شي جينپيڭ جىجياڭدا قىزمەت تەكسەرگەندە بىلاي دەپ باسا دارىپتەدى
باستان - اياق ناقتى ىستەپ، الدا ءجۇرىپ، باتىلدىقپەن ءداۋىردىڭ الدىڭعى لەگىندە تۇرىپ، جۇڭگو ۇلگىسىندەگى وسىزامانداندىرۋدىڭ جىجياڭ جاڭا تاراۋىن قۇلشىنا جازۋ كەرەك
بەيجيڭگە قايتىپ كەلە جاتقان جولدا شاندۇڭنىڭ زاۋجۋاڭىندا قىزمەت تەكسەردى
ساي چي قىزمەت تەكسەرۋدە بىرگە بولدى
9 - ايدىڭ 20 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جىجياڭدا قىزمەت تەكسەردى. سۋرەتتە: 9 - ايدىڭ 20 - كۇنى تۇستەن بۇرىن شي جينپيڭ ي - ۋ حالىقارالىق ساۋدا - ساتتىق بازارىندا قىزمەت تەكسەرگەندە ساۋداگەرلەرمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
9 - ايدىڭ 20 - كۇنىنەن 21 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جىجياڭدا قىزمەت تەكسەردى. سۋرەتتە: 9 - ايدىڭ 20 - كۇنى تۇستەن كەيىن شي جينپيڭ جۋجي قالاسى فىڭچياۋ قالاشىعى فىڭچياۋ تاجىريبەسى كورمە سارايىندا جەرگىلىكتى ورىنداعى بۇقارامەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
شينحۋا اگەنتتىگىنىڭ 9 - ايدىڭ 25 - كۇنى جىجياڭنىڭ حاڭجوۋىنان \ شاندۇڭنىڭ زاۋجۋاڭىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا جىجياڭدا قىزمەت تەكسەرگەندە بىلاي دەپ باسا دارىپتەدى: جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن قالىپتاستىرۋدى، جوعارى ساپالى دامۋدى ىلگەرىلەتۋدى ارقاۋ ەتىپ، نازاردى بىرگە بايۋدان ۇلگى كورسەتۋ رايونىن قۇرۋعا، جاڭا داۋىردە جۇڭگوشا سوتسياليزم ءتۇزىمىنىڭ ابزالدىلىعىن جاپپاي ايگىلەيتىن ماڭىزدى تەرەزە ورناتۋعا شوعىرلاندىرىپ، ءبىر جوبانى سوڭىنا دەيىن جالعاستىرۋعا تاباندى بولىپ، ”سەگىز - سەگىز ستراتەگياسىنىڭ“ تەرەڭدەۋىن، ناقتىلانۋىن ۇزدىكسىز ىلگەرىلەتىپ، باستان - اياق ناقتى ىستەپ، الدا ءجۇرىپ، باتىلدىقپەن ءداۋىردىڭ الدىڭعى لەگىندە تۇرىپ، جۇڭگو ۇلگىسىندەگى وسىزامانداندىرۋدىڭ جىجياڭ جاڭا تاراۋىن قۇلشىنا جازۋ كەرەك.
9 - ايدىڭ 20 - كۇنىنەن 21 - كۇنىنە دەيىن شي جينپيڭ جىجياڭ ولكەلىك پارتكومنىڭ شۋجيى ي ليانحۇڭنىڭ جانە ولكە باستىعى ۋاڭ حاۋدىڭ سەرىك بولۋىندا ىلگەرىندى - كەيىندى جينحۋا، شاۋشيڭ سياقتى جەرلەرگە بارىپ، اۋىل - قىستاق، ساۋدا بازارى، كورمە سارايى، مادەنيەت باقشا رايونى سياقتى جەرلەرگە بارىپ تەكسەرۋ - زەرتتەۋ جۇرگىزدى.
