شي جينپيڭ، جاۋ لىجي، ۋاڭ حۋنيڭ، ديڭ شۋەشياڭ، لي شي قۇرىلتايعا قاتىناسىپ قۇتتىقتادى، ساي چي پارتيا ورتالىق كوميتەتى اتىنان ارناۋ ءسوز سويلەدى

　　10 - ايدىڭ 9 - كۇنى جۇڭگو جۇمىسشى ۇيىمىنىڭ مەملەكەتتىك 18 - قۇرىلتايى بەيجيڭ حالىق سارايىندا اشىلدى. سۋرەتتە: جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءتوراعالار مىنبەسىندە قۇرىلتايعا قاتىناسقان ۋاكىلدەرگە قۇرمەت بىلدىرۋدە.

□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　10 - ايدىڭ 9 - كۇنى جۇڭگو جۇمىسشى ۇيىمىنىڭ مەملەكەتتىك 18 - قۇرىلتايى بەيجيڭ حالىق سارايىندا اشىلدى. شي جينپيڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي قاتارلىلار ءتوراعالار مىنبەسىنەن ورىن الىپ، قۇرىلتايدىڭ اشىلعاندىعىن قۇتتىقتادى.

□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

　　شينحۋا اگەنتتىگىنىڭ 10 - ايدىڭ 9 - كۇنى بەيجيڭنەن بەرگەن حابارى. جۇڭگو جۇمىسشى ۇيىمىنىڭ مەملەكەتتىك 18 - قۇرىلتايى 10 - ايدىڭ 9 - كۇنى تۇستەن بۇرىن حالىق سارايىندا اشىلدى. شي جينپيڭ، جاۋ لىجي، ۋاڭ حۋنيڭ، ديڭ شۋەشياڭ، لي شي قاتارلى پارتيا مەن مەملەكەت باسشىلارى قۇرىلتايعا قاتىناسىپ قۇتتىقتادى، ساي چي پارتيا ورتالىق كوميتەتى اتىنان ارناۋ ءسوز سويلەدى.

　　حالىق سارايىنىڭ ۇلكەن زالى دۋماندى بەينەگە شومدى. ءتوراعالار مىنبەسىنىڭ جوعارعى جاعىنا ”جۇڭگو جۇمىسشى ۇيىمىنىڭ مەملەكەتتىك 18 - قۇرىلتايى“ دەگەن قۇرىلتاي بەلگىسى ىلىنگەن، ارتقى پەردەنىڭ ءدال ورتاسىنداعى جۇڭگو جۇمىسشى ۇيىمى مەن جۇڭگو جۇمىسشى تابىنىڭ ىنتىماعىنىڭ، بىرلىگىنىڭ سيمۆولى بولعان جۇمىسشى ۇيىمىنىڭ بەلگىسى ەرەكشە جارقىرايدى، ەكى جاعىنا 10 قىزىل تۋ ءبولىنىپ قويىلعان. ەكىنشى قاباتتاعى تەكشەگە ”شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدەن جازباي، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، ءجۇز ميلليونداعان جۇمىسشى - قىزمەتكەردى جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ۇيىمداستىرايىق، جۇمىلدىرايىق“ دەگەن ءسوز جازىلعان ۇلكەن كەرمە تۋ ىلىنگەن.

　　بۇكىل ەلدەگى ءار سالا، ءار كاسىپتەن كەلگەن جۇڭگو جۇمىسشى ۇيىمى 18 - قۇرىلتايىنىڭ 2000عا تارتا ۋاكىلى جانە ەرەكشە ۇسىنىس ەتىلگەن 50دەن استام ۋاكىل ءجۇز ميلليونداعان جۇمىسشى - قىزمەتكەردىڭ ماڭىزدى تاپسىرماسىن ارقالاپ قۇرىلتايعا قاتىناستى.

　　تۇستەن بۇرىن ساعات 10دا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتارلىلار ءماجىلىس الاڭىنا كىرگەندە، بۇكىل زالدان قىزۋ شاپالاق ءۇنى كوتەرىلدى.

