سالمون بالىعىنىڭ ءونىم مولشەرى بۇكىل ەلدەگى ىشكى قۇرلىقتىق ءونىم مولشەرىنىڭ شامامەن ％15ىن يەلەدى
شينجياڭنىڭ بالىقشىلىق كاسىبىنىڭ جالپى ءونىم مولشەرى باتىس سولتۇستىك ءوڭىر بويىنشا 2 - ورىنعا جايعاستى
انار بۇلت \ شينجياڭ گازەتىنىڭ ءتىلشىسى ليۋ ي 9 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىمىزشا، سوڭعى جىلدارى بۇكىل رايونداعى تابيعي سۋلى القاپتارداعى بالىقشىلىق كاسىبى بايلىعىن اشۋ سەرپىنى جىل سايىن ارتىپ، سۋىق سۋ بالىقشىلىعى كاسىبىنىڭ دامۋى ءبىرشاما تەز ارتۋ كۇيىن بايقاتقان.
اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى بالىقشىلىق كاسىبىن باقىلاۋ باسقارماسىنىڭ باستىعى دىڭ كاڭچۋ بىلاي دەپ تانىستىردى: شينجياڭداعى بالىقشىلىققا ىڭعايلى سۋلى القاپ - قايراڭداردىڭ كولەمى 46 ميلليون مۋدان اسادى، سۋ ساپاسى جاقسى، وزەن، كول، بالىق كولشىگى، سۋ قويماسى، قايراڭ، ارىق - توعان، ساز سياقتى سۋ بايلىعى باعىمشىلىق شارت - جاعدايى ازىرلەنگەن، بالىقشىلىق كاسىبىن جوعارى ساپالى دامىتۋدىڭ تاماشا بايلىق باسىمدىعى بار.
شينجياڭنىڭ بالىقشىلىق بايلىعى مول، بالىقتاردىڭ 88 ءتۇرى بار، مۇنىڭ ىشىندە جەرگىلىكتى بالىقتاردىڭ 46 ءتۇرى بار. تاريحتىڭ وزگەرىسى، ءوڭىردىڭ وڭاشالانۋى شينجياڭنىڭ جەرگىلىكتى ەكونوميكالىق بالىق تۇرلەرىنىڭ كورنەكتى وڭىرلىك ەرەكشەلىككە يە بولۋىنا مۇمكىندىك بەردى. 2022 - جىلى شينجياڭنىڭ بالىقشىلىق كاسىبىنىڭ جالپى ءونىم مولشەرى 173 مىڭ تونناعا جەتىپ، باتىس سولتۇستىك بەس ولكە - رايون بويىنشا 2 - ورىنعا جايعاستى، مۇنىڭ ىشىندە سالمون بالىعىنىڭ جالپى ءونىم مولشەرى 4554 توننا بولىپ، ءونىم مولشەرى بۇكىل ەلدىڭ ىشكى قۇرلىقتىق ءونىم مولشەرىنىڭ ％15ىن يەلەدى. شينجياڭنىڭ بالىقشىلىق كاسىبىنىڭ دامۋى العاشقى ادىمدا كولەم قالىپتاستىردى، اشۋ بولاشاعى كەڭ.
