ما شيڭرۇي ءۇرىمجى قالاسى ميدۇڭ رايونىندا فوتوۆولت كاسىپ سالاسىنىڭ دامۋىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
شينجياڭنىڭ بايلىق ارتىقشىلىعىن جانە كاسىپ سالاسىنىڭ نەگىزدىك باسىمدىعىن تياناق ەتىپ، جاڭا ەنەرگيانىڭ ەنەرگيامەن قامداۋدى قامتاماسىز ەتۋ، قامداۋدى ارتتىرۋ جاعىنداعى رولىن اناعۇرلىم ويداعىداي ساۋلەلەندىرۋ كەرەك
حى جۇڭيوۋ تەكسەرۋ - زەرتتەۋگە قاتىناستى
10 - ايدىڭ 7 - كۇنى اۆتونوميالى رايوندىق پارتكومنىڭ شۋجيى ما شيڭرۇي ءۇرىمجى قالاسى ميدۇڭ رايونىنىڭ سولتۇستىگىندەگى قۇمدى ءشول فوتوۆولت بازاسىنا بارىپ تەكسەرۋ - زەرتتەۋ جۇرگىزدى. سۋرەتتە: ما شيڭرۇي فوتوۆولت بازاسى قۇرىلىس قولباسشىلىق شتابىندا قۇرىلىس اياق الىسى مالىمەتىن تىڭداپ، نىسان ءدوپ كەلگەن قيىنشىلىقتاردى، ماسەلەلەردى سايكەستىرىپ شەشۋدە.
□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ياۋ تۇڭ 10 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 10 - ايدىڭ 7 - كۇنى تۇستەن كەيىن ءۇرىمجى قالاسى ميدۇڭ رايونىنىڭ سولتۇستىگىندەگى قۇمدى ءشول فوتوۆولت بازاسىنا بارىپ، نىسان جۇمىس باسىن ىشكەرىلەي ارالاپ، قۇرىلىس اياق الىسى مالىمەتىن تىڭداپ، نىسان ءدوپ كەلگەن قيىنشىلىقتاردى، ماسەلەلەردى سايكەستىرىپ شەشتى. ول بىلاي دەپ باسا دارىپتەدى: باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ بايلىق ارتىقشىلىعىن جانە كاسىپ سالاسىنىڭ نەگىزدىك باسىمدىعىن تياناق ەتىپ، قۇمدى ءشول، قۇبا ءتۇز، ءشول - جازيرا وڭىرلەرىن ءتۇيىن ەتكەن ءىرى تۇرپاتتى جەل ەلەكترى، فوتوۆولتتىق ەلەكتر تاراتۋ بازاسى قۇرىلىسىن جەدەل ىلگەرىلەتىپ، جاڭا ەنەرگيانىڭ ەنەرگيامەن قامداۋدى قامتاماسىز ەتۋ، قامداۋدى ارتتىرۋ جاعىنداعى رولىن اناعۇرلىم ويداعىداي ساۋلەلەندىرىپ، ەلىمىزدىڭ كومىر قىشقىل گازىن ەڭ جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى دەر كەزىندە جۇزەگە اسىرۋىنا ۇلەس قوسۋ كەرەك.
اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى حى جۇڭيوۋ تەكسەرۋ - زەرتتەۋگە قاتىناستى.
ءۇرىمجى قالاسى ميدۇڭ رايونىنىڭ سولتۇستىگىندەگى قۇمدى ءشول فوتوۆولت بازاسىندا ينجەنەريا اۆتوكولىكتەرى قايشالىسىپ، ينجەنەريا قۇرىلىسى قاربالاس تا ءتارتىپتى جۇرىلۋدە، بار الاپتان دابىرالى قۇرىلىس كورىنىستەرىن كورەسىز. ەلىمىزدەگى 2 - ۇلكەن قۇمدىق − قۇربان تۇڭعىت قۇمدىعىنداعى وسى فوتوۆولت بازاسىنىڭ جوباداعى قۇرىلىس جالپى گەنەراتور سيىمدىلىعى 20GW، جوسپارداعى جالپى قوسىلاتىن قارجىسى 100 ميلليارد يۋان. مەملەكەت ەنەرگيا توبى، جۇڭگو جاسىل دامۋعا قارجى قوسۋ توبى سياقتى 7 كاسىپورىن ىركەس - تىركەس ىرگە تەپتى ءارى قاتىستى فوتوۆولتتىق ەلەكتر تاراتۋ نىساندارىن باستاپ سالدى. 2025 - جىلعى فوتوۆولت بازاسى 8GW تاياۋ مەرزىمدىك نىساناسى سالىنىپ بىتكەننەن كەيىن، 12 ميلليارد كيلوۆات ساعاتتىق تازا ەنەرگيا ەلەكترىمەن قامدايتىندىعى، ولشەمدى كومىردەن 3 ميلليون 200 مىڭ توننا ۇنەمدەلەتىندىگى، كومىر قىشقىل گازىنىڭ شىعارىلۋىن جىلىنا 8 ميلليون توننا ازايتاتىندىعى، كۇكىرتتى گازدىڭ شىعارىلۋىن جىلىنا 96 مىڭ توننا ازايتاتىندىعى مەجەلەندى.
