شينحۋا اگەنتتىگىنىڭ 8 - ايدىڭ 27 - كۇنى بەيجيڭنەن بەرگەن حابارى. پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، ورتالىقتىڭ دارىندىلار قىزمەتى ءماجىلىسىنىڭ ورنالاستىرۋىن تياناقتاندىرىپ، جاس عىلىم - تەحنيكا دارىندىلارىن جان - جاقتى باۋلۋ جانە ويداعىداي ىستەتۋ ءۇشىن، جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى تاياۋدا «جاس عىلىم - تەحنيكا دارىندىلارىن باۋلۋدى جانە ىستەتۋدى اناعۇرلىم كۇشەيتۋ جونىندەگى ءبىرقانشا شارانى» باسىپ تاراتتى (تومەندە قىسقارتىلىپ «ءبىرقانشا شارا» دەلىنەدى).
«ءبىرقانشا شارادا» مىنالار باسا دارىپتەلدى: پارتيانىڭ جاڭا داۋىردەگى جاس عىلىم - تەحنيكا دارىندىلارى قىزمەتىنە جاپپاي باسشىلىعىنا تاباندى بولىپ، پارتيانىڭ اۋەلگى ماقساتى، بورىشى ارقىلى جاس عىلىم - تەحنيكا دارىندىلارىن جىگەرلەندىرىپ، جاس عىلىم - تەحنيكا دارىندىلارىن عالىم رۋحىن بار كۇشپەن اسقاقتاتۋعا شابىتتاندىرىپ، باستاپ، ”ەكى بومبى، ءبىر جاساندى سەرىك“ رۋحىن جالعاستىرىپ، اعا بۋىن عالىمداردىڭ عىلىم - تەحنيكا ارقىلى وتان ءۇمىتىن اقتاعان تاڭداۋلى قاسيەتىن جالعاستىرىپ جانە اسقاقتاتىپ، ”ءتورتتى بەتكە الۋعا“ تاباندى بولىپ، باتىلدىقپەن ەلدەن وزاتىن جاڭالىق اشۋ سەنىمىن بەكەمدەپ، عىلمي زەرتتەۋ ادالدىعىن، عىلىم - تەحنيكا ءمورال ولشەمىن، ءىلمي ولشەمدى باتىل ساقتاپ، جاۋاپكەرشىلىك ارقالاپ ىسكەرلىك كورسەتىپ، شىندىققا جۇگىنىپ جاڭالىق اشىپ، زەر سالا زەرتتەپ، جوعارى دەڭگەيدەگى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جانە عىلىم - تەحنيكادا قۋاتتى ەل قۇرۋدى، دارىندىلار جاعىندا قۋاتتى ەل قۇرۋدى جۇزەگە اسىرۋ امالياتى بارىسىندا ەڭبەك ءسىڭىرىپ، كاسىپتى كوركەيتىپ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ بارىسىندا جاستىق ورالى مەن اقىل - پاراساتىن ارناۋ كەرەك.
