العىس ايتا ەكپىندەي ىلگەرىلەپ، ساياسي ادالدىقتى بەكەمدەيىك؛ ەرلىكپەن العا باسىپ، بورىشتى، ماڭىزدى تاپسىرمانى ورىندايىق.

　　اۆتونوميالى رايوندىق 10 - كەزەكتى پارتكومنىڭ توعىزىنشى جالپى ءماجىلىسى شي جينپيڭ جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي دايەكتىلەندىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيانىڭ باسشىلىعىن جاپپاي كۇشەيتۋدىڭ، پارتيانى تاباندىلىقپەن جاپپاي قاتاڭ باسقارۋدىڭ اسقاق دابىلىن قاقتى. وسى رەتكى ءماجىلىستىڭ رۋحىن دايەكتىلەندىرۋ، تياناقتاندىرۋ باس شۋجيدىڭ ماڭىزدى ءسوزىنىڭ رۋحىنىڭ تيانشان الابىندا تياناقتانىپ تامىر تارتىپ، گۇل اشىپ، جەمىس بەرۋىن ىلگەرىلەتۋ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا پارمەندى ساياسي كەپىلدىك ازىرلەۋدە ماڭىزدى ءمان الادى.

　　شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا وزگەشە ماڭىزدى ورىنعا يە، ول مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ كەلەلى جاعدايىنا سايادى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەردى، ءار جولى شەشۋشى مەزگىل بولعاندا، باس شۋجي شي جينپيڭ ءوزى تىكەلەي شينجياڭ جونىندە جوبا، ورنالاستىرۋ جاساپ، جاعدايدى باعامداپ، باعدار بەلگىلەپ، رولدى مەڭگەرىپ، جول باستاپ، شينجياڭ قىزمەتىندە قىم - قۋىت، كۇردەلى بارىستا تۋراشىلدىقتان اينىماي، جاڭالىق اشۋعا، قايشىلىق، حاۋىپ - قاتەرلەر ىشىندە جەڭىسپەن العا ىلگەرىلەۋگە جەتەكشىلىك ەتتى.

　　باس شۋجي شي جينپيڭ اراعا ءبىر جىل سالىپ شينجياڭعا تاعى كەلىپ، قىزمەت مالىمەتىن تىڭداپ ءارى ماڭىزدى ءسوز سويلەپ، شينجياڭ قىزمەتىن ويداعىداي ىستەۋ جونىنەن تاعى دا ”جەتەكشىلىك شاحمات ءجۇرىسىن“ كورسەتىپ، ادىستەمە ۇيرەتىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن ونان ارى بايىتىپ جانە دامىتىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋگە عىلمي باعدارناما جانە جەڭىسكە جەتۋ اسىلىن ازىرلەدى، ءبىزدىڭ جاڭا جورىقتا ەكپىندەي ىلگەرىلەۋىمىزگە، جاڭا داۋىرگە ۇلەس قوسۋىمىزعا ايقىن ءتۇبىرلى بەتالىس كورسەتتى، ءتۇبىرلى بويسۇنۋ ولشەمىن ازىرلەدى. باس شۋجي شينجياڭنىڭ پارتيا قۇرىلىسىنا باستان - اياق ايرىقشا ءمان بەرىپ، اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا: ”شينجياڭ قىزمەتىن ويداعىداي ىستەۋدىڭ تەتىگى پارتيانىڭ جاپپاي باسشىلىعىنا تاباندى بولىپ، پارتيا قۇرىلىسىن شىنايى كۇشەيتۋدە“ دەپ باسا دارىپتەپ، شينجياڭ قىزمەتىنىڭ تەتىگىن، شينجياڭ ماسەلەسىنىڭ ماڭىزدى ءتۇيىنىن اتاپ كورسەتىپ، ءبىزدىڭ جاڭا داۋىردەگى پارتيا قۇرىلىسىنىڭ جاڭا، ۇلى ينجەنەرياسىن ىشكەرىلەي ىلگەرىلەتۋىمىزگە جالپى بويسۇنۋ ولشەمىن، جالپى نەگىز، جالپى جەتەكشىلىك ازىرلەدى.

　　تەمىر سوقساڭ قۇرىش بول. باس شۋجي شي جينپيڭنىڭ ماڭىزدى ءسوزىنىڭ رۋحىن ونان ارى ىشكەرىلەي ۇيرەنىپ، جەتە ءتۇسىنىپ، باستان - اياق سەرگەك وي - سانانى جانە تانىمدى ساقتاپ، ماسەلەگە بەتپە - بەت كەلۋگە باتىل بولىپ، اۋرۋىن جاسىرماي، ەمدەلۋدەن باس تارتپاي، قايشىلىقتاردى بۇركەمەلەمەي، ماسەلەگە دۇرىس قاراۋ سانالىلىعى مەن پىشاق ءدۇزىن ىشكە قاراتاتىن باتىلدىقتى شىنايى كۇشەيتىپ، پارتيانىڭ باسشىلىعىن كۇشەيتۋ، پارتيا قۇرىلىسىن ىلگەرىلەتۋ، پارتيانى جاپپاي قاتاڭ باسقارۋ بارىسىندا ورىن تەپكەن كورنەكتى ماسەلەلەردى مۇقيات تاۋىپ، اناعۇرلىم پارمەندى شارا جانە ناقتى شارا قولدانىپ، ونى ونان ارى جاقسارتىپ، كەمەلدەندىرىپ جانە دەڭگەيىن جوعارىلاتىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن جاپپاي جوعارىلاتىپ، پارتيانىڭ شينجياڭداعى بيلىك جۇرگىزۋ نەگىزىن ۇزدىكسىز بەكەمدەپ، باس شۋجيدىڭ، پارتيا ورتالىق كوميتەتىنىڭ ءتۇرلى شەشىمدەرىنىڭ، ورنالاستىرۋلارىنىڭ شينجياڭدا سوڭىنا دەيىن دايەكتىلەنۋىنە، ناقتى ونىمدىلىككە قول جەتكىزۋىنە شىنايى كەپىلدىك ەتۋ كەرەك.

