شينحۋا اگەنتتىگىنىڭ 11 - ايدىڭ 15 - كۇنى سان - فرانسيسكودان بەرگەن حابارى. جەرگىلىكتى ۋاقىت 11 - ايدىڭ 15 - كۇنى مەملەكەت ءتوراعاسى شي جينپيڭ امەريكانىڭ سان - فرانسيسكوسىنداعى فيلولي شارۋا قوجالىعىندا امەريكا زۇڭتۇڭى بايدەنمەن ديدارلاسۋ وتكىزدى. ديدارلاسۋ اياقتاعاننان كەيىن، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي مەديالارعا جاعدايدى تانىستىردى ءارى سۇراۋعا جاۋاپ بەردى.
ءبىرىنشى، بۇگىن ءتوراعا شي جينپيڭ بايدەن زۇڭتۇڭمەن ديدارلاسۋ وتكىزدى، جۇڭگو مەن امەريكا ەكى ەل جانە حالىقارالىق قوعام بۇعان ايرىقشا نازار اۋداردى. ەكى باسشىنىڭ كەڭەسى قانداي بولدى؟ وسى رەتكى ديدارلاسۋدىڭ قانداي ەرەكشەلىگى بار؟
جاۋاپ: ءتوراعا شي جينپيڭ بايدەن زۇڭتۇڭنىڭ ۇسىنىسىنا ساي، امەريكاعا كەلىپ ەكى ەل مەملەكەت باسشىلارىنىڭ سان - فرانسيسكوداعى ديدارلاسۋىن وتكىزدى، سونىمەن بىرگە ۇسىنىس بويىنشا ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسادى، جاڭا عانا ەكى ەلدىڭ مەملەكەت باسشىلارى فيلولي شارۋا قوجالىعىندا ديدارلاسىپ، وتە تاماشا، جان - جاقتى، وتە تەرەڭ كەڭەس وتكىزدى. ديدارلاسۋدىڭ 3 ەرەكشەلىگى بار:
بىرىنشىدەن، ستراتەگيالىق سيپاتى. بايدەن زۇڭتۇڭ ءتوراعا شي جينپيڭگە مەملەكەت باسشىلارىنىڭ ديدارلاسۋىن وتكىزۋدىڭ جەكە ۇسىنىسىن ارنايى جولدادى، بۇل وسى رەتكى APEC كەزىندەگى ەكى جاقتى كەزدەسۋ ورنالاستىرۋىنا ۇقسامايدى. امەريكا جاق مىنانى ەرەكشە ءبىلدىردى: بۇل جۇڭگو مەن امەريكا اراسىنداعى ءبىر رەتكى ”باسشىلار ءماجىلىسى“. بىلايشا ايتقاندا، مەيلى ديدارلاسۋدى ورنالاستىرۋدىڭ دارالىق سيپاتى، جۇڭگو مەن امەريكا ەكى ەلدىڭ جانە حالىقارالىق قوعامنىڭ نازار اۋدارۋ دارەجەسى بولسىن، الدە ديدارلاسۋدىڭ ءوز ءمانىنىڭ ماڭىزدىلىعىنان الىپ ايتساق، بۇل ءبىر رەتكى ستراتەگيالىق مانگە جانە تەرەڭ ىقپالعا يە مەملەكەت باسشىلارى ديدارلاسۋى سانالادى.
