ما شيڭرۇي ءسوز سويلەدى

ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين قاتىناستى

　　11 - ايدىڭ 20 - كۇنى شينجياڭ ۇيعۇر اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ 6 - قۇرىلتايى ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي اشىلۋ جينالىسىنا قاتىناستى ءارى ءسوز سويلەدى.

□ سۋرەتتى انار بۇلت \ شينجياڭ گازەتىنىڭ ءتىلشىسى شيە لۇڭ تۇسىرگەن

　　انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 11 - ايدىڭ 20 - كۇنى ۇرىمجىدەن حابارلايدى. شينجياڭ ۇيعۇر اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ 6 - قۇرىلتايى 11 - ايدىڭ 20 - كۇنى تۇستەن بۇرىن ۇرىمجىدە اشىلدى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي اشىلۋ جينالىسىنا قاتىناستى ءارى ءسوز سويلەدى.

　　اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيى جاڭ چۇنلين اشىلۋ جينالىسىنا قاتىناستى.

　　ما شيڭرۇي اۆتونوميالى رايوندىق پارتكوم، حالىق قۇرىلتايى تۇراقتى كوميتەتى، ۇكىمەت، ساياسي كەڭەس جانە بيڭتۋان اتىنان قۇرىلتايدىڭ اشىلعاندىعىن قىزۋ قۇتتىقتاپ، تۇتاس رايونىمىزداعى قالىڭ فيلوسوفيا، قوعامدىق عىلىم قىزمەتكەرلەرىنە ىقىلاستى سالەم جولدادى. ما شيڭرۇي بىلاي دەپ اتاپ كورسەتتى: اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ 5 - قۇرىلتايىنان بەرى، تۇتاس رايونىمىزدىڭ فيلوسوفيا، قوعامدىق عىلىم شەبىندەگىلەر شينجياڭنىڭ رەفورما، دامۋ، ورنىقتىلىق ىستەرى ءدوپ كەلگەن كەلەلى نازاريالىق جانە رەال ماسەلەلەردى ىشكەرىلەي زەرتتەپ، شينجياڭنىڭ جوعارى ساپالى دامۋدى ىلگەرىلەتۋىنە، قوعام ورنىقتىلىعى مەن باياندى تىنىشتىقتى جۇزەگە اسىرۋىنا بەلسەندى ۇلەس قوستى. شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ جاڭا جورىعىندا جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋدە فيلوسوفيا، قوعامدىق عىلىم شەبىندەگىلەردى قامتىعان ءار جاقتاعى كۇشتەردىڭ بىرگە قۇلشىنۋىن قاجەت ەتەدى، سونداي - اق بۇل بۇكىل رايونىمىزداعى قالىڭ فيلوسوفيا، قوعامدىق عىلىم قىزمەتكەرلەرىنە كەڭ ءورىس ازىرلەيدى. باس شۋجي شي جينپيڭنىڭ فيلوسوفيا جانە قوعامدىق عىلىم قىزمەتى جونىندەگى ماڭىزدى بايىمداۋىن تەرەڭ ءتۇسىنىپ جانە يگەرىپ، تۋدى بيىك ۇستاپ، باعداردى مىقتى يگەرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن تىلەكتەردى توعىستىرىپ، رۋحتى سومداۋعا تاباندى بولىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، ماركسيزمنىڭ يدەولوگيا سالاسىنداعى جەتەكشى ورنىن سانالى تۇردە قورعاۋ كەرەك. وزەكتى ارقاۋ ەتىپ، كەلەلى جاعدايعا قىزمەت وتەپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جان - جاقتى دايەكتىلەندىرۋگە شوعىرلاندىرىپ، قوعام ورنىقتىلىعىن قورعاۋ، شينجياڭعا ساياتىن سىرتقا باعىتتالعان كۇرەس، باتىسقا ەسىك اشۋدى كەڭەيتۋ سياقتى ءتۇيىندى قىزمەتتەردى ارقاۋ ەتە وتىرىپ باعىتتامالى زەرتتەۋ ورىستەتىپ، ”يدەيا قامباسى“، ”اقىلماندار ۇيىرمەسى“ رولىن تولىق ساۋلەلەندىرۋ كەرەك. دۇرىس جولدان جازباي جاڭالىق اشىپ، ءورىس اشا العا ىلگەرىلەپ، دۇرىس ساياسي بەتالىسقا، عىلمي بەتالىسقا، قۇن بەتالىسىنا تاباندى بولىپ، نازاردى شينجياڭنىڭ باسىمدىققا يە، ەرەكشە سالالارىنا شوعىرلاندىرىپ، بىلىمدە جاڭالىق اشۋدى، نازاريادا جاڭالىق اشۋدى، تاسىلدە جاڭالىق اشۋدى ۇزدىكسىز ىلگەرىلەتىپ، جۇڭگوشا ەرەكشەلىككە، شينجياڭ ستيلىنە يە فيلوسوفيا جانە قوعامدىق عىلىم جۇيەسىن ورناتۋ كەرەك. حالىققا تامىر تارتىپ، حالىققا قىزمەت ەتىپ، ىشكەرىلەي تەكسەرۋ - زەرتتەۋ جۇرگىزىپ، بۇقارا ءجىتى قاداعالاپ وتىرعان ماسەلەلەردى شەشۋدىڭ شىنايى ءادىسىن، ناقتى شاراسىن باعىتتامالى تۇردە العا قويىپ، فيلوسوفيا، قوعامدىق عىلىم بىلىمدەرىن جالپىلاستىرۋدى ويداعىداي ىستەپ، ءار ۇلت بۇقاراسىنىڭ كۇن سايىن ارتىپ وتىرعان رۋحاني مادەنيەت قاجەتىن اناعۇرلىم ويداعىداي قاناعاتتاندىرۋ كەرەك. اۋەلگى ماقساتتان اينىماي، قاسيەتتى ماڭگى ساقتاپ، اسقاق مۇرات تالپىنىسىن جانە تەرەڭ وتباسى - وتان سۇيىسپەنشىلىگىن ورناتىپ، تاماشا ۇيرەنۋ ستيلىن بارىنشا ساۋلەلەندىرىپ، تاماشا عىلمي ءمورال ورناتىپ، اقاۋسىز عىلمي ەكولوگيا قالىپتاستىرىپ، ءمورالدى دا قابىلەتتى بولۋعا تالپىنۋ بارىسىندا ءومىر قۇنىن جۇزەگە اسىرۋ كەرەك. پارتيانىڭ جالپى بەتتىك باسشىلىعىن كۇشەيتىپ، فيلوسوفيا، قوعامدىق عىلىم ىستەرىنىڭ دامۋىن قولداۋدى، قامتاماسىزداندىرۋدى كۇشەيتىپ، تاڭداۋلى دارىندىلاردىڭ جەتىلۋىنە شابىت بەرىپ جانە ونى جەبەپ، ءار دارەجەلى قوعامدىق عىلىم سالاسىنداعىلار بىرلەستىگىنىڭ وزىندىك قۇرىلىسىن كۇشەيتىپ، قابىلەت ساپاسى مەن قىزمەت دەڭگەيىن جوعارىلاتىپ، جاڭا داۋىردەگى شينجياڭنىڭ فيلوسوفيا، قوعامدىق عىلىم ىستەرى دامۋىنىڭ جاڭا جاعدايىن قۇلشىنا اشۋ كەرەك.

