شينجياڭ فيلوسوفيا-قوعامدىق عىلىمدار تورابى
شينجياڭنىڭ جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى جونىندە اڭگىمە ءماجىلىسى اشىلدى
   ۋاقىتى:2023-11-20   |  كەلۋ قاينارى: شينجياڭ گازەتى

 شينجياڭنىڭ جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى جونىندە اڭگىمە ءماجىلىسى اشىلدى

  ما شيڭرۇي، ۋاڭ گۋاڭحۋا ءسوز سويلەدى، ەركىن تۇنياز باسقاردى، لي يفي، جاڭ چۇنلين، حى جۇڭيوۋ قاتىناستى

  11 - ايدىڭ 18 - كۇنى شينجياڭنىڭ جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى جونىندەگى اڭگىمە ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي، جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر، مەملەكەتتىك جاراتىلىستىق بايلىق باس باقىلاۋشىسى ۋاڭ گۋاڭحۋا ماجىلىسكە قاتىناستى ءارى ءسوز سويلەدى.

  □ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

  انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 18 - كۇنى ۇرىمجىدەن حابارلايدى. 11 - ايدىڭ 18 - كۇنى تۇستەن كەيىن شينجياڭنىڭ جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى جونىندەگى اڭگىمە ءماجىلىسى ۇرىمجىدە اشىلدى، ءماجىلىس نازاردى شينجياڭنىڭ مەملەكەت جالپى جاعدايىنداعى ستراتەگيالىق ورنى مەن مەملەكەتتىڭ ەنەرگيا بايلىعى حاۋىپسىزدىگىن قامتاماسىز ەتۋ مىندەت جاۋاپكەرشىلىگى مەن بورىشىنا شوعىرلاندىرىپ، قاتىستى قىزمەت مالىمەتتەرىن تىڭدادى، ءار جاقتىڭ ۇسىنىس - پىكىرلەرىن قابىلداپ، ءتۇيىندى قىزمەتتەردى ىلگەرىلەتىپ، شينجياڭنىڭ بايلىق ارتىقشىلىعى مەن وڭىرلىك ورنى سياقتى باسىمدىقتارىن ونان ارى ساۋلەلەندىرىپ، جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتىن جەدەل اتقارىپ، ەنەرگيا بايلىعىنىڭ قورىن مولايتىپ، ءونىمىن جوعارىلاتۋعا دەم بەرۋدى اقىلداستى. اۆتونوميالى رايوندىق پارتكومنىڭ شۋجيى ما شيڭرۇي، جاراتىلىستىق بايلىق مينيسترلىگى پارتيا باسشىلىق گرۋپپاسىنىڭ شۋجيى، مينيستر، مەملەكەتتىك جاراتىلىستىق بايلىق باس باقىلاۋشىسى ۋاڭ گۋاڭحۋا ماجىلىسكە قاتىناستى ءارى ءسوز سويلەدى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ءماجىلىستى باسقاردى. اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.

  ماجىلىستە اۆتونوميالى رايوندىق جاراتىلىستىق بايلىق مەڭگەرمەسىندەگى، بيڭتۋان جاراتىلىستىق بايلىق مەكەمەسىندەگى جاۋاپتى جولداستار جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتى قىزمەتىنىڭ جاعدايىنان مالىمەت بەردى. التاي ايماعى، قۇمىل قالاسى، بايىنعولين موڭعۇل اۆتونوميالى وبلىسى، اۆتونوميالى رايوندىق گەولوگيا مەكەمەسى، جۇڭگو عىلىم اكادەمياسى شينجياڭ ەكولوگيا جانە جاعراپيا زەرتتەۋ ورنى، جۇڭگو گەولوگيالىق تەكسەرۋ مەكەمەسى ءۇرىمجى جاراتىلىستىق بايلىق جالپىلىق تەكسەرۋ ورتالىعى، شينجياڭ ياشين كومىر قاباتى گازىنا قارجى قوسۋ، اشۋ توبى، جۇڭگو مۇناي توبى شينجياڭ مۇناي الابى بولىمشە سەرىكتەستىگى، جۇڭگو مۇناي حيميا باتىس سولتۇستىك مۇناي الابى بولىمشە سەرىكتەستىگى، باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگى، زىجين كەن كاسىبى توبى باتىس سولتۇستىك شەكتى سەرىكتەستىگىنىڭ جاۋاپتى جولداستارى كەن بايلىعىن بارلاۋ، اشۋ شارالارىن، ونىمدىلىگىن جانە كەلەسى قادامداعى قىزمەت بەتالىسىن تانىستىردى. ماجىلىسكە قاتىناسقان باسشى جولداستار پىكىر اۋىستىردى.

