نۇرلان ءابىلماجىن جاي پارتيا مۇشەسى سالاۋاتىمەن ءوزى تۇرعان پارتيا ياچەيكاسىنىڭ ۇيىمدىق تۇرمىس جيىنىنا قاتىناستى
جاقسى ۇلگى، ونەگە بولىپ، ۇلگىلى ورگان قۇرۋ كەرەك
انار بۇلت \ شينجياڭ گازەتىنىڭ ءتىلشىسى جاڭ يانفاڭ 8 - ايدىڭ 29 - كۇنى ۇرىمجىدەن حابارلايدى. نەگىزگى تاقىرىپتىق تاربيە قىزمەتىنىڭ ورنالاستىرۋىنا ساي، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ءتوراعا نۇرلان ءابىلماجىن 8 - ايدىڭ 28 - كۇنى جاي پارتيا مۇشەسى سالاۋاتىمەن ءوزى تۇرعان ساياسي كەڭەس ورگانى 11 - پارتيا ياچەيكاسىنىڭ ۇيىمدىق تۇرمىس جيىنىنا قاتىناستى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ سانالىلىعىن جانە ىرىقتىلىعىن اناعۇرلىم كۇشەيتىپ، پارتيانىڭ جاسامپاز نازارياسىمەن زەيىن - زەردەنى ۇيىستىرىپ، رۋحتى سومداپ، ودان اقىل - پاراسات جانە كۇش - قۋات قابىلداپ، ”ەكىنى تۇراقتاندىرۋدىڭ“ شەشۋشى ءمانىن اناعۇرلىم ىشكەرىلەي ءتۇسىنىپ، ”ەكىنى قورعاۋدى“ اناعۇرلىم باتىل ورىنداپ، جاقسى ۇلگى، ونەگە بولىپ، پارتيا ورتالىق كوميتەتى الاڭسىز بولاتىن، حالىق بۇقاراسى رازى بولاتىن ۇلگىلى ورگان تۇلعالاۋعا كۇش - قۋات قوسۋ كەرەك.
جيىندا پارتيا ياچەيكاسىنداعى جاۋاپتى جولداس پارتيا ياچەيكاسىنىڭ نەگىزگى تاقىرىپتىق تاربيە ورىستەتۋ جاعدايىن جاريا ەتتى ءارى سالىستىرىپ تەكسەرۋ جۇرگىزدى، ياچەيكاداعى پارتيا مۇشەلەرى ءبىر - بىردەن لەبىز ءبىلدىرىپ، تابىستارىن، تۇسىنىكتەرىن اڭگىمەلەپ، پارىقتاردى، جەتەرسىزدىكتەردى ايتتى. نۇرلان ءابىلماجىن لەبىزدەردى دەن قويا تىڭداعاننان كەيىن، كوپشىلىكپەن ءوزارا پىكىر اۋىستىردى. ول: كوپشىلىك بۇكپەسىزدىكپەن اعىنان اقتارىلا سويلەپ، قاتاڭ دا مۇقيات پىكىر ءبىلدىردى، جولداستارعا ىستىق ىقىلاسپەن كومەكتەسىپ، تانىمدى جوعارىلاتۋ، يدەيانى بىرلىككە كەلتىرۋ، بەتالىستى ايقىنداۋ ماقساتىنا جەتتى، - دەدى. ول بىلاي دەپ باسا دارىپتەدى: قازىر ءبىرىنشى توپتاعى نەگىزگى تاقىرىپتىق تاربيە اياقتاۋ الدىندا تۇر، ءدال وسىنداي ۋاقىت ساتىندە ءتىپتى دە ولشەمگە، ۇلگىگە تۋرالانۋىمىز، ولقىلىقتاردى تەكسەرىپ، جەتەرسىزدىكتەردى تولىقتاۋىمىز، ناقتى ناتيجەگە قول جەتكىزۋگە شىنايى كەپىلدىك ەتۋىمىز كەرەك.