«ءبىرقانشا شارادا» مىنالار ورتاعا قويىلدى: جاس عىلىم - تەحنيكا دارىندىلارىن جوعارى ساپالى دامۋعا قىزمەت ەتۋگە باستاۋ، قولداۋ كورسەتۋ كەرەك. جاس عىلىم - تەحنيكا دارىندىلارىن ەكونوميكالىق، قوعامدىق دامۋ امالياتىنا ىشكەرىلەي ارالاسىپ، ءىس جۇزىندىك قاجەتپەن بىرلەستىرە وتىرىپ عىلمي ماسەلەلەردى جيناقتاپ، ءتول جاسامپازدىق جاراتۋ، تەحنيكالىق قامال الۋ، جەتىستىكتەردى كادەگە جاراتۋدى ورىستەتىپ، ەڭبەگىن وتاننىڭ بايتاق دالاسىنا جازۋعا شابىتتاندىرۋ كەرەك. ءىسورىندارىنداعى عىلمي زەرتتەۋ قىزمەتكەرلەرىنىڭ جاڭالىق اشۋى، شارۋاشىلىق قۇرۋى سياقتى قاتىستى ساياساتتاردى تياناقتاندىرىپ، جوعارى دارەجەلى مەكتەپتەر، عىلمي زەرتتەۋ قۇرىلىمدارى سياقتىلاردىڭ عىلمي زەرتتەۋ قابىلەتى كۇشتى، جاڭالىق اشۋ جەتىستىگىنە يە جاس عىلىم - تەحنيكا دارىندىلارىن تاڭداپ جىبەرىپ، ولاردىڭ قوسىمشا قىزمەت ىستەي وتىرىپ جاڭالىق اشۋ، ۇزاق ۋاقىت جىبەرۋ، قىسقا مەرزىمدىك سەلبەستىك جاساۋ سياقتى تاسىلدەر ارقىلى نەگىزگى ساتىعا جانە كاسىپورىندارعا بارىپ عىلىم - تەحنيكادان كەڭەس بەرۋ، ءونىم اشۋ، جەتىستىكتەردى كادەگە جاراتۋ، عىلىم جالپىلاستىرۋ سياقتى قىزمەت وتەۋلەردى جۇرگىزۋىنە قولداۋ كورسەتىپ جانە شابىتتاندىرىپ، قىزمەت وتەۋ ونىمدىلىگىن كاسىپتىك اتاق باعالاۋ، قىزمەت مىندەتىن ءوسىرۋ سياقتىلاردىڭ ماڭىزدى دايەگى ەتۋ كەرەك.
«ءبىرقانشا شارادا» مىنالار ايقىندالدى: جاس عىلىم - تەحنيكا دارىندىلارىنىڭ مەملەكەتتىڭ كەلەلى عىلىم - تەحنيكالىق مىندەتتەرىندە ”اۋىر جۇك ارقالاۋىن“، ”باس رولعا شىعۋىن“ قولداۋ كەرەك. مەملەكەتتىڭ كەلەلى عىلىم - تەحنيكا مىندەتتەرىندە، شەشۋشى، وزەكتى تەحنيكالاردان قامال الۋدا جانە شۇعىل جاعدايعا توتەپ بەرۋ بويىنشا عىلىم - تەحنيكادان قامال الۋدا جاس عىلىم - تەحنيكا دارىندىلارىن باتىلدىقپەن ىستەتۋ، 40 جاستان تومەن جاس عىلىم - تەحنيكا دارىندىلارىنىڭ نىسان (تاقىرىپ) جاۋاپتىسى جانە تىرەكتىسى بولۋ سالىستىرماسى پرينسيپتىك جاقتان ％50تەن تومەن بولماۋ كەرەك. جاس عىلىم - تەحنيكا دارىندىلارىن ءپان اتتاپ، سالا اتتاپ ۇجىم قۇرىپ، تۇبەگەيلى وزگەرىس اكەلەتىن تەحنيكالىق جاڭالىق اشۋ مىندەتتەرىن ارقالاۋعا شابىتتاندىرۋ، ونى ءوتىنىش ەتكەن جانە مىندەتىنە العان مەملەكەتتىك عىلىم - تەحنيكا جوسپارى نىسانىنىڭ شەكتەۋلى ساناق كولەمىنە ەنگىزبەۋ كەرەك. مەملەكەتتىك جاراتىلىستىق عىلىم قورىنىڭ جاس عىلىم - تەحنيكا دارىندىلارىنا باعىتتالعان قارجىلاي كومەك بەرۋ كولەمىن ورنىقتى جوعارىلاتىپ، قارجىلاي كومەك بەرىلەتىن نىساندار سانىنىڭ يەلەيتىن سالىستىرماسىن ％45تەن تۇسىرمەي ساقتاپ، جاس عىلىم - تەحنيكا دارىندىلارىنىڭ ءتول جاسامپازدىق سيپاتتى، الدىڭعى لەكتە تۇراتىن، ايقاسپالى عىلىم ماسەلەلەرىن زەرتتەۋىن قولداۋ كەرەك. جەرگىلىكتى ورىندار عىلىم - تەحنيكا مىندەتىن اتقارۋدا جاس عىلىم - تەحنيكا دارىندىلارىن قولداۋ تەبىنىن كۇشەيتۋ كەرەك. مەملەكەتتىڭ ءتۇيىندى زەرتتەۋ - اشۋ جوسپارى جاس عالىمدار نىسانىن ىشكەرىلەي اتقارىپ، جاۋاپتى ادام بولۋعا مالىمدەلۋ جاس شاماسىن 40 جاسقا كەڭەيتىپ، كاسىپتىك اتاق، وقۋ ماعلۇماتى جاعىندا شەكتەمە قويماۋ كەرەك، ۇزدىكسىز قولداۋ مەحانيزمىن اتقارۋعا ىزدەنىس جاساپ، قارجى ىستەتۋدە كوتەرمەگە الىپ ىستەۋ ءتۇزىمىن اتقارۋعا بولادى.