9 - ايدىڭ 20 - كۇنى تۇستەن بۇرىن شي جينپيڭ جينحۋا قالاسىنىڭ ي - ۋ قالاسى حوۋجاي ءمالىسىنىڭ ليزۋ قىستاعىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى. سوڭعى جىلدارى ليزۋ قىستاعىنىڭ قونىس ورتاسى بارىنشا جاقسارىپ، ءتۇرلى شارۋاشىلىق قۇرۋ تۇلعالارى ىركەس - تىركەس ىرگە تەۋىپ، اۋىل - قىستاق ساياحاتى ەرەكشە جاندانىپ، مەملەكەتتىك وركەنيەتتى قىستاق بولىپ باعالاندى. شي جينپيڭ ىلگەرىندى - كەيىندى قىستاقتاعى پارتيا مۇشەلەرىنە، بۇقاراعا قىزمەت وتەۋ ورتالىعى، ”بىرگە بايۋ بازارى“، ءتۇيىپ بوياۋ ساۋدا دۇكەنى سياقتى ورىنداردان ليزۋ قىستاعىنىڭ دامۋ، وزگەرىس جاعدايىن ۇعىستى. ليزۋ قىستاعىنىڭ جىلدىق جان باسىندىق كىرىسىنىڭ 52 مىڭ يۋانعا جەتكەنىن ەستىپ، شي جينپيڭ قاباعات قۋاندى. ول بىلاي دەدى: ليزۋ قىستاعىنىڭ بىرگە بايۋدى تىڭعىلىقتى ىلگەرىلەتۋى − جىجياڭنىڭ ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ كورنەكتى ونىمدىلىگىنىڭ ىقشام كورىنىسى، كۇش ۇستىنە كۇش قوسىپ، اۋىل - قىستاقتى گۇلدەندىرۋدى ىلگەرىلەتۋدە اناعۇرلىم زور ناتيجەگە قول جەتكىزۋ كەرەك. اۋىل - قىستاقتى گۇلدەندىرۋ جاستارعا دارىنىن ايگىلەيتىن وراي ازىرلەدى، اناعۇرلىم كوپ جاستاردىڭ اۋىل - قىستاقتى گۇلدەندىرۋدە بەلسەندى رول اتقارۋىن ءۇمىت ەتەمىن. قىستاقتان اتتاناردا جەرگىلىكتى بۇقارا باس شۋجيدى قاۋمالاپ، باس شۋجيدى ىستىق ىقىلاسپەن اتتاندىردى. شي جينپيڭ كوپشىلىككە بىلاي دەدى: اۋىل - قىستاقتى گۇلدەندىرۋدىڭ كومەسكى كۇشى شەكسىز، بولاشاعى نۇرلى، اۋىلداستار قۇلشىنا كۇرەس جاساپ، بىرگە بايۋدىڭ كوركەم بولاشاعىنا بىرگە ۇمتىلۋى كەرەك.
وسىدان كەيىن شي جينپيڭ ي - ۋ حالىقارالىق ساۋدا - ساتتىق بازارىنا كەلىپ قىزمەت تەكسەردى. ول ەلەكتروندى ەكران ارقىلى ساۋدا - ساتتىق بازارىنىڭ جۇمىس جۇرگىزۋ جاعدايىن جانە ”ي - ۋ − شينجياڭ − ەۆروپا“ كەزەكشى پويەزىنىڭ قاتىناۋ جاعدايىن ناقتى ۋاقىتتا ۇعىستى، سونداي - اق بازارعا كىرىپ ساۋداگەرلەردىڭ، شاعىن كاسىپورىن يەلەرىنىڭ ۋاكىلدەرىمەن ىقىلاسپەن اڭگىمەلەسىپ، بازار جاعدايىن ەگجەي - تەگجەيلى ۇعىستى. ول بىلاي دەپ باسا دارىپتەدى: ي - ۋدىڭ ۇساق تاۋارلارى ۇلكەن بازار يەلەپ، ءىرى كاسىپ سالاسىن قالىپتاستىردى، بۇنداي دەڭگەيگە جەتۋدىڭ ءوزى وتە كەرەمەت، ءاربىر ادام ات سالىسۋشى، قۇرۋشى، ۇلەس قوسۋشى. ساۋدا - ساتتىق بازارى تاعى دا تىڭ تابىس جاراتىپ، ەل ءىشى، حالىقارا بازارىن كەڭەيتۋ، ەل ءىشى، حالىقارا سىندى قوس اينالىمدى ىركىلىسسىزدەندىرۋ ءۇشىن اناعۇرلىم زور ۇلەس قوسۋى كەرەك.
