ما شيڭرۇي قۇلجادا ءبىر ءبولىم كاسىپورىنشىلارمەن اڭگىمە وتكىزدى
دامۋ ورايىن يگەرىپ، ناقتى سەلبەستىكتى تەرەڭدەتىپ، ءوزارا تيىمدىلىك جەتكىزىپ تەڭ يگىلىككە كەنەلۋ بارىسىندا شينجياڭنىڭ جوعارى ساپالى دامۋىن ىلگەرىلەتۋ كەرەك
لي يفي قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي، ەرىكتى ءتىلشى لي يافىڭ 9 - ايدىڭ 18 - كۇنى قۇلجادان حابارلايدى. 9 - ايدىڭ 18 - كۇنى تۇستەن بۇرىن اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي شينجياڭدا قىزمەت تەكسەرىپ، اۋىس - كۇيىس جاساپ جاتقان جۇڭگو كاسىپورىنشىلار قوعامى كاسىپورىنشىلار كلۋبىنىڭ ءبىر ءبولىم كاسىپورىنشىلارىمەن اڭگىمە وتكىزىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعان كەزدە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرۋدى ارقاۋ ەتىپ، ءوزارا تيىمدىلىك جەتكىزىپ سەلبەسۋدى ونان ارى تەرەڭدەتىپ، شينجياڭنىڭ باسىمدىعى مەن كومەسكى كۇشىن تولىق ساۋلەلەندىرىپ، ەرەكشەلىككە، باسىمدىققا يە كاسىپ سالالارىن بەلسەنە جەتىلدىرىپ، زورايتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتىپ، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋ جونىندە ىشكەرىلەي اۋىس - كۇيىس جاسادى.
اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي ماجىلىسكە قاتىناستى.
اڭگىمە ماجىلىسىندە كاسىپورىنشىلار اقتارىلا سويلەپ، نازاردى شينجياڭنىڭ جوعارى دەڭگەيدە باتىسقا ەسىك اشۋدى كەڭەيتۋى، ”8 ءىرى كاسىپ سالاسى شوعىرىن“ قۇرۋى سياقتى ورايلاردى يگەرۋگە شوعىرلاندىرىپ، ەنەرگيا، جاسىل كەن شارۋاشىلىعى، وسى زامانعى ەگىن، مال شارۋاشىلىعى، ەنەرگيا ۇنەمدەپ، لاس زاتتاردىڭ شىعارىلۋىن ازايتۋ، زەردەلى قاتىناس سياقتى سالالاردا ءوزارا تيىمدىلىك جەتكىزىپ سەلبەسۋدى ارقاۋ ەتىپ، بولاشاقتاعى سەلبەستىك تىلەگى جونىندە كوسىلە اڭگىمەلەستى.
كوپشىلىكتىڭ ءسوزىن مۇقيات تىڭداعاننان كەيىن، ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان كاسىپورىنشىلاردى قارسى الدى، كاسىپورىنشىلاردىڭ شينجياڭنىڭ دامۋىنا ۇزاق ۋاقىتتان بەرى كوڭىل ءبولىپ، نازار اۋدارىپ كەلگەندىگىنە العىس ايتتى. ول بىلاي دەپ باسا دارىپتەدى: باس شۋجي شي جينپيڭ اراعا ءبىر جىل سالىپ شينجياڭعا تاعى كەلىپ، شينجياڭ قىزمەتىن جاقسى ىستەۋ جونىندە ماڭىزدى ءسوز سويلەپ، ايقىن تالاپ قويىپ، ءبىزدىڭ جاڭا ساپاردا كورىكتى شينجياڭ قۇرۋىمىزعا قۇدىرەتتى سەنىم، قۋاتتى قوزعاۋشى كۇش ۇستەدى. قازىر شينجياڭ باس شۋجيدىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، باسىمدىقتى، كومەسكى كۇشتى ۇزدىكسىز ساۋلەلەندىرىپ، ”8 ءىرى كاسىپ سالاسى شوعىرىن“ جەدەل قۇرىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن ورناتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن كۇش سالا ىلگەرىلەتىپ، ىشكە، سىرتقا ەسىك اشۋ دەڭگەيىن جان - جاقتى جوعارىلاتىپ، جوعارى ساپالى دامۋ ارناسىنا جەدەل قادام تاستادى. جاڭا جورىقتاعى شينجياڭنىڭ ورايى كەڭ، بولاشاعى نۇرلى. كاسىپورىنشىلاردىڭ شينجياڭعا كوبىرەك كەلىپ تەكسەرۋ جۇرگىزىپ، اۋىس - كۇيىس، ءتۇيىلىستىرۋ جۇرگىزىپ، شينجياڭمەن كوپ ساتىلى، ءار سالاداعى اۋىس - كۇيىس سەرپىنىن ارتتىرىپ، ”ءبىر بەلدەۋ، ءبىر جول“ وزەكتى رايون قۇرىلىسىمەن بەلسەنە توعىسىپ، شينجياڭنىڭ ەرەكشەلىككە، باسىمدىققا يە كاسىپ سالالارى شوعىرى قۇرىلىسىنا ات سالىسىپ، ”سىرتقا شىعارۋدى“ جەدەلدەتىپ، حالىقارالىق بازاردى كەڭەيتىپ، اناعۇرلىم كوپ قارجى قوسۋ نىساندارىنىڭ تياناقتانۋىن ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە تىڭ ۇلەس قوسۋىن قارسى الامىز. شينجياڭ بازارلانعان، زاڭمەن باسقارىلاتىن، حالىقارالانعان شارۋاشىلىق ساۋدا ورتاسىن كۇش سالا قالىپتاستىرىپ، كاسىپورىنشىلاردىڭ قارجى قوسىپ دامۋى، نىسانداردى تياناقتاندىرۋ، فاكتورلارمەن قامتاماسىز ەتۋ سياقتى جاقتارداعى قيىنشىلىقتارى مەن ماسەلەلەرىن كۇش سالا شەشىپ، ءتۇرلى كاسىپورىنداردىڭ دامۋىنا، زورايۋىنا تاماشا ورتا ازىرلەيدى.
ەلزات احىمەتجان، قادەن كابەن ماجىلىسكە قاتىناستى. ياڭ شيۋلي ءماجىلىستى باسقاردى.