اقىل - پاراسات جاعىنان شينجياڭعا كومەكتەسۋدە جاڭالىق اشىپ، تابىسقا قول جەتكىزدى

　　انار بۇلت \ شينجياڭ گازەتىنىڭ ءتىلشىسى جاڭ يۇنمەي

　　”وقىتۋداعى وي جۇلگەمدى، وقىتۋ ءادىسىمدى تۇگەلدەي شينجياڭعا قالدىرىپ كەتەمىن، شينجياڭ حالقىنا ارنايمىن“. بيىل 2 - ايدا حىنان ولكەسىنەن 2 - توپتا ”ۇيىرمە قۇراۋ ۇلگىسىندە“ شينجياڭعا كومەككە كەلگەن وقۋ - اعارتۋ دارىندىسى رەتىندە، كايفىڭ قالاسى شۇنحى حۇيزۋ رايونى تاجىريبە باستاۋىش مەكتەبىنىڭ وقىتۋشىسى جاڭ جىيىڭ شينجياڭعا كەلىپ، جاڭا ءومىر ساپارىن باستاعان بولاتىن.

　　شينجياڭعا كومەكتەسۋدە، شينجياڭدى كوركەيتۋدە دارىندىلار شەشۋشى ءمان الادى.

　　8 - رەتكى مەملەكەتتىك شينجياڭعا باعىتتامالى كومەكتەسۋ قىزمەتى ماجىلىسىنەن بەرى شينجياڭعا كومەكتەسەتىن 19 ولكە، قالا جانە ورتالىق ورىندارى شينجياڭعا كومەكتەسەتىن كادر - دارىندىلاردى ويداعىداي تاڭداۋدى، ولاردان ويداعىداي پايدالانۋدى، سونداي - اق ولاردىڭ بەلسەندىلىگىن، جاسامپازدىعىن تولىق ساۋلەلەندىرۋدى ماڭىزدى ءتۇيىن ەتىپ، اقىل - پاراسات جاعىنان شينجياڭعا كومەكتەسۋدە سۇبەلى جەتىستىكتەرگە قول جەتكىزۋدى تىڭعىلىقتى ىلگەرىلەتتى.

　　”ۇيىرمە قۇراۋ ۇلگىسىندە“ شينجياڭعا كومەكتەسۋدىڭ ونىمدىلىگى كورنەكتىلەندى

　　بيىل 5 - ايدا حوتان ايماقتىق حالىق شيپاحاناسى تيانجين قالاسى ەمدەۋ ماماندارىنىڭ كومەگىندە ماڭدايشالىق اسىپ، جاراقات ەمدەۋ ورتالىعىن قۇردى. ”وسى ورتالىق قۇرىلعاننان كەيىن، قابىلدانعان ناۋقاستارعا سول ساتتە ءارقايسى ءبولىم ماماندارىن سايكەستىرۋ ارقىلى بىرلەسىپ ەمدەۋ جۇرگىزىلەدى، ەمدەۋدەگى ەڭ ۇتىمدى ۋاقىتتى قولدان وتكىزىپ المايتىن بولدىق“، - دەدى وسى شيپاحانانىڭ سۇيەك ءبولىمىنىڭ شيپاگەرى مامەتيمىن ءماتتۇردى. ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شينجياڭعا كومەكتەسۋى حوتان ايماقتىق حالىق شيپاحاناسىنىڭ ءپان جۇيەسىن اناعۇرلىم كەمەلدەندىرىپ، دياگنوز قويۋ، ەمدەۋ نىساندارىن اناعۇرلىم تولىق ورنالاستىرىپ، شيپاحانانىڭ دياگنوز قويۋ، ەمدەۋ قابىلەتى مەن قىزمەت ونىمدىلىگىن كورنەكتى جوعارىلاتتى.

