اۆتونوميالى رايوندىق ۇكىمەت ارناۋلى تاقىرىپتىق ۇيرەنۋ ءماجىلىسىن اشتى
كوسەمنىڭ تاپسىرماسىن ەستە بەرىك ساقتاپ، العىس ايتا ەكپىندەي ىلگەرىلەپ، جاۋاپكەرشىلىك ارقالاۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 10 - ايدىڭ 7 - كۇنى ۇرىمجىدەن حابارلايدى. اۆتونوميالى رايوندىق ۇكىمەت تاياۋدا 2 رەت ارناۋلى تاقىرىپتىق ۇيرەنۋ ءماجىلىسىن اشتى، ءماجىلىس باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ۇعىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، اۆتونوميالى رايوندىق پارتكومنىڭ ءبىر تۇتاس ورنالاستىرۋى بويىنشا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتاپ تياناقتانۋىن شىنايى ىلگەرىلەتىپ، شىنايى يگەرىپ، ناقتى ىستەيتىن پارمەندى شارالار ارقىلى ”ەكىنى تۇراقتاندىرۋدى“ ادالدىقپەن قورعاپ، ”ەكىنى قورعاۋدى“ باتىل ورىنداۋدى العا قويدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى ءارى ءسوز سويلەدى، اۆتونوميالى رايوننىڭ ورىنباسار ءتوراعالارى جانە ۇكىمەت پارتيا باسشىلىق گرۋپپاسىنىڭ مۇشەلەرى پىكىر اۋىستىرىپ، لەبىز ءبىلدىردى.
ەركىن تۇنياز پىكىر اۋىستىرۋ لەبىزىن تىڭداعاننان كەيىن بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى سوزدەرى حالىقارا مەن ەل ءىشىن ءبىر تۇتاس جوسپارلاپ، تاريحتى، ءىس جۇزىندىكتى جانە بولاشاقتى تۇتاستىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ”ۇلكەن شاحمات تاقتا جاعدايى“ تۇرعىسىنان شينجياڭ قىزمەتىن جوسپارلاپ، ورنالاستىردى، بۇل بۇدان بۇرىنعى جەلىلەس ماڭىزدى سوزدەرىمەن تامىرلاس بولىپ عانا قويماي ءارى داۋىرمەن بىرگە ىلگەرىلەي وتىرىپ جاڭا داۋىردەگى پارتيانىڭ شينجياڭدى باسقارۋ جالپى جوباسىن بايىتىپ جانە دامىتىپ، ءبىزدىڭ قىم - قۋىت، كۇردەلى جاعدايدا ەلەۋلى حاۋىپ - قاتەرلەرگە، سىن - سايىستارعا توتەپ بەرۋىمىزگە، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋىمىزگە ۇلى يدەيالىق جەتەكشىلىك، دۇرىس جول جەتەكشىلىگىن، عىلمي ءادىس جەتەكشىلىگىن ازىرلەدى. ۇكىمەت پارتيا باسشىلىق گرۋپپاسى مەن ۇكىمەت كەڭسەسى پارتيا باسشىلىق گرۋپپاسى جانە ۇكىمەت جۇيەسىنىڭءارقايسى نەگىزگى ساتى پارتيا ۇيىمى ساياسي تۇرعىنى شىنايى جوعارىلاتىپ، باس شۋجيدىڭ شينجياڭ قىزمەتى جونىندەگى ستراتەگيالىق ورىن تۇراقتاندىرۋىن، عىلمي ورنالاستىرۋىن ىشكەرىلەي ۇعىنىپ، شينجياڭ قىزمەتىن ويداعىداي ىستەۋ سەنىمىن، بەكىمىن ونان ارى بەكەمدەپ، شينجياڭ قىزمەتىندە ۇزدىكسىز جاڭا ناتيجەگە قول جەتكىزۋدى بار كۇشپەن ىلگەرىلەتىپ، باس شۋجيدىڭ، پارتيا ورتالىق كوميتەتىنىڭ زور ءۇمىتىن، ءسوز جوق، اقتاۋ كەرەك.