　　ءوزىن كەمەلدەندىرگەندە، ۇلكەن ىستەردە تابىسقا جەتۋگە بولادى، ءوزىن ويداعىداي باسقارعاندا، الەمدى ويداعىداي باسقارۋعا بولادى. پارتيانى بۇلجىماي جاپپاي قاتاڭ باسقارۋدىڭ تەتىگى − جاڭا داۋىردەگى پارتيا قۇرىلىسىنىڭ باس تالابىن جاپپاي دايەكتىلەندىرىپ، پارتيانى پارتيا باسقارۋعا، پارتيانى جاپپاي قاتاڭ باسقارۋعا تاباندى بولىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا قۋاتتى، پارمەندى ساياسي كەپىل ازىرلەۋ كەرەك. پارتيانىڭ شينجياڭ قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، پارتيانىڭ ساياسي قۇرىلىسى ارقىلى پارتيا قۇرىلىسىنىڭ ءتۇرلى قىزمەتتەرىنە ءبىر تۇتاس جەتەكشىلىك ەتىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ باتىل قولداۋ، ”ەكىنى قورعاۋدى“ باتىل ورىنداۋ كەرەك؛ بۇلجىماي شي جينپيڭ جاڭا ءداۋىر جۇڭگوشا سوتسياليزم يدەياسى ارقىلى زەيىن - زەردەنى شوعىرلاندىرىپ، رۋح سومداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ قىزمەتىندە باس شۋجي، پارتيا ورتالىق كوميتەتى نۇسقاعان داڭعىل جولدا تۋراشىلدىقتان اينىماي جاڭالىق اشۋعا، جەڭىسپەن العا باسۋعا شىنايى كەپىلدىك ەتۋ كەرەك؛ ادام تاڭداۋدىڭ، ادام ىستەتۋدىڭ دۇرىس باعدارىن انىق ورناتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادر - دارىندىلار قوسىنىن كۇش سالا تۇلعالاۋ كەرەك؛ نەگىزگى ساتىنى يگەرۋدى، نەگىز قالاۋدى شينجياڭدى ورنىقتىرۋدىڭ، شينجياڭنىڭ تىنىشتىعىن ساقتاۋدىڭ ۇزاق ۋاقىتتىق شاراسى جانە نەگىزدى بەكەمدەۋ شاراسى ەتۋگە تاباندى بولىپ، ۇيىمدىق جۇيەنىڭ جانە قىزمەت كۇشىنىڭ نەگىزگى ساتىعا تىكەلەي جەتۋىن ىلگەرىلەتىپ، نەگىزگى ساتىنى باسقارۋ - تىزگىندەۋ قابىلەتى مەن جونگە سالۋ قابىلەتىن جاپپاي جوعارىلاتۋ كەرەك. دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، يدەيانى ازات ەتۋگە، شىندىقتى ءىس جۇزىنەن ىزدەۋگە تاباندى بولىپ، تۇتاس رايوندا جوعارىدان تومەنگە دەيىن ناقتى ىستەۋگە ءمان بەرەتىن، باتىلدىقپەن جاۋاپكەرشىلىك ارقالايتىن، ءىس تىندىرۋعا شەبەر جاڭا ستيل، دۇرىس سالت قالىپتاستىرۋدى ىلگەرىلەتۋ كەرەك؛ پارتيا ستيلى، پاكتىك قۇرىلىسى مەن شىرىكتەسۋگە قارسى تۇرۋ كۇرەسىندە ەشقانداي ەرەكشەلەنبەۋ يدەياسىن بەرىك ورناتىپ، ماڭگى جولدامىز دەيتىن سەرگەكتىكپەن جانە باتىلدىقپەن پارتيانى جاپپاي قاتاڭ باسقارۋدىڭ تەرەڭدەي دامۋىن ىلگەرىلەتىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك.

　　ۋاقىت كەرۋەنى جوڭكىلە العا ىلگەرىلەيدى، كۇرەس قادامى ماڭگى توقتامايدى. جاڭا داۋىردەگى جاڭا جورىقتا شينجياڭنىڭ پارتيا قۇرىلىسىن كۇشەيتۋ جاۋاپكەرشىلىگى تايشان تاۋىنان دا سالماقتى، بورىش ماشاقاتتى دا داڭقتى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، يدەيادا، ساياسيدا، ارەكەتتە باستان - اياق شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، پارتيانى بۇلجىماي جاپپاي قاتاڭ باسقارىپ، جاڭا داۋىردەگى پارتيا قۇرىلىسىنىڭ جاڭا دا ۇلى ينجەنەرياسىن ىشكەرىلەي ىلگەرىلەتىپ، جوعارى ساپالى پارتيا قۇرىلىسى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا جەتەكشىلىك ەتىپ، قامتاماسىزداندىرىپ، ءداۋىردىڭ ءۇمىتىن اقتايتىن، حالىقتىڭ ءۇمىتىن اقتايتىن تاريح جاۋاپناماسىن جازايىق.

جالعانىم