ما شيڭرۇي فوتوۆولت بازا قۇرىلىسى قولباسشىلىق شتابىنا كەلىپ، نىسان جوباسى مەن قۇرىلىس اياق الىسىن تەكسەرىپ كورىپ، ەلەكتر تورىن جالعاۋ، قابىلداۋ، قاتىناس قۇرىلعىلارىن سايكەستىرۋ، وڭىرلىك سايكەستى دامۋ، جەردەن ۇيلەسىمدى پايدالانۋ قاجەتى سياقتى جاقتارداعى ماسەلەلەردى اقىلداسىپ شەشتى. ما شيڭرۇي بىلاي دەپ باسا دارىپتەدى: جەل ەلەكترىندىك، فوتوۆولتتىق ەلەكتر تاراتۋدى ۋاكىلدىك ەتكەن شينجياڭنىڭ جاڭا ەنەرگياسىنىڭ دامۋ ونىمدىلىگى كورنەكتى بولعانىمەن، جاڭا ەنەرگيانى اشۋدا، پايدالانۋدا ءالى دە ءىشىنارا تەجەمدىك فاكتورلار ورىن تەۋىپ وتىر. باس شۋجي شي جينپيڭنىڭ ەنەرگيا توڭكەرىسى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، شينجياڭ ءدوپ كەلىپ وتىرعان جاڭا ورايلاردى مىقتاپ يگەرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا ەنەرگيا مەن تازا ەنەرگيانىڭ دامۋىن جەبەۋدى اناعۇرلىم كورنەكتى ورىنعا قويىپ، ءبىر تۇتاس جوسپارلاپ تەڭ ءمان بەرۋگە، جۇيەلى جوسپارلاۋعا، تۇتاس تۇلعالىق ىلگەرىلەتۋگە تاباندى بولىپ، جاڭا ەنەرگيانى پايدالانۋ دەڭگەيىن جوعارىلاتىپ، جاڭا ەنەرگيامەن قامداۋ، قابىلداۋ قۋاتىن ارتتىرىپ، تازا، تومەن كومىر قىشقىل گازدى، حاۋىپسىز، جوعارى ءونىمدى ەنەرگيا جۇيەسىن قۇرىپ، شينجياڭنىڭ ەنەرگيانى جوعارى ساپالى دامىتۋىن ىلگەرىلەتۋ كەرەك. تەحنيكادا جاڭالىق اشىپ، دارەجەسىن كوتەرۋدى ىلگەرىلەتىپ، جاڭا ەنەرگيا كاسىپ سالاسىنىڭ تەحنيكالىق جاڭالىق اشۋىن قولداۋ تەبىنىن ارتتىرىپ، جالپى كاسىپتەردى شەشۋشى نەگىزدىك ماتەريال، جابدىق، ۇساق بولشەك سياقتى تەحنيكالاردىڭ دارەجەسىن جوعارىلاتۋىن تەزدەتۋگە جەتەكتەپ، جاڭا ەنەرگيا كاسىپ سالاسىنىڭ زەردەلى، جاسىل دامۋىن ىلگەرىلەتۋ كەرەك. ەلەكتر تورىن جالعاۋدى، قابىلداۋدى ويداعىداي ىستەپ، ەلەكتر جۇيەسىنىڭ رەتتەۋ قۋاتى مەن يكەمدىلىگىن جاپپاي جوعارىلاتىپ، جاڭا ەنەرگيا نىساندارىن تورعا جالعاۋ ءتارتىبىن ساپالىلاندىرىپ، نىسان قۇرىلىمىن، كاسىپ سالاسى قۇرىلىمىن جانە ەنەرگيا قۇرىلىمىن ساپالىلاندىرىپ، جاڭا ەنەرگيانى قابىلداۋ جانە ونى ساقتاۋ قۋاتىن ارتتىرۋ كەرەك. نىسانداردىڭ جەردەن پايدالانۋ ساياساتىن كەمەلدەندىرىپ، كەڭىستىك جوباسى اراسىنداعى، قاتىستى جاۋاپتى تاراۋلار اراسىنداعى سايكەسۋدى كۇشەيتىپ، ءىرى تۇرپاتتى جەل ەلەكترىندىك، فوتوۆولتتىق ەلەكتر بازاسى قۇرىلىسى نىساندارىنا پايدالاناتىن جەردى، پايدالاناتىن ورماندى، پايدالاناتىن جايلىمدى ءبىر تۇتاس جوسپارلاپ ورنالاستىرىپ، جەردى ۇنەمدەۋ تەحنيكاسى مەن جەردى ۇنەمدەۋ ۇلگىسىن جالپىلاستىرۋعا، پايدالانۋعا جىگەرلەندىرىپ، ەكولوگيانى قالپىنا كەلتىرۋ تۇرىندەگى جاڭا ەنەرگيا نىساندارىن كۇش سالا جالپىلاستىرىپ، جاڭا ەنەرگيانى كەڭ كولەمدە اشۋعا قاجەتتى ۇيلەسىمدى كەڭىستىك سۇرانىسىن قاناعاتتاندىرۋ كەرەك. سايكەسە اشۋعا، پايدالانۋعا تاباندى بولىپ، ءاربىر ءوڭىردىڭ باسىمدىعى مەن بەلسەندىلىگىن ساۋلەلەندىرىپ، بازار مەحانيزمىن، سەلبەسۋ مەحانيزمىن، ءوزارا كومەكتەسۋ مەحانيزمىن، سۇيەمەلدەۋ مەحانيزمىن اقاۋسىزداندىرۋ ارقىلى ءوزارا جەبەيتىن، باسىمدىقتارى ارقىلى ءوزارا تولىقتايتىن، بىرگە داميتىن جاڭا ەنەرگيانى دامىتۋدىڭ جاڭا ارناسىن قالىپتاستىرۋ كەرەك.