋىل شارۋاشىلىعىنا تيىمدىلىك جاساۋ مەن اۋىل - قىستاقتى گۇلدەندىرۋ − جۇڭگو ۇلگىسىندەگى وسىزامانداندىرۋدىڭ ماڭىزدى مازمۇنى، جۇڭگو جاق وڭتۇستىك افريكامەن تاجىريبە اۋىس - كۇيىسىن كۇشەيتىپ، وڭتۇستىك افريكانىڭ كەدەيلىكتى ازايتۋدان ۇلگى كورسەتەتىن قىستاق نىسانىن اتقارۋىنا كومەك كورسەتۋدى قالايدى.

　　ءۇشىنشى، جۇڭگو مەن وڭتۇستىك افريكا ءوزارا تۇسىنىسەتىن، ءوزارا جاقىن دوس سەرىكتەر بولۋى كەرەك. حالىق تىلەگىنىڭ توعىسۋى − ەكى ەل دوستىعىنىڭ جاندى بەينەلەنۋى. جۇڭگو جاق جۇڭگو − وڭتۇستىك افريكا كاسىپتىك وقۋ - اعارتۋ بىرلەستىگى، ”بولاشاقتاعى افريكا − جۇڭگو − افريكا كاسىپتىك وقۋ - اعارتۋ سەلبەستىك جوسپارى“ سياقتى مەحانيزمدەردەن ويداعىداي پايدالانىپ، ەكى ەلدىڭ كاسىپتىك وقۋ - اعارتۋىن كۇشەيتىپ، جاستاردىڭ جۇمىسقا ورنالاسۋى جاقتارىنداعى اۋىس - كۇيىستى، سەلبەستىكتى ىلگەرىلەتىپ، وڭتۇستىك افريكانىڭ ەكونوميكالىق، قوعامدىق دامۋعا شۇعىل قاجەتتى ءتىپتى دە كوپ، ءتۇرلى دارىندىلاردى تاربيەلەۋىنە كۇش قوسۋدى قالايدى. ەكى جاق ساياحات سەلبەستىگىن كۇشەيتىپ، عىلمي زەرتتەۋ قۇرىلىمدارىنىڭ جانە كاسىپورىنداردىڭ تەحنيكالىق سەلبەستىكتى جانە بىرلەسىپ زەرتتەۋ جۇرگىزۋىن كۇشەيتۋدى قولداپ، سەلبەستىك جەتىستىكتەرىنەن ەكى ەل حالقىن ءتىپتى دە كوپ يگىلىككە كەنەلدىرۋى كەرەك.

　　ءتورتىنشى، جۇڭگو مەن وڭتۇستىك افريكا ادىلەتتى قورعاۋداعى الەمدىك سەرىكتەر بولۋى كەرەك. دەربەس، ءوز - وزىنە قوجايىن بولۋ − ءبىزدىڭ ورتاق بەرىك ساقتايتىن پرينسيبىمىز. جۇڭگو جاق وڭتۇستىك افريكانىڭ حالىقارالىق جانە وڭىرلىك ىستەردە ءتىپتى دە زور رولىن ساۋلەلەندىرۋىن قولدايدى، وڭتۇستىك افريكا قاتارلى وركەندەپ كەلە جاتقان ەلدەرمەن بىرگە الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرىپ، شىن مانىندەگى كوپ جاقتىلىقتى امالياتتا ايگىلەپ، ”الەمدىك وڭتۇستىك“ ەلدەرىنىڭ الەمدىك باسقارۋداعى ۋاكىلدىك سيپاتى مەن ءسوز سويلەۋ ۇقىعى دەڭگەيىن جوعارىلاتىپ، كليمات وزگەرىسى، استىق حاۋىپسىزدىگى، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبى سياقتى ماسەلەلەردەگى ىستەستىگىن كۇشەيتىپ، وركەندەپ كەلە جاتقان ەلدەردىڭ ورتاق مۇددەسى مەن دامۋ كەڭىستىگىن قورعاۋدى قالايدى.

　　شي جينپيڭ بىلاي دەپ اتاپ كورسەتتى: سوڭعى جىلدارى بريكس ەلدەرى اشىق، سيىسىمدى بولۋ، سەلبەسىپ تەڭ يگىلىككە كەنەلۋ سىندى بريكس رۋحىن ۇستانىپ، تۇرلىشە ءتۇزىم، تۇرلىشە مادەنيەت، تۇرلىشە وڭىردەگى ەلدەردىڭ قول ۇستاسا دامۋىنىڭ تاماشا حيكاياسىن جازدى، بۇل تۇستىك ەلدەر سەلبەستىگىنىڭ التىن ماڭدايشالىعىنا اينالدى. وڭتۇستىك افريكا بريكس ەلدەرى باسشىلارىنىڭ وسى رەتكى ديدارلاسۋىنا دەن قويا دايىندىق جاسادى، مەن مۇنى ايرىقشا القايمىن. مەن بريكس ەلدەرىنىڭ باسشىلارىمەن بىرگە جاڭا داۋىردەگى بريكستىڭ ىنتىماقتاسا دامۋ ۇلى جوسپارىن بىرگە اقىلداسىپ، ديدارلاسۋدىڭ سۇبەلى تابىستارعا قول جەتكىزۋىن ىلگەرىلەتىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتۋدى ءۇمىت ەتەمىن.