«ءبىرقانشا شارادا» مىنالار تالاپ ەتىلدى: مەملەكەتتىك عىلىم - تەحنيكادان جاڭالىق اشۋ بازاسى جاس عىلىم - تەحنيكا دارىندىلارىن بار كۇشپەن باۋلۋى، ىستەتۋى كەرەك. مەملەكەتتىك عىلىم - تەحنيكادان جاڭالىق اشۋ بازاسى عىلمي زەرتتەۋ نىسانى جاۋاپتىلارىن جانە عىلمي زەرتتەۋ تىرەكتىلەرى قوسىنىن جاستاندىرۋدى بەلسەنە ىلگەرىلەتىپ، ماڭىزدى عىلمي زەرتتەۋ قىزمەت ورىندارىندا اناعۇرلىم كوپ جاس عىلىم - تەحنيكا دارىندىلارىنىڭ مىندەت اتقارۋىن ىلگەرىلەتۋ كەرەك. ءتۇرلى مەملەكەتتىك عىلىم - تەحنيكادان جاڭالىق اشۋ بازالارىن جاس عىلىم - تەحنيكا دارىندىلارىنا مەڭزەس عىلمي زەرتتەۋ نىساندارىن دەربەس بەلگىلەۋگە شابىتتاندىرۋ، 40 جاستان تومەن جاس عىلىم - تەحنيكا دارىندىلارىنىڭ باستاماشىلدىقپەن ارقالاعان سالىستىرماسى پرينسيپتىك جاقتان ％60تەن تومەن بولماۋ كەرەك. جاس عىلىم - تەحنيكا دارىندىلارىنىڭ قۇرىلىم سالىستىرماسى، باستاماشىلدىقپەن ارقالاعان عىلمي زەرتتەۋ مىندەتى، قول جەتكىزگەن كەلەلى ءتول جاسامپازدىق جەتىستىگى سياقتى باۋلۋ، ىستەتۋ جاعدايىن مەملەكەتتىك عىلىم - تەحنيكادان جاڭالىق اشۋ بازاسىنىڭ ناتيجەسىن باعالاۋ كورسەتكىشىنە ەنگىزىپ، ناتيجە باعالاۋ جەتىستىگىن قولدانۋدى كۇشەيتۋ كەرەك.