ەكىنشىدەن، تاريحي سيپاتى. وسى رەتكى ديدارلاسۋ جۇڭگو − امەريكا قارىم - قاتىناسى شەشۋشى كەزەڭدە تۇرعان ۇلكەن ارتقى كورىنىستە وتكىزىلدى. حالىقارالىق قوعام بۇرىنعى ءارقانداي ۋاقىتتان دا ورنىقتى جۇڭگو − امەريكا قارىم - قاتىناسىن قاجەت ەتىپ وتىر. ءتوراعا شي جينپيڭ اراعا 6 جىل سالىپ امەريكادا تاعى دا ساپاردا بولدى، ەكى ەل مەملەكەت باسشىلارىنىڭ اراعا ءبىر جىل سالىپ تاعى دا بەتپە - بەت ديدارلاسۋى جۇڭگو مەن امەريكا مەملەكەت باسشىلارى ديپلوماتياسىنىڭ تاريحي جالعاسىمدىلىعىن جانە ءداۋىر قۇنىن ايگىلەدى ءارى ءتوراعا شي جينپيڭنىڭ بايدەن زۇڭتۇڭمەن تالاي جىلداردان بەرگى قارىم - قاتىناسىنىڭ دا جالعاسۋى بولدى، بۇل جۇڭگو − امەريكا قارىم - قاتىناسى تاريحىندا بەلەستىك ءمان الادى، بۇگىنگى تاڭداعى حالىقارالىق قارىم - قاتىناستاعى ءىرى ءىس بولارى داۋسىز.
ۇشىنشىدەن، جەتەكشىلىك سيپاتى. ديدارلاسۋ 4 ساعاتقا جالعاستى، جالپى بارىستا قوسانجار اۋدارما پايدالانىلدى. ەكى ەلدىڭ مەملەكەت باسشىلارى بەتپە - بەت تەرەڭ پىكىر اۋىستىرىپ، ءوزارا دۇرىس تانىم ورناتۋ، الاۋىزدىقتى لايىقتى مەڭگەرۋ، تىلدەسۋدى، سەلبەستىكتى ىلگەرىلەتۋ سياقتى ەڭ كورنەكتى ماسەلەلەر جونىندە جەتەكشىلىك سيپاتتى پىكىرلەر ورتاعا قويدى، پالەستينا − يزرايل قاقتىعىسى، ۋكراينا داعدارىسى جانە كليمات وزگەرىسى، جاساندى زەردە سياقتى الەمدىك سىن - سايىستار جونىندە جان - جاقتى پىكىر اۋىستىرىپ، جۇڭگو مەن امەريكا سىندى ەكى ءىرى ەلدىڭ تاتۋ - ءتاتتى ءوتۋىنىڭ دۇرىس جولىن ىشكەرىلەي تالقىلاپ، جۇڭگو مەن امەريكانىڭ بىرگە ارقالايتىن ءىرى ەلدىك جاۋاپكەرشىلىگىن ونان ارى ايقىنداپ، بولاشاقتى بەتكە العان ”سان - فرانسيسكو كەلەشەكتىك نىساناسىن“ قالىپتاستىرىپ، جۇڭگو − امەريكا قارىم - قاتىناسىنىڭ اقاۋسىز، ورنىقتى، باياندى دامۋىن جۇزەگە اسىرۋعا ايقىن بەتالىس نۇسقاپ، كارتينا جوبالادى.
ەكىنشى، وسى رەتكى مەملەكەت باسشىلارىنىڭ ديدارلاسۋىندا ءتوراعا شي جينپيڭ جۇڭگو جاقتىڭ قانداي كوزقاراستارى مەن تۇرعىسىن ءتۇيىندى تۇردە باياندادى؟
جاۋاپ: ەكى ەلدىڭ مەملەكەت باسشىلارى ءوزارا قۇرمەت ەتكەن رايدا جۇڭگو − امەريكا قارىم - قاتىناسىنا ساياتىن ستراتەگيالىق سيپاتتى، جالپى جاعدايلىق، بەتالىستىق ماسەلەلەر جونىندە، سونداي - اق دۇنيە ءجۇزىنىڭ بەيبىتشىلىگى مەن دامۋىنا ساياتىن كەلەلى ماسەلەلەر جونىندە پىكىر اۋىستىردى. ءتوراعا شي جينپيڭ جۇڭگو جاقتىڭ جۇڭگو − امەريكا قارىم - قاتىناسىن ورنىقتى جاقسارتۋ جونىندەگى قۇزىرلى تۇرعىسىن جان - جاقتى باياندادى، ەڭ ماڭىزدىسى، تومەندەگى بىرنەشە جاقتا بەينەلەنەدى:
بىرىنشىدەن، دۇرىس تاريحي تالعام جاساۋ كەرەك. جۇڭگو مەن امەريكا ءتۇبىن قۋعاندا سەرىكتەس پە، الدە قارسىلاس پا؟ ءوزارا تيىمدىلىك جەتكىزىپ، سەلبەستىك جاساسۋى كەرەك پە، الدە ەگەسۋى، قارسىلاسۋى كەرەك پە؟ بۇل ءتۇبىرلى سيپات الاتىن ماسەلە، اۋدارۋ سيپاتتى قاتەلىك وتكىزۋگە بولمايدى. ءتوراعا شي جينپيڭ بىلاي دەپ اتاپ كورسەتتى: تاريح − ەڭ جاقسى وقۋلىق، رەالدىق − ەڭ جاقسى ەس جيدىرۋ ۋكولى. ءبىز ەكى ەلدىڭ سەرىكتەس بولۋىن، ەكى جاقتىڭ مۇددەسىنە ۇيلەسەتىن سەلبەستىك كەڭەس تارتىبىندە بەلسەنە ارەكەتتەنىپ، حالىقارالىق جانە كوپ جاقتى ورىندا تاماشا ىقپالداستىق ورناتۋىن ءۇمىت ەتەمىز، وسىلاي بولعاندا جۇڭگو − امەريكا قارىم - قاتىناسىنىڭ بولاشاعى نۇرلى بولادى.
ەكىنشىدەن، تاتۋ - ءتاتتى ءوتۋدىڭ دۇرىس جولىن تابۋ كەرەك. ءتوراعا شي جينپيڭ بىلاي دەپ اتاپ كورسەتتى: جۇڭگو مەن امەريكانىڭ تاريحي مادەنيەتى، قوعامدىق ءتۇزىمى ۇقسامايدى، ءبىراق قارىم - قاتىناس جاساماۋىنا بولمايدى، قارسى جاقتى وزگەرتەمىن دەۋ ءىس جۇزىندىككە جاناسپايدى، قاقتىعىستى، قارسىلاسۋدى ەشكىم دە كوتەرە المايدى. دۇرىس ءادىس − ءوزارا قۇرمەت ەتۋگە، بەيبىت قاتار تۇرۋعا، سەلبەستىك جاساسىپ، تەڭ يگىلىككە كەنەلۋگە تاباندى بولۋ. وسى 3 پرينسيپ جارتى عاسىردان بەرگى جۇڭگو − امەريكا قارىم - قاتىناسىنان قورىتىلعان ماڭىزدى تاجىريبە ءارى تاريحتاعى ءىرى ەلدەر قاقتىعىىسى، قارسىلاسۋى اكەلگەن تەرەڭ ساباق، بۇل جۇڭگو مەن امەريكا ەكى جاقتىڭ بىرگە قۇلشىنىس جاساۋىنىڭ بەتالىسى بولۋعا ءتيىس.
ۇشىنشىدەن، سان - فرانسيسكو كەلەشەكتىك نىساناسىن اشۋ كەرەك. ءتوراعا شي جينپيڭ بيىكتە تۇرىپ ، الىستى بولجاپ بىلاي دەپ اتاپ كورسەتتى: جۇڭگو مەن امەريكا دۇرىس تانىمدى بىرگە ورناتىپ، الاۋىزدىقتى بىرگە ءونىمدى مەڭگەرىپ، ءوزارا تيىمدىلىك جەتكىزۋدى، سەلبەستىك جاساسۋدى بىرگە ىلگەرىلەتىپ، ءىرى ەلدىك جاۋاپكەرشىلىكتى بىرگە ارقالاپ، گۋمانيتارلىق اۋىس - كۇيىستى بىرگە ىلگەرىلەتۋى كەرەك. وسى ”بەس بىرگە“ جۇڭگو − امەريكا قارىم - قاتىناسىنىڭ ورنىقتى دامۋى ءۇشىن سومدالعان بەس تىرەككە بارابار، ول جۇڭگو − امەريكا قارىم - قاتىناسىنىڭ كەلەشەكتى بەتكە العان جاڭا كەلەشەكتىك نىساناسىن اشادى.