　　مەملەكەتتىك فيلوسوفيا، قوعامدىق عىلىم قىزمەتى كەڭسەسىندەگى قاتىستى جاۋاپتى جولداس ارناۋ ءسوز سويلەدى.

　　اۆتونوميالى رايوندىق عىلىم - تەحنيكا قوعامىنداعى نەگىزگى جاۋاپتى جولداس اۆتونوميالى رايونداعى حالىقتىق ۇيىمدار اتىنان قۇتتىقتاۋ ءسوزىن سويلەدى، شاندۇڭ ولكەلىك قوعامدىق عىلىم سالاسىنداعىلار بىرلەستىگىندەگى نەگىزگى جاۋاپتى جولداس تۋىسقان ولكە، اۆتونوميالى رايون، توتە قاراستى قالالاردىڭ قوعامدىق عىلىم سالاسىنداعىلار بىرلەستىكتەرى اتىنان قۇتتىقتاۋ ءسوزىن سويلەدى.

　　ءماجىلىس اۆتونوميالى رايوندىق قوعامدىق عىلىم سالاسىنداعىلار بىرلەستىگى 5 - كەزەكتى كوميتەتىنىڭ قىزمەت بايانداماسىن جانە «شينجياڭ ۇيعۇر اۆتونوميالى رايوندىق قوعامدىق عىلىم سالاسىنداعىلار بىرلەستىگىنىڭ ۋستاۆىنا» وزگەرىس ەنگىزۋ جونىندەگى تۇسىنىكتى تىڭدادى.

　　ۋاڭ جيانشين اشىلۋ جينالىسىن باسقاردى. جاڭ جۋ، قادەن كابەن، سۇن حۇڭمەي، اۆتونوميالى رايوندىق قوعامدىق عىلىم سالاسىنداعىلار بىرلەستىگى 6 - قۇرىلتايىنىڭ ۋاكىلدەرى جانە ەرەكشە ۇسىنىس ەتىلگەن سيلى قوناقتار اشىلۋ جينالىسىنا قاتىناستى.

جالعانىم