«ءبىرقانشا شارادا» مىنالار ورتاعا قويىلدى: نەگىزدىك عىلمي زەرتتەۋ جۇمىستارى قاراجاتىمەن كاسىپتىڭ العاشقى كەزىندەگى جاس عىلىم - تەحنيكا دارىندىلارىن ورنىقتى قولداۋ تەبىنىن كۇشەيتۋ كەرەك. ءىس جۇزىندىك قاجەتىنە، پايدالانۋ ونىمدىلىگىنە، قازىنا جاعدايىنا قاراي، ورتالىقتاعى جوعارى مەكتەپتەردىڭ، الەۋمەتتىك يگىلىك سيپاتتى عىلمي زەرتتەۋ ينستيتۋتتارى - ورىندارىنىڭ نەگىزدىك عىلمي زەرتتەۋ جۇمىستارى قاراجاتىنىڭ جاس عىلىم - تەحنيكا دارىندىلارىنا قارجىلاي قولداۋ كورسەتۋ كولەمىن بىرتىندەپ كەڭەيتىپ، ناتيجە باعالاۋ جەتىستىگەن نەگىزگى دايەك ەتكەن يكەمدى ءبولىس مەحانيزمىن كەمەلدەندىرۋ جانە تياناقتاندىرۋ كەرەك. نەگىزدىك عىلمي زەرتتەۋ جۇمىستارى قاراجاتى 35 جاستان تومەن جاس عىلىم - تەحنيكا دارىندىلارىنىڭ ءوز كۇشىنە سۇيەنىپ زەرتتەۋ جۇرگىزۋىن قولداۋعا ءتۇيىندى تۇردە پايدالانىلادى، شارت - جاعداي ازىرلەگەن ورىندار قولداۋ سالىستىرماسىن جىلدىق مەجە ەسەپتىڭ ％50ىنەن تومەن بولماۋعا بىرتىندەپ جوعارىلاتىپ، جاس عىلىم - تەحنيكا دارىندىلارىن نازاردى مەملەكەتتىڭ ستراتەگيالىق قاجەتىنە شوعىرلاندىرىپ، الدىڭعى لەكتىك عىلىم ماسەلەلەرىن زەرتتەۋدى ورىستەتۋگە باستاۋى كەرەك. جەر - جەردى نەگىزدىك عىلمي زەرتتەۋ جۇمىستارى قاراجاتى سياقتى ءتۇرلى تاسىلدەر ارقىلى قاراجات ۇسىنىلىمىن ارتتىرۋعا شابىتتاندىرىپ، جوعارى دارەجەلى مەكتەپتەردەگى، عىلمي زەرتتەۋ ينستيتۋتتارى - ورىندارى كاسىپتىڭ العاشقى كەزىندەگى جاس عىلىم - تەحنيكا دارىندىلارىنا قولداۋ كورسەتۋدى كۇشەيتۋ كەرەك.
«ءبىرقانشا شارادا» مىنالار ورتاعا قويىلدى: جاراتىلىستىق عىلىم سالاسىنداعى پوسدوكتورلاردى باۋلۋ مەحانيزمىن كەمەلدەندىرۋ كەرەك. پوسدوكتورلاردى باۋلۋ ساپاسىن جوعارىلاتىپ، نەگىزدىك الدىڭعى لەكتىك جانە ايقاسپالى عىلىم سالاسىنداعى پوسدوكتورلار عىلمي زەرتتەۋ جىلجىمالى پۋنكتى مەن قىزمەت پۋنكتىنىڭ سانىن ۇيلەسىمدى بەلگىلەپ، جاراتىلىستىق عىلىم، ينجەنەريالىق تەحنيكا سالاسىنداعى پوسدوكتورلاردىڭ كولەمىن ۇيلەسىمدى كەڭەيتۋ كەرەك. مەملەكەتتىك عىلىم - تەحنيكا جوسپارىنىڭ نىسان قاراجاتى بولعان ”ەڭبەك اقىنى“ پوسدوكتورلاردىڭ نىسان زەرتتەۋگە قاتىناسقان ناقتى جاعدايىنا قاراي ءبولىپ، پوسدوكتورلاردى باۋلۋعا ءبىر تۇتاس پايدالانۋ كەرەك. پوسدوكتورلاردى پۋنكتتە باسقارۋدى كۇشەيتىپ، پۋنكت قۇرعان ورىندار جانە سەلبەسكەن ۇستازدارى پوسدوكتورلاردىڭ عىلمي زەرتتەۋ مىندەتىن دەربەس ۇستىنە الىپ ىستەۋىنە شارت - جاعداي جاراتىپ قولداۋ كورسەتىپ، پوسدوكتورلاردىڭ دەربەس عىلمي زەرتتەۋمەن شۇعىلدانۋ قابىلەتىن باۋلۋ جانە جوعارىلاتۋ كەرەك. شارتقا ۇيلەسەتىن كاسىپورىنداردىڭ پوسدوكتورلار قىزمەت پۋنكتىن قۇرۋىن قولداپ، سانى مەن كولەمىن كەڭەيتىپ، كاسىپ سالاسىنىڭ، وقىتۋدىڭ، زەرتتەۋدىڭ توعىسۋىن كۇشەيتىپ، كاسىپ سالاسى تەحنيكاسىندا جاڭالىق اشۋ امالياتىندا جاس عىلىم - تەحنيكا دارىندىلارىن باۋلۋ كەرەك.