ءۇشىنشى، وسى رەتكى مەملەكەت باسشىلارىنىڭ ديدارلاسۋى قانداي ورتاق تانىمعا جانە تابىستارعا قول جەتكىزدى؟
جاۋاپ: وسى رەتكى جۇڭگو − امەريكا مەملەكەت باسشىلارى ديدارلاسۋىنىڭ تابىسى جان - جاقتى بولدى، ەكى جاق ءوزارا قۇرمەت ەتۋ، بەيبىت قاتار تۇرۋ، ءوزارا تيىمدىلىك جەتكىزۋ نەگىزىندە، ءار سالاداعى تىلدەسۋدى، سەلبەستىكتى تالقىلاپ، ساياسي ديپلوماتيا، گۋمانيتارلىق اۋىس - كۇيىس، الەمدىك وڭاۋ، اسكەري ىستەر حاۋىپسىزدىگى سياقتى سالالاردا 20دان استام ورتاق تانىمعا كەلدى. مۇنىڭ ىشىندە ءبىرسىپىراسى مەملەكەت باسشىلارى ديدارلاسۋىنان بۇرىن پىسىپ - جەتىلىپ تياناقتاندى، ءبىرسىپىراسى وسى رەتكى ديدارلاسۋدا اقىلداسىلدى. نەگىزىنەن مىنالاردى قامتيدى:
جەتەكشى پرينسيپ جاعىندا، ەكى ەلدىڭ مەملەكەت باسشىلارى ەكى جاقتىڭ ديپلوماتيا جۇمىس توبىنىڭ بالي ارالىنداعى ديدارلاسۋدان بەرى جۇڭگو − امەريكا قارىم - قاتىناسىنىڭ جەتەكشى پرينسيبىن تالقىلاۋداعى قۇلشىنىستارىن جانە قول جەتكىزگەن ورتاق تانىمدارىن قۇپتايدى. ءوزارا قۇرمەت ەتىپ، بەيبىت قاتار تۇرىپ، بايلانىستى ساقتاپ، قاقتىعىستان ساقتانىپ، «بىرلەسكەن مەملەكەتتەر ۇيىمىنىڭ ۋستاۆىنا» بويسۇنۋدى، ورتاق مۇددەسى بار سالالاردا سەلبەستىك ورىستەتىپ، ەكى جاقتىڭ قارىم - قاتىناسىنداعى باسەكە فاكتورلارىن جاۋاپكەرشىلىكپەن مەڭگەرۋدى باسا دارىپتەيدى. وسى 7 تارماقتى ورتاق تانىم توتەنشە ماڭىزدى، ەكى جاقتىڭ كەلەسى قادامدا ىشكەرىلەي تالقى جۇرگىزۋىنە بەرىك نەگىز قالايدى. ەكى ەلدىڭ مەملەكەت باسشىلارى ەكى جاقتىڭ جۇمىس توپتارىنىڭ وسى جونىندە ۇزدىكسىز تالقى جۇرگىزۋىن قارسى الادى.
تىلدەسۋ - سەلبەستىك جاعىندا، ەكى جاق جوعارى جىكتەگىلەردىڭ بارىس - كەلىسىن كۇشەيتىپ، ساۋدا، ەكونوميكا، فينانس، ەكسپورتقا شەكتەمە قويۋ، ازيا − تىنىق مۇحيت ىستەرى، تەڭىز - مۇحيت، ارميانى كەڭەيتۋدى تىزگىندەۋ جانە قارۋلاردى كەڭەيتۋدەن ساقتانۋ، ديپلوماتيا ساياساتى جوباسى، بىرلەسكەن قىزمەت گرۋپپاسى، مۇگەدەكتەر سياقتى ءتۇرلى سالالارداعى مەحانيزم سيپاتتى كەڭەستى ىلگەرىلەتۋدى جانە باستاۋدى ۇيعاردى. ەكى جاق «جۇڭگو − امەريكا عىلىم - تەحنيكا سەلبەستىگى كەلىسىمىنە» ۇزدىكسىز قول قويۋ كەڭەسىن باستاۋعا، جۇڭگو مەن امەريكا اۋىل شارۋاشىلىعى بىرلەسكەن كوميتەتىن قايتا ىسكە قوسۋعا قوسىلدى.
