جەرگىلىكتى ۋاقىت 11 - ايدىڭ 16 - كۇنى تۇستە مەملەكەت ءتوراعاسى شي جينپيڭ سان - فرانسيسكودا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ قوناق يەسى سيلى قوناقتارىمەن بەيرەسمي كەڭەسىنە جانە قىزمەت تۇسكى قوناعاسىنا قاتىناستى.

　　 □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 11 - ايدىڭ 16 - كۇنى سان - فرانسيسكودان بەرگەن حابارى (تىلشىلەر سۇن ي، تان جيڭجيڭ). جەرگىلىكتى ۋاقىت 11 - ايدىڭ 16 - كۇنى تۇستە مەملەكەت ءتوراعاسى شي جينپيڭ سان - فرانسيسكودا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ قوناق يەسى سيلى قوناقتارىمەن بەيرەسمي كەڭەسىنە جانە قىزمەت تۇسكى قوناعاسىنا قاتىناستى.

　　شي جينپيڭ بىلاي دەپ اتاپ كورسەتتى: باياندى دامۋ − قازىرگى الەمدىك ماسەلەلەردى شەشۋدىڭ ”التىن كىلتى“. سوڭعى جىلدارى ازيا - تىنىق مۇحيت ەكونوميكالىق سەلبەستىك ۇيىمى 2040 - جىلعا دەيىنگى پۇتراجايا كەلەشەكتىك نىساناسىن ىشكەرىلەي تياناقتاندىرىپ، «بيولوگيالىق اينالمالى جاسىل ەكونوميكا بانگكوك نىساناسىن» بار كۇشپەن اتقارىپ، الەمدىك جاسىل جانە باياندى ارتۋعا بەلسەندى ۇلەس قوستى. قازىرگى جاعدايدا ءبىز ورتاق تانىمدى ونان ارى ۇيىستىرىپ، نازاردى ارەكەتكە شوعىرلاندىرىپ، الەمدىك باياندى دامۋ ىستەرىنە اناعۇرلىم زور قوزعاۋشى كۇش ۇستەۋىمىز كەرەك.

　　ءبىرىنشى، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەستىك ءتارتىبىن جەدەل تياناقتاندىرۋ كەرەك. دامۋدى الەمدىك كەڭەستىك ءتارتىپتىڭ وزەكتى ورنىنا مىقتاپ قويىپ، بارلىق ادام دامۋعا ءمان بەرەتىن، ءار ەل سەلبەستىكتى بىرگە جوسپارلايتىن ساياسي ورتاق تانىم قالىپتاستىرۋ كەرەك. جۇڭگو جاق الەمدىك دامۋ باستاماسىن العا قويىپ، حالىقارالىق قوعامنىڭ بىرىككەن كۇش قالىپتاستىرۋىن، دامۋ قىزىل سيفرىن شەشۋىن ىلگەرىلەتۋگە بەلسەندى قۇلشىنىس جاسادى.

　　ەكىنشى، جاسىل دامۋعا قاراي تيپ وزگەرتۋدىڭ جاڭا جولىن تۇلعالاۋ كەرەك. ەنەرگيا، كاسىپ سالاسى، قاتىناس - تاسىمال قۇرىلىمىنىڭ تيپ وزگەرتىپ، دارەجەسىن جوعارىلاتۋىن ىلگەرىلەتىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدى كەڭەيتۋدى، ارتۋدى سايكەستى ىلگەرىلەتىپ، ەڭبەككۇشتەردىڭ ءادىل تۇرعىدا تيپ وزگەرتۋىن جانە جوعارى ساپالى جۇمىستانۋىن ءبىر تۇتاس جوسپارلاپ ىلگەرىلەتىپ، ەكونوميكا مەن قورشاعان ورتا سايكەستى بىرگە ىلگەرىلەيتىن جەر شارى مەكەنىن قۇرۋ كەرەك.

　　ءۇشىنشى، الەمدىك كليمات وزگەرىسىنە توتەپ بەرۋدىڭ بىرىككەن كۇشىن ۇيىستىرۋ كەرەك. «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» الەمدىك كليمات وڭاۋداعى نەگىزگى ارنالىق ورنىن قورعاپ، ورتاق، ءبىراق پارىقتى جاۋاپكەرشىلىك ارقالاۋ پرينسيبىنە تاباندى بولىپ، ءار ەلدىڭ ءوز مەملەكەت جاعدايىنا ۇشتاستىرىپ كليمات نىساناسىن عىلمي جاساۋ كەرەك. وركەندەپ كەلە جاتقان ەلدەردىڭ قارجى، قابىلەت قۇرىلىسى جانە تەحنيكا وتكەرمەلەۋ جاعىندا ءجىتى قاداعالاپ وتىرعان ماسەلەلەرىن ويداعىداي شەشىپ، «شارتتىڭ» جانە «پاريج كەلىسىمىنىڭ» جاپپاي ءونىمدى تياناقتانۋىن جەبەۋ كەرەك.

　　شي جينپيڭ بىلاي دەپ باسا دارىپتەدى: جۇڭگو جاڭا دامۋ ۇستانىمىن ىشكەرىلەي دايەكتىلەندىرىپ، ەكونوميكانىڭ، قوعامىنىڭ جاپپاي جاسىلعا، تومەن كومىر قىشقىل گازدى بولۋعا قاراي تيپ وزگەرتۋىن ىلگەرىلەتىپ، ادام مەن تابيعات جاراسىمدى قاتار ءومىر سۇرەتىن جەر شارى مەكەنىن بىرگە قۇرۋعا جۇڭگو ۇلەسىن ۇزدىكسىز قوسادى. جۇڭگو جاسىل ”ءبىر بەلدەۋ، ءبىر جول“ قۇرىلىسىن ىلگەرىلەتىپ، جاسىل نەگىزدىك قۇرىلىس، جاسىل ەنەرگيا، جاسىل قاتىناس سياقتى سالالارداعى سەلبەستىكتى ۇزدىكسىز تەرەڭدەتىپ، كليمات وزگەرىسىنە توتەپ بەرۋ بويىنشا تۇستىك ەلدەر سەلبەستىگى ارناۋلى قارجىسى ارقىلى قالىڭ وركەندەپ كەلە جاتقان ەلدەردىڭ قابىلەت قۇرىلىسىن ارتتىرۋىنا قولداۋ كورسەتەدى. جۇڭگو ءارقايسى جاقپەن بىرگە قول ۇستاسا قۇلشىنىپ، الەمدىك دامۋ ورتاق تۇلعاسىن قۇرۋعا، تازا، كورىكتى دۇنيە ءجۇزىن تۇلعالاۋعا اناعۇرلىم زور ۇلەس قوسۋدى قالايدى.

　　ءماجىلىستى امەريكا زۇڭتۇڭى بايدەن باسقاردى، كەڭەس تاقىرىبى: ”باياندىلىق، كليمات جانە ءادىل تۇرعىدا ەنەرگيانىڭ تيبىن وزگەرتۋ“.

　　ۋاڭ ي ماجىلىسكە قاتىناستى.

جالعانىم