19 - كەزەكتى ازيا سپورت جارىسى حاڭجوۋدا سالتاناتپەن باستالدى

　　شي جينپيڭ باستالۋ سالتىنا قاتىناستى ءارى وسى كەزەكتى ازيا سپورت جارىسىنىڭ باستالعاندىعىن جاريالادى

　　ساي چي، ديڭ شۋەشياڭ، ازيانىڭ جەر - جەرىنەن كەلگەن باسشىلار جانە سيلى قوناقتار قاتارلىلار قاتىناستى

　　9 - ايدىڭ 23 - كۇنى كەشتە 19 - كەزەكتى ازيا سپورت جارىسى جىجياڭ ولكەسىنىڭ حاڭجوۋ قالاسىندا سالتاناتپەن باستالدى. سۋرەتتە: مەملەكەت ءتوراعاسى شي جينپيڭ ءتوراعالار مىنبەسىندە كوپشىلىككە قول بۇلعاپ قۇرمەت بىلدىرۋدە.

　　 □ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

　　9 - ايدىڭ 23 - كۇنى كەشتە 19 - كەزەكتى ازيا سپورت جارىسى جىجياڭ ولكەسىنىڭ حاڭجوۋ قالاسىندا سالتاناتپەن باستالدى. شي جينپيڭ، ساي چي، ديڭ شۋەشياڭ قاتارلى پارتيا مەن مەملەكەت باسشىلارى باستالۋ سالتىنا قاتىناستى.

　　 □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　9 - ايدىڭ 23 - كۇنى ارتيستەر باستالۋ سالتىندا ونەر كورسەتۋدە. سول كۇنى 19 - كەزەكتى ازيا سپورت جارىسىنىڭ باستالۋ سالتى جىجياڭ ولكەسىنىڭ حاڭجوۋ قالاسىندا وتكىزىلدى.

　　 □ سۋرەتتى شينحۋا اگەنتتىگىنىڭ ءتىلشىسى جياڭ ۋىنياۋ تۇسىرگەن

　　شينحۋا اگەنتتىگىنىڭ 9 - ايدىڭ 23 - كۇنى حاڭجوۋدان بەرگەن حابارى. بۋىرقانعان چيانتاڭجياڭ جاعاسىندا سالتاناتتى جينالىستى شات مەرەيمەن قارسى الدى، قول ۇستاسا بىرگە ءجۇرىپ، بولاشاقتى بىرگە اشتى. 19 - كەزەكتى ازيا سپورت جارىسى 9 - ايدىڭ 23 - كۇنى كەشتە جىجياڭ ولكەسىنىڭ حاڭجوۋ قالاسىندا سالتاناتپەن باستالدى. مەملەكەت ءتوراعاسى شي جينپيڭ باستالۋ سالتىنا قاتىناستى ءارى وسى كەزەكتى ازيا سپورت جارىسىنىڭ باستالعاندىعىن جاريالادى.

　　ساي چي، ديڭ شۋەشياڭ، سونداي - اق ازيانىڭ جەر - جەرىنەن كەلگەن باسشىلار جانە سيلى قوناقتار قاتارلىلار باستالۋ سالتىنا قاتىناستى.

　　ءتۇن قۇشاعىندا چيانتاڭجياڭ جاعاسىنا ورنالاسقان حاڭجوۋ وليمپيادا سپورت ورتالىعىنىڭ دەنە تاربيە الاڭىندا اشەكەيلى شامدار جامىراپ، كوركى كوز ءسۇرىندىردى. وسىناۋ الىپ شامگۇل ءتارىزدى قۇرىلىس ازيا سپورت جارىسى قاسيەتتى الاۋىنىڭ 3 - رەت جۇڭگودا تۇتاندىرىلعاندىعىنا كۋا بولدى.

　　باستالۋ سالتى باستالاردان بۇرىن جىجياڭنىڭ جەر - جەرىنەن كەلگەن بۇقارا جەرگىلىكتى ەرەكشەلىككە باي ادەبيەت - كوركەمونەر كونسەرتىن ورىنداپ، الاڭنىڭ رايىن قىزۋ دۋمانعا بولەدى.