گۋمانيتارلىق اۋىس - كۇيىس جاعىندا، ەكى جاق جۇڭگو مەن امەريكا گۋمانيتارلىق اۋىس - كۇيىسىنىڭ ماڭىزدىلىعىن قايتالاي دارىپتەپ، كەلەر جىلى ەرتەرەك ەكى ەل اراسىندا توتە ۇشاتىن كەزەكشى ۇشاقتى بارىنشا كوبەيتىپ، جۇڭگو مەن امەريكانىڭ وقۋ - اعارتۋ سەلبەستىگىندە ءبىر اۋىزدىلىققا كەلىپ، ءبىلىم اسىراتىن وقۋشىلاردىڭ كولەمىن ۇلعايتۋعا شابىتتاندىرىپ، مادەنيەت، دەنە تاربيە، جاستار، ونەركاسىپ - ساۋدا سالاسىنداعى اۋىس - كۇيىستى كۇشەيتۋگە قوسىلدى.
الەمدىك باسقارۋ سالاسىندا، ەكى ەلدىڭ مەملەكەت باسشىلارى كەزەكتە جۇڭگو مەن امەريكانىڭ كليمات داعدارىسىنا قۇلشىنا توتەپ بەرۋدى جەدەلدەتۋى كەرەكتىگىن باسا دارىپتەپ، ەكى ەلدىڭ كليمات ەرەكشە ەلشىلەرىنىڭ تاياۋدا وتكىزىلگەن 2020 - جىلدارداعى ەل ءىشىنىڭ لاستاۋشى زاتتاردى شىعارۋىن ازايتۋ ارەكەتىن قامتىعان بەلسەندى تالقىسىن قارسى الىپ، COP28 قول جەتكىزگەن تابىستارىن بىرگە ىلگەرىلەتىپ، جۇڭگو مەن امەريكا ”كليمات ارەكەتىن كۇشەيتۋ قىزمەت گرۋپپاسىن“ ىسكە قوستى. ەكى جاق تاعى «سەلبەستىكتى كۇشەيتىپ، كليمات داعدارىسىنا توتەپ بەرۋ جونىندەگى نۇرلى مەكەن مالىمدەمەسىن» جاريالادى. ەكى جاق جاساندى زەردە جونىندەگى ۇكىمەت ارالىق تىلدەسۋ مەحانيزمىن ورناتۋعا قوسىلدى.
اسكەري ىستەر حاۋىپسىزدىگى مەن زاڭ اتقارۋ سالاسىندا، ەكى جاق تەڭدىك جانە قۇرمەت ەتۋ نەگىزىندە ەكى ەل ارمياسى جوعارى جىكتەگىلەرىنىڭ تىلدەسۋىن قالپىنا كەلتىرۋگە، جۇڭگو مەن امەريكانىڭ مەملەكەت قورعانىس مينيسترلىگى قىزمەتتىك ديدارلاسۋىن، جۇڭگو مەن امەريكانىڭ تەڭىزدەگى اسكەري ىستەر حاۋىپسىزدىگى كەڭەس مەحانيزمى ءماجىلىسىن قالپىنا كەلتىرىپ، جۇڭگو مەن امەريكا ەكى ەل ارمياسىنىڭ سوعىس ءوڭىرى باسشىلار تىلدەسۋىن ورىستەتۋگە قوسىلدى. ەكى جاق جۇڭگو − امەريكا ەسىرتكىگە تيىم سالۋ سەلبەستىگى قىزمەت گرۋپپاسىن قۇرىپ، ەسىرتكىگە تيىم سالۋ سەلبەستىگىن ورىستەتەتىندىگىن جاريالادى.
ەكى ەلدىڭ مەملەكەت باسشىلارى ەكى جاق ۇيىمدارىنىڭ جوعارى جىكتەگىلەردىڭ ءوزارا ىقپالداستىعىن جانە ءوزارا ساپارلاۋىن ۇزدىكسىز ساقتاپ، سان - فرانسيسكو ديدارلاسۋىنىڭ جالعاسىمىن تياناقتاندىرۋعا قوسىلدى.