«ءبىرقانشا شارادا» مىنالار ورتاعا قويىلدى: جاس عىلىم - تەحنيكا دارىندىلارىنىڭ شەشىم جاساۋعا كەڭەس بەرۋ رولىن اناعۇرلىم ويداعىداي ساۋلەلەندىرۋ كەرەك. جوعارى دارەجەلى مەكتەپ، عىلمي زەرتتەۋ ينستيتۋتتارى - ورىندارى، كاسىپورىن سياقتى ءتۇرلى جاڭالىق اشۋ نەگىزگى تۇلعالارى عىلمي زەرتتەۋدىڭ الدىڭعى شەبىندەگى تەبىندى، جاۋاپكەرشىلىك سەزىمى كۇشتى، سەنىمدى جوعارى دەڭگەيدەگى جاس عىلىم - تەحنيكا دارىندىلارىن مەملەكەتتىك عىلىم - تەحنيكا باعالاۋ - تەكسەرۋ ماماندار قامباسىنا كىرۋگە بەلسەنە كورسەتۋ كەرەك. مەملەكەتتىك عىلىم - تەحنيكا جوسپارى (ارنايى نىسان، قور سياقتى) نىسانى باعدارناماسىن قۇراستىراتىن ماماندار گرۋپپاسىنداعى، عىلىم - تەحنيكا جوسپارى نىسانى، دارىندىلار جوسپارى، عىلىم - تەحنيكا سيلىعى سياقتىلار بويىنشا باعالاۋ - تەكسەرۋ ماماندار گرۋپپاسىنداعى، عىلمي زەرتتەۋ قۇرىلىمدارى، عىلىم - تەحنيكادان جاڭالىق اشۋ بازاسى سياقتى ناتيجە باعالاۋ ماماندار گرۋپپاسىنداعى 45 جاستان تومەن جاس عىلىم - تەحنيكا دارىندىلارىنىڭ يەلەيتىن سالىستىرماسى پرينسيپتىك جاقتان ۇشتەن بىرىنەن تومەن بولماۋى كەرەك. جوعارى دەڭگەيدەگى عىلىم - تەحنيكا ستراتەگيالىق كەڭەس بەرۋ مەحانيزمى، ءار دارەجەلى، ءار تۇردەگى عىلمي قوعام ۇيىمدارى قاجەتىنە قاراي جاستار كاسىپتىك كوميتەتىن قۇرىپ، القالار كەڭەسى، ماماندار كوميتەتى سياقتىلاردىڭ كاسىپتىك اتاق، جاس شاماسى جاعىنداعى شەكتەمەلەرىن تالقانداۋدى ىلگەرىلەتىپ، جاس عىلىم - تەحنيكا دارىندىلارىنىڭ عىلمي قوعام ۇيىمدارىن باسقارۋعا، جۇرگىزۋگە ءار جاعىنان قاتىناسۋىن قولداۋ كەرەك.
