11 - ايدىڭ 21 - كۇنى كەشتە مەملەكەت ءتوراعاسى شي جينپيڭ بريكس ەلدەرى باسشىلارىنىڭ پالەستينا − يزرايل ماسەلەسى جونىندەگى ەرەكشە بەينە ەكران باسشىلار ماجىلىسىنە قاتىناستى ءارى «ۇرىستى توقتاتىپ، سوعىستى اياقتاتۋدى ىلگەرىلەتىپ، باياندى تىنىشتىقتى، حاۋىپسىزدىكتى جۇزەگە اسىرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
11 - ايدىڭ 21 - كۇنى كەشتە مەملەكەت ءتوراعاسى شي جينپيڭ بريكس ەلدەرى باسشىلارىنىڭ پالەستينا − يزرايل ماسەلەسى جونىندەگى ەرەكشە بەينە ەكران باسشىلار ماجىلىسىنە قاتىناستى ءارى «ۇرىستى توقتاتىپ، سوعىستى اياقتاتۋدى ىلگەرىلەتىپ، باياندى تىنىشتىقتى، حاۋىپسىزدىكتى جۇزەگە اسىرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن
شينحۋا اگەنتتىگىنىڭ 11 - ايدىڭ 21 - كۇنى بەيجيڭنەن بەرگەن حابارى. 11 - ايدىڭ 21 - كۇنى كەشتە مەملەكەت ءتوراعاسى شي جينپيڭ بريكس ەلدەرى باسشىلارىنىڭ پالەستينا - يزرايل ماسەلەسى جونىندەگى ەرەكشە بەينە ەكران باسشىلار ماجىلىسىنە قاتىناستى ءارى «ۇرىستى توقتاتىپ، سوعىستى اياقتاتۋدى ىلگەرىلەتىپ، باياندى تىنىشتىقتى، حاۋىپسىزدىكتى جۇزەگە اسىرايىق» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: وسى رەتكى باسشىلار ءماجىلىسى بريكستىڭ مۇشە كوبەيتكەننەن كەيىنگى تۇڭعىش باسشىلار ديدارلاسۋى. قازىرگى جاعدايدا بريكس ەلدەرىنىڭ پالەستينا - يزرايل ماسەلەسى جونىندە ادىلەت ءۇنىن، بەيبىتشىلىك ءۇنىن تاراتۋى ايرىقشا ءدال ۋاعىندا بولدى، بۇل توتەنشە قاجەتتى. گازا وڭىرىندەگى قاقتىعىس ءبىر ايدان استام ۋاقىتقا جالعاسىپ، قىرۋار جاي بۇقارانىڭ ءولىم - ءجىتىمىن جانە ادامگەرشىلىك اپاتىن تۋدىردى ءارى كەڭەيىپ، سىرتقا قاراي جايىلۋ بەتالىسى جارىققا شىقتى، جۇڭگو جاق بۇعان ايرىقشا كوڭىل بولەدى. كوز الداعى كەزەك كۇتتىرمەيتىن ءىس − ءبىرىنشى، قاقتىعىسقان ءارقايسى جاق دەرەۋ ۇرىستى توقتاتىپ، سوعىستى اياقتاتىپ، جاي بۇقاراعا باعىتتالعان زورلىقتى كۇش جانە تۇتقيىل شابۋىل اتاۋلىنى توقتاتىپ، ۇستاپ الىنعان جاي بۇقارانى قويا بەرىپ، ءتىپتى دە اۋىر ەل كۇيزەلىسىنىڭ تۋىلۋىنان ساقتانۋ كەرەك. ەكىنشى، ادامگەرشىلىك قۇتقارۋ - كومەكتەسۋ جولىنىڭ حاۋىپسىزدىگىن، ىركىلىسسىزدىگىن قامتاماسىز ەتىپ، گازا حالقىن اناعۇرلىم كوپ ادامگەرشىلىك كومەكپەن قامداپ، زورلىقپەن كوشىرۋ، سۋدى، ەلەكتردى، جانار زاتتى توقتاتۋ سياقتى گازا حالقىنا باعىتتالعان توپتىق جازانى توقتاتۋ كەرەك. ءۇشىنشى، حالىقارالىق قوعام ناقتى شارا ورتاعا قويىپ، قاقتىعىستىڭ كەڭەيۋىنەن، تۇتاس ورتا شىعىس ءوڭىرىنىڭ ورنىقتىلىعىنا ىقپال جەتكىزۋىنەن ساقتانۋ كەرەك. ءارقايسى جاق بىرلەسكەن مەملەكەتتەر ۇيىمى جينالىسىنىڭ جانە حاۋىپسىزدىك القالار كەڭەسىنىڭ قاتىستى قارارىن، تالاپتارىن ناقتى تياناقتاندىرۋعا ءتيىس.