بيىل ماۋ زىدۇڭ جولداستىڭ ”فىڭچياۋ تاجىريبەسىن“ ۇيرەنۋدى، جالپىلاستىرۋدى بەكىتكەندىگىنىڭ 60 جىلدىعى. 9 - ايدىڭ 20 - كۇنى تۇستەن كەيىن شي جينپيڭ ”فىڭچياۋ تاجىريبەسىنىڭ“ باستاۋ العان جەرى جۋجي قالاسىنىڭ فىڭچياۋ قالاشىعىنا كەلىپ، فىڭچياۋ تاجىريبەسى كورمە سارايىن ەكسكۋرسيالاپ، جاڭا داۋىردەگى ”فىڭچياۋ تاجىريبەسىنىڭ“ جاندى امالياتىن ۇعىستى. شي جينپيڭ بىلاي دەپ اتاپ كورسەتتى: جاڭا داۋىردەگى ”فىڭچياۋ تاجىريبەسىنە“ ويداعىداي تاباندى بولىپ، ونى ويداعىداي دامىتىپ، پارتيانىڭ بۇقارالىق لۋشيانىنا تاباندى بولىپ، حالىقتىڭ ىشكى جاعىنداعى قايشىلىقتى دۇرىس ءبىر جاقتى ەتىپ، حالىق بۇقاراسىنا تىعىز ارقا سۇيەپ، ماسەلەلەردى نەگىزگى ساتىدا شەشۋ، بەلەڭ بەرە باستاعان كەزىندە شەشۋ كەرەك.
سودان كەيىن شي جينپيڭ اۆتوكولىكپەن شاۋشيڭداعى جىدۇڭ كانال مادەنيەت باقشاسىنا كەلىپ قىزمەت تەكسەردى. ول جاياۋ ءجۇرىپ، بايىرعى كانال ارناسى مەن ماڭايىنداعى تاريحي مادەنيەت مۇرالارىن تەكسەرىپ كورىپ، جىدۇڭ كانالىنىڭ دامۋ، وزگەرۋ تاريحىن جانە جەرگىلىكتى ورىننىڭ سۋ بايلىعىنان ۇيلەسىمدى پايدالانۋ، ۇلى كانالدى قورعاۋدى ىلگەرىلەتۋ سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: ۇلى كانال دۇنيە جۇزىندەگى ەڭ ۇزىن جاساندى كانال، توتەنشە قۇندى مادەني مۇرا. ۇلى كانال مادەنيەتى − جۇڭگونىڭ تاڭداۋلى ءداستۇرلى مادەنيەتىنىڭ ماڭىزدى قۇرامداس بولىگى، ونى قورعاۋعا، جالعاستىرۋعا، پايدالانۋعا كۇش سالىپ، بايىرعى ۇلى كانالدىڭ داۋىرلىك جاڭا كەلبەتىن ايگىلەۋ كەرەك.
9 - ايدىڭ 21 - كۇنى تۇستەن كەيىن شي جينپيڭ جىجياڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، جىجياڭنىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، جىجياڭعا جاڭا تالاپتار قويدى.
