− باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزى بۇكىل رايوندا قىزۋ اڭىس قوزعادى

□ انار بۇلت \ شينجياڭ گازەتىنىڭ تىلشىلەرى

　　8 - ايدىڭ 26 - كۇنى باس شۋجي شي جينپيڭ اۆتونوميالى رايوندىق پارتكوم مەن ۇكىمەتتىڭ، بيڭتۋاننىڭ قىزمەت مالىمەتىن تىڭداعاندا بىلاي دەپ باسا دارىپتەدى: جاڭا دامۋ ارناسىن قالىپتاستىرۋدا، جوعارى ساپالى دامۋدى جەبەۋدە، جۇڭگو ۇلگىسىندەگى وسىزامانداندىرۋدى جەبەۋدە شينجياڭ جاڭا ورايعا ءدوپ كەلدى، جاڭا ىسكەرلىك كورسەتۋى كەرەك.

　　باس شۋجيدىڭ ماڭىزدى ءسوزى شينجياڭنىڭ جوعارى ساپالى دامۋىنا اناعۇرلىم ايقىن بەتالىس كورسەتتى ءارى ءار كاسىپ، ءار سالانىڭ جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتۋىنە جول باستاپ، باعدار بەلگىلەدى. بۇكىل شينجياڭداعى ءار ۇلت كادرلارى مەن بۇقاراسى مىنالاردى ءبىلدىردى: شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، جاڭا ورايدى مىقتى يگەرىپ، جاڭا ىسكەرلىك كورسەتىپ، جوعارى ساپالى دامۋدى بۇلجىماي ىلگەرىلەتىپ، بۇكىل ەلمەن بىرگە جاپپاي سوتسياليستىك وسىزاماندانعان مەملەكەت قۇرامىز.

وسىزاماندانعان كاسىپ سالاسى جۇيەسىن قۇرۋدى جەدەلدەتەمىز

　　باس شۋجي شي جينپيڭ بىلاي دەپ باسا دارىپتەدى: بايلىق ارتىقشىلىعىن، وڭىرلىك ورىن باسىمدىعىن جانە كاسىپ سالاسى نەگىزىن تياناق ەتىپ، عىلىم - تەحنيكادا جاڭالىق اشۋدى كۇش سالا ىلگەرىلەتىپ، ەرەكشەلىككە، باسىمدىققا يە كاسىپ سالالارىن جەتىلدىرىپ، زورايتىپ، جاڭادان گۇلدەنگەن كاسىپ سالالارىن بەلسەنە دامىتىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن جەدەل قۇرىپ، شينجياڭنىڭ جوعارى ساپالى دامۋ ارناسىنا قادام تاستاۋىن ىلگەرىلەتىپ، بۇكىل ەلمەن بىرگە جاپپاي سوتسياليستىك وسىزاماندانعان مەملەكەت قۇرۋ كەرەك.

　　اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى پارتيا باسشىلىق گرۋپپاسىنىڭ شۋجيى جاۋ شيفىڭ مىنالاردى ءبىلدىردى: بۇكىل رايونداعى ونەركاسىپ جانە ينفورماتسيالاندىرۋ جۇيەسى يدەيا مەن ارەكەتتى باتىلدىقپەن باس شۋجي شي جينپيڭنىڭ ماڭىزدى ءسوزىنىڭ رۋحىمەن بىرلىككە كەلتىرىپ، اۆتونوميالى رايوندىق پارتكوم مەن ۇكىمەتتىڭ ورنالاستىرۋلارىمەن بىرلىككە كەلتىرىپ، ونەركاسىپ جانە ينفورماتسيالاندىرۋ قۇرىلىسىنىڭ ءتۇرلى قىزمەتتەرىن، مىندەتتەرىن ىلگەرىلەتۋدە تياناقتاندىرىپ، شينجياڭنىڭ بايلىق ابزالدىلىعىن، ساياسات ابزالدىلىعىن، وڭىرلىك ورىن ابزالدىلىعىن ساۋلەلەندىرۋدى ارقاۋ ەتىپ، ”8 ءىرى كاسىپ سالاسى شوعىرى“ قۇرىلىسىن زور كۇشپەن ىلگەرىلەتىپ، كاسىپ سالاسى نەگىزىن تياناق ەتىپ، ەرەكشەلىككە، باسىمدىققا يە كاسىپ سالالارىن زورايتىپ، جەتىلدىرىپ، كاسىپ سالاسى تىزبەگىن ۇزارتۋدى، تىزبەگىن تولىقتاۋدى، تىزبەگىن كۇشەيتۋدى بەكەمدەپ، كەلەلى ونەركاسىپ نىسانى قۇرىلىستارىن جەدەلدەتىپ، كاسىپورىنداردىڭ تەحنيكادا جاڭالىق اشۋى، ونەركاسىپ باقشا رايوندارىنىڭ ساپاسىن ءوسىرىپ، ونىمدىلىگىن ارتتىرۋ، ارنايىلانعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ورتا، شاعىن كاسىپورىنداردى باۋلۋ سياقتى ءتۇرلى قىزمەتتەردى كۇش سالا ويداعىداي ىستەپ، شينجياڭ ەرەكشەلىگىنە يە وسى زامانعى كاسىپ سالاسى جۇيەسىن قۇرۋعا اناعۇرلىم زور ۇلەس قوسۋعا قۇلشىنادى.