　　ەمدەۋ دارىندىلارى جاعىنان شينجياڭعا كومەكتەسۋ − اقىل - پاراسات جاعىنان شينجياڭعا كومەكتەسۋدىڭ ماڭىزدى قۇرامداس بولىگى. ورتالىق كوميتەت ۇيىمداستىرۋ ءبولىمى مەملەكەتتىك دەنساۋلىق ساقتاۋ، سالاماتتىق كوميتەتى سياقتى تاراۋلارمەن بىرگە ەمدەۋ دارىندىلارىنىڭ ”ۇيىرمە قۇراۋ ۇلگىسىندە“ شينجياڭعا كومەكتەسۋ قىزمەتىن ۇيىمداستىرىپ اتقاردى. سوڭعى 2 جىلدان بەرى شينجياڭعا كومەكتەسۋشى ماماندار ۇجىمى ”1 + 7“ كومەككە يە بولعان شيپاحانانىڭ 149 ارناۋلى ءبولىمدى دامىتۋ جوباسىن جاساۋىنا، جاڭادان 17 ارناۋلى ءبولىم، ايماق دارەجەلى 31 ءتۇيىندى ارناۋلى ءبولىم قۇرۋىنا، شۇعىل، قاتەرلى، سالماقتى ناۋقاستاردى قۇتقارۋ، ەمدەۋ ورتالىعىنان 24ىن قۇرۋىنا، جاڭا تەحنيكا، جاڭا نىساننان 839دى ورىستەتۋىنە كومەكتەستى. ”سالماقتى ناۋقاستار اۆتونوميالى رايوننان شىقپاۋ، قالىپتى ناۋقاستار ايماق، وبلىس، قالادان شىقپاۋ، جەڭىل ناۋقاستار اۋدان، قالا، رايوننان شىقپاۋ“ نىساناسى بىرتىندەپ جۇزەگە استى.

　　شينجياڭعا كومەككە كەلگەن ماماندار ۇجىمىنىڭ كومەكتەسۋىندە، كومەككە يە بولعان شيپاحانالاردىڭ باسقارۋ ۇلگىسى كۇننەن - كۇنگە ەگجەي - تەگجەيلىلەنىپ، ەمدەۋ دارىندىلارى قوسىنى ۇزدىكسىز زورايىپ، ەمدەۋ بويىنشا ۇيىرمە قۇراۋ ونىمدىلىگى ۇزدىكسىز كورنەكتىلەندى.

　　شينجياڭعا كومەككە كەلگەن ەمدەۋ دارىندىلارى اقىل - پاراسات باسىمدىعىن جانە كومەكتەسۋشى جاقتىڭ بايلىق باسىمدىعىن تولىق ساۋلەلەندىرىپ، ”1 + 7“ كومەككە يە بولعان شيپاحانانى باستاماشى ەتە وتىرىپ ىشكەرىلەي ەمدەۋ بىرىككەن تۇلعاسىن ۇيىمداستىرىپ، 61 اۋدان، قالا، رايوندى، 83 اۋىل، قالاشىقتى، 1185 قىستاقتى (الەۋمەتتىك اۋماق) قامتىدى. وسى زامانعى ينفورماتسيا تەحنيكاسىنان پايدالانىپ، ”1 + 7“ كومەككە يە بولعان شيپاحانانىڭ 94 كومەكتەسۋشى شيپاحانامەن، اۋدان دارەجەلى 66 شيپاحانامەن، 299 اۋىل، قالاشىق ەمحاناسىمەن الىس ارالىقتان ەمدەۋ سەلبەستىك تورىن قۇرۋىن ىلگەرىلەتىپ، الىس ارالىقتان 52 مىڭ ادام (رەت) دياگنوز قويىپ، شينجياڭعا كومەكتەسۋدەگى ساپالى ەمدەۋ بايلىعى تومەنگە اناعۇرلىم ىشكەرىلەي جەتكىزىلدى.