شي جينپيڭ بىلاي دەپ اتاپ كورسەتتى: جىجياڭ عىلىم - تەحنيكادا جاڭالىق اشۋ ارقىلى دامۋدىڭ جاڭا باسىمدىعىن تۇلعالاۋ جاعىندا الدىڭعى قاتاردا ءجۇرۋى كەرەك. عىلىم - تەحنيكادا جاڭالىق اشۋ قابىلەتىن كۇشەيتۋدى اناعۇرلىم كورنەكتى ورىنعا قويىپ، عىلىم - تەحنيكادا جاڭالىق اشۋ كۇشى مەن باسىمدىققا يە بايلىقتى بىرىكتىرىپ، عىلىم - تەحنيكانىڭ الدىڭعى قاتارلى سالالارىندا تىڭ سەرپىلىس جاساۋدى جەدەلدەتۋ كەرەك. كاسىپورىندارىڭ عىلىم - تەحنيكادا جاڭالىق اشۋداعى تۇلعالىق ورنىن كۇشەيتىپ، جاڭالىق اشۋ تىزبەگىن، كاسىپ سالاسى تىزبەگىن، قارجى تىزبەگىن، دارىندىلار تىزبەگىن ىشكەرىلەي توعىستىرۋدى ىلگەرىلەتىپ، عىلىم - تەحنيكا جەتىستىكتەرىن تياناقتاندىرىپ، وندىرگىش كۇشكە اينالدىرۋدى جەدەلدەتۋ كەرەك. تۇلعالىق ەكونوميكانى وسىزاماندانعان كاسىپ سالاسى جۇيەسىن ورناتۋدىڭ نەگىزى ەتىپ، ءداستۇرلى كاسىپ سالاسىنىڭ وزىق، قولدانىلمالى تەحنيكالاردان جەدەل پايدالانۋىنا جەتەكشىلىك ەتىپ جانە وعان قولداۋ كورسەتىپ، جاساۋ كاسىبىنىڭ جوعارى دەڭگەيلى، زەردەلى، جاسىل بولۋعا قاراي دامۋىن ىلگەرىلەتۋ كەرەك. مەملەكەتتىڭ سيفرلى ەكونوميكانى جاڭالىق اشا دامىتۋ سىناق رايونى قۇرىلىسىن تەرەڭدەتىپ، ءبىر توپ حالىقارالىق باسەكەلىك قۋاتقا يە ستراتەگيالىق سيپاتتى جاڭادان گۇلدەنگەن كاسىپ سالاسى شوعىرى مەن سيفرلى كاسىپ سالاسى شوعىرىن تۇلعالاۋ كەرەك. عىلىم - تەحنيكا نەگىزدىك قابىلەت قۇرىلىسىن كۇشەيتىپ، عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكادا جاڭالىق اشۋ بيىگىن تۇلعالاۋ كەرەك. الەمدىك كوز ايامەن كاسىپ سالاسى تىزبەگى، قامداۋ تىزبەگى قۇرىلىسىن ورنالاستىرىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن ۇزدىكسىز جوعارىلاتۋ كەرەك. دامۋ ءتاسىلىنىڭ جاسىلعا قاراي تيپ وزگەرتۋىن بۇلجىماي ىلگەرىلەتىپ، جاسىل، تومەن كومىر قىشقىل گازدى، اينالمالى داميتىن ەكونوميكالىق جۇيەنى قۇرۋ، كەمەلدەندىرۋ كەرەك.