　　جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جەدەل جۇزەگە اسىرۋ − جوعارى ساپالى دامۋدى ىلگەرىلەتۋدە، ءسوز جوق، باسىپ وتەتىن جول.

　　”عىلىم - تەحنيكا شەبى باس شۋجيدىڭ ىقىلاستى تاپسىرماسىن ەستە بەرىك ساقتاپ، جوعارى قابىلەت دەڭگەيىندەگى جاڭالىق اشۋ تۇعىرلارىن جانە دانەكەرلەرىن جەدەل جەتىلدىرىپ، قۇرىپ، اقسۋ ارال جوعارى، جاڭا تەحنيكالىق كاسىپ سالاسىن اشۋ رايونى، حۋايرۋ تاجىريبەحاناسىنىڭ شينجياڭ بازاسى، فوتوۆولتتىق ماتەريال جانە باتارەيا مەملەكەتتىك ءتۇيىندى تاجىريبەحاناسى قۇرىلىسىن جوعارى ساپالى ىلگەرىلەتەدى“، - دەدى اۆتونوميالى رايوندىق عىلىم - تەحنيكا مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى ۋاڭ چىڭ. سونىمەن بىرگە عىلىم - تەحنيكا مەڭگەرمەسى نازاردى ”8 ءىرى كاسىپ سالاسى شوعىرىنا“ جانە ەرەكشەلىككە، باسىمدىققا يە كاسىپ سالالارىنا شوعىرلاندىرىپ، كەلەلى عىلىم - تەحنيكالىق ارناۋلى نىسان مىندەتتەرىنىڭ ورنالاستىرىلۋىن كۇشەيتىپ، كاسىپ سالاسىنىڭ دامۋىنا تۇساۋ بولىپ وتىرعان شەشۋشى، وزەكتى تەحنيكالاردان قامال الۋدى جەدەلدەتىپ، جوعارى، جاڭا تەحنيكالىق كاسىپورىنداردى ەسەلەپ ارتتىرۋ ارەكەتىن اتقارۋدى كۇشەيتىپ، ”تيانشان دارىندىلارى“ سياقتى دارىندىلاردى باۋلۋ جوسپارىن اتقارىپ، جاڭالىق اشۋ تىزبەگىنىڭ، كاسىپ سالاسى تىزبەگىنىڭ، قارجى تىزبەگىنىڭ، دارىندىلار تىزبەگىنىڭ تەرەڭدەي توعىسۋىن ىلگەرىلەتىپ، عىلىم - تەحنيكادا جاڭالىق اشۋدىڭ كورىكتى شينجياڭ قۇرىلىسىنداعى نەگىزدىك، ستراتەگيالىق تىرەكتىك رولىن ويداعىداي ساۋلەلەندىرەدى.