　　ەمدەۋ دارىندىلارى جاعىنان ”ۇيىرمە قۇراۋ ۇلگىسىندە“ شينجياڭعا كومەكتەسۋدى ورىستەتىپ قانا قالماستان، شينجياڭعا كومەكتەسۋشى ءارقايسى ولكە، قالا جانە ورتالىق ورىندارى وقۋ - اعارتۋ، عىلىم - تەحنيكا، اۋىل شارۋاشىلىعى، سۋ يگىلىگى، كاسىپ سالاسىنىڭ دامۋى، باقشا رايونىن باسقارۋ سياقتى ءتۇيىندى سالالاردا دا ”ۇيىرمە قۇراۋ ۇلگىسىندەگى“ شينجياڭعا كومەكتەسۋدى ۇزدىكسىز تەرەڭدەتتى، كەڭەيتتى.

　　شينجياڭ شينجياڭعا كومەكتەسەتىن وقىتۋشىلار كۇشىن تۇرلىشە ارنادان پايدالانىپ تاڭداپ جىبەرۋدى ءبىر تۇتاس جوسپارلاپ، وقۋ - اعارتۋ دارىندىلارىنىڭ ”ۇيىرمە قۇراۋ ۇلگىسىندە“ شينجياڭعا كومەكتەسەتىن 200گە تارتا ۇجىمىن ۇيىمداستىرىپ قۇرۋىن ىلگەرىلەتىپ، مەكتەپكە دەيىنگى تاربيەدەن تارتىپ جوعارى دارەجەلى وقۋ - اعارتۋعا دەيىنگى ءارقايسى وقۋ كەزەڭىن قامتىدى، كومەككە يە بولعان جەردىڭ وقۋ - اعارتۋ، وقىتۋ دەڭگەيىن ءونىمدى جوعارىلاتتى.

　　دارىندى ەنگىزۋ، دارىندى باۋلۋ سەرپىنى كۇشتى بولدى

　　اۋىل - قىستاققا عىلىم - تەحنيكالىق قۋات ۇستەۋ ورتالىعىن تۇلعالاپ سىناق جۇرگىزدى؛ شوۋگۋاڭنان ”جەرگىلىكتى مامانداردى“ ۇسىنىس ەتىپ، وزىق تەحنيكادان ۇلگى كورسەتتى، ۇيرەتتى... شاندۇڭ شينجياڭعا كومەكتەسۋدە يكەمدى ۇلگىدە ەنگىزگەن دارىندى رەتىندە، قاشقار كۇنلۇن كوكونىس كاسىپ سالاسىن زەرتتەۋ ورنىنىڭ ورىنباسار باستىعى جاۋ ۋي قاشقاردا 3 جىلعا جۋىق ۋاقىت كوكونىس تەحنيكاسى بويىنشا قىزمەت وتەۋ قىزمەتىن ورىستەتىپ، جەرگىلىكتى ورىننىڭ ساپالى، تاڭداۋلى كوكونىس تۇقىمىن ەنگىزۋىنە، جەتىلدىرۋىنە، اۋىل شارۋاشىلىعىندا ونىمدىلىكتى ارتتىرۋعا دەم بەرۋىنە، شارۋالاردىڭ كىرىسىن مولايتۋعا مۇمكىندىك جاسادى.

　　دارىندى − ءبىرىنشى بايلىق. جاڭا دامۋ كەزەڭىنە وتكەننەن كەيىن، شينجياڭ دارىندىلارعا بۇرىنعى ءارقانداي كەزدەگىدەن دە اناعۇرلىم ءزارۋ بولدى. شينجياڭعا كومەكتەسەتىن ءارقايسى ولكە، قالا جانە ورتالىق ورىندارى اقىل - پاراسات جاعىنان شينجياڭعا كومەكتەسۋدى ماڭىزدىنىڭ ماڭىزدىسى ەتىپ، اقىل - پاراسات جاعىنان شينجياڭعا كومەكتەسۋ نىسانىنان 1012نى اتقارىپ، اقىلشىلار جەتەكشىلىك ىستەۋ، تەحنيكالىق ىستەستىك ورناتۋ، نىساندار سەلبەستىگى سياقتى تاسىلدەردى قولدانىپ، شينجياڭعا كومەكتەسۋ ارناسىنان پايدالانىپ جوعارى دەڭگەيلى جانە شۇعىل قاجەتتى، تاپشى 47 مىڭنان استام دارىندىنى يكەمدى ەنگىزىپ، شينجياڭدا دارىندى تاپشى بولۋداي قيىن ماسەلەنى ءونىمدى شەشىپ، شينجياڭنىڭ رەفورماسىنا، دامۋىنا، ورنىقتىلىعىنا پارمەندى تۇردە اقىل - پاراسات جاعىنان قولداۋ كورسەتتى جانە دارىندى جاعىندا قامتاماسىزدىق ازىرلەدى.