وسى ماڭىزدى ورتاق تانىمدار مەن جەتىستىكتەر جۇڭگو مەن امەريكا اراسىندا كەڭ كولەمدى ورتاق مۇددە بار ەكەندىگىن ىشكەرىلەي ءتۇسىندىردى ءارى ءوزارا پايدا جەتكىزۋ، تەڭ يگىلىككە كەنەلۋ جۇڭگو − امەريكا قارىم - قاتىناسىنىڭ ماندىك ەرەكشەلىگى ەكەندىگىن، تىلدەسۋدىڭ، سەلبەستىكتىڭ جۇڭگو مەن امەريكا ەكى ەلدىڭ بىردەن - ءبىر دۇرىس تالعامى ەكەندىگىن ىشكەرىلەي دالەلدەدى.
ءتورتىنشى، وسى رەتكى ديدارلاسۋدا ەكى جاق الاۋىزدىقتى جانە سەزىمتال ماسەلەلەردى اۋىزعا الدى ما، جوق پا، جۇڭگو جاقتىڭ تۇرعىسى مەن پوزيتسياسى قانداي؟
جاۋاپ: ارينە، كوپتەگەن الاۋىزدىقتار جانە سەزىمتال ماسەلەلەر اۋىزعا الىندى. ءتوراعا شي جينپيڭ بىلاي دەپ باسا دارىپتەدى: جۇڭگو جاق ورنىقتى، اقاۋسىز، باياندى جۇڭگو − امەريكا قارىم - قاتىناسىن ورناتۋعا كۇش سالادى، سونىمەن بىرگە جۇڭگونىڭ، ءسوز جوق، قورعايتىن ورىندى مۇددەسى، ءسوز جوق، قورعايتىن پرينسيپتىك تۇرعىسى، ءسوز جوق، بۇلجىماي ساقتاۋعا ءتيىستى قىزىل سىزىق، تومەنگى شەگى بار. ەگەر امەريكا جاق باسەكەلەسۋدى جەلەۋ ەتىپ، جۇڭگونى قورشاي قىسپاققا السا، وندا جۇڭگو ءوزىنىڭ يەلىك ۇقىعىن، حاۋىپسىزدىك، دامۋ ۇقىق - مۇددەسىن باتىل قورعايدى.
تايۋان ماسەلەسى باستان - اياق جۇڭگو − امەريكا قارىم - قاتىناسىنداعى ەڭ ماڭىزدى، ەڭ سەزىمتال ماسەلە. ءتوراعا شي جينپيڭ جۇڭگو جاقتىڭ پرينسيپتىك تۇرعىسىن ەگجەي - تەگجەيلى باياندادى. جۇڭگو جاق امەريكا جاقتى ءبىر جۇڭگو پرينسيبىنە بويسۇنىپ، ”تايۋاندى دەربەستەندىرۋگە“ قارسى تۇرىپ، تايۋاندى قارۋلاندىرۋدى توقتاتىپ، جۇڭگونىڭ ىشكى ىسىنە كيلىگۋدى توقتاتىپ، جۇڭگونىڭ بەيبىت بىرلىككە كەلۋىن قولداۋىن تالاپ ەتتى.
