جاڭ چۇنلين كەزدەسۋگە قاتىناستى
10 - ايدىڭ 24 - كۇنى اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز ۇرىمجىدە شينجياڭدا ۇيرەنۋ، زەرتتەۋ - تالقى، تەكسەرۋ قيمىلدارىن ورىستەتىپ جاتقان 2023 - جىلعى جاس جۇڭگو تانۋشىلار زەرتتەپ ءبىلىم اسىرۋ جوسپارى شينجياڭ كلاسىنىڭ كۋرسانتتارىمەن كەزدەستى.
□انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 10 - ايدىڭ 24 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ءتوراعاسى ەركىن تۇنياز 10 - ايدىڭ 24 - كۇنى تۇستەن بۇرىن ۇرىمجىدە شينجياڭدا ۇيرەنۋ، زەرتتەۋ - تالقى، تەكسەرۋ قيمىلدارىن ورىستەتىپ جاتقان 2023 - جىلعى جاس جۇڭگو تانۋشىلار زەرتتەپ ءبىلىم اسىرۋ جوسپارى شينجياڭ كلاسىنىڭ كۋرسانتتارىمەن كەزدەستى.
اۆتونوميالى رايوندىق پارتكومنىڭ ورىنباسار شۋجيى جاڭ چۇنلين كەزدەسۋگە قاتىناستى.
ما شيڭرۇي اۆتونوميالى رايوندىق پارتكوم مەن ۇكىمەت اتىنان كۋرسانتتاردىڭ جۇڭگونىڭ شينجياڭىنا ۇيرەنۋگە، زەرتتەپ ءبىلىم اسىرۋعا كەلگەندىگىن قارسى الدى. ول بىلاي دەدى: كوپشىلىك ۇزاق ۋاقىتتان بەرى جۇڭگو تانۋدى زەرتتەۋمەن اينالىسىپ، جۇڭگونىڭ دامۋىنا كوڭىل ءبولىپ كەلەدى. بۇل جولى دا شينجياڭدى ىشكەرىلەي ارالاپ ناقتى ورىندا تەكسەرۋ جۇرگىزىپ، زەرتتەپ ءبىلىم اسىرىپ، شينجياڭ ءوڭىرىنىڭ تاريحي مادەنيەتىن جاقىننان ءتۇسىنىپ، شينجياڭنىڭ ەكونوميكالىق، قوعامدىق دامۋىن جانە ءار ۇلت حالقىنىڭ شىنايى تۇرمىسىن تىكە سەزىندى، بۇل زەرتتەپ ءبىلىم اسىرۋ ونىمدىلىگىن جوعارىلاتۋ، جۇڭگو جونىندەگى تۇسىنىكتى، تانىمدى نىعايتۋ جونىنەن ەرەكشە كەلەلى ءمان الادى. تاياۋ جىلدان بەرى ءتوراعا شي جينپيڭنىڭ، جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، شينجياڭ حالىقتى وزەك ەتكەن دامۋ يدەياسىنا تاباندى بولىپ، جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى جەدەل ىلگەرىلەتىپ، ەكونوميكالىق، قوعامدىق دامۋدا جانە حالىق تۇرمىسىن جاقسارتۋدا كورنەكتى تابىستارعا قول جەتكىزدى. ءبىزدىڭ ىستەپ وتىرعان ىستەرىمىزدىڭ بارلىعى شينجياڭداعى ءار ۇلت بۇقاراسىن اناعۇرلىم تاماشا تۇرمىسقا كەنەلتۋ، وسىزامانداندىرۋعا قاراي بىرگە بەت الدىرۋ ءۇشىن. كەزەكتە تيانشان الابىندا قوعامدىق كەلەلى جاعداي ءۇرتىس ورنىقتى بولدى، ەكونوميكا جوعارى ساپامەن دامىدى، ءار ۇلت بۇقاراسى تىنىش ءومىر، شات - شادىمان تىرشىلىك كەشىردى. بۇل امەريكا سياقتى باتىستاعى ەلدەردىڭ ءىشىنارا مەديالارىنىڭ جالعاننان وسەك - اياڭ تاراتىپ، كۇيە جاعۋىنا پارمەندى تويتارىس بەردى. جۇڭگونىڭ كەدەيلىكتەن ارىلتۋدان قامال الۋ جانە ۇلت، ءدىن قاتارلى ساياساتتارى شينجياڭدا ءساتتى امالياتتا ايگىلەنىپ، كوپتەگەن ەلدەرگە پايدالى ۇلگى ازىرلەپ بەرەدى. شينجياڭ جان - جاقتىلى حالىقارالىق اۋىس - كۇيىستى، سەلبەستىكتى كۇش سالا تەرەڭدەتىپ، ”شاقىرىپ اكەلۋدى“، ”سىرتقا شىعارۋدى“ بەلسەنە ىلگەرىلەتۋدە. كوپشىلىكتىڭ شينجياڭعا ۇزدىكسىز كوڭىل ءبولىپ، نازار اۋدارىپ، شينجياڭمەن بايلانىستى نىعايتىپ، جۇڭگو - شەتەل اۋىس - كۇيىسىن تەرەڭدەتۋدە، جۇڭگو شينجياڭىنىڭ حيكاياسىن ويداعىداي بايانداۋدا بەلسەندى رول ساۋلەلەندىرۋىن ءۇمىت ەتەمىن.