　　مۇنىڭ ىشىندە فۋجيان ولكەسى اۋىل شارۋاشىلىق تەحنيكاسى دارىندىلارىنان 126 ادامدى 3 توپقا ءبولىپ يكەمدى ۇلگىدە تاڭداپ جىبەردى، شينجياڭدا اۋىل شارۋاشىلىعىنا كومەكتەسىپ قىزمەت وتەۋدى ورىستەتىپ، سانجى حۇيزۋ اۆتونوميالى وبلىسىنىڭ ەگىن، مال، بالىق شارۋاشىلىعى وندىرىسىندەگى 429 ماسەلەنى شەشۋىنە كومەكتەسىپ، ”ايگىلى، ساپالى، ەرەكشە، جاڭا“ تۇردەن 271دى ەنگىزىپ، وزىق قولدانىلمالى تەحنيكادان 150 ءتۇردى جالپىلاستىردى.

　　مەملەكەتتىك ءدارى - دارمەك باقىلاۋ - باسقارۋ مەكەمەسى بۇكىل ەلدەگى ءدارى - دارمەك باقىلاۋ - باسقارۋ جۇيەسىندەگى بايلىقتى ءونىمدى بىرىكتىرىپ، شينجياڭعا كومەكتەسەتىن 66 كادر - دارىندىنى 3 توپقا ءبولىپ شينجياڭدا قىزمەت ىستەۋگە يكەمدى تۇردە تاڭداپ جىبەرىپ، شينجياڭنىڭ ءدارى - دارمەك باقىلاۋ - باسقارۋ ىستەرىنىڭ دەڭگەيىن جاپپاي جوعارىلاتتى.

　　تاپشى، ءزارۋ بولىپ وتىرعان دارىندىلاردى ەنگىزدى، جەرگىلىكتى دارىندىلاردى سىرتقا شىعاردى. شينجياڭعا كومەكتەسۋشى ءارقايسى ولكە، قالا جانە ورتالىق ورىندارى كومەكتەسۋ - جەتەكتەۋ، جوعارىلاتۋ ينجەنەرياسىن ۇدايىلاندىرا ورىستەتىپ، كادر - دارىندىلاردى تاربيەلەۋ، باۋلۋ نىسانىن دالمە - ءدال اتقارىپ، ”شاقىرىپ اكەلۋ“، ”سىرتقا شىعارۋ“ ارقىلى شينجياڭنىڭ ءتۇرلى كادر - دارىندىلارىنان 2 ميلليوننان استام ادام (رەت) باۋلىپ، 3500 نەشە كادر - دارىندىنى شينجياڭعا كومەكتەسەتىن ولكە، قالالاردا مىندەتكە ءىلىپ ۇيرەنۋگە تاڭداپ جىبەرىپ، كوز اياسىن كەڭەيتىپ، قابىلەتىن جوعارىلاتتى.

　　شاڭحاي قالاسى قارامايلى قالاسىنىڭ ءىس جۇزىندىك قاجەتىمەن ۇشتاستىرىپ، ”شاڭحاي − قارامايلى قوناق وقىمىستى“ سياقتى ماركالى باۋلۋ نىساندارىن تۇلعالاپ، 1700 نەشە ادام (رەت) شاڭحاي قالاسىنداعى پارتيا، ۇكىمەت ورگاندارىنا، ايگىلى جوعارى مەكتەپتەرگە، ەمدەۋ قۇرىلىمدارىنا، باقشا رايونى كاسىپورىندارىنا بارىپ ۇيرەنۋگە، تاربيەلەنۋگە تاڭداپ جىبەردى.