«ءبىرقانشا شارادا» مىنالار تالاپ ەتىلدى: عىلمي زەرتتەۋ ورىندارىنىڭ دارىندىلاردى دەربەس باعالاۋ قابىلەتىن جوعارىلاتۋ كەرەك. جوعارى مەكتەپتەر، عىلمي زەرتتەۋ ينستيتۋتتارى - ورىندارى، مەملەكەت مەنشىگىندەگى كاسىپورىندار سياقتىلار مىندەتىنە، بورىشىنا ساي، عىلمي زەرتتەۋ قيمىلىنىڭ زاڭدىلىعىنا جانە دارىندىلاردىڭ جەتىلۋ زاڭدىلىعىنا بويسۇنىپ، جاس عىلىم - تەحنيكا دارىندىلارىن باعالاۋ مەحانيزمىن ورناتىپ جانە كەمەلدەندىرىپ، باعالاۋ فورماسىندا جاڭالىق اشىپ، باعا بەرۋ، باعالاۋ پەريودىن عىلمي ورنالاستىرىپ، باعالاۋ جيىلىگىن ازايتىپ، تۇرلەر بويىنشا باعا بەرىپ، ۇزدىك جاس عىلىم - تەحنيكا دارىندىلارىنىڭ كاسىپتىك اتاعىن، مىندەتىن دارەجە اتتاپ ءوسىرۋ مەحانيزمىن كەمەلدەندىرۋ ءارى تياناقتاندىرۋ كەرەك. جوعارى مەكتەپتەردىڭ، عىلمي زەرتتەۋ ينستيتۋتتارى - ورىندارىنىڭ، مەملەكەت مەنشىگىندەگى كاسىپورىنداردىڭ نەگىزگى جاۋاپتى تاراۋلارى ”تورتكە قاراۋ“ جانە ”قالپاق“ ساناۋ نىسايىن باتىل تالقانداپ، ديسسەرتاتسيا كورسەتكىشىنە دۇرىس مامىلە جاساپ جانە ونى دۇرىس قولدانىپ، ءارى جوعارى ساپالى ديسسەرتاتسيانىڭ قۇنىن ساۋلەلەندىرەتىن، ءارى تەك قانا ديسسەرتاتسيانىڭ سانىنا قاراپ باعالاۋعا باتىل قارسى تۇراتىن راي قالىپتاستىرۋ كەرەك. قۇرىلىمعا باعا بەرۋ ولشەمىن ۇيلەسىمدى ورنالاستىرىپ، ديسسەرتاتسيا سانى مەن دارىندى اتاعىن قۇرىلىمعا باعا بەرۋ ولشەمى ەتپەۋ، ساتىلارعا جىكتەلىپ جاس عىلىم - تەحنيكا دارىندىلارىن باعالاۋ، باعا بەرۋ كورسەتكىشىنە اينالىپ قالۋىنان ساقتانۋ كەرەك.
«ءبىرقانشا شارادا» مىنالار تالاپ ەتىلدى: جاس عىلىم - تەحنيكا دارىندىلارىنىڭ عىلمي زەرتتەۋگە جاتپايتىن اۋىرتپالىعىن جەڭىلدەتۋ كەرەك. جاس عىلىم - تەحنيكا دارىندىلارىنىڭ اۋىرتپالىعىن جەڭىلدەتۋ ارەكەتىن ۇزدىكسىز ىلگەرىلەتۋ كەرەك. عىلىم - تەحنيكا نىساندارىن باسقارۋدا ناتيجەنى باعدار ەتۋگە، بارىستى ىقشامداۋعا تاباندى بولىپ، جوعارى مەكتەپتەر، عىلمي زەرتتەۋ ينستيتۋتتارى - ورىندارى عىلمي زەرتتەۋ كومەكشىسى ءتۇزىمىن اقاۋسىزداندىرىپ، كەمەلدەندىرىپ، عىلمي زەرتتەۋ نىسانى مەن قارجىسىن باسقارۋعا قاتىستى بەلگىلەمەلەردى شىن مانىندە تياناقتاندىرىپ، كەستە تولتىرۋ، عىلمي زەرتتەۋ قاراجاتىن ەسەپتەن كوتەرۋ سياقتى جاقتاردا ءۇستى - ۇستىنە قاباتتاستىرۋدان ساقتانىپ، ينفورماتسيالاندىرىپ قىزمەت وتەۋ ورەسىن ۇزدىكسىز جوعارىلاتىپ، ءىس ءبىتىرۋ ونىمدىلىگىن جوعارىلاتۋ كەرەك. جاس عىلىم - تەحنيكا دارىندىلارىنىڭ جەكەلىك عىلمي زەرتتەۋ كاسىپتەرىنەن باسقا جۇمىستىق قىزمەتتەرىن ازايتىپ، قاجەتسىز قوناق كۇتۋ قيمىلدارىن ادا - كۇدە تيىپ، عىلمي - زەرتتەۋ جۇمىس ورنىنداعى جاس عىلىم - تەحنيكا دارىندىلارىنىڭ عىلمي ەمەس جۇمىستىق قيمىلدارعا ات سالىسۋىن اپتاسىنا ءبىر كۇننەن اسىرماۋعا، ءار اپتاداعى ％80تەن استام قىزمەت ۋاقىتىنىڭ عىلمي زەرتتەۋ ءىلمي قيمىلدارىنا جۇمسالۋىنا كەپىلدىك ەتىپ، جاس عىلىم - تەحنيكا دارىندىلارىنىڭ عىلمي زەرتتەۋ ۋاقىتىن قامتاماسىز ەتۋدى مەكەمە - ورىندى باعالاۋعا ەنگىزۋ كەرەك. اكىمشىلىك تاراۋلار مەن مەملەكەت مەنشىگىندەگى كاسىپورىنداردىڭ، ءىسورىندارىنىڭ پرينسيپتىك جاقتان الدىڭعى شەپتەگى عىلمي زەرتتەۋ قىزمەتكەرلەرىن عىلمي زەرتتەۋگە جاتپايتىن قىزمەتپەن اينالىسۋعا ۋاقىتشا اۋىستىرۋىنا بولمايدى.
«ءبىرقانشا شارادا» مىنالار العا قويىلدى: جاس عىلىم - تەحنيكا دارىندىلارىنىڭ حالىقارالىق عىلىم - تەحنيكا اۋىس - كۇيىس سەلبەستىگىن ورىستەتۋىن سەرپىندى ارتتىرا قولداۋ كەرەك. جاس عىلىم - تەحنيكا دارىندىلارىنىڭ مەملەكەت (شەكارا) سىرتىنداعى جوعارى ورەلى عىلمي زەرتتەۋ قۇرىلىمدارىنا بارىپ ۇيرەنۋ، باۋلۋ جانە سەلبەستىك، عىلمي زەرتتەۋ ورىستەتۋىن قولداۋ كەرەك. جاس عىلىم - تەحنيكا دارىندىلارىنىڭ حالىقارالىق ءىلمي ماجىلىستەرگە قاتىناسۋىن قولداپ، جاس ءىلىم جەتەكشىلەرىن حالىقارالىق ءىلمي ءماجىلىس باستاۋعا جانە باستاماشىلدىقپەن ۇيىمداستىرۋعا شابىتتاندىرىپ، جاس عىلىم - تەحنيكا دارىندىلارىنىڭ حالىقارالىق تەبىندىلىگى مەن ىقپال كۇشىن جوعارىلاتۋ كەرەك.