شي جينپيڭ بىلاي دەپ باسا دارىپتەدى: پالەستينا − يزرايل جاعدايىنىڭ دامىپ بۇگىنگە جەتۋىنىڭ ءتۇبىرلى سەبەبى − پالەستينا حالقىنىڭ مەملەكەت قۇرۋ ۇقىعىنىڭ، ءومىر ءسۇرۋ ۇقىعىنىڭ، ورالۋ ۇقىعىنىڭ ۇزاق ۋاقىتتان بەرى ەلەۋسىز قارالۋى. پالەستينا − يزرايل قاقتىعىسىنىڭ توقتاماي قايتالانا بەرۋىن شەشۋدىڭ ءتۇبىرلى شىعار جولى − ”ەكى ەل جوباسىن“ تياناقتاندىرىپ، پالەستينانىڭ ۇلتتىق زاڭدى ۇقىق - مۇددەسىن قالپىنا كەلتىرىپ، تاۋەلسىز پالەستينا مەملەكەتىن قۇرۋ. پالەستينا ماسەلەسى ادىلەتتى شەشىلمەسە، ورتا شىعىستا باياندى بەيبىتشىلىك، ورنىقتىلىق بولمايدى. جۇڭگو جاق تەز ارادا ءتىپتى دە قۇزىرەتتى حالىقارالىق ءبىتىم كەڭەسىن اشىپ، حالىقارالىق بەيبىتشىلىكتى جەبەۋ ورتاق تانىمىن ۇيىستىرىپ، پالەستينا ماسەلەسىنىڭ ەرتەرەك جان - جاقتى، ءادىل، باياندى شەشىلۋىن ىلگەرىلەتۋدى ۇندەيدى.
شي جينپيڭ بىلاي دەپ اتاپ كورسەتتى: وسى كەزەكتى پالەستينا − يزرايل قاقتىعىسى تۋىلعاننان بەرى جۇڭگو جاق بەلسەندىلىكپەن راقايلاسۋعا ءناسيحاتتاپ، كەلىسسوزدى جەبەپ، ۇرىستى توقتاتىپ، سوعىستى اياقتاتۋدى ىلگەرىلەتىپ، گازا ءوڭىرىن شۇعىل ادامگەرشىلىك كومەكپەن قامدادى ءارى گازا حالقىنىڭ قاجەتىنە ساي، ۇزدىكسىز زاتتىق كومەكپەن قامدايدى. جۇڭگو بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ وسى ايداعى كەزەكتى ءتوراعاسى رەتىندە، حاۋىپسىزدىك القالار كەڭەسىنىڭ قاتىستى قارارلاردى ماقۇلداۋىن ىلگەرىلەتتى، جاۋلاسۋدى ادامگەرشىلىك تۇرعىسىنان ۋاقىتشا توقتاتۋ جانە ادامگەرشىلىك ءدالىزىنىڭ شەكتى ۋاقىتىن ۇزارتۋدى، جاي بۇقارانى قورعاپ، ادامگەرشىلىك كومەك ورىستەتۋ سياقتىلاردى تالاپ ەتتى.
شي جينپيڭ بىلاي دەپ باسا دارىپتەدى: بريكس سەلبەستىك مەحانيزمى − بازارى جاڭادان گۇلدەنگەن مەملەكەتتەردىڭ جانە وركەندەپ كەلە جاتقان ەلدەردىڭ ىنتىماقتى، سەلبەستىكتى كۇشەيتىپ، ورتاق مۇددەنى قورعاۋىنىڭ ماڭىزدى تۇعىرى. بۇگىن ءبىز پالەستينا − يزرايل ماسەلەسى جونىندە تۇرعىنى سايكەستىرىپ، ارەكەت قولدانىپ، مۇشە كوبەيتكەننەن كەيىنگى ”ۇلكەن بريكس سەلبەستىگىنە“ جاقسى باستاما اشىپ وتىرمىز. جۇڭگو جاق باسقا مۇشەلەرمەن بىرگە بريكس سەلبەستىگىنىڭ جاڭا ءداۋىرىن اشۋدى قالايدى.
وڭتۇستىك افريكا زۇڭتۇڭى رامافوسا باسشىلار ءماجىلىسىن باسقاردى، برازيليا زۇڭتۇڭى لۋلا، رەسەي زۇڭتۇڭى پۋتين، ساۋد ارابياسىنىڭ پاتشا مۇراگەرى مۇحاممەد، ەگيپەت زۇڭتۇڭى سيسي، يران زۇڭتۇڭى رايسي، اراب بىرىككەن امىرلىگى زۇڭتۇڭى مۇحاممەد، ەفيوپيا زۇڭليى ابي جانە ءۇندىستاننىڭ، ارگەنتينانىڭ سىرتقى ىستەر مينيسترلەرى ماجىلىسكە قاتىناستى.
ماجىلىسكە قاتىناسقان باسشىلار پالەستينا − يزرايل جاعدايىنا ايرىقشا كوڭىل بولەتىندىگىن ءبىلدىردى، جاي بۇقاراعا باعىتتالعان زورلىقتى كۇش ارەكەتى اتاۋلىنى ايىپتادى، ءسوز جوق، حالىقارالىق ادامگەرشىلىك زاڭى بويىنشا جاي بۇقارانى قورعاۋدى باسا دارىپتەدى، باياندى جانە ۇزدىكسىز ادامگەرشىلىك جولىمەن سوعىس توقتاتۋدى جۇزەگە اسىرىپ، ادامگەرشىلىك كومەكپەن قامداۋدى ۇندەدى، كەڭەس ارقىلى تالاس - تارتىستى شەشىپ، داعدارىستى بەيبىت جولمەن شەشۋگە پايدالى بارلىق قۇلشىنىستارعا قولداۋ كورسەتۋدى باسا دارىپتەدى. باسشىلار حالىقارالىق قوعامنىڭ پالەستينا − يزرايل ماسەلەسىن ءادىل جولمەن شەشۋگە قولداۋ كورسەتىپ، ”ەكى ەل جوباسىن“ جۇزەگە اسىرۋدى ىلگەرىلەتىپ، بۇكىلدەي يەلىك ۇقىققا يە، تاۋەلسىز پالەستينا مەملەكەتىن قۇرۋدى ۇندەدى.
ساي چي، ۋاڭ ي قاتارلىلار باسشىلار ماجىلىسىنە قاتىناستى.