نۇرلان ءابىلماجىن بىلاي دەپ باسا دارىپتەدى: باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعانداعى ماڭىزدى ءسوزىنىڭ رۋحىن جانە جاڭا داۋىردەگى پارتيانىڭ شينجياڭدى باسقارۋ جالپى جوباسىن مۇقيات ۇيرەنىپ، دايەكتىلەندىرىپ، باس شۋجيدىڭ ورتالىق كوميتەت كەڭسەسىن كوزدەن كەشىرگەن كەزدە العا قويعان ”بەسكە تاباندى بولۋ“ ماڭىزدى تالابىمەن ساباقتاستىرىپ، ءبىر تۇلعالى ءتۇسىنىپ، تياناقتاندىرۋ كەرەك. پارتياعا ادال بولۋ جاعىندا جاقسى ۇلگى، ونەگە بولىپ، پارتياعا ادال بولۋ ساياسي قاسيەتىن يدەياعا ءسىڭىرىپ، جان جۇيەگە ۇيالاتىپ، امالياتپەن توعىستىرۋ؛ ناقتى ىستەپ، جاۋاپكەرشىلىك ارقالاۋ جاعىندا جاقسى ۇلگى، ونەگە بولىپ، ەرلىكپەن اۋىر جۇك ارقالاپ، قامال الىپ قيىندىقتاردى جەڭىپ، جاۋاپكەرشىلىك ارقالاپ ىسكەرلىك كورسەتىپ، مىقتاپ يگەرىپ جەدەل ىستەپ، قاشاندا شىندىققا جۇگىنىپ ناقتى ءىس ىستەۋگە تاباندى بولىپ، قىزمەت ونىمدىلىگىن شىن مانىندە جوعارىلاتۋ؛ ستيلدە بۇرىلىس جاساۋ جاعىندا جاقسى ۇلگى، ونەگە بولىپ، كەمەلدەنۋ دەڭگەيىنە سانالى تالپىنىپ، قالتقىسىز ۇلەس قوسۋعا پەيىل بولۋ رۋحىن جەتىلدىرۋ؛ ءوزىن قاتاڭ تاربيەلەۋ، ءوزىن تارتىپكە شاقىرۋ جاعىندا جاقسى ۇلگى كورسەتىپ، ونەگە بولىپ، يدەيالىق قورعانىس شەبىن بەكەمدەپ، ءمورال جوعارى شەگىن ورناتىپ، ءتۇزىم تومەنگى شەگىن مىقتى ساقتاپ، ساياسيدا قۋاتتى، كاسىپتە توسەلگەن، ستيلى بەرىك، وبرازى جاقسى بولۋدى شىن مانىندە ورىنداۋ كەرەك.
نۇرلان ءابىلماجىن بىلاي دەپ اتاپ كورسەتتى: پارتيا ياچەيكاسى − پارتيا تۇلعاسىنىڭ ”جۇيكە ۇشى“، پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋدىڭ، تياناقتاندىرۋدىڭ ”ەڭ سوڭعى ءبىر كيلومەترى“. باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، پارتيا ياچەيكاسىن ولشەمدەندىرۋ، ارناعا ءتۇسىرۋ قۇرىلىسىن شىنايى ويداعىداي مىقتى يگەرىپ، پارتيا مۇشەلەرىن تاربيەلەۋدى، باسقارۋدى قاتاڭداستىرۋ كەرەك. ساياسي كەڭەس ورگانىنىڭ قىزمەت ءىس جۇزىندىگىمەن ۇشتاستىرىپ، پارتيا قۇرىلىسى قىزمەتىن كاسىپتىك قىزمەتتىڭ تۇتاس بارىسىمەن ساباقتاستىرىپ، ياچەيكا قۇرىلىسىنىڭ مول ونىمدىلىككە يە تىڭ جەتىستىكتەرىمەن باسقارما، كەڭسەلەردىڭ نەگىزگى جاۋاپكەرشىلىگىنىڭ، نەگىزگى كاسىبىنىڭ تىڭ ساتىعا كوتەرىلۋىن جەبەپ، ساياسي كەڭەستىڭ نەگىزگى ساتى نەگىزىن ۇزدىكسىز بەكەمدەۋ كەرەك.