«ءبىرقانشا شارادا» مىنالار تالاپ ەتىلدى: جاس عىلىم - تەحنيكا دارىندىلارىنىڭ تۇرمىسىنا قىزمەت وتەۋ، قامتاماسىز ەتۋ سەرپىنىن ارتتىرۋ كەرەك. جوعارى مەكتەپتەر، عىلمي زەرتتەۋ ينستيتۋتتارى - ورىندارى، مەملەكەت مەنشىگىندەگى كاسىپورىندار ءوز ءىس جۇزىندىگىمەن ۇشتاستىرىپ، كاسىپتىڭ العاشقى كەزىندەگى جاس عىلىم - تەحنيكا دارىندىلارىنىڭ ەڭبەكاقىسىن، مامىلەسىن لايىقتى تاسىلمەن جوعارىلاتىپ، ناتيجەلىك جالاقى جانە عىلىم - تەحنيكا جەتىستىگىن پايداعا اينالدىرۋ سياقتىلاردى كورنەكتى ۇلەس قوسقان جاس عىلىم - تەحنيكا دارىندىلارىنا قاراي بەيىمدەۋ كەرەك. ءار ءتۇرلى جاڭالىق اشۋ نەگىزگى تۇلعالارى جاس عىلىم - تەحنيكا دارىندىلارىنا قامقورلىق جاساۋدى، ايالاۋدى كۇشەيتىپ، جاس عىلىم - تەحنيكا دارىندىلارىنىڭ دەمالۋىن، دەمالىس الۋىن قامتاماسىز ەتىپ، مەديتسينالىق دەنساۋلىق تەكسەرۋ، پسيحيكالىق كەڭەس بەرۋ قيمىلىن مەرزىم بويىنشا ورىستەتىپ، ءىلمي دەمالىس الۋ ءتۇزىمىن ورناتۋ جونىندە ىزدەنىس جاساپ، كەڭ دە جاراسىمدى عىلمي زەرتتەۋ ورتاسىن قالىپتاستىرۋ كەرەك. جەر - جەر جاس عىلىم - تەحنيكا دارىندىلارىنىڭ بالالارىن بالاباقشاعا، مەكتەپكە ءتۇسىرۋ، تۇرعىن ءۇي سياقتى جاقتارداعى قيىنشىلىعىن شەشۋىنە ءمان بەرۋ ءارى شارت - جاعداي ازىرلەپ كومەكتەسۋ كەرەك.
«ءبىرقانشا شارادا» مىنالار باسا دارىپتەلدى: جاس عىلىم - تەحنيكا دارىندىلارى قىزمەتىنە ۇيىمدىق باسشىلىقتى كۇشەيتۋ كەرەك. ءار دارەجەلى پارتكومدار مەن ۇكىمەتتەر جاس عىلىم - تەحنيكا دارىندىلارى قىزمەتىن ستراتەگيالىق قىزمەت ەتىپ، ءوز ءوڭىرىنىڭ ەكونوميكالىق، قوعامدىق دامۋ، دارىندىلار قوسىنى جالپى تۇلعالىق ورنالاستىرۋىنا ەنگىزىپ، كوپ نەگىزدەنگەن ۇسىنىلىممەن قامتاماسىزداندىرۋ مەحانيزمىن جانە جاس عىلىم - تەحنيكا دارىندىلارىمەن ۇدايىلاندىرا بايلانىس جاساۋ مەحانيزمىن ورناتىپ، ساياساتتىڭ تياناقتانۋىن يگەرىپ، جاس عىلىم - تەحنيكا دارىندىلارىنىڭ جەدەل جەتىلۋىنە جانە رولدارىن اناعۇرلىم ويداعىداي ساۋلەلەندىرۋىنە تاماشا شارت - جاعداي ازىرلەۋ كەرەك. ادام ىستەتۋشى ورىندار توپ جارعان جاڭالىق اشۋ دارىندىلارىن جەتىلدىرۋ، دايىنداۋ سىندى نەگىزگى تۇلعالىق جاۋاپكەرشىلىكتەرىن تياناقتاندىرىپ، ناقتى تياناقتاندىرۋ شاراسىن مەكەمە - ورىننىڭ ءىس جۇزىندىگىمەن ۇشتاستىرا جاساپ، جاس عىلىم - تەحنيكا دارىندىلارىن باۋلۋ جوسپارىن جاساپ، كەمەلدەندىرىپ، جاس عىلىم - تەحنيكا دارىندىلارىن ماماندىق، تەحنيكالىق جاقتان باۋلۋدى كۇشەيتىپ، ساياسي جاقتا تولىق سەنىم ارتۋدى، يدەيالىق جاقتا ىرىقتىلىقپەن جەتەكتەۋدى، قىزمەت جاعىندا شارت - جاعداي ازىرلەۋدى، تۇرمىستىق جاقتا كوڭىل ءبولۋدى، قارايلاسۋدى ورىنداپ، جاس عىلىم - تەحنيكا دارىندىلارى قوسىنىنىڭ يدەيا - ساياسي ساپاسى مەن عىلىم - تەحنيكالىق جاڭالىق اشۋ قابىلەتىن جاپپاي جوعارىلاتۋ كەرەك.