　　قۇرىلتاي ءتوراعالار القاسىنىڭ تۇراقتى ءتوراعاسى ۋاڭ دۇڭميڭ قۇرىلتايدىڭ اشىلعاندىعىن جاريالادى. كوپشىلىك ورىندارىنان تۇرىپ، مەملەكەت ءانىن اسقاقتاتا شىرقادى.

　　ساي چي پارتيا ورتالىق كوميتەتى اتىنان «ەلىمىزدەگى جۇمىسشى تابىنىڭ مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋگە ات سالىسۋىنىڭ ايبىندى داستانىن جازۋعا قۇلشىنايىق» دەگەن تاقىرىپتا ارناۋ ءسوز سويلەپ، قۇرىلتايدىڭ اشىلعاندىعىن قىزۋ قۇتتىقتادى، بۇكىل ەلدەگى قالىڭ جۇمىسشى - قىزمەتكەرلەرگە جانە جۇمىسشى ۇيىمى كادرلارىنا ىقىلاستى سالەم جولدادى.

　　ساي چي ارناۋ سوزىندە بىلاي دەدى: پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا ەلىمىزدىڭ جۇمىسشى تابى پارتيانىڭ توڭىرەگىنە تىعىز ىنتىماقتاسىپ، اۋىر مىندەتتى باتىلدىقپەن ارقالاپ، ايانباي ناقتى ءىس ىستەپ، پارتيا مەن مەملەكەت ىستەرىندە تاريحي تابىسقا قول جەتكىزۋدى، تاريحي وزگەرىس تۋىلۋىن ىلگەرىلەتۋگە ماڭىزدى ۇلەس قوستى. جۇڭگو جۇمىسشى ۇيىمىنىڭ 17 - قۇرىلتايىنان بەرى ءار دارەجەلى جۇمىسشى ۇيىمى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا قۇرىلىسىن كۇشەيتىپ، رەفورما جاساۋدى، جاڭالىق اشۋدى تەرەڭدەتىپ، جۇمىسشى - قىزمەتكەرلەرگە يدەيا - ساياسي جەتەكشىلىكتى كۇشەيتىپ، كاسىپ سالاسى جۇمىسشىلار قوسىنى قۇرىلىسى رەفورماسىن ىلگەرىلەتىپ، ۇقىقتى قورعاۋعا قىزمەت وتەۋ قىزمەت مىندەتىن اتقارىپ، جاراسىمدى ەڭبەك قاتىناسىن ورناتىپ، قالىڭ جۇمىسشى - قىزمەتكەرلەردى جاڭا داۋىردە بەلسەنە ۇلەس قوسىپ، بۇكىل ەل حالقىمەن بىرگە جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاۋعا جۇمىلدىردى.

　　ساي چي مىنالاردى ءبىلدىردى: پارتيانىڭ 20 - قۇرىلتايى جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ وزەكتى مىندەتىن تۇراقتاندىردى. پارتيانىڭ وزەكتى مىندەتى − جۇڭگو جۇمىسشىلار قوزعالىسى مەن جۇمىسشى ۇيىمى قىزمەتىنىڭ نەگىزگى تاقىرىبى جانە بەتالىسى. جۇمىسشى تابى ادال، سەنىمدى بولۋ ارقىلى جۇمىسشى تابىنىڭ ساياسي قاسيەتىن جالعاستىرىپ، ەڭبەك جاسامپازدىعى ارقىلى جۇمىسشى تابىنىڭ بورىشى مەن مىندەتىن ارقالاپ، ىسىلعان ونەرمەن جۇمىسشى تابىنىڭ داۋىرلىك كەلبەتىن ايگىلەپ، ىنتىماقتاسا كۇرەس جاساۋ ارقىلى جۇمىسشى تابىنىڭ وسكەلەڭ قاسيەتىن اسقاقتاتۋى كەرەك. ءار دارەجەلى جۇمىسشى ۇيىمدارى شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ جۇمىسشى تابى مەن جۇمىسشى ۇيىمى قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، پارتيا ىستەرىنە ادال بولىپ، جۇمىسشى - قىزمەتكەرلەرگە شىن پەيىلمەن قىزمەت وتەپ، قاشاندا دۇرىس ساياسي بەتالىسقا تاباندى بولىپ، ىنتىماقتاسا كۇرەس جۇرگىزۋ ۇلى كۇشىن كەڭىنەن ۇيىستىرىپ، ۇقىقتى قورعاۋعا قىزمەت وتەۋ ساپاسىن شىنايى جوعارىلاتىپ، كوپىرلىك، دانەكەرلىك رولىن ءونىمدى ساۋلەلەندىرىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تياناقتانىپ، ونىمدىلىك كورسەتۋىن ىلگەرىلەتىپ، پارتيانىڭ جۇمىسشىلار قوزعالىسى ىستەرىنىڭ شىت جاڭا تاراۋىن قۇلشىنا جازۋى كەرەك.

