اۆتونوميالى رايون جۇمىس باسىندا ىلگەرىلەتۋ ءماجىلىسىن اشتى
حىشي ءدالىزى - تاكلاماكان ءشولى جيەكتىك توسقاۋىل شايقاسىن ويداعىداي جۇرگىزۋ كەرەك
انار بۇلت \ شينجياڭ گازەتىنىڭ ءتىلشىسى لي ياڭ 11 - ايدىڭ 14 - كۇنى كەريادان حابارلايدى. 11 - ايدىڭ 13 - كۇنىنەن 14 - كۇنىنە دەيىن حىشي ءدالىزى − تاكلاماكان ءشولى جيەكتىك توسقاۋىل شايقاسىن جۇمىس باسىندا ىلگەرىلەتۋ ءماجىلىسى كەريا اۋدانىندا اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، مەملەكەتتىك ورمان شارۋاشىلىعى جانە جايلىم مەكەمەسى پارتيا باسشىلىق گرۋپپاسىنىڭ مۇشەسى، ورىنباسار مەكەمە باستىعى تاڭ فاڭلين قاتىناستى.
ءماجىلىس باسىندا ەركىن تۇنياز اۆتونوميالى رايوننىڭ ”ءۇش تەرىستىك“ ينجەنەرياسىنان قامال الۋ شايقاسى ماماندار گرۋپپاسىنداعى ماماندارعا قىزمەتكە شاقىرۋ كۋالىگىن تاراتتى.
اۆتونوميالى رايوندىق ورمان شارۋشىلىعى جانە جايلىم مەكەمەسى، بايىنعولين موڭعۇل اۆتونوميالى وبلىستىق حالىق ۇكىمەتى، حوتان ايماقتىق اكىمشىلىك مەكەمەسى جۇڭگو تەمىر جول قۇرىلىسى شەكتى جارنا سەرىكتەستىگىنىڭ جاڭادان گۇلدەنگەن كاسىپتەر باس شتابىمەن «تاكلاماكان ءشولى جيەكتىك توسقاۋىل شايقاسىنىڭ جيەكتى تورلاپ، قۇمدى بوگەۋ نىسانى سەلبەستىك كەلىسىمىن» جاساستى. شايار اۋداندىق حالىق ۇكىمەتى يلي بايلىق توبى شەكتى سەرىكتەستىگىمەن «قۇمايتتانۋدان ساقتانۋ، قۇمدى تىزگىندەۋ نىسانى ستراتەگيالىق سەلبەستىك كەلىسىمىن» جاساستى.
حىشي ءدالىزى - تاكلاماكان ءشولى جيەكتىك توسقاۋىل شايقاسىن جاپپاي ىلگەرىلەتۋ بارىسىندا شينجياڭ ”قابىلەتتىلەر باستاماشى بولۋ“، ”مەڭگەرمەلەر بىرلەسىپ قيمىلداۋ“ سياقتى قۇمايتتانۋدان ساقتانۋ، قۇمدى تىزگىندەۋ عىلىم - تەحنيكا جوسپارى نىسانى ارقىلى عىلمي زەرتتەۋدەن قامال الۋدى ورىستەتىپ، كەلەلى تەحنيكالىق قيىن ماسەلەلەردى شەشتى. جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنىن، شينجياڭ ورمان شارۋاشىلىعى اكادەمياسىن ۇيىمداستىرىپ، ۇيلەسكىشتىگى كۇشتى، سۋ جۇمسالىمى از، قۇمايتتانۋدان ساقتانۋ، قۇمدى تىزگىندەۋ ونىمدىلىگى تاماشا اعاش تۇرلەرىن، ءشوپ تۇرلەرىن جاپپاي سالالاپ، قۇمايتتانۋدان ساقتانۋ، قۇمدى تىزگىندەۋدىڭ ۇتىمدى تەحنيكا ۇلگىسىن قورىتىندىلاپ، جەر - جەردە جالپىلاستىردى. تاكلاماكان ءشولى جيەكتىك توسقاۋىل شايقاسىنداعى ءتۇيىندى ايماق، وبلىس، قالالارعا جانە قۇربان تۇڭعىت ءشولى جيەگىندەگى ءتۇيىندى ايماق، وبلىس، قالالارعا جەتەكشىلىك ەتىپ، شولەيتتەنۋدى تىزگىندەۋدى تىڭعىلىقتى ىلگەرىلەتىپ، ءتۇيىندى تىزگىندەيتىن وڭىرلەردى بەلگىلەپ، تىعىزدىعى تومەن، از سۋارىلاتىن، تابيعاتقا جاقىن بۇتا - بۇرگەن، ورمان ءوسىرۋ سىناعىن جۇرگىزىپ، تابىسقا جەتكەننەن كەيىن ۇلگى كورسەتىپ جالپىلاستىردى. جەرگىلىكتى جاعدايعا قاراي ىستەۋگە تاباندى بولىپ، ”ءۇش تەرىستىك“ ىقتاسىن ورمانى، ينجەنەريالىق قۇمدى بوگەۋ، قۇمايتتانۋدان ساقتانۋدان، قۇمدى تىزگىندەۋدەن كەشەندى ۇلگى كورسەتۋ رايونى، مەملەكەت دارەجەلى الەۋمەتتىك يگىلىك ورمانىن قورعاۋ ينجەنەرياسى، مەملەكەتتىك قۇمدى ءشول باقشاسى سياقتى ۇلگىلەرگە سۇيەنىپ، قۇمدى ءشول جيەگىن تورلاۋدى ىلگەرىلەتىپ، قۇمايتتانۋدان ساقتانۋ، قۇمدى تىزگىندەۋ تورىن ورناتىپ، شولەيتتەنگەن جانە قۇمايتتانعان جەر اۋدانىنىڭ بىردەي ازايۋىن، تابيعي جانە ەكپە شۇرات اۋماعىنىڭ بىردەي ارتۋىن جۇزەگە اسىرىپ، ”شۇراتتىڭ ىلگەرىلەپ، قۇمنىڭ شەگىنۋىن“ تىڭعىلىقتى جەبەدى.