  ما شيڭرۇي اۆتونوميالى رايوندىق پارتكوم مەن ۇكىمەت اتىنان جاراتىلىستىق بايلىق مينيسترلىگىنىڭ ۇزاق ۋاقىتتان بەرى شينجياڭ قىزمەتىن زور كۇشپەن قولداعاندىعىنا العىس ءبىلدىردى. ول بىلاي دەدى: كەن بايلىعى سياقتى ماڭىزدى بايلىقتار مەن كاسىپ سالالارىنىڭ بۇكىل ەلدىڭ ەكونوميكالىق كەلەلى جاعدايىنداعى ماڭىزدى رولىن اناعۇرلىم ويداعىداي ساۋلەلەندىرۋ − باس شۋجي شي جينپيڭنىڭ، پارتيا ورتالىق كوميتەتىنىڭ شينجياڭعا جۇكتەگەن ماڭىزدى مىندەتى. جاراتىلىستىق بايلىق مينيسترلىگىنىڭ قولداۋى مەن كومەگىندە شينجياڭنىڭ كەن ىزدەۋ ارەكەتىندە كەلەلى تابىستارعا قول جەتىپ، ەكونوميكانىڭ، قوعامنىڭ جوعارى ساپالى دامۋىن پارمەندى جەبەدى. شينجياڭنىڭ ەنەرگيا بايلىعى مول، اشۋ كومەسكى كۇشى زور. ءبىز ساياسي دەڭگەيدى اناعۇرلىم جوعارىلاتىپ، شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، مەملەكەتتىڭ ەنەرگيا، كەن بايلىعى جانە كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن قورعاۋ ستراتەگيالىق تۇرعىسىن شىعار ءتۇيىن ەتۋگە تاباندى بولىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋگە شوعىرلاندىرىپ، قىزمەت جاۋاپكەرشىلىگىن، بورىشتى باتىل ارقالاپ، جاراتىلىستىق بايلىق مينيسترلىگىنىڭ جەتەكشىلىگىندە مەملەكەتتىڭ قاجەتىن، شينجياڭنىڭ قابىلەتىن تياناق ەتىپ، جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتىن جەدەل اتقارىپ، ءبىر توپ ستراتەگيالىق كەن بايلىعىن جانە باسىمدىققا يە كەن بايلىعىن بارلاۋدىڭ، اشۋدىڭ زاپاس ءوڭىرىن، ستراتەگيالىق جالعاستىرۋ ءوڭىرىن جەدەل قالىپتاستىرىپ، ماڭىزدى ەنەرگيا بايلىعىنىڭ قورىن مولايتىپ، ءونىمىن جوعارىلاتۋدى ىلگەرىلەتۋىمىز كەرەك. كەن كاسىبىنىڭ تيبىن وزگەرتىپ، دارەجەسىن جوعارىلاتۋدى جەدەلدەتىپ، جاسىل كەن كاسىبى كاسىپ سالاسى شوعىرىن بەلسەنە قۇرىپ، ۇزدىكسىز قارجى قوسۋ، ۇزدىكسىز بايقاۋ، ۇزدىكسىز بارلاۋ، ۇزدىكسىز تىڭ تابىسقا جەتۋ سىندى تاماشا اينالىمدى جۇزەگە اسىرىپ، شينجياڭنىڭ مەملەكەتتىڭ شەشۋشى كەن بايلىعى حاۋىپسىزدىگىن قامتاماسىز ەتۋگە قوسقان ۇلەسىن ۇزدىكسىز جوعارىلاتۋ كەرەك. جاراتىلىستىق بايلىق مينيسترلىگىنىڭ شينجياڭعا بۇرىنعىداي نازار اۋدارىپ، قولداۋ كورسەتىپ، مەملەكەت جەر بايلىعى كەڭىستىگىن جوبالاۋ جانە جەر، كەن بايلىعى سياقتى ماڭىزدى بايلىقتاردى قامتاماسىز ەتۋ جاقتارىندا اناعۇرلىم كوپ ساياساتتىق قولداۋ كورسەتىپ، شينجياڭنىڭ مەملەكەتتىڭ ستراتەگيالىق جالپى جاعدايىنا اناعۇرلىم ويداعىداي قىزمەت وتەۋىنە، ەكونوميكانىڭ، قوعامنىڭ جوعارى ساپالى دامۋىن ىلگەرىلەتۋىنە ۇزدىكسىز قوزعاۋشى كۇش، ومىرشەڭدىك كۇش ۇستەۋىن ءۇمىت ەتەمىن.