شي جينپيڭ بىلاي دەپ باسا دارىپتەدى: جىجياڭ بىرگە بايۋدى ىلگەرىلەتۋ بارىسىندا الدىمەن ۇلگى كورسەتۋى كەرەك. قالا مەن اۋىل پارقىن، وڭىرلەر پارقىن، كىرىس پارقىن ازايتۋدى نەگىزگى قامال الۋ بەتالىسى ەتىپ، قالا مەن اۋىلدىڭ توعىسا دامۋ ءتۇزىلىس، مەحانيزمىن ونان ارى اقاۋسىزداندىرۋ كەرەك. جۇمىستاندىرۋدى الدىمەن ويلاستىرۋ ساياساتىنا تاباندى بولىپ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ جانە جاڭادان گۇلدەنگەن كاسىپ سالالارىن دامىتۋ بارىسىندا جۇمىستاندىرۋ مولشەرىن كەڭەيتۋگە باسا ءمان بەرىپ، ءتۇيىندى قاۋىمنىڭ جۇمىستانۋ ماسەلەسىن ويداعىداي شەشۋ كەرەك. كىرىس ءبولىسى ءتۇزىمى رەفورماسىن تەرەڭدەتىپ، كوپ ساتىلى قوعامدىق قامتاماسىزداندىرۋ جۇيەسىن اقاۋسىزداندىرۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل - قىستاق ەرەكشە كاسىپ سالاسىن بەلسەندىلىكپەن دامىتىپ، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىن تەرەڭدەتۋ كەرەك. تىنىش جىجياڭ، زاڭمەن باسقارىلاتىن جىجياڭ قۇرىلىسىن كۇشەيتىپ، نەگىزگى ساتىنى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋ جاعىندا اناعۇرلىم كوپ تاجىريبە جاراتۋ كەرەك.
شي جينپيڭ بىلاي دەپ اتاپ كورسەتتى: جىجياڭ رەفورمانى تەرەڭدەتۋ، ەسىك اشۋدى كەڭەيتۋ جاعىندا ۇزدىكسىز جاڭا تاراۋ جازۋى كەرەك. ءتۇيىندى سالالارداعى رەفورمانى جەتەكشى ەتىپ، ءتۇرلى سالالارداعى ءتۇزىلىس - مەحانيزمدە جاڭالىق اشۋدى جاپپاي ىلگەرىلەتۋ كەرەك. بۇكىل مەملەكەتكە قىزمەت وتەۋ، الەمگە كوز جىبەرۋ سىندى كوز ايامەن رەفورمانى جوسپارلاپ، قاعيدا، ەرەجە، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتۋ كەرەك. ءتۇرلى ەسىك اشۋ تۇعىرىنىڭ يقۋاتىن، رولىن ساۋلەلەندىرىپ، شەتەل قارجىسىنان پايدالانۋدىڭ، سىرتقى ساۋدانى زورايتۋدىڭ ءادىسى مەن جولىنا جاڭالىق ەنگىزۋ كەرەك. حالىقارالىق ەكونوميكا ساۋدا ەرەجەسىنىڭ قايتا تۇلعالاۋ بەتالىسىنا ىرىقتىلىقپەن ۇيلەسىپ، قىزمەت وتەۋ كاسىبىندە ەسىك اشۋ، سيفرلانعان دامۋ، قورشاعان ورتانى قورعاۋ سياقتى جاقتاردا الدىمەن اتقارۋ، الدىمەن سىناق جۇرگىزۋ كەرەك. ”ەكىدەن استە اۋىتقىماۋعا“، ”ءۇش وزگەرگەن جوققا“تاباندى بولىپ، حالىقتىق كاسىپورىنداردى الەم كولەمىندە كاسىپ سالاسى جۇمىس ءبولىسى مەن بايلىقتى جايعاستىرۋعا بەلسەندىلىكپەن قاتىناسۋعا شابىتتاندىرىپ جانە وعان قولداۋ كورسەتىپ، وزەكتى باسەكەلىك قۋاتىن ارتتىرۋ كەرەك.