　　سوڭعى جىلدارى ەرەكشە ترانسفورماتور جارنا شەكتى سەرىكتەستىگى شينجياڭنىڭ بايلىق باسىمدىعىن تياناق ەتىپ كرەمني نەگىزدى جاڭا ماتەريالداردى دانەكەر ەتكەن، جوعارى دەڭگەيدەگى كوپ كريستالدى كرەمنيدى تۇلعا ەتكەن، قاتىستى اينالمالى كاسىپ سالاسى تىزبەگىنىڭ جوعارى، تومەن بۋىندارى كەمەلدى 100 ميلليارد دارەجەلى كرەمني نەگىزدى جاڭا ماتەريال كاسىپ سالاسى تىزبەگىن تۇلعالادى. ”باس شۋجيدىڭ ماڭىزدى ءسوزى كاسىپورىنداردىڭ دامۋىنا سەنىم سيلادى ءارى وراي اكەلدى“. مەملەكەتتىك ساۋدا - ونەركاسىپشىلەر بىرلەستىگىنىڭ ورىنباسار ءتوراعاسى، ەرەكشە ترانسفورماتور جارنا شەكتى سەرىكتەستىگىنىڭ القا باستىعى جاڭ شين بىلاي دەدى: ”ءبىز’ ەلەكتر كوزدەرى، جەلىلەرى، كوتەرىمدىلىگى، قۋات ساقتاۋ‘ سياقتى مەملەكەتتىڭ جاڭاشا ەلەكتر جۇيەسىندەگى شەشۋشى، وزەكتى تەحنيكا سالاسىنداعى عىلمي زەرتتەۋدە قامال الۋدى كۇشەيتىپ، تىزبەكتى ۇزارتۋعا، تىزبەكتى تولىقتاۋعا، تىزبەكتى كەڭەيتۋگە، تىزبەكتى كۇشەيتۋگە اناعۇرلىم زور كۇش سالىپ، كاسىپ سالاسى شوعىرىنىڭ شوعىرلى دامۋىن ىلگەرىلەتىپ، جاڭا ەنەرگيا جابدىقتارىن جاساۋ جانە جاڭا ماتەريالدار كاسىپ سالاسى بيىگىن قۇلشىنا تۇلعالايمىز“.

اۋىل - قىستاقتى گۇلدەندىرۋدى جاپپاي ىلگەرىلەتەمىز

　　باس شۋجي شي جينپيڭ بىلاي دەپ اتاپ كورسەتتى: شينجياڭنىڭ قوعام ورنىقتىلىعى مەن جوعارى ساپالى دامۋىن جۇزەگە اسىرۋدىڭ ەڭ جاپالى مىندەتى اۋىل - قىستاقتا.

　　سوڭعى جىلداردان بەرى سانجى حۇيزۋ اۆتونوميالى وبلىسى اۋىل - قىستاقتى گۇلدەندىرۋ ستراتەگياسىن جاپپاي اتقارىپ، استىق حاۋىپسىزدىگىن قامتاماسىز ەتۋ، مال شارۋاشىلىعىنىڭ جوعارى ساپالى دامۋى، تۇقىم شارۋاشىلىعى چيپىن كۇشەيتۋ، اۋىل شارۋاشىلىعىن كاسىپ سالالاندىرۋ جۇيەسى قۇرىلىسى سياقتى جاقتاردا بۇكىل شينجياڭ بويىنشا الدىڭعى دەڭگەيدى باستان - اياق ساقتاپ كەلەدى. ”باس شۋجيدىڭ ماڭىزدى ءسوزى بىزگە جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىردى“. سانجى وبلىستىق اۋىل شارۋاشىلىعى، اۋىل - قىستاق مەكەمەسى پارتيا باسشىلىق گرۋپپاسىنىڭ ورىنباسار شۋجيى، مەكەمە باستىعى ۋاڭ شيڭلەي مىنالاردى ءبىلدىردى: باس شۋجي ايقىن كورسەتكەن بەتالىس بويىنشا العا ىلگەرىلەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى، اۋىل - قىستاقتىڭ گۇلدەنۋىن ىلگەرىلەتۋدى دامۋدىڭ ماڭىزدى تۇتقاسى ەتىپ، ەكونوميكالىق دامۋ مەن حالىق تۇرمىسىن جاقسارتۋ قىزمەتىنىڭ سەرپىنىن ارتتىرىپ، اۋىل شارۋاشىلىعىنىڭ دەڭگەيىن ءوسىرىپ، تيبىن وزگەرتۋ ارەكەتىن اتقارۋدى ارقاۋ ەتىپ، ”عىلىم - تەحنيكادا جاڭالىق اشۋ جانە وڭدەۋ بازاسى سانجىعا شوعىرلانعان، شيكىزات ءوندىرۋ بازاسى بۇكىل شينجياڭدى قامتىعان، تانىمالى ماركالى ونىمدەردى ساتۋ بازاسى بۇكىل ەلدى شارپىعان“ 1 -، 2 -، 3 - كاسىپتەردى توعىستىرا دامىتۋدىڭ جاڭا جاعدايىن قالىپتاستىرىپ، اۋىل - قىستاق كوركەم، كاسىپ سالاسى گۇلدەنگەن، شارۋالار بايىعان ءبىر توپ ۇلگىنى، نۇسقانى سومداپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ تيپتىك ايماق - وبلىسىن بار كۇشپەن قۇرامىز.