ءتوراعا شي جينپيڭ ەكونوميكا - ساۋدا، عىلىم - تەحنيكا ماسەلەلەرى جونىندە جۇڭگو جاقتىڭ تۇرعىسىن ايقىنداپ، امەريكا جاقتىڭ ەكونوميكا - ساۋدا، عىلىم - تەحنيكا سالاسىندا جۇڭگونى شاۋجايلاپ، قىسپاققا الۋى ”حاۋىپ - قاتەردى جويعاندىق“ ەمەس، قايتا حاۋىپ - قاتەر تۋدىرعاندىق دەپ اتاپ كورسەتتى. مۇنداي قاتە ادىستەر جانە وسىدان تۋىنداعان جۇڭگو − امەريكا قارىم - قاتىناسىنداعى ايقىنسىزدىق ەڭ ۇلكەن حاۋىپ - قاتەرگە اينالدى. جۇڭگونىڭ عىلىم - تەحنيكاسىن قىسپاققا الۋ دەگەننىڭ ءوزى جۇڭگونىڭ جوعارى ساپالى دامۋىن شاۋجايلاپ، جۇڭگو حالقىن دامۋ ۇقىق - مۇددەسىنەن ماقرۇم ەتۋ دەگەن ءسوز، ءبىز بۇعان استە كونبەيمىز، بۇل استە ىسكە اسپايدى. جۇڭگونىڭ دامىپ، زورايۋىندا قۋاتتى ىشكى قوزعاۋشى كۇش جانە تاريحي لوگيكا بار. ءارقانداي سىرتقى كۇش بوگەي المايدى. امەريكا جاق جۇڭگو جاق ءجىتى قاداعالاپ وتىرعان ىستەرگە مۇقيات مامىلە جاساپ، سىڭار جاقتى جازالاۋدى كۇشىنەن قالدىرىپ، جۇڭگو كاسىپورىندارىنا، ءادىل، تۋرا، كەمسىتپەيتىن ورتا ازىرلەپ بەرۋى كەرەك.
بەسىنشى، سان - فرانسيسكوداعى ديدارلاسۋ كەزەكتەگى جانە بولاشاقتاعى جۇڭگو − امەريكا قارىم - قاتىناسىنا نەندەي ىقپال جاسايدى؟
جاۋاپ: سان - فرانسيسكوداعى ديدارلاسۋ جۇڭگو − امەريكا قاتىناسىندا سەنىمدىلىكتى ارتتىرىپ، كۇماندى سەيىلتەتىن، الاۋىزدىقتاردى مەڭگەرەتىن، سەلبەستىكتى ۇلعايتاتىن ءبىر رەتكى ماڭىزدى ديدارلاسۋ، سونداي - اق اۋمالى - توكپەلى دۇنيە جۇزىنە تۇراقتىلىق ۇستەپ، ايقىندىلىقتى ارتتىراتىن ماڭىزدى ديدارلاسۋ. ەكى ەل مەملەكەت باسشىلارىنىڭ رول ۇستاپ، جول باستاۋىنىڭ ارقاسىندا جۇڭگو − امەريكا قارىم - قاتىناسى سىندى وسى الىپ كەمەنىڭ تاساداعى قۇزدار مەن قاتەرلى قايراڭداردى بۇزىپ ءوتىپ، بالي ارالىنان سان - فرانسيسكوعا جەتۋى وڭايعا سوقپادى. دەسەدە سان - فرانسيسكو سوڭعى مارە ەمەس، قايتا جاڭا باستاما بولۋعا ءتيىس. ءبىز جۇڭگو مەن امەريكانىڭ ەڭ سوڭىندا تاتۋ - ءتاتتى ءوتۋدىڭ دۇرىس جولىن تابۋعا ءتيىس ەكەندىگىنە ءارى تابا الاتىندىعىنا، بۇل تاريحتىڭ سوزسىزدىگى، ءداۋىردىڭ اعىمى، سونداي - اق حالىقتىڭ كۇتەرى ەكەندىگىنە باستان - اياق سەنەمىز. كەلەر جىلى − جۇڭگو − امەريكا ديپلوماتيالىق قارىم - قاتىناس ورناتقاندىعىنىڭ 45 جىلدىعى. ەكى جاق سان - فرانسيسكودان قايتا اتتانىپ، جاڭا كەلەشەكتىك نىسانا سومداپ، جۇڭگو − امەريكا قارىم - قاتىناسىنىڭ ءتۇپ نەگىزىن ىشكەرىلەي بەكەمدەپ، بەيبىت قاتار تۇرۋدىڭ تىرەگىن قالىپتاستىرىپ، ەكى ەل قارىم - قاتىناسىنىڭ اقاۋسىز، ورنىقتى، باياندى بەتالىسقا قاراي دامۋىن ىلگەرىلەتۋگە ءتيىس.