شي جينپيڭ بىلاي دەپ باسا دارىپتەدى: جىجياڭ جۇڭحۋا ۇلتىنىڭ وسى زامانعى وركەنيەتىن گۇلدەندىرۋدە بەلسەنە ىزدەنىس جاساۋى كەرەك. جاڭا داۋىردەگى جاڭا مادەنيەت بورىشىن ءتىپتى دە جاقسى ارقالاپ، تاريحي مادەنيەت ساباقتاستىعىن جالعاستىرىپ، مادەنيەت مۇرالارىن قورعاۋدى كۇشەيتىپ، تاڭداۋلى ءداستۇرلى مادەنيەتتى جاسامپازدىقپەن كادەگە جاراتۋدى، جاسامپازدىقپەن دامىتۋدى ىلگەرىلەتۋ كەرەك. جۇڭحۋا مادەنيەتى تۇرعىسىنان جازباي، ءداۋىر تالابىن بەينەلەيتىن، ءداۋىر ەرەكشەلىگىنە يە جاڭا مادەنيەتتى بەلسەنە دامىتۋ، جۇڭحۋا وركەنيەتىنىڭ وسى زامانعى فورماتسياسىن دامىتۋ كەرەك. پارتيا قۇرۋ ۇلى رۋحىن اسقاقتاتىپ، سوتسياليستىك وزەكتى قۇن كوزقاراسىن جاپپاي جەتىلدىرىپ جانە امالياتتا ايگىلەپ، سوتسياليستىك وزىق مادەنيەتتى دامىتۋ كەرەك. مادەنيەت ىستەرى مەن مادەنيەت شارۋاشىلىعىن كوركەيتىپ، دامىتىپ، قالا مەن اۋىلدىڭ الەۋمەتتىك مادەنيەت قىزمەت وتەۋىنىڭ ولشەمدەنۋىن، بىركەلكىلەنۋىن ۇزدىكسىز ىلگەرىلەتىپ، ازاماتتىق ءمورال قۇرىلىسىن كۇشەيتىپ، كىتاپقۇمار قوعام قۇرىلىسىن ىلگەرىلەتۋ كەرەك. حاڭجوۋ ازيا سپورت جارىسى، ازيا مۇگەدەكتەر سپورت جارىسى، دۇنيە جۇزىلىك ينتەرنەت جينالىسى سياقتى تەرەزەلەردەن پايدالانىپ مادەنيەت اۋىس - كۇيىسىن، مادەنيەت تاراتۋدى كۇشەيتىپ، جۇڭحۋا مادەنيەتىنىڭ تارتىمدىلىعى مەن جۇڭحۋا وركەنيەتىنىڭ ىقپالىن ۇزدىكسىز ارتتىرۋ كەرەك.
شي جينپيڭ بىلاي دەپ اتاپ كورسەتتى: پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، پارتيا قۇرىلىسىن كۇشەيتۋ جانە جاقسارتۋ كەرەك. دۇرىس ناتيجە كوزقاراسىن ورناتىپ، ءىس جۇزىندىكتى تياناق ەتۋگە، عىلمي شەشىم جاساۋعا تاباندى بولۋ، ۇزاق بولاشاققا نازار سالۋعا، نەگىزدى بەرىك ورناتۋعا تاباندى بولۋ، ناقتى ىستەۋگە، ناقتى ونىمدىلىككە ۇمتىلۋعا تاباندى بولۋ، فورماشىلدىقتان، تورەشىلدىكتەن ساقتانۋ كەرەك. كادرلاردى تاربيەلەۋ، باۋلۋ جانە امالياتتا شىنىقتىرۋدى كۇشەيتىپ، كادرلاردىڭ باتىل جاۋاپكەرشىلىك ارقالاپ ىسكەرلىك كورسەتۋىنە شابىت بەرۋ، قورعاۋ مەحانيزمىن اقاۋسىزداندىرىپ، كادرلاردىڭ ءىس تىندىرىپ، ناتيجە شىعارۋ ومىرشەڭدىك كۇشىن قاۋلاتۋ، ەتەنە، كىرشىكسىز، ءبىر تۇتاس جاڭاشا ۇكىمەت، ساۋداگەرلەر قاتىناسىن ورناتۋ كەرەك. ءار دارەجەلى پارتيا ۇيىمى 2 - توپتاعى نەگىزگى تاقىرىپتىق تاربيەگە ۇيىمدىق باسشىلىقتى جانە قىزمەت جەتەكشىلىگىن كۇشەيتىپ، تۇرلىشە دارەجەنىڭ، تۇرلىشە سالانىڭ، تۇرلىشە وبيەكتىنىڭ ەرەكشەلىگىن يگەرىپ، ءىس جۇزىندىك جاعدايمەن ۇشتاستىرا تۇرلەر بويىنشا جەتەكشىلىك ەتىپ، جوعارى مەن تومەن بىرلەسە قيمىلداپ رەتتەۋ - تۇزەتۋدى يگەرىپ، بۇقاراعا ناقتى ناتيجەنى كورسەتۋى كەرەك.