　　ساعات 19دان 58 مينۋت وتكەندە «بەيبىتشىلىك − تاعدىرلاس ورتاق تۇلعا» مۋزيكا اۋەنىمەن شي جينپيڭ مەن حانىمى پىڭ لييۋان ازيا وليمپيادا القالار كەڭەسىنىڭ ۋاقىتشا ءتوراعاسى سينگ، حالىقارالىق وليمپيادا كوميتەتىنىڭ ءتوراعاسى باح قاتارلىلارمەن بىرگە ءتوراعالار مىنبەسىنە قادام تاستاپ، كورەرمەندەرگە قول بۇلعاپ قۇرمەت ءبىلدىردى. بۇكىل الاڭدا ۇزاققا دەيىن قىزۋ قول شاپالاق ءۇنى كوتەرىلدى.

　　9 - ايدىڭ 23 - كۇنى − ءدال جۇڭگونىڭ ەگىنشىلىك كالەندارى بويىنشا 24 امالدىڭ ىشىندەگى ”كۇن مەن ءتۇننىڭ كۇزگى تەڭەلۋى“. ساعات 20دا قوناق قارسى الۋ كونسەرتى «سۋمەن نارلەنگەن كۇزگى شۇعىلا» 19 ”قاس توستاعانشانى“ قاعۋدان شىققان اسەرلى دە اسقاق بارابان ءۇنى ىشىندە باستالدى. الاڭنىڭ ورتاسىنداعى كەرى شەگەرىپ ساناۋ سيفرلارىنا ىلەسە، بۇكىل الاڭداعى كورەرمەن بىركەلكى داۋىسپەن ايعايلادى. جەردەگى ەكران، قاس توستاعانشا، قاس تاسىنان جاسالعان قۇس ءمۇسىنى، قاسيەتتى بەلگى سياقتى تاڭبا جانە بايىرعى قالا ەسكى جۇرتى ءبىر - بىردەن كوز الدىعا تارتىلىپ، جاپ - جاسىل تۇستەن شۇعىلالى التىن سارى تۇسكە دەيىن كوكتەمگى ەگىستىڭ، كۇزگى جيىن - تەرىننىڭ تابيعي بارىسى ايگىلەنىپ، لياڭجۋ وركەنيەتىنىڭ شۇعىلاسى، التىن سارى ءتۇستى مول ءونىمنىڭ كوركەمدىگى جەتكىزە كورسەتىلدى.

　　الاڭنىڭ ورتاسىندا كورىكتى تاۋ - وزەننىڭ ايبىندى كورىنىسى كورسەتىلىپ، ءبىر قىزىل جىبەك شۇباتىلىپ، «سۇيەمىن سەنى جۇڭگونىڭ» قويۋ سۇيىسپەنشىلىككە تولى اۋەنى ىشىندە 8 قۇرمەت قاراۋىلى نىق قادام تاستاپ،جۇڭحۋا حالىق رەسپۋبليكاسىنىڭ مەملەكەت تۋىن قورعاپ الاڭعا كىردى. تۇتاس الاڭداعىلار ورىندارىنان تۇرىپ جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا ورىندادى. بەس جۇلدىزدى قىزىل تۋ باياۋ كوتەرىلىپ، جەلمەن جەلبىرەدى.

　　ساعات 20دان 9 مينۋت وتكەندە سپورتشىلاردىڭ الاڭعا كىرۋ سالتى باستالدى، ويناقى مۋزيكا «ءبىزدىڭ ازياعا» ىلەسە 45 مەملەكەت پەن وڭىردەن كەلگەن دەنە تاربيە ۋاكىلدەر ۇيىرمەسى ىركەس - تىركەس الاڭعا كىرىپ، بۇكىل الاڭداعى كورەرمەندەردىڭ قىزۋ قارسى الۋىنا بولەندى. «وتاندى جىرلايمىزدىڭ» اسەرلى دە اسقاق اۋەنى شىعىسىمەن، وتاعاسى ەل جۇڭگونىڭ ۋاكىلدەر ۇيىرمەسى الاڭعا ەڭ سوڭىندا كىردى، شي جينپيڭ ورنىنان تۇرىپ قول بۇلعاپ قۇرمەت ءبىلدىردى، بۇكىل الاڭ دۋمانعا شومدى، شاپالاق ءۇنى، شاتتىق ءۇنى تولاس تاپپادى. جۇڭگو ۋاكىلدەر ۇيىرمەسىندە جالپى 1329 ادام بار، ولاردىڭ اراسىندا جارىسقا قاتىناساتىن 886 سپورتشى وسى كەزەكتى ازيا سپورت جارىسىنىڭ 38 ۇلكەن تۇردەگى، 407 كىشى تۇردەگى جارىسقا قاتىناسادى.