  ۋاڭ گۋاڭحۋا بىلاي دەپ اتاپ كورسەتتى: جاڭا كەزەكتى كەن ىزدەۋدە تىڭ تابىسقا جەتۋ ستراتەگيالىق ارەكەتىن اتقارۋ − باس شۋجي شي جينپيڭنىڭ ماڭىزدى نۇسقاۋىنىڭ، بەكىتۋىنىڭ رۋحىن دايەكتىلەندىرۋدەگى، پارتيا ورتالىق كوميتەتىنىڭ، مەملەكەتتىك كەڭەستىڭ تالابىن تياناقتاندىرۋداعى، ستراتەگيالىق كەن بايلىعىن بارلاۋ تەبىنىن ارتتىرىپ، كەن كاسىبىنىڭ جوعارى ساپالى دامۋىن ىلگەرىلەتىپ، ەل ىشىندەگى ەنەرگيا بايلىعىن قامتاماسىزداندىرۋ قابىلەتىن كۇشەيتۋدەگى كەلەلى شارا. شينجياڭنىڭ ەلىمىزدىڭ ەنەرگيا بايلىعىن قامتاماسىزداندىرۋ جۇيەسىندەگى ستراتەگيالىق ورنى توتەنشە ماڭىزدى، مەملەكەتتىڭ ەنەرگيا بايلىعى حاۋىپسىزدىگىن قورعاۋ جاعىنداعى جاۋاپكەرشىلىگى اۋىر. شينجياڭنىڭ ەنەرگيا، كەن بايلىعىن اشۋدى كۇشەيتىپ، بايلىق باسىمدىعىن كاسىپ سالاسى باسىمدىعىنا اينالدىرۋى بۇقارانىڭ جۇمىستانۋىنا جەتەكشىلىك ەتىپ، ەكونوميكالىق قۋاتتى ارتتىرۋعا دا ءتيىمدى. جاراتىلىستىق بايلىق مينيسترلىگى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ باسىمدىققا يە كاسىپ سالاسىنىڭ دامۋىن ارقاۋ ەتىپ، ورتالىق قازىنانىڭ گەولوگيالىق تەكسەرۋ نىساندارىن اتقارۋ، كەن بايلىعىن تەكسەرۋ، بارلاۋ عىلىم - تەحنيكاسىنان قامال الۋ سياقتى جاقتارداعى قولداۋ سەرپىنىن ارتتىرىپ، شينجياڭنىڭ ستراتەگيالىق سيپاتتى كەن بايلىعىن اشۋعا، پايدالانۋعا جانە قورىن مولايتىپ، ءونىمىن جوعارىلاتۋعا دەم بەرىپ، شينجياڭنىڭ ەنەرگيا حيميا ونەركاسىبى، كەن بايلىعىن اشۋ سياقتى سالالارداعى كەڭىستىك پەن جەردەن پايدالانۋ قامتاماسىزدىعىن كۇشەيتەدى. شينجياڭ ەكولوگيانى ماڭداي الدى ورىنعا قويۋعا، جاسىل دامۋعا تاباندى بولىپ، جاسىل كەن كاسىبىن بەلسەنە دامىتىپ، كەن بايلىعىن بارلاۋ، اشۋ مەن ەكولوگيانى قورعاۋدىڭ قىزىل سىزىعىن، جاراتىلىستىق قورىق ساياساتىن سايكەستىرۋدى كۇشەيتىپ، قوردى مولايتىپ، ءونىمدى جوعارىلاتۋ جانە ەكولوگيانى قورعاۋ قىزمەتىن ءبىر تۇتاس جوسپارلاپ ويداعىداي ىستەپ، جوعارى ساپالى دامۋعا پارمەندى تىرەك بولۋى كەرەك.

  چىن ۋيجۇن، ءيۇسۇپجان مامەت، شۋە بين، ءماردان مۇحيت، حا زىڭيوۋ، جاراتىلىستىق بايلىق مينيسترلىگىنىڭ قاتىستى تاراۋلارى مەن ورىندارىنداعى جاۋاپتى جولداستار، اۆتونوميالى رايوننىڭ قاتىستى ايماق، وبلىس، قالالارىنداعى، قاتىستى ورىندارىنداعى نەگىزگى جاۋاپتى جولداستار، جەر - جەردىڭ جاراتىلىستىق بايلىقتى باسقارۋ تاراۋلارىنداعى جاۋاپتى جولداستار جانە قاتىستى گەولوگيالىق بارلاۋ ورىندارىنىڭ، گەولوگيالىق بارلاۋ كاسىپورىندارىنىڭ ۋاكىلدەرى اڭگىمە ماجىلىسىنە قاتىناستى.

جالعانىم



جاۋاپتى رەداكتورى: 沙衣力克