　　ەكولوگيالىق ورتا مينيسترلىگى شينجياڭعا دارىندى باۋلۋدا ساياسات جاعىنان بەيىمدەلىپ، دارىندىلاردى شىنىقتىرۋ، باۋلۋ مەحانيزمىن ورناتىپ، ىلگەرىندى - كەيىندى شينجياڭدىق 7 كادردى قابىلداپ، ەكولوگيالىق ورتا مينيسترلىگى، ەكولوگيالىق ورتا مينيسترلىگىنىڭ باتىس تەرىستىك باقىلاۋ - تەكسەرۋ مەكەمەسى سياقتى ورىنداردا تاربيەلەپ، مىندەتكە ءىلىپ شىنىقتىردى، 51 رەت ءتۇرلى كۋرس، كاسىپتىك لەكسيا وتكىزدى، كۋرسقا 3000نان استام ادام قاتىناسىپ، شينجياڭعا ”قورشاعان ورتانى قورعايتىن قۇرىش قوسىن“ تۇلعالاپ بەردى.

　　جۇڭگو عىلىم - تەحنيكا قوعامىنان شينجياڭعا كومەككە كەلگەن كادر - دارىندىلار ”اكادەميكتەردىڭ تيانشان الابى ساپارى“، ”عىلىم - تەحنيكادا جاڭالىق اشقان جۇڭگو“ اكادەميك مامانداردىڭ شينجياڭ ساپارى سياقتى ورەلى شەشىمدەر بويىنشا اقىل - كەڭەس بەرۋدەن قىزمەت وتەۋ قيمىلىن ورىستەتىپ، 144 اكادەميك، ماماندى شينجياڭعا بارىپ تەكسەرۋ - زەرتتەۋ جۇرگىزۋگە ۇيىمداستىردى، اۆتونوميالى رايون مەن اكادەميا 12 سەلبەستىك كەلىسىمىنە قول قويىپ، اۆتونوميالى رايون - عىلىم اكادەمياسىنىڭ سەلبەستىك جاساۋ كوميتەتىن جانە شينجياڭ اكادەميكتەر بىرىككەن كەڭەسىن قۇرىپ، عىلىم - تەحنيكا جەتىستىگىنىڭ شينجياڭعا ويىسىپ كادەگە جاراۋىن، تياناقتانىپ ونىمدىلىك كورسەتۋىن ىلگەرىلەتتى.

　　2021 - جىلى جياڭسۋدا اۋىس - كۇيىس جاساپ، ۇيرەنۋدە بولعان 10 كۇندى ەسكە العاندا، اقتاۋ اۋدانى اقتاۋ قالاشىعى قايشارىق قىستاعى پارتيا ياچەيكاسىنىڭ ورىنباسار شۋجيى، قىستاق تۇرعىندار كوميتەتىنىڭ مەڭگەرۋشىسى مايرا سىدىق تەبىرەنىسىن باسا الماي: ”وركەندەگەن ولكە، قالالارعا بارىپ اۋىل - قىستاقتى گۇلدەندىرۋ جاعىنداعى جاقسى ادىستەردى، جاقسى تاجىريبەلەردى ۇيرەنۋ مەنىڭ كورىكتى اۋىل - قىستاق قۇرىلىسىنا اناعۇرلىم ويداعىداي ات سالىسۋىما پايدالى بولدى“، - دەدى.

　　شينجياڭعا كومەكتەسۋ ساحناسىندا گۇلدەر قۇلپىردى

　　3 جىلدىق شينجياڭعا كومەكتەسۋ جولى، ومىرلىك شينجياڭعا كومەكتەسۋ سۇيىسپەنشىلىگى.

　　اۆتونوميالى رايوندىق پارتكوم شينجياڭعا كومەككە كەلگەن كادر - دارىندىلاردى قاشاندا قىمباتتى بايلىققا بالاپ، رەفورمانىڭ، دامۋدىڭ، ورنىقتىلىقتىڭ ەڭ الدىڭعى لەگىنە ورنالاستىرىپ، جۇمىس ىستەپ شارۋاشىلىق قۇرۋدىڭ ۇلكەن ساحناسىن قۇرىپ، باسقارۋ، قامقورلىق جاساۋدىڭ قاتاڭ شارالارىن اتقارىپ، ولارعا قامقورلىقتى جانە مەيىرىمدى ءار ۋاق سەزىندىردى.