　　كوممۋنيستىك جاستار وداعى ورتالىق كوميتەتى شۋجيچۋىنىڭ ءبىرىنشى شۋجيى ا دۇڭ، ورتالىق اسكەري ىستەر كوميتەتىنىڭ مۇشەسى، ورتالىق اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا ىلگەرىندى - كەيىندى حالىقتىق ۇيىمدار مەن ازاتتىق ارميا، قارۋلى ساقشى بولىمدەرى اتىنان قۇرىلتايعا قۇتتىقتاۋ ءسوزىن سويلەدى.

　　ۋاڭ دۇڭميڭ جۇڭحۋا مەملەكەتتىك باس جۇمىسشى ۇيىمىنىڭ 17 - كەزەكتى اتقارۋ كوميتەتى اتىنان «شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ءجۇز ميلليونداعان جۇمىسشى - قىزمەتكەردى مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ جولىندا ىنتىماقتاسا كۇرەس جۇرگىزۋگە ۇيىمداستىرايىق، جۇمىلدىرايىق» دەگەن تاقىرىپتا بايانداما جاسادى. بايانداما 3 بولىككە بولىنگەن: جاڭا داۋىردەگى ەلىمىزدىڭ جۇمىسشىلار قوزعالىسى ىستەرىنىڭ دامۋى جانە وتكەن 5 جىلداعى قىزمەتتەر؛ شي جينپيڭ جاڭا ءداۋىر جۇڭگوشا سوتسياليزم يدەياسىمەن جۇمىسشى ۇيىمى قىزمەتىنە ءبىر تۇتاس باسشىلىق ەتۋگە تاباندى بولۋ؛ الداعى 5 جىلداعى باستى قىزمەتتەر.

　　قۇرىلتاي جازباشا بايانداما فورماسىمەن «جۇڭگو جۇمىسشى ۇيىمىنىڭ ۋستاۆىن (وزگەرىس ەنگىزۋ جوباسى)»، «جۇڭحۋا مەملەكەتتىك باس جۇمىسشى ۇيىمى 17 - كەزەكتى اتقارۋ كوميتەتىنىڭ قازىنا ىستەرى قىزمەتى بايانداماسىن»، «جۇڭحۋا مەملەكەتتىك باس جۇمىسشى ۇيىمى 17 - كەزەكتى قاراجات تەكسەرۋ كوميتەتىنىڭ قىزمەت بايانداماسىن» ۋاكىلدەردىڭ قاراۋىنا تاپسىردى.

　　جۇڭگو كوممۋنيستىك پارتياسى ورتالىق كوميتەتى شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى قاتىستى باسشى جولداستار قۇرىلتايعا قاتىناستى.

　　ورتالىق پەن مەملەكەت ورگاندارىنىڭ قاتىستى تاراۋلارىنداعى، حالىقتىق ۇيىمدارداعى، ارميانىڭ قاتىستى ورىندارىنداعى جانە بەيجيڭ قالاسىنداعى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، شياڭگاڭ، اۋمىن ەرەكشە اكىمشىلىك رايوندارىنىڭ جۇمىسشى ۇيىمى سالاسىنداعى دوستار، استانانىڭ ءار سالاسىنداعى جۇمىسشى - قىزمەتكەرلەردىڭ ۋاكىلدەرى، ت.ب اشىلۋ سالتىنا قاتىناستى.

جالعانىم