　　شي جينپيڭ بىلاي دەپ باسا دارىپتەدى: جۇڭگو مەن افريكا − ەجەلدەن تاعدىرلاس ورتاق تۇلعا. وزگەرىس پەن بىلىقپالىق ارالاسقان دۇنيە ءجۇزى الدىندا جۇڭگو مەن افريكا ەكى جاق ىنتىماقتى، سەلبەستىكتى كۇشەيتۋگە بۇرىنعى ءارقانداي كەزدەگىدەن دە مۇقتاج. جۇڭگو جاق افريكا ەلدەرىنىڭ بىرلەسىپ ءوزىن الۋەتتەندىرۋىن باتىل قولدايدى، افريكا وداعىنىڭ 20 ەل توبىنا كىرۋىن باتىل قولدايدى، افريكانىڭ ونەركاسىپتەنۋ مەن اۋىل شارۋاشىلىعىن وسىزامانداندىرۋ اياق الىسىن ىلگەرىلەتۋىن باتىل قولدايدى. مەن سىزبەن بىرگە جۇڭگو − افريكا باسشىلارىنىڭ كەڭەسىن باسقارىپ، كەڭەسكە قاتىناسقان افريكا ەلدەرىنىڭ باسقا دا باسشىلارىمەن بىرگە جۇڭگو − افريكا ىنتىماعىنىڭ، سەلبەستىگىنىڭ جاڭا جوباسىن كەسكىندەپ، جوعارى دەڭگەيدەگى جۇڭگو − افريكا تاعدىرلاس ورتاق تۇلعاسىن قۇرۋدى ىلگەرىلەتۋدى ءۇمىت ەتەمىن.

　　رامافوسا مىنالاردى ءبىلدىردى: ءتوراعا شي جينپيڭنىڭ وڭتۇستىك افريكادا 4 - رەت مەملەكەتتىك ساپاردا بولۋىن قارسى العانىمدى ەرەكشە داڭق سانايمىن. جۇڭگو وڭتۇستىك افريكانىڭ ۇلتتىڭ تاۋەلسىزدىگىنە، ازاتتىعىنا قول جەتكىزۋى، مەملەكەتتىڭ دامۋىن جۇزەگە اسىرۋى بارىسىندا وڭتۇستىك افريكاعا قىمباتتى قولداۋ كورسەتتى، جاڭا تيپتى ايدارشا ۆيرۋس ىندەتى سياقتى قيىن - قىستاۋ ساتتەردە قارايلاستى، جۇڭگو وڭتۇستىك افريكانىڭ شىنايى باۋىرلاسى، دوسى جانە سەرىگى. وڭتۇستىك افريكا مەن جۇڭگو ەكى ەل دە ءوز ەلدەرىنىڭ دامۋىنا، گۇلدەنۋىنە ۇمتىلادى، كوپتەگەن كەلەلى حالىقارالىق ىستەردە ۇقساس نەمەسە قارايلاس تۇرعىسى بار. ديپلوماتيالىق قارىم - قاتىناس ورناتقان 25 جىلدان بەرى وڭتۇستىك افريكا ءبىر جۇڭگو پرينسيبىنە تاباندى بولدى، ەكى جاقتىڭ قارىم - قاتىناسى قارىشتاپ دامىپ، ءار جىكتەگىلەردىڭ بارىس - كەلىسى جيىلەپ، ءار سالاداعى سەلبەستىكتە سۇبەلى تابىستارعا قول جەتكىزدى. جۇڭگونىڭ قارجى قوسۋى مەن سەلبەستىگى وڭتۇستىك افريكانىڭ ەكونوميكالىق، قوعامدىق دامۋىن پارمەندى جەبەدى، افريكا ەلدەرى مەن الەمدىك وڭتۇستىك ەلدەردىڭ دامۋىن، گۇلدەنۋىن جەبەۋدە دە ەرەكشە ماڭىزدى رول اتقاردى. وڭتۇستىك افريكا جۇڭگو كوممۋنيستىك پارتياسىنىڭ جۇڭگو حالقىن باستاپ وراسان زور دامۋ تابىستارىنا قول جەتكىزگەندىگىن جوعارى باعالايدى، جۇڭگو جاقپەن پارتيالار ارا بارىس - كەلىستى جيىلەتىپ، پارتيا باسقارۋ، ەل باسقارۋ تاجىريبەلەرىن اۋىستىرۋدى تەرەڭدەتىپ، جۇڭگوشا كەدەيلىكتى ازايتۋدى تۇيىندە سىناق ەتۋ سەلبەستىگىن ورىستەتىپ، ساۋدا، قارجى قوسۋ، ەنەرگيا، نەگىزدىك قۇرىلعى قۇرىلىسى، جاساۋ كاسىبى، عىلىم - تەحنيكا سياقتى سالالارداعى سەلبەستىكتى كەڭەيتۋدى قالايدى، اناعۇرلىم كوپ جۇڭگو كاسىپورىندارىنىڭ وڭتۇستىك افريكاعا كەلىپ قارجى قوسىپ، شارۋاشىلىقتى گۇلدەندىرۋىن قارسى الادى.