　　شينجياڭعا كومەكتەسۋشى كادرلار شينجياڭنىڭ دامۋ ساحناسىنا قادام تاستاپ، شينجياڭدى وتباسى ساناپ، ەڭ كوتەرىڭكى رۋحاني بەينەمەن، ەڭ اسىل قىزمەت ستيلىمەن، ەڭ قويۋ ىقىلاستى سۇيىسپەنشىلىكپەن اقىل - پاراسات باسىمدىعىن ساۋلەلەندىرىپ، شينجياڭنىڭ قۇرىلىسىنا اقىل - كەڭەس بەرىپ، كۇش قوستى، قولىنان كەلگەننىڭ ءبارىن ايامادى.

　　”اسىل ساتتەردى قاستەرلەپ، قيىندىقتاردان تايسالماي، تيانشانعا سۇيىسپەنشىلىگىمدى ارنايمىن. پارتياعا ادالدىقپەن شاكىرت تاربيەلەپ، قۇبا تۇزگە جاستىق كوكتەمىمدى ارنايمىن“. 2021 - جىلى ”تيانشاندى نارلەندىرۋ − 10 - توپتاعى شينجياڭعا كومەكتەسۋ بويىنشا پارتيا قۇرىلعاندىعىنىڭ 100 جىلدىعىن قۇتتىقتاۋ“ نەگىزگى تاقىرىبىنداعى حاتكەرلىك كورمەسىندە، سۋجوۋدان شينجياڭعا كومەككە كەلگەن وقىتۋشى حۇڭ ميننىڭ تۋىندىسى ”شينجياڭعا كومەككە كەلگەن وقىتۋشىلارعا ماداق“ كورەرمەندەردىڭ جاقسى باعاسىنا يە بولدى. ”مەن وسى حاتكەرلىك تۋىندىسى ارقىلى شينجياڭعا كومەككە كەلگەن وقىتۋشىلاردىڭ قالتقىسىز ۇلەس قوسقاندىعىن القاماقشىمىن، سونىمەن بىرگە شينجياڭدى سۇيەتىندىگىمدى بىلدىرمەكشىمىن“، - دەدى حۇڭ مين.

　　”’تيانشاندى نارلەندىرۋ − 10 - توپتاعى شينجياڭعا كومەكتەسۋ بويىنشا پارتيا قۇرىلعاندىعىنىڭ 100 جىلدىعىن قۇتتىقتاۋ‘ نەگىزگى تاقىرىبىنداعى حاتكەرلىك كورمەسى“، ”جۇرەكتەر تيانشاندى نۇرلاندىردى − 10 - توپتاعى شينجياڭعا كومەككە كەلگەن كادر - دارىندىلاردىڭ’20 - قۇرىلتايدى قۇتتىقتاۋ، ەڭبەك ءسىڭىرىپ شينجياڭعا كومەكتەسۋ جولى‘ نەگىزگى تاقىرىپتىق فوتوسۋرەت كورمەسى“، ”سۇيىسپەنشىلىككە تولى تيانشان − 10 - توپتاعى كادر - دارىندىلاردىڭ شينجياڭعا كومەكتەسۋى فوتوسۋرەت كورمەسى“، ”تيانشاندى جىرلاۋ − 10 - توپتاعى شينجياڭعا كومەككە كەلگەن كادر - دارىندىلار جونىندە نەگىزگى تاقىرىپتىق ماقالا قابىلداۋ“... سوڭعى جىلدارى شينجياڭ دەن قويا جوبالاۋ ارقىلى ارناۋلى تاقىرىپتىق قيمىلداردى ۇيىمداستىرىپ اتقارىپ، 10 - توپتاعى شينجياڭعا كومەككە كەلگەن كادرلاردىڭ قايراتتانا ۇمتىلعان ەر تۇلعاسىن، وبرازىن جاندى بەينەلەپ، شينجياڭعا كومەكتەسۋ قىزمەتى قول جەتكىزگەن سۇبەلى تابىستاردى ايگىلەپ، تۇتاس قوعامدا كۇشتى اڭىس قوزعادى.