ەركىن تۇنياز بىلاي دەپ باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، كوسەمنىڭ تاپسىرماسىن ەستە بەرىك ساقتاپ، العىس ايتا ەكپىندەي ىلگەرىلەپ، جاۋاپكەرشىلىك ارقالاپ، ەكونوميكانىڭ، قوعامنىڭ جوعارى ساپالى دامۋىن تىڭعىلىقتى ىلگەرىلەتۋ كەرەك. زاڭمەن باسقارىلاتىن ۇكىمەت قۇرىلىسىنىڭ زاڭمەن باسقارىلاتىن شينجياڭ، زاڭمەن باسقارىلاتىن قوعام قۇرىلىسىنداعى ۇلگىلىك، باستاماشىلدىق رولىن ويداعىداي ساۋلەلەندىرىپ، زاڭمەن باسقارۋ ويىنان جانە زاڭمەن باسقارۋ ادىسىنەن پايدالانىپ حاۋىپ - قاتەردەن ساقتانۋ، قىلمىسقا سوققى بەرۋ، ماسەلەنى ءبىر جايلى ەتۋ، قايشىلىقتى شەشۋ قابىلەتىن، دەڭگەيىن شىنايى جوعارىلاتۋ كەرەك. ۇكىمەت قىزمەتىنىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى ماڭىزدى رولىن ويداعىداي ساۋلەلەندىرىپ، كاسىپ سالاسىن دامىتۋ، وقۋ - اعارتۋ، سىرتقا ەسىك اشۋ، قالا - قالاشىقتاندىرۋ قۇرىلىسى، حالىق تۇرمىسى سياقتى ءارقايسى قىزمەتتە جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىنى مىقتاپ ارقاۋ ەتۋ، ودان تيتتەي دە اۋىتقىماۋ كەرەك. شينجياڭ ەرەكشەلىگىنە جانە باسىمدىعىنا يە وسىزاماندانعان كاسىپ سالاسى جۇيەسىن جەدەل قۇرىپ، ”8 ءىرى كاسىپ سالاسى شوعىرى“ قۇرىلىسىن توڭىرەكتەپ، سايكەستى ساياسات جۇيەسىن شىعارىپ، مۇناي - گاز، كومىر، كەن ونىمدەرى سياقتى تىرەكتى كاسىپ سالالارىن زورايتىپ، جەمىس - جيدەك، كوكونىس، مال شارۋاشىلىق ونىمدەرى، ساياحات كاسىبى، ماقتا جانە توقىماشىلىق، كيىم - كەشەك سياقتى ەرەكشەلىككە يە كاسىپ سالالارىن ساپالىلاندىرىپ، سۋتەگى ەنەرگياسى، فوتوۆولتتىق ماتەريال، جەل كۇشىمەن ەلەكتر تاراتۋ سياقتى جاڭادان گۇلدەنگەن كاسىپ سالاسىن كۇشەيتىپ، ۇزدىكسىز تىزبەكتى ۇزارتۋ، تىزبەكتى تولىقتاۋ، تىزبەكتى كەڭەيتۋ، تىزبەكتى كۇشەيتۋ كەرەك. ”ءبىر بەلدەۋ، ءبىر جول“ وزەكتى رايونىن جوعارى ساپامەن قۇرىپ، ىشكە، سىرتقا ەسىك اشۋ دەڭگەيىن ۇزدىكسىز جوعارىلاتۋ كەرەك. وڭتۇستىك شينجياڭ قىزمەتىندەگى بوگەتتەردەن، تەجەمدەردەن كۇش ۇيىستىرىپ قامال الىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى ۇزدىكسىز ىلگەرىلەتىپ، وڭتۇستىك شينجياڭ دامۋىنىڭ جاڭا ارتۋ ۇيەگىن ۇزدىكسىز جەتىلدىرۋ كەرەك. حالىق تۇرمىسىن كۇش سالا قامتاماسىز ەتىپ جانە جاقسارتىپ، حالىق تۇرمىسىنىڭ قۇت - ىرىسىن ۇزدىكسىز ارتتىرۋ كەرەك.
ەركىن تۇنياز مىنالاردى تالاپ ەتتى: باس شۋجيدىڭ پارتيانىڭ شينجياڭ قىزمەتىنە باسشىلىعىن كۇشەيتۋ جونىندەگى ماڭىزدى تالاپتارىن ىشكەرىلەي ۇعىنىپ، پارتيانى جاپپاي قاتاڭ باسقارۋ ساياسي جاۋاپكەرشىلىگىن ارقالاپ، دۇرىس ناتيجە كوزقاراسىن بەرىك ورناتىپ جانە امالياتتا ايگىلەپ، نەگىزگى تاقىرىپتىق تاربيەنىڭ جەتىستىكتەرى مەن تاجىريبەلەرىنەن ويداعىداي پايدالانىپ، ماسەلەنى باعدار ەتۋگە تاباندى بولىپ، تەكسەرۋ - زەرتتەۋدى بارىنشا ورىستەتىپ، ۇكىمەت جۇيەسى ستيلىنە بۇرىلىس جاساۋدى ۇزدىكسىز ىلگەرىلەتۋ كەرەك.