　　اۆتونوميالى رايوندىق قازىنا مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى جۋ جيە مىنالاردى ءبىلدىردى: شينجياڭداعى ءار دارەجەلى قازىنا تاراۋلارى باس شۋجيدىڭ ماڭىزدى ءسوزىنىڭ رۋحى مەن وزەكتى مازمۇنىن تەرەڭ ءتۇسىنىپ، جاڭا وراي الدىندا جاڭا ىسكەرلىك كورسەتىپ، وڭتۇستىك شينجياڭنىڭ دامۋ ارناۋلى قارجىسى، دارىندىلاردى دامىتۋ ارناۋلى قارجىسى، استىق ءوندىرىس قۋاتىن جوعارىلاتۋ ارناۋلى قارجىسى سياقتىلاردان ويداعىداي پايدالانىپ، ءتۇرلى ارناۋلى قارجىلاردىڭ وڭتۇستىك شينجياڭعا بەيىمدەلۋىن ۇزدىكسىز ىلگەرىلەتىپ، اۆتونوميالى رايوننىڭ جوعارى ساپالى دامۋ جونىندەگى ساياسات جانە قارجىمەن سۇيەمەلدەۋ تەبىنىن ارتتىرادى. قارجىنى باقىلاۋ - باسقارۋدى اقاۋسىزداندىرىپ، ونىمدىلىگىن سوڭىنا ءتۇسىپ قۋزاستىرۋدى كۇشەيتىپ، حالىق تۇرمىسىن جاقسارتۋ سەرپىنىن ارتتىرىپ، ”ءۇشتى قامتاماسىز ەتۋ“ تومەنگى شەگىن بەكەمدەپ، ناقتىلاندىرىپ، جوعارى دەڭگەيلى، جوعارى ولشەمدى قازىنالىق اينالىم ارقىلى شينجياڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتەدى جانە قامتاماسىز ەتەدى.

　　”باس شۋجيدىڭ ماڭىزدى ءسوزى بىزگە العا باسۋ بەتالىسىن ايقىن كورسەتىپ بەردى“. اۆتونوميالى رايوندىق سۋ يگىلىگى مەڭگەرمەسى سۋ يگىلىگى ينجەنەرياسى قۇرىلىسى باسقارماسىنىڭ باستىعى حۋاڭ حۇڭجيان بىلاي دەدى: شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋى سۋ بايلىعىنىڭ تىرەك بولۋىنان ايرىلا المايدى، شينجياڭنىڭ سۋ يگىلىگى ىستەرى باس شۋجيدىڭ تالابى بويىنشا ورنىقتى قاداممەن دامۋدا.

　　بيىل اۆتونوميالى رايوندىق سۋ يگىلىگى مەڭگەرمەسى بۇكىل رايون بويىنشا سۋ يگىلىگى ينجەنەرياسى قۇرىلىسىنا 28 ميلليارد 500 ميلليون يۋان قارجى قوسۋدى جوسپارلاپ، 2022 - جىلعىداعىدان 13 پايىز ارتتىرۋ نىساناسىن ورىنداۋدى اقىلداسىپ العا قويدى. 8 - ايدىڭ 23 - كۇنىنە دەيىن، بۇكىل رايوندا سالىنىپ جاتقان 9 كەلەلى سۋ يگىلىگى ينجەنەرياسىنا جيىنى 4 ميلليارد 961 ميلليون يۋان جىلدىق قارجى قوسىلدى، سالىنىپ بولعاننان كەيىن جاڭادان ارتقان سۋ سيىمدىلىعى 4 ميلليارد 840 ميلليون تەكشەمەترگە، كوپ جىلدىق ورتاشا جىلدىق سۋ جەتكىزۋ، سۋمەن قامداۋ مولشەرى 3 ميلليارد 361 ميلليون تەكشەمەترگە جەتەدى. 23 ورتا، شاعىن سۋ قويماسى سالىنىپ جاتىر، سالىنىپ بولعاننان كەيىن جاڭادان ارتقان سۋ سيىمدىلىعى 747 ميلليون تەكشەمەترگە جەتەدى.