　　اۆتونوميالى رايوندىق پارتكوم شينجياڭعا كومەككە كەلگەن كادر - دارىندىلاردىڭ شينجياڭدا تولىسىپ - جەتىلۋىنە ۇزدىكسىز نازار اۋدارىپ، ولاردى جەرگىلىكتى كادر - دارىندىلاردى تاربيەلەۋ، باۋلۋ جوسپارىنا ەنگىزىپ، اۆتونوميالى رايوندىق پارتكوم پارتيا مەكتەبىندە (اكىمشىلىك شۋەيۋان) جانە شينجياڭ كوكتوعاي كادرلار شۋەيۋانىندا شينجياڭعا كومەكتەسۋ قىزمەتى جونىندە اۋىس - كۇيىس جاساسۋ ارناۋلى تاقىرىپتىق زەرتتەۋ - تالقى كلاسىن جانە شينجياڭعا كومەككە كەلگەن كادر - دارىندىلار ارناۋلى تاقىرىپتىق كۋرسىن اشىپ، شينجياڭعا كومەككە كەلگەن كادر - دارىندىلاردى اۋەلگى ماقساتتى، بورىشتى ەستە بەرىك ساقتاۋعا، شەكارا وڭىرگە قىزمەت وتەۋگە، ۇلەس قوسۋعا، شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا كوكتوعاي قىزىل رۋحىمەن ىشكەرىلەي تاربيەلەدى، جەتەكتەدى.

　　جۇڭگو − جاپونيا دوستىق شيپاحاناسىنان شينجياڭعا كومەككە كەلگەن شيپاگەر، شينجياڭ مەديتسينا داشۋەسىنە قاراستى 1 - شيپاحانا بۇيرەك اۋرۋى ورتالىعىنىڭ ورىنباسار مەڭگەرۋشىسى زوۋ گۋميڭ 8 كۇن ۋاقىتپەن وتكىزىلەتىن ورتالىق پەن مەملەكەت ورگاندارىنىڭ، ورتالىق كاسىپورىندارىنىڭ 11 - توپتاعى شينجياڭعا كومەكتەسەتىن كادر - دارىندىلارىن باۋلۋ كۋرسىنا قاتىناسقاننان كەيىن مىنالاردى ءبىلدىردى: كاسىپتىك باسىمدىعىمدى ساۋلەلەندىرىپ، ەمدەۋ دارىندىلارىنا ”كومەكتەسۋشى - جەتەكتەۋشى“، اۋىس - كۇيىس جاساپ، سەلبەستىك ورناتۋداعى ”بايلانىس جاساۋشى“، ۇلتتار ىنتىماعىنداعى ”ۇلگى“، كورىكتى شينجياڭدى ”ۇگىتتەۋشى“ مىندەتىن ويداعىداي وتەيمىن.

　　ساياسات جاعىندا شابىتتاندىردى، قىزمەت جاعىندا قولداۋ كورسەتتى، مامىلە جاعىندا قامتاماسىزداندىردى، تۇرمىستا كوڭىل ءبولدى. شينجياڭعا كومەككە كەلگەن كادر - دارىندىلار تاسقىنداعان اسقاق سەزىممەن شينجياڭنىڭ كەڭ - بايتاق دالاسىندا ءىس تىندىرىپ شارۋاشىلىق قۇرىپ، جاۋاپكەرشىلىك ارقالاپ ىسكەرلىك كورسەتىپ، دارىندارىن ايگىلەپ، كادەگە جاراتىپ، بۇكىل ىنتا - پەيىلدەرىمەن كورىكتى شينجياڭ قۇرۋ ۇلى امالياتىنا ات سالىستى.

جالعانىم