سوڭعى جىلداردان بەرى ورتالىق قازىنانىڭ اۆتونوميالى رايوننىڭ بالىقشىلىق كاسىبىنىڭ دامۋىن قولداۋ سەرپىنى بارعان سايىن ارتىپ، تەك 2023 - جىلدىڭ وزىندە نىسان قارجىسى 81 ميلليون 580 مىڭ يۋانعا جەتتى. بالىقشىلىق كاسىبىندەگى ءارقايسى ءتۇيىندى اۋدان - قالالار بەلسەندى تۇردە ءار ءتۇرلى ارنالارمەن قارجىعا قول جەتكىزىپ، بالىقشىلىق كاسىبىنىڭ جوعارى ساپالى دامۋىنا قولداۋ كورسەتتى. ولشەمدەندىرىپ جاڭالاۋ جانە لاس سۋدى ءبىر جاقتى ەتۋ، كولشىكتەردەگى ينجەنەريالاندىرىلعان اينالىمدىق سۋدا باعۋ سياقتى جاسىل باعىمشىلىق تەحنيكاسىن جالپىلاستىرۋ ارقىلى باعىمشىلىق لاس سۋلارىنداعى ازوتتىڭ، فوسفوردىڭ ىعىستىرىلۋ مولشەرىن ءونىمدى تومەندەتىپ، جاسىل باعىمشىلىق تەحنيكاسى ۇلگىسىنىڭ قامتۋ مولشەرى جىل سايىن ارتتى. وسى نەگىزدە جەر - جەر بالىق ارقىلى سۋدى تازارتۋدى، بالىق ارقىلى سۋ شوپتەرىن تىزگىندەۋدى، بالىق ارقىلى بالدىرلاردى تىزگىندەۋدى بەلسەنە ىلگەرىلەتىپ، سۋلى القاپتىڭ ەكولوگيالىق ورتاسىن قالپىنا كەلتىرىپ، سۋلى القاپ ورگانيزمدەرىنىڭ الۋان تۇرلىلىگىن قورعاپ، ءىرى سۋ ايدىنى ەكولوگياسىندىق اقاۋسىز باعىمشىلىق تىڭ ىلگەرىلەۋشىلىككە قول جەتكىزىپ، ”ءبىر سۋدى كوپكە پايدالانۋدى، سەلبەسىپ بىرگە يگىلىككە كەنەلۋدى“ جۇزەگە اسىردى.
”شينجياڭنىڭ بالىقشىلىق كاسىبىنىڭ وراسان زور دامۋ كومەسكى كۇشى بىرتىندەپ اشىلۋدا“. دىڭ كاڭچۋ بىلاي دەدى: وسى 2 جىلدا شينجياڭنىڭ وزگەشە جەرگىلىكتى ەكونوميكالىق بالىق تۇرلەرىن اشۋ، پايدالانۋ ونىمدىلىگى كورنەكتى جوعارىلاپ، تاراق بالىق، الابۇعا، شىعىس تابان بالىعى سياقتى بالىقتاردى جاساندى جولمەن كوبەيتۋ ءبىرشاما زور ىلگەرىلەۋشىلىككە قول جەتكىزدى ءارى بۇكىل ەلدەگى ون نەشە ولكەگە جالپىلاستىرىلدى. سايرام كولىنىڭ ۇزىن اق بالىعى، نىلقى اۋدانىنىڭ سالمون بالىعى سياقتى ساپ تابيعي، لاستانباعان ورگانيكالىق ايگىلى ماركالارى رايوننىڭ ءىشى - سىرتىنا تانىمالى بولىپ، قۇرتشاباق سورتىن جەتىلدىرۋدەن، ولشەمدەندىرىپ وندىرۋدەن، جىنتىكتەي وڭدەۋدەن 1 -، 2 -، 3 - كاسىپ سالالارىنىڭ توعىسۋىنا دەيىنگى تۇتاس كاسىپ سالاسى تىزبەگىنىڭ دامۋ ارناسىن قالىپتاستىردى.
قازىر سۋ ونىمدەرى باعىمشىلىعى رايونىمىزدىڭ بالىقشىلىق كاسىبى نەگىزگى ءوندىرىس وڭىرلەرىنىڭ حالىقتى بايىتاتىن كاسىپ سالاسىنا اينالىپ، اۋىل - قىستاقتى گۇلدەندىرۋگە، شارۋالار كىرىسىنىڭ ۇزدىكسىز ورنىقتى ارتۋىن جەبەۋگە ماڭىزدى كۇش - قۋات قوستى. 2022 - جىلى بۇكىل رايوننىڭ بالىقشىلىق كاسىبىنىڭ جالپى ءونىم قۇنى 4 ميلليارد 200 ميلليون يۋانعا جەتىپ، 2019 - جىلداعىدان 921 ميلليون يۋان ارتتى. بۇكىل رايونداعى بالىقشىلاردىڭ جان باسىندىق تازا كىرىسى 19 مىڭ 960 يۋان بولىپ، اۋىل - قىستاق تۇرعىندارىنىڭ جان باسىندىق قولداعى تابىسىنان 3410 يۋان جوعارى بولدى.