وزەكتى رايوندى جوعارى ساپالى قۇرامىز

　　باس شۋجي شي جينپيڭ بىلاي دەپ باسا دارىپتەدى: شينجياڭنىڭ وزگەشە وڭىرلىك ورىن باسىمدىعىن ساۋلەلەندىرىپ، جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، سىرتقا ەسىك اشۋ قىزمەتىن ءىس جۇزىندىكتى تياناق ەتە وتىرىپ ويداعىداي يگەرىپ، ”ءبىر بەلدەۋ، ءبىر جول“ وزەكتى رايونى قۇرىلىسىن تەزدەتىپ، شينجياڭدى ەلىمىزدىڭ باتىسقا ەسىك اشۋداعى الدىڭعى شەبىنە اينالدىرۋ كەرەك.

　　”شينجياڭ جاڭا دامۋ ارناسىنا بەلسەنە قىزمەت وتەپ جانە ونىمەن توعىسىپ، سىرتقا ەسىك اشۋ قىزمەتىن ءىس جۇزىندىك جاعدايدى شىعار ءتۇيىن ەتە وتىرىپ ويداعىداي يگەرۋدە ىركىلىسىسز قاتىناستان قول ۇزە المايدى“. اۆتونوميالى رايوندىق قاتىناس - تاسىمال مەڭگەرمەسى پارتكومىنىڭ شۋجيى، ورىنباسار مەڭگەرمە باستىعى لي شۋەدۇڭ بىلاي دەدى: ”شىعىسپەن بىرلەسىپ باتىسقا شىعارۋ، ستەرەۆولدى، جىلدام، جوعارى ءونىمدى جان - جاقتى قاتىناس، جان - جاقتى اشۋ جاعدايى بۇرىننان بەرى شينجياڭنىڭ قاتىناستى دامىتۋىنىڭ بەتالىسى بولىپ كەلدى“.

　　جىبەك جولى ەكونوميكالىق بەلدەۋى وزەكتى رايونى قۇرىلىسى اياق الىسىنىڭ ۇزدىكسىز جەدەلدەتىلۋىنە بايلانىستى قازىر شينجياڭنىڭ سىرتقى ءىرى ارناسىنىڭ ىركىلىسسىز بولۋ دەڭگەيى كورنەكتى جوعارىلاپ، ەكى جاقتى حالىقارالىق جول تاسىمال جەلىسىنەن 118ى ىسكە قوسىلىپ، جالپى سانى بۇكىل ەلدىكىنىڭ ۇشتەن بىرىنەن استامىن يەلەدى، شينجياڭعا كىرىپ - شىعاتىن جوعارى جىلدامدىقتى تاس جول ءىرى ارناسىنان ۇشەۋى ىسكە قوسىلدى؛ لانجوۋ - شينجياڭ جەلىسى، لينحى - قۇمىل جەلىسى، گولمۇت - كورلا جەلىسى ”شينجياڭنان شىعىپ“، الاتاۋ ساعاسى، قورعاس سىندى ”ەكى سىرتقى“ تەمىر جول جول تورى جاعدايى جەدەل قالىپتاستى؛ بۇكىل رايوندا حالىقتىق اۋەجاي 25كە جەتىپ، حالىقارالىق اۋە لەنياسىنان 26سى ىسكە قوسىلىپ، 19 مەملەكەتكە قاتىنادى؛ ”شينجياڭنىڭ ەلەكترىن سىرتقا جەتكىزۋ“، ”گازدى باتىستان شىعىسقا جەتكىزۋ“ ارناسى ورنىقتى جۇمىس جۇرگىزدى.

　　8 - ايدىڭ 29 - كۇنى ءۇرىمجى كەدەنى زاڭ ەرەجە جانە جالپىلىق جۇمىس باسقارماسىنىڭ باستىعى يۋان جياڭۋي بەدەل شەكارا وتكەلىنىڭ سىرتقا ەسىك اشۋ قۇرىلىسى جونىندەگى تەكسەرۋ - زەرتتەۋ ماتەريالىن رەتتەپ جاتتى. بەدەل شەكارا وتكەلى جۇڭگو مەن قىرعىزستان شەكاراسىندا، ەجەلدەن وڭتۇستىك شينجياڭنىڭ سىرتپەن ساۋدا جاساساتىن شەكارا وتكەلدەرىنىڭ ءبىرى بولاتىن، شينجياڭنان ورتا ازياعا باراتىن ماڭىزدى وتكەل.