9 - ايدىڭ 24 - كۇنى تۇستەن كەيىن بەيجيڭگە قايتار جولىندا، شي جينپيڭ شاندۇڭ ولكەلىك پارتكومنىڭ شۋجيى لين ۋدىڭ جانە ولكە باستىعى جوۋ نايشياڭنىڭ سەرىك بولۋىندا زاۋجۋاڭ قالاسىنا كەلىپ قىزمەت تەكسەردى. زاۋجۋاڭ − ەلىمىزدەگى انار شوعىرلى تۇتاستىرىلىپ ەگىلەتىن كولەمى ەڭ ۇلكەن، سورتى ەڭ كوپ، كاسىپ سالاسى تىزبەگى ەڭ كەمەلدى وڭىرلەردىڭ ءبىرى. شي جينپيڭ يچىڭ رايونىنداعى گۋانشى انار باعىنداعى انار تۇقىمدىق زات بايلىعى قويماسىنا كەلىپ، انار اعاشىنىڭ تۇرلەرىن تەكسەرىپ كورىپ، جەرگىلىكتى ورىننىڭ انار ەگۋ تاريحىمەن، تۇقىمدىق زات بايلىعىن جيناۋ، ساقتاۋ جانە كاسىپ سالاسىنىڭ دامۋ جاعدايىمەن تانىستى ءارى انار ەگىلگەن باقشاعا كەلىپ اۋىلداستاردان بيىلعى انار ەگۋ، ءونىم جانە كىرىس جاعدايىن ۇعىستى. جەرگىلىكتى ورىننىڭ اناردى جىنتىكتەي وڭدەۋدى جانە اناردى تۇبەكتە ەگىپ ءوسىرۋدى كۇش سالا دامىتىپ، شارۋالاردى كىرىستى ارتتىرۋعا پارمەندى تۇردە باستاعاندىعىن ەستىگىندە، شي جينپيڭ قاتتى قۋاندى. ول بىلاي دەپ اتاپ كورسەتتى: ادامداردىڭ تۇرمىس ورەسى جوعارىلاۋدا، ساپالى ەرەكشە ونىمدەر بازارىنىڭ قاجەتى ارتۋدا، انار كاسىبىنىڭ دامۋ كومەسكى كۇشى بار. ماركا قالىپتاستىرىپ، ساپانى ءوسىرىپ، كاسىپ سالاسى تىزبەگىن ۇزارتىپ، كاسىپ سالاسىنىڭ بازارداعى باسەكەلىك قۋاتى مەن جالپىلىق تيىمدىلىگىن ارتتىرىپ، اناعۇرلىم كوپ اۋىلداستاردى بىرگە بايۋعا باستاۋ كەرەك. اۋىلداستاردىڭ تۇرمىسىنىڭ انار جەمىسىندەي قۇلپىرا ءتۇسۋىن تىلەيمىن.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ليفىڭ، ۋاڭ شياۋحۇڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار سەرىك بولىپ جەكە - جەكە جوعارىداعى قاتىستى قيمىلدارعا قاتىناستى، نەگىزگى تاقىرىپتىق تاربيە ورتالىق 5 - ارالاپ جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ جينالىسىنا قاتىناستى.