ماجىلىسكە قاتىناسقاندار كەريا اۋدانىنىڭ روزا گۇلى ەگىمشىلىك بازاسىن، قۇمدى ءشول سەكسەۋىل، جىڭعىل ەگىمشىلىك بازاسىن، شەريا اۋدانىنىڭ ۇلكەن جاپىراقتى كادىمگى جوڭىشقا ەگىمشىلىگى بازاسىن، لوپ اۋدانىنىڭ مەملەكەتتىك الەۋمەتتىك يگىلىك ورمانىن قورعاۋ ينجەنەرياسىن، شىلان ۇلگى كورسەتۋ بازاسىن، قۇمايتتانعان جەردى قورشاپ قورعاۋ رايونىن، قۇمدى ءشول تاس جولى ينجەنەريالىق قۇمدى بوگەۋدەن ۇلگى كورسەتۋ ءتۇيىنىن، فوتوۆولت + قۇمدى تىزگىندەۋ بويىنشا ۇلگى كورسەتۋ ءتۇيىنىن، حوتان اۋدانى ەكونوميكالىق جاڭا رايونىنىڭ ”ءۇش تەرىستىك“ بوراننان ساقتانۋ، قۇمدى بوگەۋ نەگىزگى ورمانىن، بيڭتۋان 14 - شى 225 - تۋانىنىڭ ەرەكشە جەمىس ورمانى بويىنشا ۇلگى كورسەتۋ بازاسىن، جەر اشۋ جانە سايكەستى قۇرىلعىلار قۇرىلىسى نىسانى رايونىن، ت.ب ناقتى ورىندا كوزدەن كەشىردى.
پيڭ شينلاي، ءماردان مۇحيت، دوۋ ۋانگۇي، ليۋ شينجيان، جۇڭگو تەمىر جول قۇرىلىسىنىڭ، يلي توبىنىڭ قاتىستى جاۋاپتىلارى قيمىلعا قاتىناستى.
مەملەكەتتىك ورمان شارۋاشىلىعى جانە جايلىم مەكەمەسىنىڭ قاتىستى مەڭگەرمە - مەكەمەلەرىندەگى جاۋاپتى جولداستار، حىشي ءدالىزى - تاكلاماكان ءشولى جيەكتىك توسقاۋىل شايقاسى اۋماعىنىڭ قولباسشىسى جانە شينجياڭ اۋماعىنا جەتەكشىلىك ەتۋ گرۋپپاسىنىڭ باستىعى، مەملەكەتتىك ورمان شارۋاشىلىعى جانە جايلىم مەكەمەسىنىڭ ۇرىمجىدە تۇراتىن ارنايى قىزمەتكەرلەر كەڭسەسىندەگى جاۋاپتى جولداستار اۆتونوميالى رايوننىڭ جانە بيڭتۋاننىڭ قاتىستى تاراۋلارىنداعى نەگىزگى جاۋاپتى جولداستار، ايماقتىق، وبلىستىق، قالالىق حالىق ۇكىمەتتەرىندەگى (اكىمشىلىك مەكەمە)، بيڭتۋان 14 - شىسىنداعى نەگىزگى جاۋاپتى جولداستار جانە ورمان شارۋاشىلىعى مەن جايلىم تاراۋلارىنداعى نەگىزگى جاۋاپتى جولداستار، قاتىستى اۋدان، قالالارداعى، كاسىپورىندارداعى جاۋاپتى جولداستار قاتارلىلار ماجىلىسكە قاتىناستى ءارى ناقتى ورىندا كوزدەن كەشىردى.