　　”بەدەل شەكارا وتكەلىن ىسكە قوسۋدى جەدەل ىلگەرىلەتۋ − شينجياڭنىڭ وزىندىك وڭىرلىك ورىن باسىمدىعىن ساۋلەلەندىرىپ، جاڭا دامۋ ارناسىنا بەلسەنە قىزمەت وتەۋدىڭ جانە ونىمەن توعىسۋدىڭ ناقتى شاراسى. باس شۋجيدىڭ ءسوزى ءبىزدىڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋىمىزگە ايقىن بەتالىس كورسەتىپ بەردى“. يۋان جياڭۋي بىلاي دەدى: ءۇرىمجى كەدەنى كەدەن فۋنكتسياسىمەن ۇشتاستىرىپ، ”ءبىر پورت، ەكى رايون، بەس ۇلكەن ورتالىق، شەكارا وتكەلى ەكونوميكالىق بەلدەۋى“ جانە ”8 ءىرى كاسىپ سالاسى شوعىرى“ سياقتى ستراتەگيالىق ورنالاستىرۋلارمەن تىعىز بايلانىستىرىپ، بەدەل شەكارا وتكەلىنىڭ سىرتقا اشىلۋىن بەلسەنە جەبەپ، ساپالى اۋىل شارۋاشىلىق ونىمدەرىن ەنگىزۋگە رۇقسات ەتۋ، اۋىل شارۋاشىلىق قوسىمشا ونىمدەرىن كەدەننەن تەز وتكىزۋ ”جاسىل ءدالىزى“ قۇرىلىسى سياقتى ءتۇيىندى قىزمەتتەردى ىلگەرىلەتىپ، باتىس باعىتتاعى حالىقارالىق زات اينالىمى ءىرى ارناسىنىڭ جوعارى ءونىمدى ىركىلىسسىزدىگىن قامتاماسىز ەتۋدە.

　　ءۇرىمجى حالىقارالىق قۇرلىقتىق پورت اۋماعى − جىبەك جولى ەكونوميكالىق بەلدەۋى وزەكتى رايونى قۇرىلىسىنداعى بەلگى سيپاتتى ينجەنەريا. ”ءبىر بەلدەۋ، ءبىر جول“ قۇرىلىسىنا بەلسەنە توعىسىپ، جۇڭگو - ەۆروپا كەزەكشى پويەزدەرى (ءۇرىمجى) جيناۋ ورتالىعىن جوعارى ساپالى قۇرۋداعى ۇلگى كورسەتەتىن ينجەنەريا، قۇرلىقتىق پورت اۋماعىندا قازىر كاسىپ سالاسى شوعىرلانعان، ءبىرىن ءبىرى جۇمىس ارقىلى تولىقتايتىن ۇتىمدى دامۋ جاعدايى قالىپتاستى.

　　شينجياڭ حالىقارالىق قۇرلىقتىق پورت (توبى) شەكتى جاۋاپكەرشىلىك سەرىكتەستىگىنىڭ القا باستىعى ما چۇنلەي مىنالاردى ءبىلدىردى: سىرتقا ەسىك اشۋدىڭ تۇعىرلىق يقۋاتىن ۇزدىكسىز كۇشەيتىپ، ”زات اينالىمى، ساۋدا، كاسىپ سالاسى، فينانس، ساندى مالىمەت“ ءبىر تۇلعالانعان ەكولوگيالىق شەڭبەر تۇلعالاپ، جىبەك جولى ەكونوميكالىق بەلدەۋى وزەكتى رايونى قۇرىلىسى مەن شينجياڭ قىزمەتى باس نىساناسىنا اناعۇرلىم ويداعىداي قىزمەت وتەيمىز.

　　(ءتىلشى شى شين، قاتىناسقان تىلشىلەر ما ينيڭ، شيە حۇيبيان، گى يوۋجۇن، ران حۋ، ليۋ دۇڭلاي، لۋ فىڭباۋ، چىن چياڭۋي، ەرىكتى ءتىلشى ۋاڭ ۋي)

جالعانىم