　　حاڭجوۋ ازيا سپورت جارىسى ۇيىمداستىرۋ القاسىنىڭ ءتوراعاسى، جىجياڭ ولكەسىنىڭ باستىعى ۋاڭ حاۋ ارناۋ سوزىندە ۇيىمداستىرۋ القاسى جانە 65 ميلليون جىجياڭ حالقى اتىنان ازياداعى ءار ەلدەن جانە وڭىردەن كەلگەن سپورت ساڭلاقتارىن ەرەكشە قىزۋ قارسى الىپ، ولاردىڭ سۇبەلى ناتيجە جاراتىپ، ارماندارىنا جەتىپ، دوستىقتى كۇشەيتىپ، باقىتقا كەنەلىپ، كەرەمەت حاڭجوۋ ازيا سپورت جارىسى ساپارىنىڭ ءومىر بويى ۇمىتىلماستاي بولۋىن تىلەدى.

　　حاڭجوۋ ازيا سپورت جارىسى ۇيىمداستىرۋ القاسىنىڭ ءتوراعاسى، جۇڭگو وليمپيادا كوميتەتىنىڭ ءتوراعاسى گاۋ جىدان ارناۋ سوزىندە مىنانى ءبىلدىردى: ءتوراعا شي جينپيڭنىڭ جانە جۇڭگو ۇكىمەتىنىڭ شىنايى قامقورلىعى مەن پارمەندى باسشىلىعىندا تارتىمدى ءبىر كەزەكتى ازيا سپورت جارىسى سالتاناتى شىمىلدىعىن اشۋ الدىندا تۇر. وليمپيادا رۋحىن اسقاقتاتىپ، ازيا دەنە تاربيەسىنىڭ جاڭا رەكوردىن قۇلشىنا جاراتىپ، ازيا تاعدىرلاس ورتاق تۇلعاسىنىڭ شىت جاڭا كارتيناسىن كۇش بىرىكتىرە كەسكىندەيىك.

　　ازيا وليمپيادا القالار كەڭەسىنىڭ ۋاقىتشا ءتوراعاسى سينگ ارناۋ سوزىندە جۇڭگو ۇكىمەتىنە، جۇڭگو وليمپيادا كوميتەتىنە، جىجياڭ ولكەلىك ۇكىمەتكە، حاڭجوۋ قالالىق ۇكىمەتكە، ازيا سپورت جارىسىن ۇيىمداستىرۋ القاسىنا جانە حاڭجوۋ قالا تۇرعىندارىنا، سونداي - اق دايىندىق قىزمەتىنە ات سالىسقان بارلىق قىزمەتكەرلەرگە ەڭ شىنايى قۇرمەت ءبىلدىرىپ، حاڭجوۋ ازيا سپورت جارىسىنا دايىندالۋ قىزمەتىنىڭ توتەنشە تارتىمدى بولعاندىعىن القادى، حاڭجوۋ ازيا سپورت جارىسىنا ات سالىسقان ءاربىر ادامنىڭ ءومىر بويى ۇمىتىلماس تاماشا ەستەمەگە يە بولاتىنىنا سەنەتىندىگىن ءبىلدىردى.

　　ساعات 21دەن 16 مينۋت وتكەندە باستالۋ سالتى جان تەبىرەنتەر ءساتتى قارسى الدى. مەملەكەت ءتوراعاسى شي جينپيڭ: حاڭجوۋ 19 - كەزەكتى ازيا سپورت جارىسى باستالدى! - دەپ جاريالادى. سول ساتتە بۇكىل الاڭ دۋمانعا شومدى، ”سيفرلى جارقىلداق“ ادەمى ايشىقتالىپ، بۇكىل الاڭدا شاپالاق ءۇنى، شاتتىق ءۇنى ۇزاققا سوزىلدى.

　　ەلىمىزدىڭ تاڭداۋلى سپورتشىلارىنىڭ، جاتتىقتىرۋشىلارىنىڭ 8 ۋاكىلى ازيا وليمپيادا القالار كەڭەسىنىڭ تۋىن ۇستاپ الاڭعا كىردى. ازيا وليمپيادا القالار كەڭەسىنىڭ انىنە ىلەسە، ازيا وليمپيادا القالار كەڭەسىنىڭ تۋى باياۋ كوتەرىلىپ، بەس جۇلدىزدى قىزىل تۋمەن قاتار بيىك جەلبىرەدى.