يران تەگەران داشۋەسى كۇڭزى شۋەيۋانىنىڭ يران جاق باستىعى حاميت، رۋمينيا عىلىم اكادەمياسىنىڭ كومەكشى زەرتتەۋشىسى باۋلا، گەرمانيا ديبينگىن داشۋەسىندە دوكتورلىق وقىپ جاتقان شي شياۋحۋا، مالايزيا حۋارىن مۇراجايىنىڭ اتقارۋشى مەڭگەرۋشىسى لين جياحاۋ جەكە - جەكە سوزگە شىعىپ، زەرتتەپ ءبىلىم اسىرۋ كەزىندە كورگەن - بىلگەندەرى مەن سەزىنگەن اسەرلەرىن تانىستىردى. ولار مىنالاردى ءبىلدىردى: شينجياڭعا كەلىپ 10 كۇننەن استام ۋاقىت زەرتتەپ ءبىلىم اسىرۋ بارىسىندا ”شينجياڭ جاقسى جەر“ دەگەن تانىم كوپشىلىكتىڭ ورتاق اسەرىنە اينالدى. ۇيرەنۋ، زەرتتەۋ - تالقى جۇرگىزۋ جانە ناقتى ورىندا ارالاۋ، اۋىس - كۇيىس جاساۋ ارقىلى شينجياڭنىڭ حاۋىپسىزدىك دەڭگەيىنىڭ سونشاما جوعارى جانە دامۋ قارقىنىنىڭ سونشاما تەز ەكەندىگىن شىنايى سەزىندىك، اسىرەسە، شينجياڭدا كوپ نەگىزدى مادەنيەتتىڭ توعىسۋى جانە كوپ ۇلتتىڭ، كوپ ءدىننىڭ جاراسىمدىلىقپەن قاتار ءومىر ءسۇرۋى بارىسىنان جۇڭگونىڭ اشىقتىعىن، سيىسىمدىلىعىن سەزىندىك. تاياۋ جىلداردان بەرى، ينتەرنەتتە جۇڭگونىڭ شينجياڭىنا كۇيە جاققان ۇندەر كوبەيدى، بۇل كوپشىلىك كورگەن شىنايى شينجياڭمەن مۇلدە ۇيلەسپەيدى ەكەن. باتىس دۇنيەسى جۇڭگونىڭ شينجياڭىنا اناعۇرلىم بەلسەندى، اناعۇرلىم اشىق پەيىلمەن قاراۋعا ءتيىس. شينجياڭداعى كەشىرمەلەرىمىز بەن سەزىنگەندەرىمىز ەستەن كەتپەيدى، رولىمىزدى بەلسەنە ساۋلەلەندىرىپ، ءوزىمىز تۇرعان ەلدە اناعۇرلىم كوپ ادامنىڭ جۇڭگونىڭ شينجياڭىن تانۋىن جانە ءتۇسىنۋىن جەبەيمىز.
مادەنيەت جانە ساياحات مينيسترلىگى ۇيىمداستىرعان 2023 - جىلعى جاس جۇڭگو تانۋشىلار زەرتتەپ ءبىلىم اسىرۋ جوسپارىنىڭ شينجياڭ كلاسى 10 - ايدىڭ 11 - كۇنىنەن 31 - كۇنىنە دەيىن وتكىزىلەدى، اراب بىرىككەن امىرلىگى، فيليپپين، گەرمانيا، ارگەنتينا، وزبەكستان سياقتى 21 مەملەكەتتەن كەلگەن 23 جاس جۇڭگو تانۋشى زەرتتەپ ءبىلىم اسىرۋ جوسپارىنا قاتىناسىپ، شينجياڭدا باي مازمۇندى ۇيرەنۋ، تەكسەرۋ - زەرتتەۋ، سەزىنۋ سىندى قيمىلدار ورىستەتەدى.
اۆتونوميالى رايون باسشىلارىنان ۋاڭ جيانشين، مادەنيەت جانە ساياحات مينيسترلىگىندەگى قاتىستى جولداستار، اۆتونوميالى رايوننىڭ قاتىستى تاراۋلارىنداعى جاۋاپتى جولداستار جانە زەرتتەپ ءبىلىم اسىرۋ كلاسىنداعى كۋرسانتتار كەزدەسۋگە قاتىناستى.