　　رامافوسا مىنالاردى ءبىلدىردى: بۇگىنگى دۇنيە ءجۇزى وڭىرلىك ساياسي، ەنەرگيا داعدارىسى سياقتى اۋىر دا كۇردەلى سىن - سايىستارعا ءدوپ كەلىپ وتىر. مەن ءتوراعا شي جينپيڭ العا قويعان سەلبەسىپ تەڭ يگىلىككە كەنەلۋ قۋاتتاماسىن تولىق قۇپتايمىن. وڭتۇستىك افريكا مەن باسقا دا الەمدىك وڭتۇستىك ەلدەردىڭ ءبارى جۇڭگومەن ىنتىماقتى، سەلبەستىكتى كۇشەيتىپ، سىن - سايىستارعا اناعۇرلىم ويداعىداي بىرگە توتەپ بەرىپ، اناعۇرلىم تەڭ، ءادىل، ۇيلەسىمدى حالىقارالىق ءتارتىپ ورناتۋدى ىلگەرىلەتۋدى ءۇمىت ەتەدى. جۇڭگو جاقتىڭ وڭتۇستىك افريكانىڭ بريكس ەلدەرى باسشىلارىنىڭ ديدارلاسۋىن تابىستى وتكىزۋىن قولداعاندىعىنا العىس ايتامىن. وڭتۇستىك افريكا جاق بريكس ەلدەرىمەن بىرگە كوپ جاقتىلىقتى باتىل قورعاپ، الەمدىك باسقارۋ جۇيەسى رەفورماسىن ىلگەرىلەتىپ، قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى. مەن ءتوراعا شي جينپيڭمەن بىرگە جۇڭگو − افريكا باسشىلارىنىڭ كەڭەسىن باسقارىپ، افريكا − جۇڭگو قارىم - قاتىناسىنىڭ اناعۇرلىم جوعارى دەڭگەيدە دامۋىن ىلگەرىلەتۋدى ءۇمىت ەتەمىن.

　　ەكى ەل باسشىلارى جۇڭگو مەن وڭتۇستىك افريكانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ جاڭا داۋىردە اناعۇرلىم زور دامۋىن ىلگەرىلەتىپ، الەمدىك وڭتۇستىك ەلدەرىنىڭ الەمدىك باسقارۋداعى ۋاكىلدىك سيپاتى مەن ءسوز سويلەۋ ۇقىعى دەڭگەيىن جوعارىلاتۋدى ىلگەرىلەتىپ، بريكس ەلدەرىنىڭ ىنتىماعىن، سەلبەستىگىن تەرەڭدەتىپ، جۇڭگو مەن افريكانىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋگە تىڭ دا پارمەندى قوزعاۋشى كۇش قوسۋعا ءبىر اۋىزدان قوسىلدى.

　　كەڭەستەن كەيىن، رامافوسا شي جينپيڭگە ”وڭتۇستىك افريكا وردەنىن“ بەردى، بۇل وڭتۇستىك افريكانىڭ ماڭىزدى دوس ەلدەردىڭ باسشىلارىنا بەرەتىن ەڭ جوعارى دارەجەلى وردەنى جانە ەڭ جوعارى مارتەبەسى.

　　ەكى ەل باسشىلارى ەكى ەلدىڭ ”ءبىر بەلدەۋ، ءبىر جولدى“ بىرگە قۇرۋ، جاڭا ەنەرگيا، ەلەكتر قۋاتى، اۋىل شارۋاشىلىق ونىمدەرى، ەكونوميكالىق ەرەكشە رايون جانە ونەركاسىپ باقشا رايونى، كوك ەكونوميكا، عىلىم - تەحنيكادا جاڭالىق اشۋ، جوعارى دارەجەلى وقۋ - اعارتۋ سياقتى سالالارداعى كوپ ءتۇرلى ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.

　　ەكى جاق «جۇڭحۋا حالىق رەسپۋبليكاسى مەن وڭتۇستىك افريكا رەسپۋبليكاسىنىڭ بىرلەسكەن مالىمدەمەسىن» جاريالادى.

　　سول كۇنى تۇستە رامافوسا زۇڭتۇڭ سارايىندا شي جينپيڭگە ارناپ قارسى الۋ قوناعاسىن وتكىزدى.

　　ساي چي، ۋاڭ ي قاتارلىلار جوعارىداعى قيمىلدارعا قاتىناستى.

جالعانىم