　　سپورتشىلار جىڭ سىۋي مەن سۇن يىڭشا، تورەشىلەر ياڭ جۇڭمين مەن گاۋ جياچي جەكە - جەكە جارىسقا قاتىناساتىن بارلىق سپورتشىلار جانە تورەشىلەر اتىنان سەرت بەردى.

　　شام ساۋلەسى بىرتىندەي قاراڭعىلانىپ، ۇلكەن ەكرانداعى «حاڭجوۋدا كەزدەسۋ» اتتى قىسقا فيلم بۇكىل الاڭداعىلاردى باۋرادى؛ حاڭجوۋ ازيا سپورت جارىسىنىڭ جارىس بەلگىسى ۋاقىت كەرۋەنىن كەسىپ ءوتىپ، تۇرلىشە داۋىردەگى ادامدار اراسىنا جەتكىزىلىپ، دۇنيە جۇزىنە ىقىلاستى ۇسىنىس جولدادى.

　　ادەبيەت - كوركەمونەر كونسەرتى «ازيادان كوتەرىلگەن تولقىن» شىمىلدىعىن اشتى، كونسەرت باسقى بولىك، ورتاڭعى بولىك، سوڭعى بولىك سىندى 3 بولىككە بولىنگەن. باسقى بولىك «مەملەكەت سالت - ساناسىن جىرلاۋدا» مەملەكەت سالت - ساناسى بويىنشا كيىنگەن ورەندەر جەرگە سۋرەت سالىپ، بوياۋعا ىلەسە بيلەدى، سۇڭ ءداۋىرى ۇلگىسىندە كيىنگەن سۇلۋ قىز بۇرالا بيگە باستى، ساياحات كەمەلەرى قايشالىسىپ، شام ساۋلەسى جىلتىلداپ، تۇتاس كورىنىستىك ستەرەولدى كەسكىننەن جاسالعان دوعا كوپىر ۇلى كانال ۇستىندە ايشىقتالىپ، چيانتاڭجياڭ بويىنداعى دۋماندى لەپتىڭ جانە جياڭناننىڭ كوركەم كوركىنىڭ ماعىناسى تەرەڭ ماڭگىلىك كورىنىسىن ايگىلەدى. ورتاڭعى بولىك «چيانتاڭجياڭ جوڭكىلدىدە» كەڭىستىكتە اينالا ۇشقان ارتيستەر تولقىنمەن بىرگە بيگە باسىپ، ”تولقىن ۇستىندە جۇزگەندەر“ جەلكەندى قايىقپەن بىرگە اعىنعا قوسىلىپ، قۇت بەلگى ”جياڭناني“ سۋدان اتىلىپ شىعىپ، اسىر سالىپ، ومىرشەڭدىگى تاسقىنداعان سپورت تولقىنىن كوتەردى. سوڭعى بولىك «قول ۇستاسا بىرگە جۇرۋدە» ”ەلگەزەك اققۇتان“ جۇلدىزدى اسپاندى شارلادى، قۇيقىلجىعان ءان اۋەنى مەن ادەمى يۋەجۇي تەاترى اۋەنىنە ىلەسە، جۇزدەگەن جوعارى مەكتەپ وقۋشىسى قولدارىنا جارقىراعان التىن سارى ءدارشىن گۇلىن ۇستاپ، ۇزاققا سوزىلىپ جاتقان ”التىن ءدارشىن دارياسىن“ بەينەلەدى، ازياداعى ءار ەلدىڭ جانە ءوڭىردىڭ جەر بەلگىسى سيپاتىندىق قۇرىلىستارى بىرگە كورسەتىلىپ، ءوز كوركەمدىگىن ايگىلەيتىن، كوركەمدىكتەن ورتاق يگىلىكتەنەتىن ازيا كارتيناسىن قالىپتاستىردى. تاماشا دا تارتىمدى ويىن الاڭداعى كورەرمەندەردى ايرىقشا جەلپىندىردى.

