انار بۇلت \ شينجياڭ گازەتىنىڭ ءتىلشىسى ما بويۇي 11 - ايدىڭ 8 - كۇنى تەكەستەن حابارلايدى. اۆتونوميالى رايوندىق مال شارۋاشىلىعىنىڭ تيپ وزگەرتىپ جوعارى ساپالى دامۋىن جۇمىس باسىندا ىلگەرىلەتۋ ماجىلىسىنەن ۇعىسۋعا قاراعاندا، الدىڭعى 3 ماۋسىمدا شينجياڭنىڭ نەگىزگى مال، قۇس ونىمدەرى بازازىندا قامداۋ جەتكىلىكتى بولىپ، مال شارۋاشىلىعىنىڭ ءونىم قۇنى 86 ميلليارد 383 ميلليون يۋان بولىپ، سايكەس مەزگىلدەگىدەن ％6. 7 ارتقان.
اۆتونوميالى رايوننىڭ ساناق تاراۋلارىنىڭ ساندى مالىمەتىندە كورسەتىلۋىنشە، الدىڭعى 3 ماۋسىمدا شينجياڭدا قورادان شىعارىلعان شوشقا، سيىر، قوي 34 ميلليون 546 مىڭ 100 باس بولىپ، سايكەس مەزگىلدەگىدەن ％7. 9 ارتقان؛ شوشقا، سيىر، قوي، قۇس ەتىنىڭ ءونىم مولشەرى ءبىر ميلليون 471 مىڭ 700 توننا بولىپ، سايكەس مەزگىلدەگىدەن ％1. 11 ارتقان؛ ءسۇت ءونىم مولشەرى ءبىر ميلليون 692 مىڭ 100 توننا بولىپ، سايكەس مەزگىلدەگىدەن ％ 3. 3 ارتقان؛ قۇس جۇمىرتقاسىنىڭ ءونىم مولشەرى 285 مىڭ 100 توننا بولىپ، سايكەس مەزگىلدەگىدەن ％8. 4 ارتقان. 10 - ايدىڭ سوڭىنا دەيىن بۇكىل رايوندا شينجياڭنان سىرتقا شىعارىلعان ءتىرى سيىر 613 مىڭ بولىپ، سايكەس مەزگىلدەگىدەن ％108 ارتقان. شينجياڭنان سىرتقا شىعارىلعان ءتىرى شوشقا جانە شوشقا ەتى ونىمدەرىن ءتىرى شوشقاعا سىندىرعاندا، 2 ميلليون 600 مىڭ بولىپ، سايكەس مەزگىلدەگىدەن ％6. 21 ارتقان.
7 - ايدان بەرى شينجياڭدا 12 ايماقتىڭ (وبلىس، قالا) 36 اۋدانىندا (قالا) باعىمشىلىق ۇلگىسىندە بۇرىلىس جاساۋ سىناق ءتۇيىنى قىزمەتى ورىستەتىلدى. جەر - جەر ءىس جۇزىندىك جاعدايمەن ۇشتاستىرىپ، تۇرگە ءبولىپ كوشىرۋ، بورداقىلاۋ ءوندىرىسىن دامىتۋ، تاۋار مالدى بۋدانداستىرۋ، مال دارىگەرلىگى تەحنيكاسى قىزمەت وتەۋ جۇيەسىن كەمەلدەندىرۋ، كاسپورىندار مەن شارۋالاردىڭ مۇددەسىن بايلانىستىرۋ مەحانيزمىن كەمەلدەندىرۋ، جەتەكشى كاسپورىنداردىڭ ۇلعايۋىن قولداۋ سىندى كوپتەگەن بۋىننان باستاپ كىرىسىپ، مال شارۋاشىلىعىنىڭ تيپ جاڭالاپ دامۋىن ىلگەرىلەتتى.
قازىر شينجياڭدا ساپالى جەم - ءشوپ ەگىمشىلىك جەر اۋدانى 11 ميلليون مۋدان استى، الدىڭعى 3 ماۋسىمدا جەم - ءشوپ جانە جەم - ءشوپ قوسىمشالارىنىڭ ءونىم مولشەرى 3 ميلليون تونناعا جەتتى. شينجياڭدا ايماق، اۋدان ەكى دارەجەلى مال دارىگەرلىگى تاجىريبەحاناسىنىڭ تەكسەرۋ قابىلەتى سالىستىرماسىنىڭ تۇلعالىق ۇيلەسۋ مولشەرى 84. 3 پايىز جوعارىلادى. بۇكىل رايوندا مال شارۋاشىلىق ونىمدەرىن، مال دارىلەرىن، جەم - ءشوپتى باقىلاۋ - ولشەۋ تولىمدىلىق مولشەرى جەكە - جەكە ％9. 99كە، ％8. 98كە جانە ％5. 98كە جەتتى.