　　ساعات 21دەن 53 مينۋت وتكەندە نەگىزگى الاۋدى تۇتاندىرۋ سالتى باستالدى. لياڭجۋ بايىرعى قالاسىنىڭ ەسكى جۇرتىنان الىنعان ازيا سپورت جارىسىنىڭ قاسيەتتى الاۋى 9 - ايدىڭ 8 - كۇنىنەن باستاپ جىجياڭنىڭ جەر - جەرىندە جەتكىزىلىپ، ەڭ سوڭىندا حاڭجوۋ وليمپيادا سپورت ورتالىعىنىڭ دەنە تاربيە الاڭىنا جەتتى.

　　دەنە تاربيە الاڭىندا يە شىۋىن، فان جىندۇڭ، شۇي مىڭتاۋ، شى جىيۇڭ، لي ليڭۋي، ۋاڭ شۇن قاتارلى 6 الاۋگەر كۇش جالعاپ جۇگىرىپ، تۇتاس الاڭداعىلاردىڭ قىزۋ قول شاپالاعىنا كەنەلدى. سونىمەن بىرگە الاڭداعى ۇلكەن ەكراندا 100 ميلليوننان استام ادامنىڭ سيفرلى الاۋ جەتكىزۋگە ات سالىسۋىنان قۇرالعان ”سيفرلى الاۋگەر“ الاۋدى بيىك ۇستاپ جۇگىرىپ كەلدى. ”چيانتاڭجياڭ جوڭكىلدى“ نەگىزگى الاۋىنىڭ مۇناراسى باياۋ اشىلدى. كۇللى جۇرتتىڭ كوز تىگە قاراۋىندا، ەڭ سوڭعى الاۋگەر ۋاڭ شۇن ”سيفرلى الاۋگەرمەن“ بىرگە ”چيانتاڭجياڭ جوڭكىلدى“ نەگىزگى الاۋ مۇناراسىن تۇتاندىرىپ، ازيا سپورت جارىسىنىڭ قاسيەتتى الاۋىن مازداتتى.

　　”ءبارىمىزدىڭ ورتاق ءبىر مەكەنىمىز بار، كوڭىلدەرىمىز توعىسىپ، سۇيىسپەنشىلىگىمىز قوسىلار“، ”ءجۇز ميلليون ماقتانىش ءۇنى ءبىر ءسوز بولىپ قۇرالدى، سىزدەر مەن بىزدەر بىردەي ازيادا تۇرامىز“... تۇتاس الاڭداعىلار حاڭجوۋ ازيا سپورت جارىسىنىڭ نەگىزگى تاقىرىپتىق ءانى «بىرگە قىزۋ ءسۇيۋ، بىرگە قاتىناسۋدى» بىرگە شىرقاپ، بۇكىل دەنە تاربيە الاڭى شاتتىق تەڭىزىنە شومدى.

　　باستالۋ سالتىنا قاتىناسقان حالىقارالىق سيلى قوناقتاردان كامبودجا پاتشاسى سيحاموني، سيريا زۇڭتۇڭى باشار جانە حانىمى اسما، كۆەيت پاتشا مۇراگەرى ميشال، نەپال زۇڭليى پراچاندا، شىعىس تيمۋر زۇڭليى شيانانا، كورەيا زۇڭليى حان دىجۋ، مالايزيا تومەنگى پالاتاسىنىڭ باستىعى جوحاري جانە حانىمى نولەني، سونداي - اق برۋنەي سۇلتانىنىڭ ۋاكىلى پاتشازادا سۋفري، كاتار ءامىرىنىڭ ۋاكىلى پاتشازادا جاۋان، يوردانيا پاتشازاداسى فايسال، تايلاند حانىشاسى سيريۆانناۆاري قاتارلى پاتشا اۋلەتى ۋاكىلدەرى بار.

　　ۋاڭ ي، لي گانجيە، حى ليفىڭ، ۋاڭ شياۋحۇڭ، شىن يچين باستالۋ سالتىنا قاتىناستى.

　　شياڭگاڭ ەرەكشە اكىمشىلىك رايونىنىڭ اكىمى لي جياچاۋ، اۋمىن ەرەكشە اكىمشىلىك رايونىنىڭ اكىمى حى يچىڭ، جۇڭگو گومينداڭ پارتياسىنىڭ بۇرىنعى ءتوراعاسى حۇڭ شيۋجۋ باستالۋ سالتىنا قاتىناستى.

　　ازيا وليمپيادا القالار كەڭەسىنىڭ ءمانساپتىلارى قاتارلىلار باستالۋ سالتىنا قاتىناستى.

جالعانىم